جميع حلقات برنامج ( لـــــــو )

[مريم المصريه]

اقتباس المشاركة الأصلية كتبت بواسطة ماتركس تسلم ايدك يا مرشو يا احبيبي ومجهود عالي في حلقاتك كالعاده منور يا مريومه بوجودك وبمجهودك في المنتدي

تسلم
النور نورك اكيد
احترامي وتقديري

[مريم المصريه]

اقتباس المشاركة الأصلية كتبت بواسطة mr. M ! R o حلوة البدايه المشوقه دى ياحمد .. والحلقه جميله بمريم ورخمه بيك اكيد ههههه ومعلومه .. كلنا بيكون عندنا بدايات غير موفقه فى بعض الاحيان .. ومش عيب اننا نصحح دا .. وليه متقولش ان الغير موفق الطرف التانى مش انا ؟؟ عامتا انا موافق اكون غلطان وبصحح غلطى .. مفيش ادنى عيب فى كده .. منور أمرشدى ومجهودك ديما عالى ..

تسلم
هههههه
معلشي بقي لازم نستحملو هههه
نورت
تحياتي لك

[مريم المصريه]

اقتباس المشاركة الأصلية كتبت بواسطة طِيشْ ! حلقة جميلة .,, منورة ياقمرآية بإطلالتك الجميلة ^^ دوآآم الإبداع و التميز إن شاء الله أنكل موروشو ممكن تخف علينا من دمك الخفيف دآ شوية .. مش سايب حد في حاله مش عارفه إن شغال الله ينور كدآ إزاي ... فل أوبشن ما شاء الله يسلموووو ودي ووردي

تسلمي ياعسل
ده نورك ياجميل
هههههههه
ماهو ليه يوم بردو
سعدت بطلتك الجميله

[مريم المصريه]

اقتباس المشاركة الأصلية كتبت بواسطة arco baleno اجابات سكره والله ودمها خفيف ولطيفه جدااااااامنوره حبيبتي البرنامج ومنوره اليوميات اجاباتك جميله واسئله رائعه منك مروشو موفقين يارب

تسلمي ياعسل
النور نورك
سعدت بمرورك العطر
ودي ووردي

[مريم المصريه]

اقتباس المشاركة الأصلية كتبت بواسطة ma7moooud حلقه جميله ومميزهـ بالتوفيق

تسلم
نورتنا
شكرا لك

[مريم المصريه]

اقتباس المشاركة الأصلية كتبت بواسطة "الرحاال""الزجاال" نورتى يــ مريم أجابتك تلقائيه منك وأسئله لها طابع فٌكاهي من مٌرشد شٌكراً لكما ,, وبإنتظار حلقات اخرى قادمه تحياتى

بنورك
شكرا لك
علي مرورك الذي عطر المكان
تحياتي

[مريم المصريه]

اقتباس المشاركة الأصلية كتبت بواسطة ღ gի๐sτ ღ حلقة جميلة يا احمد واجابات حلوة من مريم منورة

الاحلي مرورك
تسلم
ده نورك
تحياتي لك

[مريم المصريه]

السلام عليكم ورحمة الله وبركاته
ازيكم جميعا كويسين
طيب الحمدلله
النهارد حلقه جديده من برنامج لو
ومختليفه كمان
اتعودنا ان اللي يقدم البرنامج الاستاذ احمد
بس اليوم بس انا اللي هقدمه
طبع لان هستضيفه هو
لما طلبت منه ان استلف حلقه منه ووافق
من يوميها وانا عماله اعصر مخي في اسئله صعبه
بس معرفتش اجيبله اسئله صعبه يلا بقي
احم احم
سكووووت هنننننننننصور
ضفنا طبعا غني عن التعريف
استاذ في الهزار والطريق
مميز في برامجه كلها
وهو الاستاذ احمد ( morshooo)

morshooo

مشرف يوميات الأعضاء

طبعا اكيد عرفينه اكثر مني
اهلا وسهلا بيك ياكبييرمنور القسم كله

الحوار كالاتي
سؤال هو ينفع اسئلك 20 سؤال ؟
ههههههههههههههههه

دا انتقام بقى يا مريم

مش استضافة ههههههههه

اوك مفيش مشكلة وبعدين

اعتبرى التوبيك بتاعك شوفى انتى

عايزة اية واعملية .

