مسابقة مين صاحب الكلمات ,,الموسم الثاني

[دمعه حائره]

والله انا فرحانه جدا النهاردة بعودة شاعرنا الجميل
واخى طبيب الهوى
ورجوع المسابقه الجميله دى
ايوة كده رجعوا الروح للابداعات تانى
ربنا يديم الاخوة الجميله بينا ونفضل متجمعين على الخير
واتوصوا بايمن شويه وحد يغششوا اجماعه
ايمن شكلها ابتسامه الزهر

[الرحــاال المٌتَمرد]

تعاطفك وحدو مش كفايه يا منه هههههههههههه

انا ضربت كام تخمين ,, وعلى كريم انه يعلن انى اول الفائزين

حتى لو تخمينى غلط ,, بلاش الم الليله دي وارجع الكراسي لصاحبها

الموضوع مش جايب همه هههههههه

[طبيب الهوى]

اقتباس المشاركة الأصلية كتبت بواسطة القيصــــــــر أهلاً بحببنا الكبير أبو عصام حمد لله على السلامة يا غالي عقبال شاعر ينورنا ويدور على أشيائه ايوا كدا خلينا نرجع ونرجع المحبه تاني كريم طيب أنا هقول : المستبدة صاحبة الكلمات وانشوف بئة

أهلاً بأخي العزيز أشرف


والله يسلمك بس أنا مغبتش عن المنتدى


كل يوم أدخل أتصفح وأرد على بعض المواضيع


هو حد قالك أني مُتغيب


وشاعر يا أبو نسب بيدخل لما تيجي سيرته بس



ملاحظ أنت


وحقيقي الشُكر كُل الشُكر لكيموووووووو


لأنه جمعنا من تاني بموضوعه الرائع


متنساش تبوسلي عروسة أبني


ربنا يباركلك فيها ويحفظهاالك من كل سوء وشر آمين



أبو عصام

[طبيب الهوى]

اقتباس المشاركة الأصلية كتبت بواسطة قيثارة الصمت الله الله الموضوع ده فاتنى رمضان الى فات كنت مسافره وكويس ان رجع بنسخه تانيه لا بجد كل المشتركين فيه شخصيات بقدرهم جدا بابااحمد(طبيب الهوى) تسلم يارب الكلام الجميل ده صاحبه حد غيرى مش عاوزه تضيع عليك الجايزه عليا النعمه مش انا دنا كنت داخله ارشح حد لقيت اسمى حيرتونى لا كريم هو الى حيرنا ساعه كده وارجع ارشح حد

ماشي يا مِنه مصدقك أبنتي من غير قسم


بس أنا قولت أنتِ لأنه قريب من أسلوبك وإحساسك


وكمان لما لاقيتك بتعملي لايك كتيييييير وملكيش أي رد


فكرت أنك صاحبة الكلمات الجميلة والرقيقة دي



منورة يا مِنه والله



وإن شاء الله نشوف لكِ كلمات في هذا الموضوع الراقي



بابا أحمد

[طبيب الهوى]

اقتباس المشاركة الأصلية كتبت بواسطة شاعر الإحساس هههههههههههههههههههه تفتكر ان اشياءك لسه موجوده يا طبيب ياعم كل سنه وانت طيب خدها الغرام مش الغراب وطااار هه:d وحشني يا ابو عصام ياغالي والله ووحشتني اللمه الجميله دي بجد ويارب تفضل دايماً وان شاء الله بحاول التواجد دايما تحياااتي اليك ياراقي

الله يرحمها بئا يا شاعر


وأنت طيب وبخير وسلام يارب


وأنت وحشني أكتر والله يا شاعر


بس أنا ملاحظ أنك بتيجي وترد لما تيجي سيرتك



خلاص كل موضوع أنزله أو رد أرده



هجيب سيرتك



عشان تدخل ونطمن عليك


اللهم آمين



منورنا يا شاعر بجد وحمداً لله على سلامتك أخي الغالي



أبو عصام

[طبيب الهوى]

اقتباس المشاركة الأصلية كتبت بواسطة شاعر الإحساس ياترى شاعر فييين وراح فين وغايب ليه؟؟ حدش شاف شاعر ياجدعااااان:d تلاقيه متخبي ولا حاجه ياعم والله يا طبيب ماتزعلش مني ولا غيابي وشوية امور كدا معايا ثانيا والله كنت عيان يالا والحمد لله بقينا تمام ولما بقينا تمام بفضل الله جيت جري عليكم اهو فسامحوني واعذروووني اما قصة اني اتجوزت ... فازاي اتجوز وريم راحت فين طيب ولا مش ماليه عنيكم ولا ايييييه تعالي ياررريم ردي عليهم ههههههههههه يالا منورررين والله يا جدعان ووحشتوني جداً

