أرجو الانتباه من فضلكم

[hana]

السلام عليكم ورحمه الله وبركاته
طبعا انا مش عارفه ابدا الموضوع منين
بس من يوم ما دخلت المنتدى ده وانا حاسه ان الاعضاء قمه فى الرقى والتحضر حتى فى النقد ننقد بكل حب
قريت رد قاسى اليوم من عضو وبصراحه اضايقت الاقى مثل هذه القسوه فى الرد لانه وجعى ومش يخصنى فبالتالى الرد ايضا كان قاسى
ممكن نوقف الكلام بقى فى مثل هذه المواضيع
بقينا كل شويه نلاقى عضو طلع يقول الرد ولازم نرد بنقاش
طيب نفرض ان العضو مش عنده فن النقاش يعمل ايه
ونلاقى اللى يقول متقلش شكرا او تجامل محدش يرد
نرجع تانى نقول مشاهده الموضوع كتير جد ومفيش ولا رد
نرجع تانى نلاقى عضو يقول المواضيع كلها منقوله
يا جماعه قلنا وما زلنا نقول
من الرقى اولا الفن فى التعبيروحسن توصيل الرساله
الاداره اتكلمت واحترمنا الكلام والى عنده المقدره والاستطاعه بيرد بنقاش او اقتباس جزء من الموضوع
مش حطينا فى اعتبارنا ان فيه اعضاء اعمارهم لا تتجاوز الرابعه عشر
طيب دول مش نشجعهم بحسن الرد ونعلمهم فن النقاش من طريقتنا والا المهم اننا نقول وخلاص
انا مش بنقد حد بس بجد ابتديت اتخنق
موضيع جميله بتموت من الرد القاسى
اللى مش عاجبه موضوع ميردش وخلاص
بلاش ننزل بالمستوى فى منقول والا لا
كل واحد ليه حريه وفكر واحنا هنا بنحترم فكر بعض
واحيان اللى بيكتب ويقول قولوا منقول بتكون مواضيعه برضه منقوله
واحتراما لمشاعره بنشكره
انا كتير بلاقى مواضيع او خواطر بتاعتى انا منقول باسماء اخرى بكون سعيده
انا كلامى وصل لاحساس القارىء مش عيب ومش هرد عليه باسلوب وحش
انا بحترم اى موضوع من اى عضو لقى نفسه فيه ونقله ليوصل لنا فكره او معلومه جديده
باتمنى اكون وفقت ووصلت اللى عايزه اقوله حتى مش عارفه اذا كان ده المكان المناسب لمثل هذا الكلام
ويا ريت لو شايف ان الموضوع منقول
برساله خاصه منك للعضو هتكون اخ ليه بدون احراج
ومش كل الخواطر منقوله ولا اى كلمه من هانا نقلت عن مجهود او مشاعر اى شخص اخر بل بالعكس وبعدين انت من خلال مناقشتك للعضو او الكاتب تقدر تحدد فكره اذا كان يقدر يتكلم ف اللى كاتبه والا لمجرد رصيد يعلو كما ذكر
لكم كل الحب منى
وانا برحب باى كلمات ومجهود يوصل لى معلومه جديده او فتح لباب حوار راقى بدون تعصب واكيد هرد بطريقتى
لكم منى كل الحب ومحدش يزعل منى
hana

[عاشق الأحزان]

اختى بعد صباح الخير
عندك حق فى كل اللى قلتيه
وعلى سبيل المثال فى جميع الاقسام وخصوصا الشعر والقوافي 80% من المواضيع منقولة
وفى كل قسم حتى النكت والطرائف
اما نيجي نحرج عضو نقوله كلام مثل ده
اعتقد اللى بيقول كده بيكون مريض نفسي ولو نظرنا لمواضيعه حنلاقيها منقولة
انا مثلا حصل معى اليوم موقف صح رديت بقسوة وبعت رسالة للعضو اللى عمل كده وكانت اكثر قسوة بكثير
فياريت كل عضو بيشوف نقد ينتقد نقد بناء ولا للتجريح
لانه عيب جدا التجريح
اما اللى داخل علشان يعمل فتن مبيلزمناش يا هنا
لانه احنا بنحترم رد وموضوع كل عضو فى المنتدى ولو انه منقول ولو ما كتبش منقول
ومعظم الاشعار والخواطر اللى مكتوب تحتها بقلم فلان
فهى منقولة
لكن عيب الاحراج لاي عضو
وبتمنى انه الرسالة دى توصل لجميع الاعضاء
دمتى بود
تحياتي
عاشق

