زعلان يهدد بتفجير قسم الخزعبلات ^_^

[phalsteen]

انا عارفة انكم هتموتوا وتعرفوا باقي الحكاية واخر التطورات وخصوصا عشان تطمنوا علي حوراء
وتشوفوها عملت ايه مع زعلان

بداية دي الحلقة الاولي للي متابعش عشان يربط الحكاية ببعضها ويفهم ويحاول يفهمنا بئا

http://forums.banatmisr.com/msryat404695/


صحيت من النوم متأخر ع صوت ودوشة وخبط ع البروفايل بتاعي
قومت متعصبه اشوف مين لاقيته ساد ايز بيقولي انتي لسة نايمة
يالا هاجي معاكي عشان نشوف حوراء
اتصلنا بزعلان واتفقنا اننا نروح نتفاوض معاه ووافق يشوف ساد


وصلنا المكان وفضلنا ننادي ع حوراء وزعلان
لكن محدش كان بيرد

ساد : وبعدين ي سندريلا انتي متاكدة من العنوان
سندريلا : ايوة يا ابني هو قالي كدة


ساد : يكون قتلها
سندريلا : يا عم دا عبيط يقتل مين بس
اسمع كدة يا ساد في صوت دوشة هناك
ساد : طب يالا بسرعة



اول ما دخلنا لاقينا مفاجأة ( حوراء رابطة زعلان وبتضربه )

ساد : يا صلاة النبي احسن هو مين خاطف مين
انتي بتشتغلينا يا بت

سندريلا : برافو عليكي شاطرة يا حوراء
يالا نمشي بئا كفاية هتموتيه

ساد : يالا بسرعة نجري احنا بئا

سندريلا : اوكي ههههههههههههههه
شاطرة حوراء

ساد: ميتخفش عليكم يا بنات المنتدي
والنبي صعبان عليا زعلان
مات من الضرب

سندريلا : ايه دا يا ساد فين حوراء


( مشينا ان وساد ندور ع حوراء وتخلينا لاقيناها فين فكت زعلان وبتشربه عصير )

ساد : انتي مجنونه ي حوراء فكتيه ليه وانتي مجرتيش معانا ليه ؟

حوراء : معلش يا ساد اصله صعب عليه
وبعدين اصلك مش فاهم
اصل انا خليته نايم وقولت العب شوية بلاي ستيشن بئا
وكنت ماشية كويس والحمد لله كنت بلعب بالريال وكنت هكسب خلاص
وفجأة هو صحي من النوم وقطع الكهربا


يرضيك كدة يا ساد

اسكتله يعني

ساد : يعني انتي مربطهوش عشان تهربي

حوراء : واهرب ليه منا عارفة انكوا هتيجوا تاخدوني

سندريلا : ساد معاك حاجة للضغط
انا عايزة اروح




ورجعنا تاني نتفوض مع الاستاذ زعلان

ساد : بص يا اخينا انت انا هخليك مشرف زي ما انت عاوز
ايه رأيك تمسك قسم المحذوفات
قسم حلو وزي الفل
وهتبقي العضو الوحيد في العالم اللي يمسك اشراف المحذوفات

زعلان : طب والوسام


ساد : انا وصيت الماجيك عملك وسام جامد بس كان تقيل معرفتش اشيله
ابقي تعالي خده انتا بئا
بس ابئا قول للماجيك انا زعلان وهو هيعمل معاك الواجب هو والمنتدي كله


يالا بئا ممكن تخلصنا عاوزين نروح عندنا شغل


زعلان : طب انا فاضل ليا طلب اخير

سندريلا : دا زودها اوي

بنقولك مشغولين عاوز ايه

زعلان : بس قولي لساد يوافق ؟

ساد : احنا هنلعب ما تخلص



زعلان : انا بحب حوراء وعاوز اجوزها والا هفجر قسم الخزعبلات ودا اخر كلام عندي



حوراء : لووووووووووووووووووووووووووووووووووووووولي

ساد : يا دهوتي السودة يا نا يا ما
انا كان مالي ومال الشغلانه دي
الحقي يا سندريلا حوراء اتهبلت