ألف سلامة عليك يا شاعر


والله يوفقك ويرعاك آمين


وبالنسبة لزواجك ده إحساس ريم أنا مليش دعوه


بريء


منك ليها بئا


والله أنت اللي منور يا شاعر


الله يحفظك من كل سوء وشر آمين



أبو عصام

[طبيب الهوى]

اقتباس المشاركة الأصلية كتبت بواسطة دمعه حائره والله انا فرحانه جدا النهاردة بعودة شاعرنا الجميل واخى طبيب الهوى ورجوع المسابقه الجميله دى ايوة كده رجعوا الروح للابداعات تانى ربنا يديم الاخوة الجميله بينا ونفضل متجمعين على الخير واتوصوا بايمن شويه وحد يغششوا اجماعه ايمن شكلها ابتسامه الزهر

الله يسعدك كمان وكمان يا دمعه

شاعر كان غايب ماشي بس طبيب لم يتغيب عن المُنتدى

أنا بدخل كل يوم وأقرأ وأتصفح وأرد على موضوع أو اتنين

ونزلت قصيدة دويتو مع جبل عالي

بس أنتِ اللي مش متابعة يا مِنه

ميرسي يا مِنه لشعورك الجميل وده مش غريب عليكِ أكيد

اللهم آمين

بالنسبة لأيمن مش محتاج توصية يا دمعه

لأنه أصبح v i p

تصدقي ممكن فعلا تكون ابتسامة الزهر يا دمعه

ولا أقولك أفكر وأرجع أقول مين

طبيب الهوى

[كريم عاصم]

ياولاد اللذينه ........... ايه ده وربنا ردودكم كلها فطستنى من الضحك
وعادت الروح الجميله اللى كنا مفتقدنها
وشاعر كمان أخيرا هنا ... حمدلله على السلامة ياشاعرر وربنا وحشنى جدااا
رجعت بخفة دمك وأشيائك اللى بيدور عليها طبيب راحت فين ؟ إتبخرت
ورحال وربنا زى العسل والقيصر والخلوقه دمعه حائرة وكل اللى دخل هنا
دمهم زى العسل .... كده هنبدأ في المجموعه الإجتماعيه وعنوانها
المجموعه الإجتماعية في حوار خاطري ( كرريم تورز ) ههههههههه
عشان السياحة اتضربت بس
اولا انا آسف على عدم دخولى امبارح وأكيد هتقدروا ظروفي
الجو كان برد أوى وأنا في الشغل والرياح كانت شديدة أوي والله كانت بتطيرنى ههههههههه
رجعت مدغدغ والله دخلت المنتدى لقيت نفسى مش قادر نمت على الجهاز مفوقتش الا لما
المنبه زرررررررررررررررر يعنى روح الشغل ... ما نا كنت لسه فيه
مش عارف اليوم بيتبخر بسرعة كده ليه مع انى بعت أشيائى لطبيب وشاعرر مبعتلوش أشيائة
فين أشياء طبيب ياشاعر أوعي تقولى في المشمش
والله كلكم منورين وأحلى وأجمل صحبه
................

نعود بقي للمسابقه قبل ما ارد على الصحبه الحلوة ده
ان شاء الله الفائز اعلانه انهاردة كمان ساعه
هى الاجابه بكل صراحة موجوده هنا ؟؟؟؟ في أكثر من عضو تعرف على من الكاتب
وانا بقول الكلام ده للرحال عشان عايز يرشينى ب4 جنيه ونص يعنى مش بالدولارر كمان
اللى قال اسم الكاتب الأول ان شاء الله هو هيكون فائز بال 50 مشاركة
ويروح لدمعه حائرة ياخد منها المشاركات هى بخيله شويه عشان لو حب يذود مايحولش
ههههههههههه
دلوقتى أرد على الاعضاء الجمال
وآخرر النهارر نعلن عن الفائز ونباركله
وننزل قصيدة للحلقة التانيه وقصيدة وربنا في منتهى الجمال ... وفكاهيه جداااا
وهى مفاجأة ؟؟؟
فاصل ونعود
ومفاجأة

[كريم عاصم]

اقتباس المشاركة الأصلية كتبت بواسطة .نبض القلوب. جمييييييييييييييييييييييييييييييييييلة الكلمات رومانسية راقية بس مش هقول مين ناو هستنى شوية وافكر وهقولك يا عم كريم هتحيرنا معاك انا عارفة

فعلا كلمات جميله ورمانسيه

نبض القلوب نورتى التوبيك

ومستنيكى تقولى من الكاتب انتى عممتينى ياعم كريم

فأنا هسستتك بقي

ياست نبض

نورتى نبض ويارب ديما تكونى منورة على طول

[كريم عاصم]

اقتباس المشاركة الأصلية كتبت بواسطة المستبده حلوه ياكريم الكلمات حلوه حفكر وارجعلك ياجميل تكون خلصت حلاقه ههههههههههههه

هى كلمات حلوة فعلا المستبدة

فكرى كويس بس اياك تكشفيها هههههههههههههه