السر الغامض في شنطه البنت

[big bốss]

بدون مقدمات او كلمات

انا و بفكر كدا و في حاله ذهد و تأمل فكره في ظاهره فذه من نوعها

و هي البنات بتتسم دايمآ انها معاها شنطه في ايدها

في اي مكان رايحاه تأخد الشنطه دي ^^

الكليه او فرح او مشوار او عزاء___الخ

طبعآ الشنط دي اشكال و الوان و احجام مختلفه

و كل بنت و حسب ذوقها

طيب يا نور ايه السر في الشنطه دي $

لو قلنا فلوس طيب ممكن تحطهم ف المحفظه

لو قلنا ميك أب و ادوات تجميل مش كل البنات بتحط

لو قلنا متفجرات طيب هتفجر ايه

انا احترت في السر دا

فهي بدعه لا اساس لها

لان زمان مفيش بنات بتمسك شنط

السبب الي خلاني اتكلم عن شنط البنات دي

ان فيه واحده كانت داخله الشركه فالسكيرتي فتش شنطتها

قعدت تقول لا و تزعق

طيب ليه ؟؟
وايه لزمتها تشليها معاكي
عقول صغيره
ربنا يشفي

[phalsteen]

طب وانت شاغل نفسك ليه انا مش فاهمة
وهو حد كان سألك مثلا عن خصوصايتك ^_^
ولا هي غيرة وغلاسة وخلاص
أهي موضة وعادة وكمان احتياج لانها فعلا مهمة وليها لزوم مش منظر يعني
مش كل البنات بيشيلوا محفظة وحتي لو الكل مش كلهم عندهم جيوب
وبعدين مستلزمات البنات كتير
وبيني وبينك اهي بتنفع في الشياكة

[طِيشْ !]

و إنت اش أخششك ^^ ...

دماغك بيودي و يجيب فالشنطة ليه ؟؟

بما إن حضرتك يعني بتقول عقول فاضية و صغيرة

فأعتقد إن حضرتك هتكون أكبر من إنك تفكر و تسترجع موقف و حاجة صغيرة زي دي ...

ولنكن واقعيين أكثر ...

المرأة ليها متطلبات و حاجات كتير ممكن تحتاجها و تحطها في الشنطة ..~

لكن الولاد بئا اليومين دول بقوا هما اللي بيشيلوا شنط ؟؟!!

قولي بئا لماذا ؟؟

ومعتقدش إنك هتلاقي سبب ..

بينما البنت فعلا زي ما إنت قلت

البعض بيحط ميك أب و البعض لأ

بس كلنا بنحط كريمات و بنحتاج حاجات تانية

يسلمووووو

ودي ووردي

[∂αнмє]

هههههههههه

يعم سيك منهم

انت عادى جداّ ممكن تلاقى فى الشنطة دى

لب وسودانى مثلا ساندوتش مكرونة اى حاجة كانز

اى حاجة بيتسلو بيها وخلاص ده طبعا غير الحاجات الخاصة .......بئا

افهم انت

[لامار ابراهيم]

لا هي بيكون ليها لازمه طبعا لانه بتشيل معظم الحاجات اللي بنحتاجها ولان شنطه البنت بتكون من الحاجات الخصوصيه جدا مش من حق حد يفتشها كده .. بيكون ليها فايده انها بتلم اكبر قدر من الحاجات بدل ما تمشي وتنسي حاجتك في اي مكان بتكون كل الحاجات جوه الشنطه فلوس موبيل ميك اب كتب

[Words Whisper]

الموضوع دا بيفكرني
بمواضيع حضرتك بعد رجوعك الفورم اللي كانت موجهة ضد حواء !!~


أولاً كدا مش ينفع نحكم على شيء بالــ لاأهمية
لأنه مش مهم عندنا
ممكن جدااا يكون مهم عند غيرنا
فيه حد الموبايل بالنسبة له شيء مش أساسي
وفيه حد الموبايل عنده ضروري
يبئا حد فيهم تافه أو مش فاهم ؟! لا هي اختلاف اهتمام
هي نفس الفكرة
أهمية الأشياء بتختلف من شخص للتاني
وعدم أهميتها بالنسبة للبعض لاينفي أنها مهمة
+ أنه من الحكمة ان مش نحكم على الآخرين بدون مانفهم مواقفهم
ومن الحكمة استيعاب عقول وتفكير الآخرين
ومن الحكمة وحسن التفكير مش نقرر رؤية معينة قبل مانفهمها ..


