أشمعنا

[تجملت بالعفآف]

هل آحنا فعلاً في آزمة آخلاق؟ فكرت كتير في حال البلد وحالنا وبعد تفكير عميق آكتشفت اننا عندنا آزمة كبيرة آوي وهي ( الآخلاق ) بقة عندنا آزمة آخلاق كبيرة هي السبب في كل حاجة بنمر بيها والسبب الرئيسي في دا النظام السابق ..لآنه سيطر علي الشعب وخلاه ينسي كل حاجة ويبقة في صراع مع لقمة العيش والفلوس بتيجى آزاي يا يبقة في صراع مع الكيف والآنحراف عشان البطاله ^^ وفـ خلال 30 سنة فساد وظلم وسرقة وقهر وسحل وتعذيب وفقر كل دا نتج عنه فساد مجتمع بآكمله بآستسناء فئة قليلة جداً جوة البلد ودي اللي آتربت ع المبادء والقيم وفاكرة ربنا كويس دي اللي عندها ضمير وبتعامل ضميرها في كل شيئ بتقدمه لبلدها او لغيرها او في شغلها ,, آنا آول المعارضين لحكم المرشد وآول حد مش عاوز مرسي ومش عاجبني نظامه وفكره بس تعالو نفكر كدا؟ لو مرسي مشي وجالنا واحد تاني حابب يغيرنا للآحسن تفتكرو الشعب كله هيساعده في دا؟ تفتكرو لو جالنا حد كويس وبيراعي ربنا فينا آحنا هنراعي ربنا في بعض؟ البني آدم اللي بيسرق هيبطل يسرق؟ التاجر اللي آخد وآتعود علي الفهلوة والضحك ع الضقون والغلاء اللي بيجيب السلعه بـ جنيه بيبعها بعشرة تفتكرو هيجيبها بجنيه يبيعها بما يرضي الله؟ الشاب اللي واقف ع الناصية في الآحياء الشعبية بيعاكس بنات وبيشرب مخدرات ..تفتكرو هيبطل يعمل كدا ؟ تاجر المخدرات الكسيب تفتكرو هيتنازل ساعتها ويشتغل بالحلال ويرضي بقليله ويعيش كويس؟ افران العيش واصاحبها تفتكرو هيبطلو تهريب ضقيق للسوق السودا ويعرفو ان دا حق الغلابة ويتقو ربنا في الناس؟ آزمة البنزين والسولار تفتكرو الناس اللي بتهرب السولار والبنزين هتبطل تهربه عشان يتوفرلنا آحنا ؟ المصالح الحكومية تفتكرو ممكن تشتغل بدون رشوة ؟ زمان لما كان الواحد بيمشي في الشارع ويلاقي فلوس يقعد يسآل اللي حوليه ويلف ويسآل عشان يلاقي صاحبها ..دلوقتي لو واحد لقي 5 جنيه في الآرض يقعد يلتفت حولية عشان يشوف حد شايفة ولا لاء ويقوم حاطتها في جيبه ..تفتكرو دا ممكن يتغير؟ زمان كان الجار بيخاف علي الجار ولما ولدتك متكنشي موجودة في البيت تلاقي آم فلان جارتكم بتخبط تطمن عليك وبتشوفك آكلت ولا لسة ..تفتكرو دا ممكن يرجع؟ زمان لما الساعة كانت تيجي 8 بليل وواحد يلاقي بنت من الشارع بتاعه او من بيته ماشية رايحه تجيب حاجة كان يطلعها تاني حتي لو يعرفها شكلاً .ويقولها انا هجبلك .ولو معملش دا بيفضل حاطت عينه عليها لحد ما تجيب اللي عاوزاه وتطلع تاني بيتها عشان محدش يغلس عليها او يعاكسها دلوقتي ممكن تبقة جارته في البيت ويشوفها معدية من قدامه في الشارع وهو اللي يعاكسها تفتكرو دا ممكن يتغير؟ تفتكرو كل واحد بيشتغل اي شغلانة ممكن يراعي ربنا فيها ويشتغلها بضمير؟ تفتكرو الشتيمة اللي بنسمعها في الشوارع طول ما احنا ماشيين والآلفاظ اللي بتتنطق ممكن تتمنع؟ تفتكرو اللي بيكسر الآشارة هيبطل يكسرها؟ تفتكرو المدرسيين اللي بيتاجرو بالدروس الخصوصية هيبطلو دا؟ تفتكرو كل واحد في البلد هيعرف ربنا كويس ويفتكره في كل حاجة بيعملها؟ تفتكرو اللي بيزني هيبطل يزني؟ تفتكرو اللي بتشتغل فتاة ليل هتبطل دا ؟ تفتكرو اللي بيسكر هيبطل يسكر تفتكرو المقاول اللي بيغش ويطلع بالعماير بآقل تآكليف عشان يكسب هو وياكل وبعدين العمارة تقع باللي فيها ممكن يتغير الراجل دا؟ تفتكرو اننا ممكن نغير من نفسنا للآحسن عشان نساعد اللي عاوز يغيرنا للآحسن؟ هل يُعقل آن كل واحد فينا يتحط عليه رقيب آو عسكري عشان يراقبه وعشان يمشي كويس؟ كلنا فاسدين متستغربوش اني بقول كلنا فاسدين ؟ بجد كلنا فاسدين ..مش بس النظام انت او انتي او غيره لو جتلك الفرصة من بلدك تعمل بيها ثفقة تكسب من وراها ملايين مش هتفكر في غيرك آد ما هتفكر في مستقبلك وعيشتك آنها تكون آحسن وخلاص ؟ ومتقوليش ساعتها المبادء لآنك قدام العز والفلوس عنيك هتتعمي ومش هتشوف القيم والمبادء لو كل واحد فينا بدء بنفسه آنه يكون كويس ويمشي كويس ويراعي ربنا فآي شيئ هيعمله صدقوني البلد هتكون آحسن بكتير ..لو اللي بيرمي الورقة فى الشارع راح رامها في الصندوق هتلاقو كل شوارعنا نضيفة ..لو اللي بيبيع مخدرات بطل يبيع مخدرات مش هتلاقي شباب بتطوح لو المدارس والمدرسيين بطلو جشع وعلمو الآطفال يعني آيه دين وقيم ومبادء مش هتلاقي جيل فاشل لو التجار تبطل غلاء وتراعي ربنا في الناس مش هتلاقي واحد بيسرق عشان معهوش يجيب ومش شرط السرقة تكون بطريق مباشر السرقة بتتجزء ممكن هو كمان يكون بيتاجر في شيء تاني وبيسرق من عن طريقه؟ لو الموظفين تبطل تاخد رشوة مش هتلاقي اى حد بيخالف القانون لو السواق بيحترم طريقه مش هتلاقي حادثة بسبب كسر اشارة ^^ عيب علينا نكون فاسدين ونطالب بحكم يكون مش فاسد؟ لما كلنا نبقة كويسيين ساعتها نقول ان دا مش نافعنا عشان فاسد عشان من المفروض ان رقيبك او الحاكم اللي بيمشيك يكون آحسن منك في كل شيئ والقدوة ليك انما آحنا كل حتة في بلدنا ماشية بالفساد وكل حاجة فى الشوارع متلطخة بفساد حتي نفوس الناس للناس بقت كلها فساد في فساد ..انهاردة ممكن اخ يموت آخوة عشان الفلوس ..ممكن واحد يخطف عشان الفلوس انهاردة تلت تربع شباب بلدنا بياخدو مخدرات ودا واقع محدش يقولي لاء ..انهاردة بقت كلها مصالح ومفيش حد صالح زي ما بقول ..لآن الفساد عشش جوانا واتعودنا عليه ومنقدرش نعيش من غيره انهاردة شوفت البنزينا فاتحين سنج ومطاوي علي بعض عشان يفولو بعد بكرة هنلاقي نفسنا بنضرب بعض بالآلي عشان ناخد من بعض فلوس ناكل بيها عشان مش هيبقة فيه شغل ولا هيبقة فيه فلوس فا اللي معهوش هيدخل على اللي معاه يضربه وياخد فلوسة عشان يآكل عياله بيها اوعو تفتكرو ان دا كلام في الهوى؟ آحنا داخلين على ثورة جياع حقيقية آحنا بندمر يوم عن يوم وللآسف احنا اللي مش عاوزين نفوق آحنا اللي مش عاوزين نعيش كويس ..آحنا اللي مش عاوزين نبدء بنفسنا ..آحنا كلنا اغبية وكلنا خطائيين ..وكلنا فاسدين ..وكلنا ناسيين ربنا ..انا غبي وفاسد وناسي ربنا ولما بقع بفتكره ..وغيري وغيري .تفتكرو ربنا بيعمل فينا كدا عشان نحس بوجودة شوية ؟ عشان نتقي الله بقة حبة؟ عشان نراعي ربنا في غيرنا ونفسنا .؟ عشان نمشي كويس ويبقة عندنا آخلاق ؟ تفتكرو لما البلد دي تقع واقعه حقيقية وفـ لحظة نلاقي نفسنا مُحتلين وطيارات فوق مننا بتضرب فينا ونعمل مخابئ ونستخبي من الغارات ساعتها هنقول يارب؟ تفتكرو ساعتها بس الحرامي هيفتكر انه لي رب ويبطل يسرق؟ تفتكرو ساعتها بس هنطل فساد؟ ونفتكر ربنا تفتكرو آننا مبنفتكرش ربنا غير لما بنقع في مصيبة وبتكون تقيلة هنفضل على كدا لحد آمتي؟ هنفضل نطالب برفع الظلم والفساد عننا لآمتي وآحنا آصلا مفسدين واتعودنا نكون مفسدين تفتكرو البلد هتتصلح الاول ولا نفوسنا تتصلح قبلها عشان نساعدها تتصلح بينا تفتكرو مين السبب في كل حاجة بتحصلنا دلوقتي ؟ السبب مش النظام القديم لوحدة السبب ان النظام القديم اتشال بس لسة اثارة فينا كلنا وفـ كل حتة في بلدنا السبب آننا بقينا في آزمة آخلاق حقيقية وناسيين ربنا في كل حاجة بنقدمها لغيرنا او لبلدنا جالنا مرسي جالنا شاهيين جالنا ابراهيم ..بلدنا مش هتتغير غير بينا ومش هتنضف غير لما ننضف احنا من جوانا عشان نحس بحلاوة نضافتها فينا ,, لازم كويس نفكر ونخاف من ربنا قبل الحاكم والنظام ..وبكدة محدش فينا هيكون اقل من التاني ولا حد فينا هيعمل الغلط ويسمح لغيره بيه ..لازم نرجع الآخلاق فينا تاني عشان نساعد في نجاح بلدنا آحنا بجد في آزمة آخلااااااق ومش هنحس بدة غير لما كلنا نقع ومش هنتغير غير لما منلاقيش الكوتة ساعتها هنفتكر ربنا كويس ربنا يصلح من حالنا جميعاً السلام عليكم ورحمه الله موضوعنا عن أشمعنا حاجه تقهر القلب والله أشمعنا العرب دايما متأخرين في كل شئ للأسف الشديد و دا هو الي بحصل ومحدش ينكره الله يرحم الأجداد القدماء المصرين كانت الدول متقدمه في ايديهم الموهم دا مش موضوعنا اليوم الأجانب والأمريكان والمسحين والقسيس والعالم كله حافظون القرأن بالتلاوه الصحيحه رغم أن لغاتهم تختلف عن لغه القرأن ويصعب لهم دراسه اللغه العربيه لكنهم حفظوا القرأن بتلاوه صحيحه كما كتب في الكتاب أما العرب أصحاب اللغه العربيه للأسف يصعب عليهم حفظ جزء منه وبتلاوه صحيحه لماذا دائما متأخرين في كل شئ صحيح هما بعرفوا يحفظوا لأغراض أخري لكنهم تقدموا علينا بكل شئ ونحن أخر الدول المتقدمه في كل شئ العيب فينا وليس في زمننا هل يصعب علينا فعلا التقدم حتي في شريعتنا أتركـ لكم ساحه النقاش وانا معاكم موفقين

