انا بحبك اوى بس خايف عليكى من اهلى

[∂αнмє]

الشاب .. ازيك ياعسل ..

البنت .. الحمد لله تمام آنت آزيك..

الشاب .. انا معجب جداً بردودك ومواضيعك ..

البنت .. تسلم ربنا يخليك

الشاب
.. انتى بجد بنت محترمة اوى وانا معجب جداً باخلاقك .. واحترامك لنفسك ..

البنت .. شكرا كلك ذوق والله دة بس من زوقك

بعد يومين ..

الشاب .. (زعلان ) ازيك ؟

البنت .. الحمد لله .. مالك فيك حاجة ؟

الشاب .. ابدا شويه مشاكل .

البنت .. خير ان شاء الله .. مأك احكيلي.. ؟

الشاب .. مش هينفع دلوقت انا لازم اخرج ..

البنت .. اتفضل . ربنا معاك .

بعد ساعتين ..

الشاب .. (علي الخاص بقا ) ازيك يافلانه .. انا اسف جداً علي قلة ذوقي معاكى .. انا دخلت مخصوص عشان اعتذرلك .. ولو تسمحى انا محتاج حد بحترمه احكيله عن مشكلتى

ضيفى الاميل دة عندك Ali@ali.com (طبعا بيشتغل فيها )

البنت .. انت عارف انى مبضفش حد خالص ماالص .. بس انا واثقه فيك وهضيفك ..


ع الايميل ..


ali(الشاب ) .. اهلا بيكى ياقمر نورتى الميل الميل بيرقص وبيتنطط من فرحته بيكي ..
nona( البنت ) هههههـ، ميرسي اوى

ali(الشاب ) .. الله اجمل ضحكة و ميرسيه اتكتبتلي .. انتى اسمك الحقيقي ايه ؟

nona( البنت ) نونا

ali(الشاب ) الله فعلا انتى اسمك من النون كده جميل ورقيق

nona( البنت ) ثانكس ..

ali(الشاب ) انا علي وبشتغل ( طور ف الجامعة ) قصدى دكتور في الجامعة .. وعندى 27 سنة .. وعندى املاك كتيررررررر .. وعايش وحدى في الفله الطويلة العريضة اللى ورثتها عن بابي .. ومحلتيش غير عربية هامرر .. وشويه فلوس في البنك .. وبدور علي بنت الحلال ..

nona( البنت ) ( هى بقا ابتسامة من الودن للودن ) ربنا يرزقك الزوجة الصالحة ..

ali(الشاب ) انا بصراحة ارتحتلك جداً ..ونفسي اكمل نص دينى وتكونى انتى مراتى .. وام اولادى ..

nona( البنت ) احرجتنى طب يالا تعالى يووه قصدى احنا لسه منعرفش بعض واهلى مستحيل يوافقوا علي النت ده


ali( الشاب ) انا هكون صريح معاكى .. انا امى عايزة تجوزنى بنت اختها .. وعمى عايز يجوزنى بنته .. طبعا عشان الاملاك اللى عندى وانا طبعا مش ممكن اتجوز غير اللى قلبي اختارها .. وانتى قلبي اللى اختارك وانا هطلع السما واقلبها ع الارض واقوم الدنيا لحد ما اهلك يوافقوا عليا ..

nona( البنت ) .. طيب ربنا معانا


بعد مرور اسبوع .. ولا حس ولا خبر للاستاذ نونا ..


ali( الشاب ) ازيك يانونا

nona( البنت ) الحمد لله .. انت ازيك وكنت فين كل ده ..