واية رئيك اتنازلك عنة ههههههه
كريم من يومك

ها حضرتك مستعد للاسئله
اسئلة المنتدي

لو
س1:لو فتحت نيمك ولقيت في رساله خاصه من عضوه لسه مسجله بتقولك فيها ان فلان <وفلان ده صحبك> حظرني منك هترد وتقول ايه؟
مش هقولها حاجا كل الى هقولةمفيش مشكلة انك تسمعى كلامهمبس اكيد لو صحبى هقولة انتا قولت كدا والا لالكن لو عضو معرفوش مش ههتم انى اعرف قال كدا والا لا
لو
س2:لو اخذت حظر ولما سألت الاداره قالومش عايزينك وخلاص هتعمل ايه؟
بصى المنتدى مش بتاع فرد لوحدة يعنى مش عشان عضو فى الادارة مش عايزنى فيعملى حظر ويقولى مش عايزينك الا لو فى سبب لو الادارة كلها اجمعت بقى ساعتها اكيد مش هدخل تانى ^^
لو
س3:لو خلوك مشرف سابق وعينووو غيرك ايه در فعلك؟
ههههههه يبقى انا الى طلبت دا ^^لو مفيش سبب هضايق اكيد وهرخم عليهم وعلى العضو الى اتعين جديد دا هتبقى وقعتة بيضة ان شاء الله ^_^
لو
س4:لو اتعرفت علي صديق جديد في المنتدي وحكي ظروفه الصعبه ليك وطلب مبلغ مالي هتعمل ايه؟
هقولة تعالة ندور انا وانتا على واحد يسلفنا ^_^والله لو حكالى ظروف وهو اصلا مش بيشتغل وقاعد فى البيت يبقى لا مش هديلة حاجا بصراحة عشان مبحبش الى عايز فلوس على الجاهز لو فعلا ظروفة ملطشة معاة وظروفة مش متظبطة غصب عنة اكيد هساعدة على اد ما هقدر
لو
س5:لو في عضوه بعتتلك رساله وقالت ان نيمك مش حلو وختارتلك نيم جامد كده هتعمل ايه؟
هقولها شكرا انا عاجبنى الاسم دا ولو عايز اغيرة هشوف نيم تانى .
لو
س6:لو مره جيت تدخل المنتدي لقيت اسمك في المتواجدين ومنزل مواضيع منزلتهاش ايه رد فعلك؟
لو مواضيع حلوة هسكت اكيد هبعت للادارة عشان اعرف منهمداخل من جهازى والا جهاز تانىواكيد هغير الباسورد بعديها
لو
س7:لو في وحده بتكلمها كااخت ليك في المنتدي وفجاه قالت ليك انها بتحبك هتعمل ايه؟
هعمل كدا ( )لا الحمد لله كلة عارف انى( خاطب ) فأكيد مش هيجى فى بال حد يقولى داولو جية يبقى كويس
لو
س8:لو فوجئت ان خطيبتك سجلت هنا في المنتدي من غير ماتقولك هتعمل ايه؟
هفرح بيها وهخلى فترة خطوبة زى الفل لو مشتركة عشان تعرف انا بكلم مين والحركات دى وحركات العيال يبقى هيكون فى وقفة منى معاها .لكن لو مشتركة عادى فخلاص هى حرة بس المفروض هتقولى الاول اكيد .
لو
س9:خطيبتك قالتلك ياانا للمنتدي هتعمل ايه؟
دى رخامة بقى ^_^لو هتحطنى فى اختيار انا مش هقبل بصراحةانا ممكن اسيب المنتدى من نفسى عشانها لكن طول ما هتقولى الكلام دا يبقى مش هسيب المنتدى بصراحة .طبعا كلة بيقول يارب ماتقولة عشان مابعدش عنكم
رجعالك بباقي الاسئله
ماشى امريم براحتك دا انتى طلعتى رخمة رخمة يعنى
فين الرخامه دي ده انا مش هجي ربعك

الاسئله الشخصيه

باقي الاسئله هل انت مستعد؟؟

لو
س1:ماشي في الشارع وفي شباب جتت بيرخموو علي بنت تحاول تنقذها ولا وكان شيئا لم يكن ؟

والله لو جنب البيت اكيد هحاول ^_^
بس لو مش قريب من مكان ليا حد فية والا هعبرهام بما انى لوحدى ^^

لا هقولك لو بيرخمو يعنى بيعكسوها وكدا وكلمتين خلاص
لكن لو دخلت فى لمس بقى وتحرش والكلام دا اكيد هحاول
اعمل حاجا واكيد هلاقى ناس هتقف معايا .

