بكتب بدمي

[أرابيسك]

بكتب بدمي ....
هتوحشيني يا أمي
والله غـصـب عـنـي .... ده قــدر ومكـتـوب

سلامي ياغالية لابويا
واحشـني اوي أخـويا
نفسي أخدكم ف حضني .... ربي عالم بالقلوب

آسف سايب كـراستي
واقـعــه فـي الـتــراب
كتابي قلمي مسطرتي
عمري ماكنت غياب

كان نفسي تكوني واقفه
ضهرك مايتحنيش
سامحيني أديكي شايفه
أرجوكي ماتعيطيش

انا طـايـر اهو ف الجنه
وبـعـد عــمـرا طــويــل
تـيـجـوا.. لازم نـستـنـا
نصبـر والصـبر جميل

قرءانى في قلبي ....
وحبيبي مـحـمد جنبي
نفس حضنك يا أمي .... حنان مش عايز يسبني

ملايكه كمان حواليا
بتـدعي ليكـم ولـيا
بسبب رضاكم عني .... ربنا راضي عني

آسف سايب كـراستي
واقـعــه فـي الـتــراب
كتابي قلمي مسطرتي
عمري ماكنت غياب

كان نفسي تكوني واقفه
ضهرك مايتحنيش
سامحيني أديكي شايفه
أرجوكي ماتعيطيش

انا طـايـر اهو ف الجنه
وبـعـد عــمـرا طــويــل
تـيـجـوا.. لازم نـستـنـا
نصبـر والصـبر جميل

بقلمي ..

[واد حبيب]

ربنا ريحمهم جميعا
ويصبحر اهلهم يارب
تسلم يا غالي
تحياتي لك والتثبيت لجمال كلماتك

[روح مخمليه]

لا حول ولا قوة الا بالله

انه المشهد المؤسف الذى ادمع القلب له

براءة اطفال تذهب بين الضباب

باهمال فرد لا رئيس دولة

كلنا مسئولون عن وطننا

وكلنا محاسبون على تلك الحادثة المفجعة

رائعة كلماتك

لامست احساسى

شكرا لك

[ابتسامة الزهر]

كلمات موجعة مؤلمة
اطفال ابرياء ملائكة ضحية اهمال
جميلة هى كلاماتك لامست القلوب
فعصرتها من الألم
قلم فى طريق الأبداع
تقدير لك

[عمرو الجورى]

كلمات يملأها الحزن العميق

والذي بات يسكن قلوبنا جميعاً

لم ولن ننسى تلك الحادثة الفجيعة

وربنا يُلهم اهلُهُم الصبرا ان شاء الله

جميل أخي ما طرحت حقاً

رغم آناااات الحزن بداخل كل حرف

[פﭠة ﺳگـړُھَہّ]

وجعت قلوبنا يا بيسك

حادثه رهيبه جدا علينا جميعا

ربنا يصبر اهاليهم

على فراق اطفالهم

حروف رائعه منك بيسك ودموع متناثره بين السطور

[أرابيسك]

اقتباس المشاركة الأصلية كتبت بواسطة واد حبيب ربنا ريحمهم جميعا ويصبحر اهلهم يارب تسلم يا غالي تحياتي لك والتثبيت لجمال كلماتك

متشكر على الرد الجميل ده
والتثبيت
سعيد بمرورك
تحياتي