ali( الشاب ) .. ابدا كان عندى مشاكل في الشغل وكده .. ومشاكل في البيت


nona( البنت ) خير ان شاء الله .. قلقتنى عليك ؟

ali( الشاب ) .. ابدا فتحتهم ف موضوع جوازنا والدنيا اتشالت واتخبطت .. وقالو ازاى ومش ازاى عايز تتجوز اتجوز حد من قرايبك متجبلناش واحدة غريبة وتدخلها وسطينا .. روحت انا سبت البيت اليومين اللى فاتوا ولسه راجع .. اول ما دخلت قلت اكلمك .. اطمنك واطمن عليكى


nona( البنت ) لا حول ولا قوة الاّ بالله .. طب والعمل .؟

ali( الشاب ) .. نانو عايز اقولك علي حاجة .. انا اسف .. انا رجعت لقتهم جابو المآذون وجوزونى بنت عمى وبنت خالتى غصب عنى .. والبنات مالهمش ذنب اطلقهم .. وياخدوا لقب مطالقات .. خليكى جنبي متسبنيش لحد ما اخلص منهم .. بعد سنة ولا حاجة اذا يعنى مخلفوش واذا خلفوا استنى لما الاولاد تكبر وادخلهم المدرسة ويروحوا الجامعة واجوزهم واكون طلعت ع المعاش وافضالك ياجميل ..


nona( البنت ) )يالهووووووووووووووووووووووووووووووووووووووووووو وووووى ..





دى مجرد قصة حصلت لنسبة كبيرة اوى من اللى موجودين ع النت سواء في المنتديات او الفيس او اى نوع تواصل .. علي الانترنت ..

السؤال الذي يطرح نفسه الآن .. ياتري .. مين الجاني النت .. ولا الاشخاص اللى عليه ..؟

ياتري البنت موقفها غلط انها سمعت للشاب ده وحبيت تشوف اخر الحكايه ايه ؟؟

ياتري الولد كان بيشتغلها فعلا ؟ ولا هو واضح من البداية انه مش كويس والبنت بريئة ومفهمتش ؟؟

ياتري احنا ظالمين نادر ؟؟ وفعلا ظروفه وغصب عنه ؟؟

ياتري ايه المفروض كان يبقا رد البنت انها توافق .. ولا ترفض؟؟ وف كلا الحالتين ليه ؟؟

[زهره الشتاء]

اقتباس المشاركة الأصلية كتبت بواسطة şŧy₤iŝђ ♪ bǿy nona( البنت ) لا حول ولا قوة الاّ بالله .. طب والعمل .؟ ali( الشاب ) .. نانو عايز اقولك علي حاجة .. انا اسف .. انا رجعت لقتهم جابو المآذون وجوزونى بنت عمى وبنت خالتى غصب عنى .. والبنات مالهمش ذنب اطلقهم .. وياخدوا لقب مطالقات .. خليكى جنبي متسبنيش لحد ما اخلص منهم .. بعد سنة ولا حاجة اذا يعنى مخلفوش واذا خلفوا استنى لما الاولاد تكبر وادخلهم المدرسة ويروحوا الجامعة واجوزهم واكون طلعت ع المعاش وافضالك ياجميل .. nona( البنت ) )يالهووووووووووووووووووووووووووووووووووووووووووو وووووى ..

ههههههههههههههههههه
لا كتر خيرة الصرآحة
فآكر نفسسة هو البنت وغصبو عليه؟؟
فين الشآب ال بيستنى يتعمل فيه كده ؟؟
هو من الاخر مش بيفهم
وناسى ان ربنا كبير كما تدين تدان
لو لفيت الكره الارضيه ال عملته هيتعمل فيك
ومش شرط بنفس النمط بس حاجة فعلا توجعك
او يمكن عارف وعامل عبيط
,
وهو من الاخر كده الشاب .. ال مش بيتقى ربنآ
عايز يلف يلف لحد ما يدوخ من التعارف والكلام
ويآخد واحده مش شافت حد بس ده ف الحلم
ف مقوله شوفتها عجبتنى

قاال ؛ لن ااتزوج حبيبتي •

س ااتزوج فتاة من ااختياار اامي ااضمن لي •

و بعد االزواج •••

"تنسحب زوجتہ من حضنہ ،

گي تخرج للغرفہ االاخري ،،

و تبگي و ھي تُگلم حبيبھاا و تقول ؛

گلماا ااعرف ااني لستُ بحضنگ اانت

ااگرہ نفسيي و ااگرہ وجودى معه •

(اذا لم تتزوج حبيبتك خوفا فاعلم انك سوف تتزوج حبيبت غيرك )