بالنسبة للشنطة نفسها
والله أي حد ولد أو بنت بيكون معاه حاجات أساسية
وبيتعامل معها بالشكل اللي يحبه
ودي بردو الطريقة اللي ممكن البنات يتعاملوا بيها مع حاجاتهم وهما خارجين
فين المشكلة ؟؟
دا شيء خاص بصاحبته واللي كانت مضايقة من التفتيش
مش حضرتك تحكم انها تافهة وعقلها صغير
ممكن بالنسبة لها كان محرج انه شنطتها تتفتش
هو حضرتك عادي أي حد يدخل يفتش في المكان اللي حضرتك حاطط فيه خصوصياتك ؟؟


شكراً ع الموضوع ..
دمت بتوفيق وسعادة ..

[مشتاقه للجنه]

اقتباس فهي بدعه لا اساس لها لان زمان مفيش بنات بتمسك شنط

طالما بدعه فهى محرمه بقه

تعرف أنى أنسرقة منى الشنطه
وكان بيها كل شئ مهم جداا .. جداا
موبايلى .. فلاشتى .. مفاتيحى .. مبلغ محترم
هدوم هنا .. وسلسله لهنون دهب ,
ده اللى مثبت بالمحضر الرسمى اللى عملته

نصحونى كتير ان لا أحمل حقيبه ولكنى لا أستطيع الاستغناء عنها
لانها بكل بساطه بتلم كل أشيائى ,,
موفق على الطرح ولا تتدخل بخصوصيات النساء ( نصيحه أخويه )

[Lost Pearl]

طالما هي عقول صغيرة و ربنا يشفي

انت شاغل نفسك بيها ليه

يا نور الدنيا مليانة حاجات اد كدة تكتب عليها

كل يوم بيحصل 100 موقف ممكن تتكلم عليهم

سايب بقي ده كله و رايح تتكلم علي شنطة البنت

انا شايفة الموضوع مش ف محله يعني كل بنت ادري هي بتحط ف شنطتها ايه

يعني انا مثلا بضطر اشيل المحفظة و الموبايل ف الشنطة عشان موبايلي كبير مش ينفع ف جيب

ده غير كتب الكلية

و كل واحدة و زي ماتشوف بقي و زي ما هي محتاجة

كل واحدة و خصوصياتها يعني !!

الموضوع استفزني بصراحة ،،

[الرحــاال المٌتَمرد]

السِر الغامض ,,
في البدايه ,, موضوع قيم مِنك يا نور
أبرز قضيه بتشغل الرأى العام ,,
وهي الشٌنط !!
مؤكد أنك عَلمت الأن سِر هَذا
لعلها تَكن نهايه حَربك علي حواء
لنعيش فى سلام يا سيدي ,,
كٌن دائما بخير ,, وسأنتظر جديدك
إن لَم يَحمل طرحك حَرباً جديده

تحياتى

[حنـــــون]

اقتباس طيب ليه ؟؟ وايه لزمتها تشليها معاكي عقول صغيره ربنا يشفي

ربنا يشفى ليه بئه مجانين ولا ايه
على فكره انت عجيب انت مالك انت
البنت تشيل شنطه ولا ماتشلش
وبعدين انت ايه يعرفك بخصوصيات
البنت الى بتحتاج انها تحطها فى
االشنطه وهى خارجه
وبعدين حد قالك اننا زيكوا هنحط محفظه فى الجيب
الورانى ومشط صغير فى جيب القميص من قدام
وبعدين حتى الشنط هتخلوها بعده ياخبر اسود ومنيل
على دى ايام ياناس
تعرف انا استغنى عن اى شئ الا الشنطه ايه رايك بئه
اظن كدا انا الى محتاجه ان ربنا يشفينى صح
البنات تختلف عنكوا يااستاذ انت تمشى مبهدل
تمشى هدومك مقطعه عادى انما البنات بئه
هتمشى تحط فلوسها فى اديها مثلا ؟؟
سبحان الله
الا قولى يانور ياخويا انت ماوركش غير انك
تكتب مواضيع عن البنات هما قهرينك ليه