يبقى الوضع كما هو علية .

[morshooo]

بسم الله الرحمن الرحيم

الحمد لله الثورة قامت ودخلت فى اكثر من ( سنتين ) ولكن .

يبقى الوضع كما هو عليه

مفيش حاجا اتغيرت بالنسبالى فى ( مصر ) لو كان فى

فساد وفاكرين انة خلاص انتهى يبقى بنضحك على نفسنا

لو فاكرين ان خلاص الناس بقى عندها احترام للاخرين يبقى برضو بنضحك على نفسنا

لو فاكرين ان الاستغلال راح من البلد يبقى برضو بنضحك على نفسنا

لو فاكرين ان الرئيس لسة على كلامة ومش عايز حراسة وفاتح بدلتة نبقى بنضحك على نفسنا

عموما الواحد مبقاش فاهم حاجا وكلنا بنسئل نفسنا

سؤال غريب جدا ( هى فين الشرطة ) .

السؤال دا لما بفكر فى اجابتة بطلع بنتيجة واحدة وبقول لنفسى

( احنا لية عايزين الشرطة ترجع واحنا اصلا مش بنديهم فرصة انها ترجع )

انا لو ظابط او بنتمى لـ ( الداخلية ) انا مواطن معرض للموت فى اى وقت

والناس دى مش جاية من الشارع والا مستوردنهم من برا مصر دى ناس كلهم

ليهم اهل وبيت وعائلة اكيد بتخاف عليهم العلاقة بين المواطن والشرطة

مبقتش علاقة ( امن وأمان ) دى بقت علاقة ( عداء فى عداء )

وكلنا بنبصلهم انهم والا حاجا صحيح بقالهم سنين وسنين كانو طايحين فى البلد

على كل شكل ولون وكان اقل رتبة فيهم فاكر نفسه ( رئيس الجمهورية )

بس خلاص دلوقتى عرفو حدودهم كويس وعرفو يعنى اية ( مواطن )

وعرفو ان فى ( قانون ) بيحكمنى وبيحكمه فلية مانساعدهمش انهم يرجعو مرة تانيه .

دا من غرائب الشعب المصرى دلوقتى لما بنشوف لجنه واقفة ( بنقول ايوة كدا ربنا معاهم ).

وطبعا مش هكلم عن السرقات الى بتحصل عينى عينك ومبقتش السرقة بليل بس

لا دى فى عز النهار وبالسلاح وخد عندك بقى ( خطف شغال ) ( سطو شغال )

( سرقة عربيات شغال ) ( سرقة فلوس بالملايين شغال )

عموما طول مافى ( جبهة انقاذ ) هنفضل نقول ( يبقى الوضع كما هو علية )

طول ما كل واحد بيمثل على الشعب انة وطنى هنفضل نقول ( يبقى الوضع كما هو علية )

طول ما رجال الدين بيكلمو فى السياسة هنفضل نقول ( يبقى الوضع كما هو علية )

طول ما الاعلام مبيهموش الا المصائب الى بتحصل فقط هنفضل نقول ( يبقى الوضع كما هو علية )

طول ما محطة ( القرأن الكريم ) فى الراديو بقت تكلم فى السياسة ودعم الرئيس ( يبقى الوضع كما هو علية ) ^_^

طول ما رئيس الحكومة ضعيف وبيعترف ان حوكمتة ضعيفة ( يبقى الوضع كما هو علية )

طول ما دم المواطن المصرى رخيص ومش فارق مع الرؤساء ( يبقى الوضع كما هو علية )

اخيرا : عمرنا ما هنتفق على شخصية فى البلد دى ونستحملة ونسكتلة الا لو كان ( فرعون )

[نجم وزهره ومسافات فراق]

اخي الفاضل
ان الله لا يغير ما بقوم حتى يغيروا ما بأنفسهم
صدق رب العرش العظيم


طالما يا أخي لما نحسن التقرب لله
ولم نحسن التعامل الانساني بيننا
ولم نكن على قدر تكريم ربنا لنا
توقع ما هو أصعب وأشرس
وقانا الله شرور انفسنا يارب
اشكرك لطرحك البناء الهادف
مع تقييمي
حفظك الله

