قانون بلا قانون

[نجمة النجوم]

السلام عليكم ورحمة الله وبركاته
ورغم انها متأخره
ورغم ان ولا حد فكر على الاقل يحدفني بقالب طوب في وشي
بس يالله الجدعنه لله مطلوبه
كل سنه والجميع بكل الخير
تابعت وقريت واتمتعت جدا جدا بموضوع أ جبل عالي
وبجد استفزني الموضوع اللي ظاهروا قوي وباطنوا بيحوي معاني وقيم اصبحت نادره اوي على النت والمنتديات
من هنا كانت فكرة موضوعي دا / قانون بلا قانون
لو فكرنا بهدوء وتأني هنلاقي كل الاقسام ليها قوانين .. تمام كده
انما فين قانون الوفاء ؟
فين قانون الاهتمام بالغايبين وعطائهم حقهم زي ما كانوا متفاعلين ؟
فين قانون التقدير ؟
فين قانون التشجيع والتحفيز لكل من اعطوا ؟
ياترى الصفات دي محتاجه قوانين بشريه هي كمان ؟
وهل لان المنتدى متفاعل بكثره واشتراك الاعضاء في زياده واللهم لا حسد
الامر اصبح سيان
يأتي من يأتي ويرحل من يرحل ؟؟؟؟؟؟؟؟؟؟؟
وكده ولا كده المنتدى شغال والاعلانات ما شاء الله ومش مهم الناس !
كنت غايبه لظروف مرضيه ومشكورين لقيت بعض الزملاء هنا راسلوني
بصريح العباره
حسيت بعض الرسايل مجرد ( سد خانه ) وبعضها ( مجامله ع الماشي ) وبعضها ( لعدم الاحراج )
وقليل اوي الرسايل اللي حسيتها من القلب بجد
بتسأل على نجمه من القلب
أغرب ما في الأمر وبدون زعل فلسفة الكلام عمال على بطال اللي تابعتها في توبيكات كتير
طيب ما نحاول ننفذ ولو ع الأقل ربع كلامنا ولا الغايب مالوش نايب ؟
ياريت زي ما الاداره بتكرم المتفاعلين تحاول تكرم الغايبين على الاقل الغايبين لما يعودوا ويحسوا الحب ده يبطلوا غياب
وكمان الاعضاء الجدد لما يشوفوا ده يتفاعلوا اكتر
من هنا بيكون دا شيئ حيوي وضروري ومفيد للكل دون استثناء
انا آسفه طولت شويه
باختصار
ياترى الوفاء قانون بلا قانون ولا محتاج قانون ولا الوفاء نفسوا قانون ؟
ميرسي جدا لكل اللي يمروا هنا وميرسي اكتر لو الموضوع تمت الموافقه عليه
ميرسي جدا

[Mo chahin]

لو دخلتى ملفى الشخصى .. وجيبتى اخر مواضيع ليا ,,

هتلاقيني عامل سلسلتين ..

واحده اسمها .. سلسله شخصيات بارزة فى بنات مصر ,,

ودى عن الاعضاء اللى غايبين .. وكل فترة بعمل موضوع عن شخص معين من الغايبين ,,

ودا وفاءنا ليهم زى ما اعطونا الكثير والكثير ,,

والسلسله التانيه اسمها .. شخصيات من نور ,,

ودى للاعضاء اللى موجوده دلوقتى وشغاله شغل من نور ,,

تحياتى ليكي نجمه على جمال طرحك ,,

حبيت بس اقولك ان الوفاء موجود اكيد ,,

[نجمة النجوم]

اقتباس المشاركة الأصلية كتبت بواسطة mr. M ! R o لو دخلتى ملفى الشخصى .. وجيبتى اخر مواضيع ليا ,, هتلاقيني عامل سلسلتين .. واحده اسمها .. سلسله شخصيات بارزة فى بنات مصر ,, ودى عن الاعضاء اللى غايبين .. وكل فترة بعمل موضوع عن شخص معين من الغايبين ,, ودا وفاءنا ليهم زى ما اعطونا الكثير والكثير ,, والسلسله التانيه اسمها .. شخصيات من نور ,, ودى للاعضاء اللى موجوده دلوقتى وشغاله شغل من نور ,, تحياتى ليكي نجمه على جمال طرحك ,, حبيت بس اقولك ان الوفاء موجود اكيد ,,