[فتى المدينة المنورة]

كلامك في الصميم اختي هانا وانا ملاحظ هذا الشي وانا مع حرية الشخص
بالرد لو كلمة شكرا تكفي لن في اشخاص لايجدون المناقشه ومع مرور الوقت يتعلم وعدم التجريح في الرد واذا مااعجبك الموضوع ماهو لازم ترد تكفيك المشاهده فقط

انا لاازيد على كلامك لنك اوفيتي وكفيتي ماشاء الله عليكي
واكبر دليل على كلامك حادثة عاشق

وانا معك ورائي مثل رائك

يسلموووووووووووا هانا على الموضوع الرائع والحساس

[هنادي]

فعلا كلامك صح يا هنا
ليه نجرح الناس
وانا اعتقد انه كلمة منقول لو ما كتبت مش راح ياثر كثير
ما كل الناس بتنقل ومحدش بيكتب
اما انسان يجرح عضو اخر بهذه الكلمات
معندوش حق خالص
لازم نحترم بعض ونقدر كتابات بعض
تقبلى مرورى

[اميره القمر]

بصراحه يا هنا كلامك كله صحيح
وانا بشكرك جدا جدا عليه
وفعلا زى ما قال غسان 80%من المواضيع بتكون منقوله
وطالما ان النقل ده هادف ومميز
انا برايى انه رائع جداويكفى مجهوده فى نقله لنا
واحنا هنا كلنا اسره واحده
ولازم نحترم بعض ونقدر بعض
ومره تانيه بشكرك على موضوعك
دمتى بود

[haytham ali]

ما اقدر اقول الا كلمة واحدهـ

يثبت

ولى عودهـ ان شاء الله

[majedok]

اقتباس المشاركة الأصلية كتبت بواسطة اميره القمر بصراحه يا هنا كلامك كله صحيح وانا بشكرك جدا جدا عليه وفعلا زى ما قال غسان 80%من المواضيع بتكون منقوله وطالما ان النقل ده هادف ومميز انا برايى انه رائع جداويكفى مجهوده فى نقله لنا واحنا هنا كلنا اسره واحده ولازم نحترم بعض ونقدر بعض ومره تانيه بشكرك على موضوعك دمتى بود

طبعا أنا متفق معاكي يا hana في كلامك وبصراحه كلامك رائع جدا وصادر من إنسان عاقل ومحترم

وأنا كمان بتفأ مع غسان إن 80 % من المواضيع منقولة

وبتفأ مع أميرة القمر في النقل مدام هادف ومميز كتر ألف خيروا إنو نقلوا وتعب نفسوا مدام أحنا هنستفيد وفعلا زي ما الأميرة قالت أحنا أسرة واحدة يعني لازم نفيد بعض سواء بالنقل أو ابتكار الجديد المهم نفيد بعض
وبعدين ما دول أوروبا لما كانت في بدايات عصورها عملت أيه ؟؟ نقلت كل التراث والثقافه العربيه والإسلاميه وشوفوا دلوأتي هما أحسن مننا
فأحنا ليه منبقاش كدا .. ننقل ونضيف ونعدل ونبقى أحسن من أي حد

ونشكرك على الموضوع الرائع

[moon 19]

كلامك تمام 100%يا هناء تقبلى مرورى

[سندريلا مصر]

فعلا اختياري كان صح
انتم فعلا منتدى راقي لادارة واعية حساسة

ارق تحياتي

[عسل و قمر]

مشكوووووووووووووووووووووووورين