زواجى تايع مسابقة الفضفضة

[∂αнмє]

السلام عليكم ورحمة الله وبركاتة

صباحكم / مسأكم معطر بماء الورد انشاء الله

انتا اخترت الموضوع دة بصراحة ومش عارف
هيطلع ايه فى الاخر بس بجد
انا حبيت اتكلم فيه اطلع اللى جواية عنه
يمكن استريح


فى بداية الامر الجواز دة حاجة روتينى يعنى زى الحضانة
كدة واحنا صوغيارين .. المدرسة لما بنكبرشوية
ابتدائى .. اعدادى .. ثانوى .. بجمع المراحل

الجامعة .. ندخل الجيش طبعا . ودة اكبرعقبة بتواجه
اى شب مننا .. مش عشان هو صعب وبهدلة

لكن الجيش بياخد زىى ما بيقولو احسن فترة فى عمر
الشاب مننا .. اللى هيا الفترة بعد المراهقة على طول

نيجى بعد كدة للجواز ... من مبادء الجواز عندنا فى اليكس
ان العريس هو اساس الفرح .. هو كل حاجة

بمعنى ان العريس عندنا عليه اكتر من نص الجوازة
ازاى الشقة على العريس .. الخشب .. واكيد طبعا
فى ناس هتقول يعنى ايه الخشب .. يعنى

الانترية وغرفة النوم ............ الـــــــــخ
اى حاجة تقع تحت مصطلع خشب .. فـ العريس بيجبها

بعد كدة الاجهزة الكهربائية .. دة غير تكاليف الفرح طبعا
وقبل الفرح تكاليف الخطوبة .. والدهب . والاكل والشرب طبعا

يجماعة عندنا فى اليكس بجد العريس بيطع عينو والله
يمكن فى محافظات كتير .. المطالب دى مش موجودة فيها
الا عندنا احنا وبجد لو مش مصدقينى كلامى اسئلو

اى من اسكندرية ... بس بجد الواحد هيجيب منين كل دة
والبلد حالها اصلا بايظ وله فى شغل وله فى حاجة

يعمل ايه دلوقتى الشاب مننا .. عشان يتجوز
ويحس بالاستقرار .. زى باقى البشر

انا واللهى .. وربنا هيحاسبنى عن الحلفان دة
كنت ماشى فى الشارع .. مرة كدة ومعدى من حتة

شعبية .. على نصية الشارع بالظبط .. فالقيت شاب كدة
جاى بتجاهى .. وبيسألنى مش عايز حاجة .. طبعا انتو
مش هتفهمو هو يقصد ايه .. اشرحلكم انا

هو يقصد بالحاجة دى المخدارات طبعا .. تمام

فـ ببص فى وجه .. لقيتو واحد كان معايا ايام المدرسة
فهو كمان افتكرنى . سلم عليا واخدنى بالحضن وعامل
ايه واخباروك وصحتك .. محدش بيشوفك ليه وكدة يعنى

المهم اخدته على جنب كدة عشان اكلمة .. فبقوله ايه دة
يا عم . اللى انت بتعملة مخدرات . الحال وصل بيك للدرجادى

يرد عليا يقول اومال هعمل ايه .. وهجيب فلوس ازاى
وهتجوز ازاى و . و . و وحجات كتير بدون ذكرها

قولتلو يعنى انت كدة مبسوط وانت بتكسب حرام وعايش حرام
وكمان مش خايف على نفسك ...............................

الحوار كان بينى وبينه كبير . فعشان مطولش عليكو

اللى عايز واصلهلكم ان دى حالة من حالات كتيررررر
اوى لطريق بيسلكة الشاب مننا .. طبعا هو طريق

غلط . بس للأسف ملقاش حد ينصحة وهو فى اول الطريق
دة حال كتير من الشباب . بس يمك انتو مش حاسين بكدة

لانكو انتو بتضيعو كل اوقتكم على الانترنت . والهوايات الشخصية
يعنى الكلام دة تشفوه وتحسوه فى اى منطقة شعبية

واكيد اللى ساكن في اى حتة كدة هيكون عارف كلامى دة كويس

بجد انا ارتحت جداّ لما اتكلمت الكلام دة .. انا ميهمنيش انى
اكسب فى المسابقة اكتر ما يهمنى اعرف رايكم .. وشكراّ

[الابتسامه المصريه]

فضفضه فى محلها
هتلاقى شباب مثلك نفسهم يقولوا
ال انتا قلته
ودى عادات وتقاليد فى جميع محافظات مصر
وهذه العادات ليست من الاسلام
وربنا يعصم شبابنا وبناتنا امين يارب
بالتوفيق فى المسابقه

