رباعيات بقلمي _2

[Şα3Đ..♥]

الجزء الاول كان هنا ف الموضوع ده
http://forums.banatmisr.com/msryat392616/


وده الجزء التاني
يارب تعجبكوا



ابتسم وهدي كده اعصـــآبك
ليه شايفها متنكدهـ
اضحك بئه ايه اللي صابك
افردها بلاش كدهـ



-----------------


اسف علي الازعاج
اسف علي الدوشه
اسف عشان محتاج
ليكو ف وقت شده


-----------------


أســــــود الايـــــآم
وحلآوتهـــــآ مقودهـ
ولــــــونهـآ بهتـــآن
وطـــرقهـــآ مســـدودهـ


-----------------


وكل واحد فينا قال البعد آريح
وادينا بعدنا لما نشوف الراحه فين
ومن يومها ولا حد فينا مستريح
ونفسي نرجع احسن من اللي احنا فيه



-----------------



ده انا كنت قلبك اللي بتحبيه
و كنت انـا طفلك اللي بتدفيه
وصوت بيعزف لحن وانتي بتغنيه
فـ قوليلي بئه وردي مين بعدك هيرويه




-----------------




آســف آنـــا مرتـــآح
آنـــآ بس بستعبط
ولا فيــآ آي جرآآح
ومن الفرح بتنطط




-----------------




صوتـه ديما محبـــوس
ونفسه ينطق ويبــــوح
وبيحلم ديما بكــآبــوس
بيشوف فيه نفسه مجـــروح
معزور ما هو نَفَسه مكبوس
محتاج يطلع لسطوح



-----------------




قولي مره بيت شعر مفرح
يمكن افرح
او حتي غني اغنيه حلوه
يمكن اسرح




-----------------





ما كفاياك بئه كئابه
الكئابه مبتاكلش عيش
دور تلاقي ف كتير غلابه
مش عارفه حتي ازاي تعيش




-----------------



ماهولازم يكون في آمل
علشان تمشي المركبه
وفي الاكيد وفي المحتمل
وعلي كده الدنيا متركبه




-----------------





مبقاش في شيء يتقال
واللي يتحكي ما يتوصف
ما انا قلبي منهم شال
و منهم معنتش هتنصف





-----------------





مش عارف افك التكشيره
او اضحك بس ولو مره
مش لاقي للحزن تاشيره
تسفره علي بلاد بره





-----------------





مش لازم ابكي ف وشهم
علشان يبان عليا حزني
فـ تلاقيني بضحك واغشهم
ودمعي حاجزه وحاجزني





-----------------





والنفس ملهــاش شوق
للبوح و للفضفضه
والدنيا مش عايزه تروق
وع الهم متحرضه




يارب تعجبكوا كلماتي
ولو عجبتكوا
دي صفحتي ع الفيس
https://www.facebook.com/QalbFaady
اكون سعيد لو نورتوني
تحياتي

[الرحــاال المٌتَمرد]

رٌباعيات ,, أرتقت إلى سماء الإبداع

حيثٌ الروعه والجمال ,,

فــ نَحنٌ دائما نبحث عَن الجمال ولَيس الكمال

فى بَعض مِن هذه الرٌباعيات تَخطت حاجز الجمال بمسافات

رااائع أيها الموهوب الجميل ,,

تحياتى وتقديرى لهذه السلسله الطيبه

وأتمنا أن لا تنتهي أبداً

الشٌكر كٌل الشٌكر لَك يــ سَعد

على هذا العَزف والتَميٌز

تحياتى

[حنـــــون]

طبعا عجبونااااااااااا
حلوين جدا بحب الاسلوب دا انا فى الكتابه
بجد معانى جميله واسلوب حلو منك اوى
تسلم ايدك ياسعد
استمر ^^

[احساسى صحيح]

مش عارف افك التكشيره
او اضحك بس ولو مره
مش لاقي للحزن تاشيره
تسفره علي بلاد بره
......
تعبنا والله م الحيرة
ما نفعش جوة ولا برة
لو ع الهموم دى كتيرة
مش مهم ي صاحبى طالما الايد حرة
............

رباعيات راقية برقى كاتبها
استمتعت بيها جداََ
دوم الابداع محمد
احترامى

[المستبده]

كمِ رآَقِ ليِ ـآَبدآَعك


دآَئمـآَ مآَتاسر عقَولنـآَ بآَبدآَعك


صديقي


واصل تميـِـٍزكَ


آَحترآَمي

[Mo chahin]

جميل كالعاده يا سعد ,,

استمر .. فا نحن فى انتظارك دائما ,,

تحياتى لك ,,

[السفينة]

الحزين يتراقص
على وتر الحرف يتزين بالأنين
ومع إشراقة الشمس الوفية
تتلاطم الأحزان مع الهموم القوية
فتتفكك الأحزان ولا تحتمل الهموم دفء شمسنا
بأشعتها ذات التحدي وعذب الوفاء والعزيمة
فما أجمل الإصرار على البقاء
رباعيات راقت لي وأكثر
بإنتظار الجديد
دُمت بحفظ الله

[شاعرة الرومانسيه]

الله ---- الله

والله احترت ايه أقتبس وايه اترك

رباعيات ولا اروع

حرصت ان اتابع رباعياتك

وان شاء الله سأتابعها على الفيس بوك

من نجاح لنجاح ان شاء الله

واسمحلى هاضيفك لرابطة شعراء الفيسبوك

لنا جميعا الشرف

ننتظر لك كل جديد

[K A S E M]

دايما بتعجبنى كتاباتك يا سعد
رباعيات جميله وكلمات بسيطه مؤثره
من قلب جميل
لقلبك كل الود

[Şα3Đ..♥]

اقتباس المشاركة الأصلية كتبت بواسطة "الرحاال""الزجاال" رٌباعيات ,, أرتقت إلى سماء الإبداع حيثٌ الروعه والجمال ,, فــ نَحنٌ دائما نبحث عَن الجمال ولَيس الكمال فى بَعض مِن هذه الرٌباعيات تَخطت حاجز الجمال بمسافات رااائع أيها الموهوب الجميل ,, تحياتى وتقديرى لهذه السلسله الطيبه وأتمنا أن لا تنتهي أبداً الشٌكر كٌل الشٌكر لَك يــ سَعد على هذا العَزف والتَميٌز تحياتى

حبيب قلبي يا زجال
والله انت من الناس اللي ديما بستني رئيها
من قبل ما احط الموضوع وانا عارف انك هتقولي ملاحظاتك
انت منورني