لو
س2:لو خطيبتك وقعت في الشارع وانت ماشي معاها وكان في واحد صحبك جي عليك هتعمل ايه؟

هعمل اية يعنى ههههههههههههه
هقولها قومى يا هانم ( كسفتينا )

لو
س3:لووانت واقف مع خطيبتك وجه واحد كان زملها ايام الدراسه وسلم عليها امامك هتعمل ايه؟

بصى انا اكيد هكون بثق فيها جدا يعنى لو اتقبلو صدفة وانا معاها
اكيد هتعرف علية والموضوع هينتهى عادى جدا
لان ممكن انا كمان يحصل معايا نفس الموقف واقابل حد
اعرفة من فترة الدراسة .

لو
س4:جتلك فرصة عمل بمرتب عالي في الخارج ولازم في اقرب وقت تسافر وخطيبتك قالتلك لا هتعمل ايه؟

لو هدفى من السفر الفلوس فلا مش هسافر لانى الحمد لله
راضى جدا بمرتبى هنا فى مصر وفى المكان الى بشتغل فية

لو
س5:لو كررت ميعاد دخلتك وقبل الميعاد باسبوع حصل اي شئ ممكن ياجله هتاجل ولا تعمل فرح سوكيتي؟

ياساتر ^_^
بصى طالما حددت خلاص الا لو حصل حالة وفاة والا حاجا لا قدر الله
ومش اى حالة وفاة من الاخر هناجلها هههههههههه
يعنى مش ابن بنت عمت بابا اتوفت وتقولى ناجل الفرح عشانها ^_^

لو
س6:لو امك قالتلك اختار ياانا ياخطيبتك هتتصرف اذاي؟

والدتى ربنا يرحمها

بس لو كان دا حصل اكيد هعرف السبب اية ولية تخلينى اختار بينها
وبين الى هرتبط بيها لان مفيش ( ام ) هتقول كدا الا لو فى حاجا
كبيرة جدا حصلت .
لو
س7:لوصحبك في خناقه بالسنج والشوم وكده وتصل بيك علشان تكون معاه هتروح ولا هتخاف علي نفسك؟

وهو فى وسط المعركة دى هاجى فى بالة ههههههههههه
دا يبقى بيعزنى قوى هههههه
هى محصلتش قبل كدا بصراحة بس انتى بتقولى صحبك
يبقى اكيد هكون معاة وهروحلة

لو
س8:لو بعد اما اتفقتم علي كل شئ وجات حماتك في شئ هما اللي هيجيبو قالتلك معلشي بقي جيبو انته هتعمل ايه؟

بصى انا كدا كدا بجيب لبيتى مش بجيب لبيت حماتى
واكيد لو فى حاجا ناقصة مش هبخل على البيت بيها يعنى

لو
س9:لو ماشي انت ومامتك وخطيبتك وفجأه طلع عليكم اسدين واحد جي علي ماما وواحد جي علي خطيبتك ومعاك مسدس فيه رصاصه وحده هتعمل ايه؟

هغنى الملاحة الملاحة هههههههههه
هيطلعولنا منين الاسدين يعنى خيالك واسح قوى يا مريم هههههههه
عموما الرصاصة دى هتكون من نصيبى انا
هههههههههههههه

لو
س10:لو انا قولتلك ممكن تتنازل علي الاشراف في قسمك وتبعت للاداره انك عايز تديني الاشراف انا هتقول ايه؟

لو تستحقى اكيد هعمل كدا ^_^
لكن لو ماتستحقيش دا يبقى لا من الاخر ههههههه

نورتنا يا استاذ احمد
كان نفسي اعلق علي اجاباتك بس للاسف مبعرفشي اتريق زيك
بس لا تقلق هئوم المنتدي كله عليك
اها شغل البنات هيشتغل يعنى هههههههههه
ماااااااشى امريم انتى حرة لو حصل حاجا
هنزلك توبيك مخصوص وانتى حرة بقى

هههههههههههههههههه اعمل مابدي لك ده انا مصدقت

ياجماعه انا عايزه اكبر تعليك ممكن نورتنا يا استاذ احمد
كان نفسي اعلق علي اجاباتك بس للاسف مبعرفشي اتريق زيك
بس لا تقلق هئوم المنتدي كله عليك

[ķąyąŋ..♡]

حلقه جامده يامريم مع morshooo

ايه ده انا هافطس من كتر الضحك

لا بجد حلقه جامده واحمد بجد اجاباته جميله

برافو عليكي يامريم انتقمتي من احمد صح

بجد morshooo انسان جميل بجد

[نجم وزهره ومسافات فراق]

اسئله مميزه وخفيفه
واجوبه طيبه جدا
حلقه جميله
حفظكما الله
كل تحياتي وودي