بارك الله فيك

[سهـــر]

يا رب دايما ترتاح ي احمد
تمنياتي بالتوفيق ليك

[حَرفُُ هجآءّ]

السلام عليكم
فضفضه جميله
شوف هو المطالب فى اليكس مش كلها على العريس لانى اعرف ناس كتير
بيبقى كل شى بينهم بالنص
زى مثلا هو الخشب وهى الاجهزة
وطبعا الحاجات الرفيعه على البنت
بتفرق بقى من عائله للتانيه فى حجم التجهيزات
واذا كان صحبك بيبع مخدرات عشان يتجوز
فالغاية لا تبرر الوسيلة
مش عشان يتجوز يبيع مخدرات هو مش بيضر نفسه لوحده للاسف
لكن بيضر كتير من الشباب ومش عشان مصلحتى أأذى الشباب
كان ممكن يشتغل اى حاجه وليل نهار ده لوعايز يتجوز بالحلال
وبعدين ده بيته من حرام واكله حرام وخلفته كمان هيأكلهم حرام
واذا كانت اصلا المخدرات شربها حرام يبقى التربح منها اكبر حرام
ان الله اذا حرم على قوم أكل شىء حرم عليهم ثمنة
الله يهدى الشباب

[∂αнмє]

اقتباس المشاركة الأصلية كتبت بواسطة magnet girl السلام عليكم فضفضه جميله شوف هو المطالب فى اليكس مش كلها على العريس لانى اعرف ناس كتير بيبقى كل شى بينهم بالنص زى مثلا هو الخشب وهى الاجهزة وطبعا الحاجات الرفيعه على البنت بتفرق بقى من عائله للتانيه فى حجم التجهيزات واذا كان صحبك بيبع مخدرات عشان يتجوز فالغاية لا تبرر الوسيلة مش عشان يتجوز يبيع مخدرات هو مش بيضر نفسه لوحده للاسف لكن بيضر كتير من الشباب ومش عشان مصلحتى أأذى الشباب كان ممكن يشتغل اى حاجه وليل نهار ده لوعايز يتجوز بالحلال وبعدين ده بيته من حرام واكله حرام وخلفته كمان هيأكلهم حرام واذا كانت اصلا المخدرات شربها حرام يبقى التربح منها اكبر حرام ان الله اذا حرم على قوم أكل شىء حرم عليهم ثمنة الله يهدى الشباب

وعليكم السلام . انا عارف كلامك كويس
بس دة بيكون على حسب الاتفاق بردة
صح وله ايه . وبعدين انا بتكلم عن العامة
مخصطش حد يعنى . ودة طبعا بردة بيختلف
ما بين العائلات وبعضها . فى عيلة بتقدر
العريس وبيجيبو الحاجة مساهمة ما بينهم هما الاتنين
وفى اللى بيجيب لوحدة . وبالنسبة لصحبى اللى
بيبيع مخدرات . هو انتى شكلك كدة اصلا هتحبسينا
بتسيحى يعنى . بس انا مش ببرر موقفة وله حاجة
دة بالعكس انا كلمتة وفهمتو ان اللى بيعملو دة اكبر
غلط . يعنى انا بردة عملت اللى عليه تجاه ونصحتة
وربنا ياخد بأيدة .. يله ربنا يهدى الناس اجمعين
نورتى يا اختى

[حَرفُُ هجآءّ]

هههههههه والله مش محاسبه بس اللى يدايق
ان الواحد يعمل الغلاط وبعدين يقول الظروف
وينسى ان هيجى يوم من الايام وزى ما عمل هيتعمل فيه
ممكن يلاقى حد من ولاده مدمن
وقتها هيحس اد ايه هو غلط غلط كبير فى حق نفسه واولاده وفى حق الشباب

[∂αнмє]

ههههههه سبتنى انتى كل حاجة وركزتى مع المخدارت
انتى عارفة انا الناس اللى زى دول بيصعبو عليا اوى
مع انى بردة شاب زيهم . وكل حاجة بس هما بيصعبو عليا
عشان هما مضيعين نفسهم للأسف وبردة الغلط مش عليهم
الغلط على اللى بيمونهم . دة الشرير الكبير اللى استغل ظروفهم
ولعب بيهم . دة مش معناه انهم مش غلطانين لاء هما غلطانين ونص كمان
لانهم طوعو نافسهم ومشو فى السكة دة . وبردة زى ما انتى قولتى
اللى عايز يعمل فلوس يشتغل بدل الشغلانة اتنين وتلاتة كمان
واللهى العظيم انا اعرف ناس شغالة 3 شغلانات . بيطلع من الاولى
على التانية ومن التانية على التالتة . واهو بينام حبة فى كل شغلانة
والعملية ماشة وفى اللى بيشتغل شغلنتين . يعنى بردة ام شيئ
ان الانسان ميضمرش نفسه بأيدة .. صح كدة