سندريلا : انا مش من هنا | انا عايزة اروح

وفي النهاية وافق ساد واتنقنا نعمل الفرح في قسم الخزعبلات



واتبسطت جدا حوراء

ولكن يا فرحة ما تمت واحنا لسة بنتفق

لاقينا ناس شكلهم غريب كدة ولابسين ابيض

بيقولنا ان زعلان هربان من مستشفي المجانين واننا لازم نسلمه دلوقت

وان دي عاشر جوزارة يجوزها من ساعة ما ساب المستشفي




ومن هنا قناة تخاريف انتهت من عرض المشكلة حصريا
وبنقول لحوراء متزعليش وحمدلله بالسلامة
وان شاء الله ربنا يعوضك بواحد احسن منه ويكون فرحان




الي اللقاء مع مقلب جديد من قناة تخاريف

[ساحر الأحزان]

ونا بستغرب على غياب حوراء المفاجىء اتارى زعلان كان خطفها ودة كان عامل حالة قلق وتوتر فى المنتدى

وساد كتر خيرة جهز فرقة العمليات والكوماندوز بتاع المنتدى لتخليصها من الاسر

ونجحت الخطة بجدارة

مغامرة جميلة سندريلا

والتهييس عامل شغل عالى معاكى

ننتظر باقى قناة التخاريف

تحياتى

[طِيشْ !]

ههههههههههههههههههه

توء توء ... حوازة منيلة بستين نيلة

دآ إنتي حظك أسود يا حوراء

يا عيني عليكي .. الرآجل طلع مجنون

يلا بئا بالناقص ^^

جبتي للعيال الضغط و البنكرياس بس

محمود مبئاش فيه صحة يستمر في منصب نائب الإداري

يسلموووو سندريلا

يعطيكي العافية

ودي ووردي

[აα∂ Ԑγεა]

انا كان مالي ومال الشغلانه دي اصلا
مانا كنت مرتاح ومليش دعوه بحاجة

اهو اخرتها بتفاوض مع المجانين
انا مالي يحب ولا ميحبش ويتجوز ولا يطلق ايه العاهات دي ياربي
يرضيكي كدة ياسندريلا وانتي شوفتي كل حاجة
مانا قلت من الاول لا تفاوض مع اي حد وحوراء تستحمل
ليه التعب دا كله :d
واهي التانيه طلعت مجنونة

زي ما قالت طيش انا مفيش صحة ولا عقل حتي علشان اكمل دي
انا خلاص قررت اسيب الرتبه دي
في كتير جدا يقدر ييجي مكاني ويستحمل انا فاض بيا

حد يشيل الليله ؟؟

[phalsteen]

اقتباس المشاركة الأصلية كتبت بواسطة Ѕad Єyes انا كان مالي ومال الشغلانه دي اصلا مانا كنت مرتاح ومليش دعوه بحاجة اهو اخرتها بتفاوض مع المجانين انا مالي يحب ولا ميحبش ويتجوز ولا يطلق ايه العاهات دي ياربي يرضيكي كدة ياسندريلا وانتي شوفتي كل حاجة مانا قلت من الاول لا تفاوض مع اي حد وحوراء تستحمل ليه التعب دا كله :d واهي التانيه طلعت مجنونة زي ما قالت طيش انا مفيش صحة ولا عقل حتي علشان اكمل دي انا خلاص قررت اسيب الرتبه دي في كتير جدا يقدر ييجي مكاني ويستحمل انا فاض بيا حد يشيل الليله ؟؟

ازاي بس انت الخير والبركة
^_^

[اميرة الحب الضائع]

انتو الى غلطو من الاول كان المفرود كنتو تسالؤ البنت يمكن كان حب الطفولة
يلا الى حصل حصل معلش يا حوراء حظك طلع مجنون يلا دوري على حد تانى