لازم تخدوا الدوا 3 مرات في اليوم!!!!!!!!!

[لمسة حزن]

أنت لما بتشتكي من تعب .. مش بتروح لدكتور عشان يصرف لك دوا ؟

طب ليه بتعمل كده ؟

عشان بتاخد بأسباب الشفاء

وطبعا كل ما الروشتة يكتبها دكتور ثقة مشهور بتزيد طمأنينتك في فاعلية الدوا ده
============

طب يا جماعة من مكاني هذا أحدثكم...
أنا برضو دكتورة
وهقول لكم على دوا راااااااائع وفعّال وكان أجدادنا منتظمين عليه من أكتر من 1400 سنة

وكل اللي انتظموا عليه - وهم على يقين بفاعليته - حرصوا على المواظبة على الدوا ده من ساعة ما عرفوه

الدوا اللي بتكلم عنه ده شغله شبيه بالجهاز المناعي
immune system

بيعمل دور وقائي من جميع الأضرار والخبائث من قبل وقوعها

و لازم تراعي حاجتين :

>>> أنك تاخده مرة الصبح قبل شروق الشمس.. ومرة بالليل قبل غروب الشمس
(والتوقيتين دول مهمين عشان فاعليته تبقى آخر الوقت)

>>> لازم يكون عندك يقين في فاعليته مش تاخده على سبيل التجربة
===========

قلتوا ايـــــــــــــــــه ؟
تحبوا أقول لكم على اسم الدوا ؟؟











ممكن حد فعلا يكون صدقني !
بالذات لما قلت إني دكتورة
فياخد كلامي أنه ثقة

فما بالكم بكلام الثقة أكتر مني ؟؟

اللي عايزة أقوله من الموضوع ده...

أن زي ما عندك يقين أنك لما تاخد دوا معين مرتين في اليوم فده سبب لشفاءك وبتكون شديد الحرص على أخد الدوا في مواعيده
وبتكون أشد حرصا لما الدكتور يأكد عليك تاخده في مواعيده عشان تضمن فاعلية أكبر
وبرضو بيزيد حرصك لما يكون اللي أرشدك للدوا دكتور ثقة مشهور

فلازم في المقابل..

يكون يقينك أنه في قول أذكار الصباح وأذكار المساء والمواظبة عليها سبب في رفع البلاء والحفظ من الشرور
و زيادة عليها حسنات .. وفضائل عظيمة يوم القيامة
ويزيد حرصك في تحري وقتهم زي ما كنت بتتحرى وقت الدوا
اللي ممكن تصحى من عز النوم عشان تاخده!


و طبعا الفضائل في الأذكار والحفظ من الشرور و و و
مش كلامي أنا العبدة الفقيرة

ده بكلام سيد الخلق رسول الله صلى الله عليه وسلم
وده حديث واحد منها:

"من قال صباح كل يوم و مساء كل ليلة ثلاثا ثلاثا : بسم الله الذي لا يضر مع اسمه شيء في الأرض و لا في السماء و هو السميع العليم ؛ لم يضره شيء"

صححه الألباني


فرسول الله صلى الله عليه وسلم أرشدنا للفضائل دي عشان نذكر ربنا سبحانه وتعالى زي ما أمرنا:

" فَاصۡبِرۡ عَلَىٰ مَا يَقُولُونَ وَسَبِّحۡ بِحَمۡدِ رَبِّكَ قَبۡلَ طُلُوعِ الشَّمۡسِ وَقَبۡلَ غُرُوبِهَا ... "

يعني ربنا عز وجل لم ينزل لنا الآية دي..
ولا أوحى لنبيه صلى الله عليه وسلم عشان يعلمنا فضائل الأذكار
إلا عشان نقولها .. مش ننام ونغفل عنها
" أَفَحَسِبۡتُمۡ أَنَّمَا خَلَقۡنَاكُمۡ عَبَثًا وَأَنَّكُمۡ إِلَيۡنَا َلا تُرۡجَعُونَ "

=======================

اللهم أعنّا على ذكرك وشكرك وحسن عبادتك

[** رحيق الجنه **]

اللهم اعنا على ذكرك وشكرك وحسن عبادتك ..

اللهم آمين ....... ♠♠

صلــ الله عليه وسلم ..

"""""""
ربى رحمتك .. سلمت الايادى
صدقا موضوع
فى غايه الاهميه ... ...

تقديرى ..

[لمسة حزن]

شكرا لمرورك الطيب