[Sea Pearl]

اكيد الاشخاص اللى عليه لان مهما تغيرت الوسائل فالغاية واحدة

البنت كان موقفها عادى فى اول القصة وغلط فى النهاية لانها انخدعت بالمظاهر الكدابة ونظرت للجوهر الخارجى ولم تنظر للجوهر الداخلى

الولد كان بيشتغلها فعلا لان طريقته فى البداية طريقة عادية ممكن اى شاب يستخدمها لمجاملة فتاة وتكون نيته كويسة

نادر ليس مظلوم لانه بيتسلى بيها وده واضح لما اتجوز وقالها خليكى جانبى

اكيد ترفض لانها ببساطة هيبقى ما عندهاش كرامة حتى لو حبته

[تجملت بالعفآف]

اقتباس المشاركة الأصلية كتبت بواسطة şŧy₤iŝђ ♪ bǿy nona( البنت ) )يالهووووووووووووووووووووووووووووووووووووووووووو وووووى .. ههههههههه هههههه صعبانه عليا البنت دي دى مجرد قصة حصلت لنسبة كبيرة اوى من اللى موجودين ع النت سواء في المنتديات او الفيس او اى نوع تواصل .. علي الانترنت .. كلام سليم ومعاكـ حق كتير بتحصل السؤال الذي يطرح نفسه الآن .. ياتري .. مين الجاني النت .. ولا الاشخاص اللى عليه ..؟ ليس النت الجاني لأنه هذا كله بسبب أستخدام الاشخاص له والمفروض أننا نستخدمه في أشياء ترضي الله وأننا لا نثق بأي أحد مهما كان محترم ولا كلامه عذب والتعامل معه يكون بحرص لأننا لا نعرف نيه كل أنسان ياتري البنت موقفها غلط انها سمعت للشاب ده وحبيت تشوف اخر الحكايه ايه ؟؟ البنت غلطت لأنها سمعت كلام الشب والمفروض عندما علمت انه كذاب متكملش معاه وتسيبها من وجع الراس دا ياتري الولد كان بيشتغلها فعلا ؟ ولا هو واضح من البداية انه مش كويس والبنت بريئة ومفهمتش ؟؟ أكيد الولد كان بيشتغلها وكل يوم قال نعمل عليها فيلم ما هي الفتاه بريئه ومش فاهمه حاجه نخذها ع قد عقلها ياتري احنا ظالمين نادر ؟؟ وفعلا ظروفه وغصب عنه ؟؟ الشرع لا يجوز بأن نزوج شب لفتاه غصب عنه زي ما قولت وهو باين من اول كلامه انه كذاب ياتري ايه المفروض كان يبقا رد البنت انها توافق .. ولا ترفض؟؟ وف كلا الحالتين ليه ؟؟ أكيد الرفض بدوون أي شكـ وتفكير كمان لأنه هذا الشب لا يستحقها

هذا ردي

تسلم ع الموضوع

[احضان الحبايب]

هقولك حااجه ببساطة .,

فى مثل بيقول .,

لو المتحدث مجنون فالمستمع عاقل .,

يعنى لو هو ولد تافهه و دماغه فاضيه .,

يبقا المفروض هى تكون عاقله و تقدر توزن الامور .,

للاسف الغلط بيكون ع الاتنين .,

و على الشاب اكتر .,

خصوصا ان غالبا الشاب بيكون هو ال بيدير و بيوجه دفة الحوار .,

و عمر اكيد المشكله ما كانت فى التكنولوجيا (( النت )) .,

انماا المشكله فى المستخدمين انفسهم .,

تسلم ع مجهودك

[~..a7la smile..~]

