هل جربت ان تشتاق ؟؟

[لمسة حزن]

هل جربت ان تشتاق؟؟؟؟ تشتاق لمن؟ لله لرؤيته هل جربت ذلك؟؟؟ أنك تشتاق له حتى البكاء ان تضجع فلا تنام تتقلب حتى الفجر تشتااااااااق تصحى و تنام على كلمة واحدة يارب أدخلني الجنة حتى أراك يارب إن أهل النار لا يرونك فيها يارب أرني أنظر إليه تنظر إلى السماء و تتمنى لو ان تتخطاها و تتخطى حجبها فتراه يااااااااااه على القلب لما يشتاق لربنا جربت إنك تتعذب من شدة الشوق ده اه قلبك بيتعذب بيتقطع مش قادر نفسك تشوفه قيسها كده و لله المثل الأعلى لما حد بتحبه أوي بيوحشك حبيبتك...مراتك...صاحبك... أي حد شوف بتبقى هتموت و تشوفه إزاي هل جربت ده مع ربنا إنك تبقى بتموووووووت من شدة الشوق حد هيقولي هو فيه كده اه والله فيه كده و ما أدراك بكده ده كنت بسجد و عنيا بتبقى هتتمزق من البكاء و على لساني كلمة يارب نفسي أشوفك يارب ريح قلبي بقربك و برؤيتك يارب متبعدنيش عنك أنا بحبك أوي احساسك بده يفوق الوصف و مش محتاجة أقول إيمانياتك ساعتها بتبقى ازاي أنس...و حسن ظن...و يقين...و توكل...ورضا...و محبة...و إجلال...و إخلاص و كل ده عشان هم واحد بس نك تشوفه سألت نفسي طب لما إن شاء الله يكتبني من أهل الجنة و أشوفه جل في علاه هشوفه مرة واحدة بس أصلي معرفش غير الحديث الوارد في النقطة دي إن ربنا هيكشف الحجاب ليراه أهل الجنة لكن هيروه كام مرة؟ أرقني أوي الموضوع ده و بعدين هيروه بس و لا ممكن يكلموه؟؟ و يتحدثوا معاه تخيل؟ أن تجلس إلى الله و تتحدث إليه؟ يااااااااه أهي دي لوحدا فردوس فعلا أرقني السؤال و هموت و أعرف إجابة في الحلقة ..حلقة القرآن قرات المعلمة أجمل آيات القرآن ( و أشرقت الأرض بنور ربها) تذوق الآية كده...رددها حسها غمض عينك و حسها فاستوقفتها و سألت معلمتي من فضلك...المؤمن لما يرى الله يوم القيامة سيراه مرة واحدة فقط أم دائما و سيراه فقط ام سيتحدث إليه ؟؟؟؟ و إذا بالهمهمة تعلو من حولي و الناس ينظرون إلى و يبتسمون و كأن الكلمة قد مست قلويهم ياااااااه يارب كم يشتاق إليك عبادك و ابتسمت إلى المعلمة و قالت...ياله من سؤال و لكني حقا لا أعلم نسأل الله ان يجعلنا من اهل الجنة هل حسيت بحاجة من دي من كل اللي قلته ده عارفة إن كتير حاسوه تحس ان قلوبنا مجبولة على حب الله سبحان الملك فعلا قلبك في ناحية و دماغك في ناحية جربها و خد بالك منها لما تقع في معصية هتلاقي قلبك بيدق جامد اوي كأنه بيقولك بالله لا تفعل ستقطعني عنه و الله كأنه بيتوسل إليك ألا تفعل حتى لا تقطعه عنه عن حبيبه ووليه و ما أدراك ما الإنقطاع عن الله ما هو أصلي دوقت الحالتين دوقت انك تكون في المنزلة دي و فجأة تعصي فيغضب عليك غضب أشد من غضبه على غيرك فتسقط سقوطا شديدا و هنا عارف ايه أكتر حاجة بتتحسر عليها إنك تحس ان اللي كان بينك و بينه سبحانه بقى بينه و بين غيرك اه استبدل بك هذا الشوق أصبح يشعر به غيرك إليه و انت لا هذا الحنين إلى رؤيته أسكنه قلب غيرك و انت لا هذا التودد و الحب و الأنس أصبح مع غيرك و أنت لا فأصبح الآن لا يبالي بك و يبالي بغيرك يرزقه يعافيه يحبه يواليه ينصره و انت لا فتغااااااااااااااار غيرة شديدة بتبقى بتتقطع من الغيرة ومش قادر ترجع نفسك زي ما كنت ولا تنطق سواها يارب و الله أحبك رغم معاصيا أحبك رغم قسوة قلبي و الله أحبك رغم خيانتي و شهوتي و الله أحبك رغم نفسي و شيطاني والله أحبك فلا تتركني...ولا تقصيني ولا تبعدني و اه من البعد عن ربنا فعلا بتكون يتيم غريب شارد ومش فاهم متعرفش انت مين ولا عايز ايه أسأل الله أن يردنا إليه ردا جميلا و أن يأخذ بأيدينا و نواصينا إليه أخذ الكرام عليه إنه ولي ذلك و القادر عليه حبيت أفضفض شوية عملا بنصيحة الشيخ محمد حسين يعقوب دايما بيقول لما قلبك يقسى تكلم عن الله يلين و ما أدراكم ما التحدث عن الله له لذه أسأل الله ألا يحرمنا منها آمين

[sad prince]

لله درك
موضوع جميل جدا
مفيد جدا
من منا لا يتوق لأن يري الله
من منا لا يشتاق لرؤيه
المولي
(يا ربي بعدي آلمني
ما عدت اطيق الهجران
كم جئت بقلب مضطرب يرجو من عفوك غفرانك)
موضوع جميل جزاك الله خيرا
تقبل/ي مروري

[لمسة حزن]

جزانا الله خير واياك اخي

[نـــــ غ ـــــــم]

بارك الله فيك وأسعد قلبك وأنآآآر طريقك
دمتي مميزه ودآآم عطآآئك الرآآآئع
وجعل ما طرحتي في ميزآآآن حسنآآآتك
لكي كل الشكر والتقدير

[المستبده]

الله عليكي ياقمر

جزاكي الله خيرا

وبارك فيكي

لكي ودي

[-esraa-]

يا له من احساس جميل

ان شاء الله سوف ندخل الجنة ونرى وجهه الكريم

(اللهم متعنا بالنظر إلى وجهـــــك الكريم)

[لمسة حزن]

شكرا لمروركم الطيب اخواتي

[عيون مصرية]

توبيك حلو اوى
تسلم ايدك
و جزاكى الله كل خير

ودى

[رنا هشام]

كم جئت بقلب مضطرب يرجو من عفوك غفرانك)
موضوع جميل جزاك الله خيرا
تقبل/ي مروري

[لمسة حزن]

شكرا لمروركم الطيب