في المنتدى صور مرفوضة .. لماذا لا نصححها

[alaa rama]

الله أعلم لكل واحد سببه

[PrinCesS Gege]

موضوووع جميل جدااا
وفعلا لو هوا مخفى عشان سبب معين او عنده ضغط ومش عايز يكلم حد ده عادى لكن فيه ناس بتكون مخفيه لغرض معين
تسلم ايدك بجد
ف انتظار جديدك بقا
مودتى

[ريانة العود]

موضوع جميل خاصة ظاهرت التطفل الحمدلله والشكر

[beauty angel]

اقتباس صورة [1] منذ دخولي المنتدى وانا ألاحظ تخفي بعض الأعضاء الذين لا يتعدون أصابع اليد الواحدة باستخدامهم خاصية الدخول متخفي !!! لا أدري لماذا هذا السلوك الشاذ ؟ ولا أدري هل هذا العضو أوهذه العضوة تغيب عنهم أن الإدارة تعلم من هو ومن هي ؟ حتى الأعضاء الذين لا يملكون صلاحيات يعرفون من هم !!! لماذا تتابع موضوعك وأنت متخفي ؟ لماذا ترد على المواضيع وأنت متخفي ؟ لماذ تتابع مواضيع غيرك وأنت متخفي (وبالأخص من لاتدخل مواضيعهم) أو (من لاتحبهم) او (من على خلاف معهم) ؟!!! لماذا هذا الشذوذ الفكري ولماذا هذا التصرف الصبياني الغير منطقي ؟ ولماذا تظن دائماً بأنك مضطهد أو هناك من يتابعك أو أن هذا التصرف سيجعلك محل اهتمام ... لكي تتخفى وتتصرف بغرابة مبتذلة ؟ كن طبيعياً ... منطقياً ... سلساً واضحاً ... صريحاً ... بسيطاً ... نقياً

شذوذ فكرى وتصرف صبيانى وغرابة مبتذلة !!!!!

يـــــآآهـ
طيب أنا بقالى فى المنتدى مايقرب من 3 سنوات وشوية
معظم الوقت بدخل بالوضع المتخفى
وحاليا برد علي موضوعك وانا متخفية
وكمآن معظم مواضيعك الى رديت عليهآ قبل كده أو كلها غالبا
بكون مستخدماهـ وقتهآ
ايه علاقة ده بالشذوذ الفكرى أولا !!
ثانيآ أى تصرف من تصرفاتى بتدل على تصرفات صبينة
من يوم وجودى هنآ
من أول ليوم ليآ لــ حد النهاردة !!
وبلاش أشخصن الأمور وأتكلم عن نفسى ,, أنا بتكلم
على أنى واحدة من الى بستخدموآ الوضع المتخفى كتير
تحليلك ياإسلام أعذرنى ملوش اى أساس من الصحة
ومش عارفة أخدتهـ بناء على ايه بالظبط !!!
عمتآ الموضوع أبسط من كده بكتير جدآ
ببساطة دي حريه شخصيه أولآ ,,
وطالمآ المنتدى سمح بيهآ وحطها في الصلاحيات
مش بس للمراقبين والادارة
للأعضاء كلهآ يبقى مفيش فيهآ اى حاجة غلط أو مشينة
تمنع اى عضو انهـ يستخدمها وقت مايحب !!
ليه بقى بستخدمه ؟؟
أنا واحدة من الناس تقدر تقول بستخدمها تعود
من زمان وأنآ بستخدم الخاصية دى حتى
والله أحيانا بكسل أخليهـ أونلاين ^^
ممكن استخدمتها فى الأول ملل
أحيانا موجودة ومش بتفاعل في المنتدي بشكل كبير
أو الوضع ده بيحسسنى بالهدوء أرد براحتى أو مردش ,,, الخ
وكل واحد عندهـ اسبابه الى هى أكيد
أبعد مايكون عن تحليلك
وحاليا اهو
معظم الوقت بكون موجودة وبشارك وبرد على المواضيع عادى جدآ
وعلى الناس الى بتبعتلى روابطها عادى جدآ
وعارفه ان الاعضاء والادارة
عارفين أن أنا موجودة وايهـ المشكلة
هو أنا بعمل حاجة غلط !!!!
بالنسبة لسؤالك دهـ

ولا أدري هل هذا العضو أوهذه العضوة
تغيب عنهم أن الإدارة تعلم من هو ومن هي ؟
حتى الأعضاء الذين لا يملكون صلاحيات
يعرفون من هم !!!