[Lost Pearl]

عشان احنا مشغولين بتفاهات كتير

+

حكام البلد مبوظينها و مش مديين مخنا مساحة للتفكير ف حاجة مفيدة

تسلمي يا وردة ع الموضوع

[حفيدالفراعنة]

احنا بلد اشمعنا
ما نسمعش غير اشمعنا
ومليش دعوه
وبيقلو
ونحيا مصر وافريقيا
شكرا لك .....

[SiLver Spectra]

قرآن ايه اللي حافظينه !!
مقتدمين عشان بيشغلوا عقولهم بس مش اكتر
مش بتوع حفظ
احنا بلاد الحفظ ,,حتى في التعليم بنعلم التحفيظ , الطالب يحفظ عبارة و يجاوب بيها و خلاص
حتى رئيس الجمهورية حافظ مش فاهم ))
فطبيعي هتفضل قاعدين في القاع

[booody99]

لما قيل للإمام البصري فلان يحفظ القرآن
قال بل القرآن يحفظه

تخلفنا عائد لوضع أخطائنا على شماعة الآخرين

والله قال ان تنصروا ينصركم ويثبت أقدامكم

نحن لو طبقنا ما نحفظه من القرآن لرجعنا لعهد قوتنا

ولكن المصحف لا يفتح الا في رمضان على مضض

بما كسبت ايديكم ويعفو عن كثير

[gold rose]

طبعاً السبب الأول يرجع إلي ابتعادهم عن الشريعه
وعدم حفظهم لها .,
والثاني بسبب فرقتهم وتشتتهم وانشغالهم بملذات الدنيا .,

التأخر الذي هم فيه بسبب التاخر عن آداء عباداتهم .,
بسبب التأخر عن الفروض والواجبات .,

السبب العام ابتعادهم عن ربهم .,

[ساحر الأحزان]

كان منذ القدم وقبل التطور العلمى كان اول ما يفعلة الاهل مع ابنائهم حينما يستيطعون النطق هو ارسالهم

الى الكتاب والكتاب دة كان فية شيخ وشيوخ يعلمون الابناء القراءن الكريم واحكامة تعليما لا غبار علية ولهذا شفنا

الكثير من العلماء الذين كان لا يضاهيهم ,,,,,,اى شخص فى علومهم وثقافتهم من الخارج الطفل عندما يتم

العاشرة يكون قد حفظ القراءن واعادة تلاوتة عدة مرات

اليوم عندما تتفتح عينية على الكلام ويبداء فى الحركة التلفاز موجود والبلاستيشن والكاجى و1 واخوتها

ولهذا رئينا برغم غزارة التقدم فى العلوم والقراءة الا ان الرغبة قلت لتحفيظ الابناء منذ الصغر مع ان فى الصغر

الطفل عقلة يستوعب ويحفظ بسرعة كبيرة

فدة مرجوعة الى الاهمال وقلة الرغبة فى تعليمة وتحفيظة منذ الصغر

موضوع جميل وردة

تحياتى

[-esraa-]

انا مرة قرأت اعالفيس الجملة دي وهي فعلا صحيحة 100% (الفرق بيننا وبين الدول المتقدمة اننا نحبط الناجح حتى يفشل وهم يدعمون الفاشل حتى ينجح )

عند العرب في عقول احسن من 100 عقل عند الاجانب بس مش في اي احد بيدعمها ويقدر يستغل العقول دي في افادة الناس..

تسلمي عالموضوع وردة

[عاشقة ذكر الله]

بيفهمو و احنا بنحفظ و بس
حتى القرآن لما بيجو يحفظوه أو يقرأوه بيقفو عند كل كلمه علشان يفهمو معناها
أما احنا عندنا ماشاء الله أهم حاجه إنك تكون حافظ القرآن وبس مش مهم إنك تفهمه المهم إنك تكون حافظه
حتى فى تععليمنا العاددى تيجى تسأل المدرس طب دى ليه يقولك هى كدا احفظها و خلاص !!!
يسلمووو

،،

[ĂΗMÈÐ ÅŅĪŜ]

انها ارادة الله

( عسي ان تكرهو شيئا وهو خيرا لكم )