أ محمد
لو الفكره ان التقدير والوفاء يكونوا من خلال عمل توبيكات
عن شخصي
برفض دا
اصل ايه فايدة ده
وانا مش حساه
او حاسه انه مجرد شكليات
الاحساس بالتقدير ودفء الوفاء يا أ محمد
أهم عندي كتييييييييييييير من مليون توبيك
ميرسي لاضافتك الجميله

[Mo chahin]

ماهو انا كا عضو مقدرش اعمل اكتر من كده ,,

مش هروحله البيت يعنى واقوله تعالا انا عازمك على العشا يا نجمه ,,

عشان احسسه انى بقدره ,,

ولا اعزمه على كوبايه شاى ولا فنجان قهوة ,,

بما اننا هنا اعضاء فا دا بالنسبالى .. أخرى ,,

اخرى انى اعمل موضوع اذكر الناس بيه .. ودا على حد امكانياتى كا عضو ,,

[DR.SMA]

اولا إحترامي رأيك بشكل عام
لكن انتي بتقولي ان في بعض الرسايل سد خانه
وبعضها مجامله على الماشي
ونادر الي من القلب
هل ده عيب في الاداره !!!
يعني عيب في الاداره او حتى في الاعضاء انهم بعتوا واهتموا حتى لو سد خانه
على فكره مش هينفع تجبري حد انه يبعتلك رساله اهتمام من القلب
دي حاجه انتي الي بتفرضيها على الاعضاء بنفسك
من خلال تعاملك ومواضيعك واسلوبك
يعني من خلال قلمك
ودول هيكونوا من أصدقائك والي تعاملو معاكي عن قرب
انا هنا بقالي سنين
غبت سنه ونص تقريبا دخلت فيهم مرات معدوده
ناس قليله جدا سألت عليا
هل ده معناه عدم اهتمام او انهم بيستفيدوا وبس
ورجعت تاني وكملت الي بداته ومفيش اي مشكله
الواحد هنا بيكسب صداقات وعلاقات طيبه
وبيكون تعامله معاهم اكر من تعامله مع انه منتدى
والاداره مش مطالبه انها تاخد بالها من عضو عضو في منتدى كبير زي ده
الي حابب المكان يتفضل فيه والي عنده شكوى يقولها والي عنده مشكله مع مشرف او عضو غيره او اي حد يحلوها
لكن الي حابب يمشي مش هيجروا وراه طبعا
ده انتي لو في شركه وحابه تقدمي استقالتك ومشيتي
مش هيسأل عليكي الا أصحابك
أما الزملاء الي من بعيد لو مروحتيلهمش وقولتي انا جيت مش هيسالوا
ممكن تيجي في بالهم ويقولوا الله يمسيها بالخير
اما كل واحد يجي يسأل
إستحاله
وبعدين على فكره مفيش مكاسب ماديه للإداره هنا خالص
كل الي هنا موجودين عشان بيحبوا المكان
ولما حد بيمشي وبيجي يرجع
مش بيقولوا انت مشيت مره متجيش تاني
بيرحبوا بيه من تاني
أتمنى تكون وجهه نظري وصلت
ومنوره القسم طبعا

[نجمة النجوم]

اقتباس المشاركة الأصلية كتبت بواسطة mr. M ! R o ماهو انا كا عضو مقدرش اعمل اكتر من كده ,, مش هروحله البيت يعنى واقوله تعالا انا عازمك على العشا يا نجمه ,, عشان احسسه انى بقدره ,, ولا اعزمه على كوبايه شاى ولا فنجان قهوة ,, بما اننا هنا اعضاء فا دا بالنسبالى .. أخرى ,, اخرى انى اعمل موضوع اذكر الناس بيه .. ودا على حد امكانياتى كا عضو ,,