أنا مراقبة وطبعآ بيظهر ليآ الأعضاء المتخفين طول الوقت
عمرى مافكرت أروح أفتح ملف واحد فيهم علشان اشوف هو بيعمل ايهـ
أصلا عمرى ماشكيت أنه بيعمل حاجة تستاهل الرقابة
علشان كده داخل متخفى وخايف الناس تشوفه
لان ببساطة هو حر !!
أنت حر مالم تضــر
ممكن تقولى بقى ايه التفكير الشاذ فى ردى أو فى تصرفاتى
لمجرد أنى داخلة متخفية !!
ملحوظة ::
الحكم على الاشخاص بيكون نتيجة لسلوكهم وتصرفاتهم مع الى حواليهم
مش دخولهم أونلاين ولا اوفلاين
بصراحة متفاجأة ومستغربة جدآ من تحليلك وتفكيرك يااسلام

الصورة التانية
كل واحد غايب عندهـ ظروفة الى منعته من التواجد أكيد
وبردو مقدرش أحكم اذا كان بتجسس ولا لا
الله اعلم بالنوايا !

الصورة التالته
للعلم متابعة قائمة المتواجدين حاليآ
مش بتظهر غير للمراقبين والادارة
ودى طبعآ من صلاحيات الرقابة
وأكيد ملهاش علاقة بالتجسس بردو


ياريت كل واحد فينا يبدأ صفحة جديدة مع نفسه
لو في قلبه شيء ضد شخص او اكثر
يواجهه ... يكلمه ... يعاتبه ... يلومه
حتى تتلاشي الرواسب الصغيرة ويبقى القلب صافياً
ونحن نريدها جنـــة
ننعم فيها جميعاً ... أنت وأنا

ياريت والله نبعد عن اى مشاحنآت أو مشاكل
والأهم نصفى قلوبنآ وعقولنآ
دى أفضل جملة عجبتنى فى الموضوع
شكرآ ياإسلام على التوبيك

[DR.SMA]

إختلاف وجهه نظر مش أكتر
انت شايف الحجات دي بتقلل منهم كـ أشخاص
غيرك شايف انه عادي
دي حريه
واحد بيدخل متخفي هوه حر
واحد حابب يكون زائر بس لما بيشوف حد بيذكر اسمه بيدخل يشكره او يعاتبه
مش عيب
اما حكايه الي اعد في بروفيلات الاعضاء فدي حاجه ترجعله
اما مهتم بحد معين صديق او حبيب او غيره
او اي حاجه تانيه
سواء سيئه او له فكره معينه فدي ربنا يسهله فيها
اما الصورتين الاولانيين
مختلفه مع حضرتك فيهم
لانهم عاديين وبيرجعوا لظروف العضو وحريته
تقديري إسلام
منور ..

[Mo chahin]

طيب ..

انا مش هرد على كلامك ..

مع كامل احترامى ليك ,,

لانى مش لاقى رد على كلامك ..

آل شذوذ فكرى آل ,,

طب انا بكلمك وانا مخفى .. يبقى انا شاذ فكريا ؟؟

الله يسامحك يا سيدي ,,

[dida moon]

الموضوع الي طرحتو كتير حساس وانا اوافقك على كل كلمة قلتها وانا زيك احب الانسان يكون صريح واذا عندو مشكلة في المنتدى او مع احد اعضاءو يستحسن انوا يصرح بيه عشان يتحل الخلاف بدل ان يشتغل بالمخفي طول الوقت

[Mo chahin]

يا جدعان وانتوا مالكم ,,

حد يدخل مخفى ايه المشكله ,,

هو دا هيضركم فى حاجه ؟؟

لا حول ولا قوة الا بالله العلى العظيم ,,

ارجو يا جماعه ان كل واحد موافق على كلام الاخ يقول النقط اللى موافق عليها ,,

مش يدخل يقول موافق وهو اساسا ميعرفش هو موافق على ايه ,,

لان اللى قاله الاخ صاحب الموضوع فيه اهانه صريحه ,,

وممكن نرد بنفس الاسلوب ,,

لكن احنا اكبر من كده ,,

موفقين ,,

[تناهيد الهوي]

تسلم ايدك للموضوع الراقى
توضيح جمييل وقييم
يعطيك الف عافيه
منتظرين المزيد
دمت بخير