حبيتك انته بروحى

[كاظم الناصرى]

حبيتك بروحي وماحجيت وياك&خفت من اكلك تبتعد عني

وضميتك بروحي وماكلت للناس&ورضيت ابقى بعذابي ولوعتي ووني

بس لشوكت اصبر والصبر محدود&وانت بنضرتك يوميه تكتلني

معروفه اليحب بس الكلب ينطي&بس انت شلع شومني ماخذني

على جروح الكلب تتمشه من تفوت&ومن دمعات عيني جفوفك تحني

بعيونك سوالف بيهه الف تفسير&وحرت من يانظره منهن بيهه تقصدني

اريدك تحس بيه عذابي ومتكلي كون تعيش&ليش انه الوحيد الشوك ماكلني

وليش انه انهضم واتحمل اللوعات&وانت باي وكت مرتاح وتغني

اشوفك جوه كلبي ششايل من هموم&واشوفك نار كلبي البيك تحركني

وراها بكيفك انت شتختار&لوتبنيني بيدك لوتفلشني
=====================================
كاظم الناصرى

[احساس العالم]

مشكور اخي العزيز على الكلمات الجميله