[פﭠة ﺳگـړُھَہّ]

زى ما اتقال طبعا ان الحجات دى بتكون بالاتفاق بين الطرفين

فى ناس فعلا بتقفل دماغها وممكن تبوظ الجوازه بسبب الحجات دى

لانهم بيشوفوا المنظر والمظهر فقط

وفى ناس تانيه مش بتختلف بدام شايفين ان ده الشخص المناسب

لكن المفروض ان اللى يحصل فى الوقت الحالى عكس كده وده مش معناه انى اسيب بنتى كده من غر شقه

وتروح وزى ماتيجى

لازم الاهل يكونو مطمنين على بنتهم

وده بردوا فى الاول وفى الاخر مبنى ع اتفاق الطرفين

لكن المشكله مش ف الاهل

المشكله من الاول فى المجتمع والحاله الاقتصاديه اللى البلد فيها

ومشمكلة البطاله ومشاكل كتير ورا بعضها جايا معاها

يبقى مش المفروض اننا نحمل الاهل كل المشكله لان المشكله ف الاول مشكلة مجتمع

شكرا ليك ع الفضفضه دى وياريت تكون ارتحت شويا

بالتوفيق

[روح صامتة]

كل اللي اقدر اقولهولك ان دا قلة ايمان من صاحبك ..
عارف الدوافع دي .. كانت ممكن تخليك تسلك نفس الطريق ..
طب اشمعنا هوة وانت لا ..
ثانيا موضوع الجواز دا انا نفسي ع فكرة بفكر كتير ان اازاي
البني ادم يبني اسرة وبيت وعيشة اصلا
وهوة مش عارف اصلا يعيش لوحده في الظروف الخانقة دي !
فعلا والله يعني البني ادمين في مصر عايشينها بالبركة ..
ربنا وقت ما هيأذن هيفتحها عليك ..
خليك مؤمن بكده ..
وربنا يوفقك لكل خير ان شاء الله ..
ارق تحياتي

[∂αнмє]

اقتباس المشاركة الأصلية كتبت بواسطة حتة سكره زى ما اتقال طبعا ان الحجات دى بتكون بالاتفاق بين الطرفين فى ناس فعلا بتقفل دماغها وممكن تبوظ الجوازه بسبب الحجات دى لانهم بيشوفوا المنظر والمظهر فقط وفى ناس تانيه مش بتختلف بدام شايفين ان ده الشخص المناسب لكن المفروض ان اللى يحصل فى الوقت الحالى عكس كده وده مش معناه انى اسيب بنتى كده من غر شقه وتروح وزى ماتيجى لازم الاهل يكونو مطمنين على بنتهم وده بردوا فى الاول وفى الاخر مبنى ع اتفاق الطرفين لكن المشكله مش ف الاهل المشكله من الاول فى المجتمع والحاله الاقتصاديه اللى البلد فيها ومشمكلة البطاله ومشاكل كتير ورا بعضها جايا معاها يبقى مش المفروض اننا نحمل الاهل كل المشكله لان المشكله ف الاول مشكلة مجتمع شكرا ليك ع الفضفضه دى وياريت تكون ارتحت شويا بالتوفيق

بغض النظر عن انى ارتحت او لاء .. بس انا
مكنش قصدى او مقولتش ان الاهل يسيبو
بنتهم كدة وخلاى .. زى ما حضرتكـ زكرتى ..
بس انا كل اللى اقصدة ان يكون فى شوية
رحمة من اهل العروسة بالعريس . وزى ما انتى
قولتى بردة . حال البلد مش كويس ومفيش
استقرار . واكيد بردة هما عرفين الكلام دة
ليه بئا بيعقدو الامور . عشان شوية حاجات
ويارتها بتكون مثلا اساسيا .. واللهى حاجات تافهة
يعنى انتى عارف انا واحد صحبى . الجوازة اتفشكلت
على ايه ... تخيلى كدة .. عشان ابو العروسة
مصمم انها متدخلش غير لما يكون عندها كمبيوتر
شوفى بئا واللهى صحبى مقصرش فى اى حاجة
قالو إن شاء الله بعد الجواز ربنا يسهل ونجيبو يعنى
قالو لاء .. فأنا بضربلك مثل على كلامى بردة
وعلى العموم ربنا ييسر الحال إن شاء الله
وبجد نورتى جداّ واسعدنى كلامك