[ساحر الأحزان]

لو كنا فكرنا ان الثورة حتغير كل حاجة يبقى احنا غلطانين الثورة قامت على نظام لاقى الشعب من كتير من الظلم والهوان

لان لازم التغيير يكون مطلوب مننا فى تعاملنا وفى سلوكياتنا اهو الثورة قامت النظافة فى الشوارع موجودة التزويغ من العمل

خلاص انتهى الاكراميات والمحسوبيات راحت

الفساد خلاص انتهى

طالما الجذور متشعبة يبقى انت حتحتاج وقت كبير انك تخلعها على شان تزرع مكانها جذور تانية ,

الثورة غيرت النظام بسلبياتة وايجابياتة

انما التغيير المطلوب لازم يكون فى احساس بشيل هم البلد من الجميع لان ايد لوحدها لا تصفق لازم الايادى تتشابك

مع بعضها البعض

موضوع جميل مرشو

تحياتى ليك

[morshooo]

اقتباس المشاركة الأصلية كتبت بواسطة نجم وزهره ومسافات فراق اخي الفاضل ان الله لا يغير ما بقوم حتى يغيروا ما بأنفسهم صدق رب العرش العظيم طالما يا أخي لما نحسن التقرب لله ولم نحسن التعامل الانساني بيننا ولم نكن على قدر تكريم ربنا لنا توقع ما هو أصعب وأشرس وقانا الله شرور انفسنا يارب اشكرك لطرحك البناء الهادف مع تقييمي حفظك الله

كتير قولت ان العيب من البداية كان فينا احنا

كشعب مش فى نظام يعنى كنا بنشوف الظلم

والفساد وكل انواع الضحك علينا وكنا بنسكت

كنت بتروح تخلص مصلحة حكومية ممكن تكلفك

( 10 جنية ) بتدفعلك ( 100 جنية ) رشوة للموظف

عشان يخلصهالك دا كان عيب شعب مش عيب نظام

وكل دا لسة موجود برضو ماتغيرش .

منور اسديقى

[phalsteen]

في هذا الوقت المنكوب
تبقى تلك المساؤي التى تصيب بلدنا
وتدميها حسره وخوف وانكسار
فقد ماتت الضمائر وانتشرت اللامبالاة
حتى المسؤلين عن الحفاظ واعادة الاستقرار
قد اختنق وجودهم وشلت حركاتهم وسيطرت الاستهترار علي عقلوهم
وأصبحت كل الأعين لاترى النور إلا من خلال
القتل والدمار والفوضي والضجيج الامبرر
كلمات دون جدوي
صدقت اخي حينما قولت يبقي الوضع علي ما هو عليه الا لم يكن يسؤ يوما وراء يوما
مودتي لروحك

[morshooo]

اقتباس المشاركة الأصلية كتبت بواسطة ساحر الأحزان لو كنا فكرنا ان الثورة حتغير كل حاجة يبقى احنا غلطانين الثورة قامت على نظام لاقى الشعب من كتير من الظلم والهوان لان لازم التغيير يكون مطلوب مننا فى تعاملنا وفى سلوكياتنا اهو الثورة قامت النظافة فى الشوارع موجودة التزويغ من العمل خلاص انتهى الاكراميات والمحسوبيات راحت الفساد خلاص انتهى طالما الجذور متشعبة يبقى انت حتحتاج وقت كبير انك تخلعها على شان تزرع مكانها جذور تانية , الثورة غيرت النظام بسلبياتة وايجابياتة انما التغيير المطلوب لازم يكون فى احساس بشيل هم البلد من الجميع لان ايد لوحدها لا تصفق لازم الايادى تتشابك مع بعضها البعض موضوع جميل مرشو تحياتى ليك

اهلا ساحر منور

مين قالك ان الاكراميات والمحسوبيات راحت ^_^

دى موجودة وشكلها مش هتروح اصلا ^_^

انا معاك ان الثورة غيرت نظام لكن .

مغيرت سلوك شعب ودا عيب الثورة الى قامت .