اقتباس [color=#] ali( الشاب ) .. نانو عايز اقولك علي حاجة .. انا اسف .. انا رجعت لقتهم جابو المآذون وجوزونى بنت عمى وبنت خالتى غصب عنى .. والبنات مالهمش ذنب اطلقهم .. وياخدوا لقب مطالقات .. خليكى جنبي متسبنيش لحد ما اخلص منهم .. بعد سنة ولا حاجة اذا يعنى مخلفوش واذا خلفوا استنى لما الاولاد تكبر وادخلهم المدرسة ويروحوا الجامعة واجوزهم واكون طلعت ع المعاش وافضالك ياجميل .. nona( البنت ) )يالهووووووووووووووووووووووووووووووووووووووووووو وووووى .. [/color]

ده يكون البت شعرها شآب وسنانها وقعت
بص إجآبة بأأة عآمة علي الأسئلة اللي اتقآلت
يعني الزمان بتعنا ده للأسف مآشآء الله زمن كلوا تسلية واللعب بالمشآعر
ونآدر او قليل مش نآدر لما تلآقي حد بيحب بجد
وبردوا للأسف ان البنت في الزمن ده بأأة بيضحك عليها بأي كلمتين حلوين
والبنت بتصدقهم
في القصة هو باين عليه يعني انوا بيضحك عليها
وهي ماشاء الله مشيت معاه وعلي هوآآة وصدقتوا
وبالفعل زي مانت قولت ان الكلآم ده منتشر الأيآم ده عبر المنتدي او الفيس ... إلــخ
طآلمآ البنت كانت رافضة من الاول وقالتلوا ان انا مش بضيف ولآد
يبقي هي كلمة وعمرها ماهتتغير لأن والله مصيرها قدرهآ جآي جآي
أشكرك علي الموضوع القيم بجد اثآر اعجآبي أوووي
تحياتي ..~

[∂αнмє]

ميرسي جداّ جداّ يا جماعة على مروركم الطيب

واتمنى انى اراكم دائماّ

[طمطم]

هو لسه ف بنات بتصدق الاسطوانات دى !!
..
اكيد العيب مش ف الوسيلة " النت " ..
لانه زيه زى اى وسيلة تعارف تانية ..
انما العيب ف اللى بيستخدموه دلوقتى ,,

[Gogo mohamed]

ههههههههههههههههه
لا هو يقولها نتقابل في الجنه بقي يمكنيكون لينا نصيب في بعض هناك


ده ايه الهبل ده مهما كانت البنت بريئه بس في حوارات كده مفقوسه
زاطيان وعمارات
اصلا مفيش علاقه بتبدي من ع النت وتكمل............ابدا

[YOo YA]

السؤال الذي يطرح نفسه الآن .. ياتري .. مين الجاني النت .. ولا الاشخاص اللى عليه ..؟

لا طبعا لو في جاني هيكون الاشخاص لان النت دا مجرد شئ ع حسب ما احنا نستاخدمه صح او خطأ

ياتري البنت موقفها غلط انها سمعت للشاب ده وحبيت تشوف اخر الحكايه ايه ؟؟


من وجهة نظري ان الموضوع من الاساس غلط
بس البنت كملت مش كسبت حاجة او خسرت




من الكلام الكتير اللي اتقال واضح انه بيشتغلها والنهايه بتوضح كده اكتر
وبالعقل كده مش هيكون فيه شخص عنده كل دا وهعيدور ع بنت زي دي؟

ياتري احنا ظالمين نادر ؟؟ وفعلا ظروفه وغصب عنه ؟؟

هههههههههههه لا طبعا عمر ما حد هيتجوز غصب عنه ومع كل اللي قاله دا دا الكيد بيشتغلها


طبعا ترفض
ههه
دي حاجة تضحك
بيقلها سنتين لحد ما يدخلوا جامعة وبتاع ههههه
لا طبعا دي تكون ماتت قبل ما يتجوزها



بعتذر كتير ممكن ردي يكون رخم شوي
او كلامي بمعني اصح
بس دي وجهة نظري
وثانكس عع الحوار الجميل دا
ميرسي ي قمر