ربنا يستر و تعجبكم ....

ياسمينة البلاد · منذ /04-09-2009, 03:09 AM

السلام عليكم على أحلى اعضاء.....

دي حاجة انا كتبتها و الله منا عارفة هي ايه ............. بس انا لاقيت الوطنية وخداني وفي فكرة فدماغي وانا مش بعرف اكتب شعر و دة ما يصنفشي خااااالص شعر بس هي خاطرة بسيطة كتبتها على أدي....... بس دي كلمة حبيت اقولها لبلدي ولو حتى ما اسعفتنيش الكلمات حابة اشاركم احساسي ايه اتجاه بلدي ......

........وماتضحكوش عليا عشان مابعرفشي اكتب زيكو:icon1366:

بحبك تحت خط الفقر

بحبك لو فلوسي أد النهر .......( دة لو )

بحبك لو زلتيني

بحبك لو موتيني

بحبك حب مولود جوايا

ومااعتقدش انه له نهاية

بحبك وسط دموعي

و لو انتي سبب الدموع

بحبك في ترحالي وهحبك في الرجوع

بحبك النهاردة وبكرة

و بحبك لو كنتي شوكة فزهرة

وافديكي بدمي لاخر قطرة

بحبك يا قاهرة القلوب بحبك

بحبك فكل الحالات

بلا شروط ..بلا تحفظات

و الله بحبك مش مجرد كلمات

وانا مش بحب فيكي النيل و الأهرامات ......( عشان دول بتوع السياح )

بحبك انتي بترابك وبيتك و ناسك وكل الحاجات

بحبك ليل نهار

بحبك ادام الكون

و بحبك خلف الستار
بحبك لو انتي صحرا

وبحبك لو انتي عمار

و عشانك اموت الف مرة

و الشهادة يكتبها ربنا لما تكون دفاع عنك

بحبك مش مستني حاجة منك

بحبك حتى لو حبك دمار حتى لو جنتك نار

وهحبك لاخر نفس فيا

مهما عملوا اهلك فيا

بحبك لو انتي ايه بحبك
بحبك لو حبك اليأس نفسه احب اليأس لاجل خاطرك
بدموعي هحبك و بآلامي هحبك
والحب مخلوق للي زيك
بحلوك ومرك ....يا مصر بحبك .

معالي الوزير · منذ /04-09-2009, 09:11 AM

سلمت الأنامل التي كتبتها

احساس العالم · منذ /04-09-2009, 11:47 AM

مرسي كل ده الجمال وتكولي شي بسييط سلمت الايادي

العراق الحر · منذ /04-09-2009, 12:38 PM

مساهمة جميلة ورائعة
مشكورة عزيزتي

واتمنى لك الموفقية والنجاح

ياسمينة البلاد · منذ /04-09-2009, 07:38 PM

تسلموا على المرور الرائع والتشجيع الجميل

doiss · منذ /04-09-2009, 08:00 PM

كلمات بسيطة وجميلة ومعبرة

يااااه كل دة حب في مصر
7
اكيد في حاجات كتير تتحب فيها

احييكي علي الطرح الجمييل
7
في انتظار جديدك دائمااا
احترامي وتقديري ""

SiLver Spectra · منذ /04-09-2009, 08:01 PM

كلمات جميلة

أيون كدا عايزين وطنية

للأسف الفقر مسح الوطنية إلي في الشباب!!!

ألف شكر على الموضوع و الكلمات

بالتوفيق

ياسمينة البلاد · منذ /04-09-2009, 08:27 PM

تسلم doissواكيد في حاجات كتير تتحب فيها بس انا قصدي انه حتى لو في الظروف الصعبة بردو تتحب .وشكرا على مرورك العطر..وتشجيعك للشاعرة الجبارة و احد فطاحلة اللغة العربية واللي هي انا طبعا........\\واخدة قلم فنفسي

ياسمينة البلاد · منذ /04-09-2009, 08:35 PM

لاااااااا مافيش حاجة مست الوطنية ماتخفش مش كل الشباب يائس.. في شباب بيحب بلده في مطلق الاحوال وبيحاول يصحح الوضع بدل ما يكره ..

وشكرا جزيلا على مرورك العطرsilver spectra نوووووورت الموضوع

البرنس رامى · منذ /04-09-2009, 08:42 PM

شكرا لكى ياسمينه على كلماتك الجميله

احتراف بفن الانتقاء

ارتقاء وسمو بصدق الاحساس

ارق تحياتى لكى

وننتظر الجديد منك دائما

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إمتى ربنا يستر	βεšħδ	منتدي ابداعات الاعضاء الادبية	33	09-25-2011 10:28 PM
ربنا يستر	Ranoosha Love	منتدى سجل الاعضاء	30	07-03-2010 05:33 AM
نكت على المشرفين ...هع... ربنا يستر	Mo7aMeD Lotfy	نكت - طرائف - وناسة - فرفشة	8	01-26-2009 07:34 PM
ربنا يستر عليكوا	mahdy	نكت - طرائف - وناسة - فرفشة	3	07-14-2008 12:00 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ربنا يستر و تعجبكم ....

بقلم أعضاء بنات مصر - حصري