هههههههههه
بالمنطق كده يا أ محمد
مش هينفع تقول لحد اعزمك او الكلام ده
انما مقصدي
عمق الاحساس بالتقدير
اتمنى تكون حضرتك فاهمني
وميرسي مره تانيه ليك

[نجمة النجوم]

اقتباس المشاركة الأصلية كتبت بواسطة dr.sma اولا إحترامي رأيك بشكل عام لكن انتي بتقولي ان في بعض الرسايل سد خانه وبعضها مجامله على الماشي ونادر الي من القلب هل ده عيب في الاداره !!! يعني عيب في الاداره او حتى في الاعضاء انهم بعتوا واهتموا حتى لو سد خانه على فكره مش هينفع تجبري حد انه يبعتلك رساله اهتمام من القلب دي حاجه انتي الي بتفرضيها على الاعضاء بنفسك من خلال تعاملك ومواضيعك واسلوبك يعني من خلال قلمك ودول هيكونوا من أصدقائك والي تعاملو معاكي عن قرب انا هنا بقالي سنين غبت سنه ونص تقريبا دخلت فيهم مرات معدوده ناس قليله جدا سألت عليا هل ده معناه عدم اهتمام او انهم بيستفيدوا وبس ورجعت تاني وكملت الي بداته ومفيش اي مشكله الواحد هنا بيكسب صداقات وعلاقات طيبه وبيكون تعامله معاهم اكر من تعامله مع انه منتدى والاداره مش مطالبه انها تاخد بالها من عضو عضو في منتدى كبير زي ده الي حابب المكان يتفضل فيه والي عنده شكوى يقولها والي عنده مشكله مع مشرف او عضو غيره او اي حد يحلوها لكن الي حابب يمشي مش هيجروا وراه طبعا ده انتي لو في شركه وحابه تقدمي استقالتك ومشيتي مش هيسأل عليكي الا أصحابك أما الزملاء الي من بعيد لو مروحتيلهمش وقولتي انا جيت مش هيسالوا ممكن تيجي في بالهم ويقولوا الله يمسيها بالخير اما كل واحد يجي يسأل إستحاله وبعدين على فكره مفيش مكاسب ماديه للإداره هنا خالص كل الي هنا موجودين عشان بيحبوا المكان ولما حد بيمشي وبيجي يرجع مش بيقولوا انت مشيت مره متجيش تاني بيرحبوا بيه من تاني أتمنى تكون وجهه نظري وصلت ومنوره القسم طبعا

اضافه جميله وعقلانيه من حضرتك
ميرسي حقيقي عليها

[Words Whisper]

أنا مش هضيف ع كلام سما
بس سؤال :
يعني ايه عمق الإحساس بالتقدير بالنسبة لك ؟؟


شكرا لموضوعك
دمتِ بتوفيق وسعادة ..

[فداااااااااااء]

شوفى غاليتى اعتبرى هذا المكان هو ساحة تضعين فيها فكرك وتريدين الاحتفاظ بها وامتاع الاخرين

وإذا سعيتى لان تجدى الاهتمام بشكل كبير يبقى انتى بتعطلى نفسك لان الاهتمام عمره ما يكون فى تعبيره هو إعطاء تقدير لكِ رسميا

ولكن شعور البعض وإن كان قليل من راسلكِ هو اجمل تقدير يمكن أن يحصل عليه الفرد فينا لانه بيحس أن هناك من افتقده

كما أن التفاعل الاعضاء مع كتاباتك حتى بعد طيل الغياب بيأكد أن هناك من هو مازال ينتظر رجوعكِ وقرأة كتاباتك

وغالبا الاداريين بيكونوا مشغولين أكثر فى أمور تخص المنتدى وحمياته وتوفير ما يجعل الاعضاء سعداء بالتطورات

وأنا عن نفسى كنت غايبة قبلك ورجعت ومحدش قالى عن غيابك

بس الحمد لله على سلامتك