العين والحسد

[حالمة باميرى]

بسم الله الرحمن الرحيم


عن النبي – صلى الله عليه وسلم- قال: "العين حق، ولو كان شيء سابق القدر سبقته العين، وإذا استغسلتم فاغسلوا" وهو عند البخاري (5740) ومسلم (2187) من حديث أبي هريرة – رضي الله عنه- بلفظ "العين حق"، ومنها: ما ثبت عن جابر - رضي الله عنه- أن رسول الله – صلى الله عليه وسلم- قال: "أكثر من يموت من أمتي بعد كتاب الله وقضائه، وقدره بالأنفس، يعني بالعين" رواه الطيالسي في مسنده (1868) وغيره، وصححه الألباني


طبعا القصص عن العين كثيره وطويله مابقول كم من ام فقدتت ولدها بسبب العين ولا كم من بنت ضاع جمالها بسبب العين ولا كم من رجل طرد من وظيفته بسبب العين الكم الهائل من الطلاق واللي يحصل بالاعراس من مصائب وامراض ليس لها علاج طبي

الموضوع بكتبه بعد سماعي لقصه حصلت في مدرسه قبل اسبوع عندما توفت احدى الطالبات الذي قيل انها كانت صاحبة صوت جميل جداً ونادر اصيبت في السرطان بحنجرتها
وماتت

الم تعلم تلك الطالبه او المعلمه التي اصابتها بالعين انها كانت تستطيع ان تقول ماشاء الله وتجنبها هذا المرض وهذا الموت نعم هو قدرها ولكني قد اصف من اصابتها بالعين بالقاتله



وفي اشخاص لو طلبت منهم قول ماشاء الله
استكبروا وقالوا نحن لا نصيب بالعين وكأن حديث الرسول عليه الصلاة والسلام يستثنيهم



اسألتي؟؟

هل مررت بتجربه اليمه مع العين وكيف تعالجت منها وكيف وقعت؟؟


منقول

[حفيدالفراعنة]

اكيد الحسد موجود زى ما حضرتك ذكرتى
وربنا يكفينا شره
بس بصراحه لم امر باى تجربه
والعين بتكون سهم قاتل فى بعض الاحيان
شكرا لك

[حالمة باميرى]

نورت موضوع بمرورك

[აα∂ Ԑγεა]

اممممم هو انا كنت بصدق بالحسد
بس مش بالدرجه الكبيرة
لكن اكتشفت ان في ناس فعلا كدة حقيقي كدة
وان عيونهم بتقضي وش
بالنسبالي بثق في نظرتي والحمد لله بشوف الناس بفرحلها مش بحسدها

بالنسبه للموقف ففي موقفين قريبين علشان كدة فاكرهم
تقريبا مش يعرفهم الا نادرا ومش بتكلم فيهم

النظام الجديد
انا غبت الامتحانات كذا سنه ومبقتش مهتم بالتعليم وبايع
كان في كذا مشاكل بالنسبالي ادت بيا اني مبقتش كويس في دا
جيت السنه اللي فات نزلو النظام الجديد للتعليم
اللي هو ان الثانوية سنه واحده بس وترمين !
وانا كان معايا مادتين في سنه ثانيه ثانوي غايبهم
يعني النظام يتطبق عليا المفروض
قمت غبت سنه كمان للمرة الثالثه
علشان يتطبق عليا واخد سنه ثانيه من الاول بنجاح وسقوط
وبعدها اخد سنه ثالثه حاسمه بمجموع ومستقبل

جالك بقي ناس من عندنا جيرانا اللي هما مخلصين
واللي هما لسه في الثانوية وهكذا
واحد جاري بيحكيلي وبيقولي علي كلام كانو بيقولوه وهو كان موجود
قالي ايه قالي انهم كانو بيتكلمو وبيقولو
محمود حظه حلو
محمود مشيت معاه اوي
باع باع باع وفي الاخر لفت رجعتله لوحدها من غير ما يتعب
جاتله فرصة تانيه من بلاش
وبقي يقدر يجيب مجموع يابخته وياريت كانت عندنا الفرصه زية
هو قالي اسامي الناس اللي اتكلمت والحوار كلة وهكذا
ايه حصل ؟؟
بسبب مشاكل في الورق وحاجات غريبه كدة
متمش النظام الجديد عليا
وبقيت علي النظام القديم زي مانا
وضاعت سنه علي الفاضي


،،,

موقف ثاني للتاكيد
الحوالات الصفرا
بتاعت العراق اللي اتصرفت قريب دي اكيد عارفينها
اول ما تم الاعلان عنها بقي
انا والدي الله يرحمه كان شغال في العراق زمان وله فلوس هناك ماخدهاش
قالك ايه بقي الجيران
ان اولاد الاستاذ محمد اكتر ناس هتستفيد
ابوهم مدرس مش عامل وله فلوس كتير هناك
دول هييجيلهم عالاقل 100 الف جنيه من الحوالات
وهتمشي معاهم كويس
و و و و