[نجم وزهره ومسافات فراق]

اقتباس المشاركة الأصلية كتبت بواسطة morshooo كتير قولت ان العيب من البداية كان فينا احنا كشعب مش فى نظام يعنى كنا بنشوف الظلم والفساد وكل انواع الضحك علينا وكنا بنسكت كنت بتروح تخلص مصلحة حكومية ممكن تكلفك ( 10 جنية ) بتدفعلك ( 100 جنية ) رشوة للموظف عشان يخلصهالك دا كان عيب شعب مش عيب نظام وكل دا لسة موجود برضو ماتغيرش . منور اسديقى

لا ولم ولن تتعدل احوال مصر
طالما قبل اهلها امورا ما انزل الله بها من سلطان
الرشوه
الفساد
المحسوبيه
الظلم
القهر
الزيف


كل هذا انتشر وسينتشر للاسف يا اخي الفاضل
طالما نبتعد عن الله
صلاح الاحوال لن يكون الا بحسن القرب لله ( دون شعارات )
حفظك الله وحفظ البلد والكل يارب
شاكر كرمك

[morshooo]

اقتباس المشاركة الأصلية كتبت بواسطة Čίŋđёяёℓℓα في هذا الوقت المنكوب تبقى تلك المساؤي التى تصيب بلدنا وتدميها حسره وخوف وانكسار فقد ماتت الضمائر وانتشرت اللامبالاة حتى المسؤلين عن الحفاظ واعادة الاستقرار قد اختنق وجودهم وشلت حركاتهم وسيطرت الاستهترار علي عقلوهم وأصبحت كل الأعين لاترى النور إلا من خلال القتل والدمار والفوضي والضجيج الامبرر كلمات دون جدوي صدقت اخي حينما قولت يبقي الوضع علي ما هو عليه الا لم يكن يسؤ يوما وراء يوما مودتي لروحك

اهلا بيكى سندريلا منورة

انا معاكى ان فعلا الامور بقت صعبة

ومشكلتنا اننا شعب طيب يعنى لما تيجى تقولى

شوفت البلد عاملة ازاى يقولك ( بكرة هتبقى احسن )

طيب هتبقى احسن منين وازاى وفين الدليل الى يخلينى

اقول اة دى فعلا هتتظبط وفى حاجا فى البلد تخلينى استناها

لكن كل الى بنشوفة مش مبشر بحاجا خالص ^_^

[مُنـــــايا]

غضب الله على قوم ضااااع الحق بينهم أتسائل دوما ما نحنُ به هل هو غضب من الله علينا ..!! ام هذا بلاءً من الله لنا ...؟؟ مخاوف .. وحزن قاسي .. ورعب كل هذا تملكنا حد النخاع .. لا لوم ولا عتاب اليوم على أحد من الخارج فكل ما حدث من خراب وتدمير بأيدينا نحن .. نحن من .......... خربنا .. وسلبنا.. ونهبنا... والمال مالنا ..!!! والعرض عرضنا ..!!! والسمعة سمعتنا ..!!! كيف ؟!!!!!!!!!!!! أين المصير وبات الهلاك موطننا وكابوس يهاجم بشراهة بوادر صبية أحلامنا ؟!!! لا أنكر إن تلك الحركة الثورية كانت لابد أن تندلع لكثرة ما ألم بشعبنا في الآونة الأخيرة كل هذا كان كفيل بأن يجرى ما جرى . ونظل علي ما نحن عليه .. حتي نحس بالتغيير ولكن متي التغيير ؟؟؟ ولكن لنبدأ بأنفسنا اولا والله كفيل برد الحقوق ... ونهاية قولي أن أغفر لنا يا ربي خطايانا اللهم آمين موضوع قيم يسلموا الايادي دمت بتوفيق من الله تحيتي

[Mo chahin]

عيبنا ياحمد اننا بنعيب غيرنا والعيب مالينا من ساسنا لراسنا ..

وعيب كمان ان كل واحد شغال فى مكان مش مكانه ..

وبياخد دور مش دوره .. وعجبى !

موضوعك جميل ياحمد ..

اتمنى الاستقرار لمصر كما كان حالها ..