لحد الحظه اللي بكتب فيها دي !
مش قادرين نصرف قرش واحد من الفلوس !
اللي طبعا ولا 100 ولا تعرف ريحة المية ولا تيجي ربعها حتي !
لكن للحظة متصرفتش وفي مليون مشكلة في الورق !
لا وكمان ايه ؟؟
طبقا لان لقوانين الميراث
لان والدي اتوفي قبل جدتي ووالدتي قبل جدي
عمامي وعماتي واخوالي وخالتي ليهم فيها ميراث !
يعني حتي دول ورثو في ابويا وامي !
وللحظة مش واخدين اي شيئ من الفلوس دي
كل ما نحل في ناحية تتسد ناحية تانيه وادينا بنلف
عدي سنه كاملة علي الصرف واغلب الناس صرفت !
واحنا لسه مش قادرين نخرج قرش واحد !
وتحت وصايه ومجلس حذبي و تركة موزعه و اعلانات وراثه كتير و و فكو الوصايه
يعني من الاخر بندور في دايرة كبيييييييييييييييييييييرة

وادي العين !
حقيقي بكره البلد اللي عايش فيها دي
ومستني اليوم اللي اخرج منها ومش ارجع ثاني ابدا

[حالمة باميرى]

هههههههههههههه

اية دة دانت حظك فى العين حلو اوى

طبعا الحسد مذكور فى القران وانا من ضمن الناس الى اتاذيت بيها
بصدقها جدا
ولم بشوف حد ناجح او متفوق بقول بسم اللة ما شاء اللة
ربنا يزيدة لكن فى ناس بتحب تحسد عشان كدة على راى المثل دارى على شمعتك تقيد
صح منور اخى الموضوع

[الأميرة رودي]

الحسد مذكور فى القرآن والرسول الكريم أستعاذ منه
وبالفعل فيه ناس بتلاقي عنيهم وحشه بس دول اللى قلوبهم فيها شويه شر وغباء
لانهم مش بيفرحو لغيرهم بل بيستكترو عليهم الشئ اللى معاهم
بس بصراحه عمرى ماسمعت ان العين او الحسد كان سبب فى موت فــلآن
ممكن أه سمعت انه سبب فى مرض فلآن لانه ده حصل معانا

كلنـــــــا بلآ استنثاء معرضين للحسد
وانا شخصيا حصلت معايا ومع أسرتى مواقف مش هتتعد
واللى يزعل فعـلا انك بتحس انه اقرب الناس هو اللى مش مبسوط ليك فى الحاجه دي
وتكون عينه هى اللى مظبطه الدنيا ..

مرينا بعقبات كتير وأصيبنا بـ أمراض وتعرضنا لمشاكل وبلآوى وده كله بسبب أقرب أقرب أقرب الناس
شكرا على التوبيك حبيبتي
وربنا يكفينا شــر العين

[حالمة باميرى]

ربنا يكفينا شر العين والحسد

منورة اختى موضوعى

[عذب المشاعر]

بالطبع الحسد مذكور فى السنة والقران

عن عائشة رضي الله عنها قالت : قال رسول الله صلى الله عليه وسلم

( استعيذوا بالله من العين فإن العين حق )

كل انسان يصيب غيره بالعين والتبريك يبطلها والدليل الأمر العام من رسول الله بأن يدعو أحدنا لنفسه أو لغيره بالبركة

انا فى الاول كنت دايما بنؤمن بالحسد بس عمرى ماتخيلت انو يقع عليه

وكان حصلى موقف فيه فعلا اتحسدت فيه جدا

والموقف ده هو ان كتير من الناس كانو دايما يقولولى انتى عنيكى حلوة ولونها جميل اوى

وفى يوم كانت عمتى جاية من عمرة وكانت جايبة معاها كحل اسمه اثمد

فحطيت فدخل فى عينى من جوه لقيت عنيه حرقتنى اوى

فغسلت وشى بسرعة بس بعدها نظرى ضعف شوية

والغريب بقى ان قرايبى كلك لما لقو عنية اتاثرت من الكحل مفيش حد حط منه لانى قولتلهم متحطوش منه

وبقى فيها التهابات بس الحمد لله اتعالجت منها

ربنا يكفينا شر العين والحسد

تسلمى على روعة طرحك

[جبل عالي]

( قل لن يصيبنا الا ماكتب الله لنا )


موضوع جديد وطرح طيب بإذن الله

تسلمي للموضوع وتمنياتى بدوام التألق

[حالمة باميرى]

أجمل بآقآتِ الشّكر, لِـ رقيّ ردكم .,
وتحيّة معطّـرةً بِ الورد أهديهـآ إليْـكم.,
فأعجز عن تقديم شكْري لِـ شخصـكم.,~
ومآكآن منّي إلآ أن أرسلهآ عبر
بآقآتِ الجوريْ أنثرهـآ بين
يديكم,ومن هنـآ أقدم لكْـ
خآلص شكْري
وتـــقـــــــديــــــريْ
لِـ سموكم.,~