العلاج بالقرآن !!

[۩۩ elMagic ۩۩]

جميل جدا الموضوع دا
انا من سنه تقريبا او اكتر شويه
بحثت كتير في الحكايه ديه
لسبب كده شخصـي ولاقيت اللى كنت عايزه
شكرا ي طارق على الموضوع
يدوم التميـز ,,

[العاشق الذى لم يتب]

إنه لعظيم أن أرى هذا الشرح الوافى والكم الهائل من تلك المعلومات والتى تدل على وعى ودراية كاملين كما تدل على العقلانية فى الأسلوب والطرح وبحكم حضرتك دكتوراه فى الطب وبالرغم أنه بعيد عن تخصصك إلا أنك تحدثت بإمعان عن الحالات النفسية ولكن لايمنع أن القرءان الكريم وكما حدثنا ربنا جل وعلا فيه شفاء ولكن للذين آمنوا عظيمنا لك كل ود ومحبة ودعواتى لك بالتوفيق والتألق دمت بخير مودتى رفعت

[Mahmoud Mohie]

فى دولة مش فاكرها يعنى ..
فى مدرسة من مدارسها .. (( كان مستوى الطلاب مُتدنى ))
جم ف يوم وقالوا الطلبة ذوات اللون الأأخضر ثبت ان
نسبة ذكائهم أعلى ...
بعد اسبوع مستواهم اتحسن ... عن أى طلبة أخرين ..
بعد النتيجة قالوا ان الدارسة كان غلط ..
وقالوا ان الطلبة ذوات اللون السوداء نسبة ذكائهم أعلى
تانى اسبوع درجااتهم بقت أعلى ...

وحاجات مشابهه لهذا كثيرة ..

أخلص من القول او القصة -الحقيقة- دى بإيه ؟؟
انك طالما اقتنعت بشىء ..
يبقى بديهى هتتأثر بيه ..
وهيأثر فيك ..
وكله جوااك انت ... وبمزاجك انت ..



شكرااً ع الموضوع

[طِيشْ !]

فلسفة دكتورية عميقة الحقيقة ..~

بيغسل زي نآنسي عجرم ..^_^ .. تصدق قفلتني

ربنآ معآه ويشفيه بئآ

بالنسبآلي القرآن و الميوزيك الهادي فعلاً مريحه للأعصاب بشكل كبير

و سبحآن الله بئآ رآحتنا في شيء بين ايدينا و مع ذلك محدش بيتعظ ..

الطب النفسي جميل و مثير , بتحس إنه شيء جذآآب

و أجمل حاجة فيك إنك بتعرف تقرأ اللي قدآمك من غير ما يتكلم ..

ربنا يوعدنآ و ندخل طب نفسي من غير ما نبقى مجآنين زي ما بيقولوآ ..

ثقافة العصر اللي إحنآ فيه بتسمي الشخص المضطرب نفسياً مجنون و اللي بيعالجه مع الوقت بيتجنن زيه !!

وفعلاً العقل البآطن للإنسان بيصور له حاجات كتير بتكون مش موجودة , و مش صحيحة

زي إنفصام الشخصية كدآ ,,

نو كومنت عن الأكل عشآن أنا هطلع مختلة عقلياً ^_^

ThanQ fery mUch ...

دوآآم الحصريآت الثقآفية دي ..

ودي ووردي

[ساحر الأحزان]

فية فرق بين الايهام النفسى لكرة شىء وتعود علية زى ما بتشوف شخص كدة تلاقية شخص نباتى لا يقرب للحوم

انما تعود على النبات او زى المريض برغم مرارة الدواء الا انة بياخدة املا فى الشفاء بسى فية فرق عندك بين الوهم النفسى

والوهم العضلى

النفسى تتدخل المعاملة فى نسبة كبيرة من شفائة انما العضلى بيتدخل فية التاثير على نفسية المريض بان فية امل لشفائة

مع اتباعة للادوية

القراءن علاج روحانى للضيق وكبتة النفس وضيق الصدر تشعر وانت تقراؤة براحة وطمانينة فى صدرك فالقراءن ربيع القلوب وسبب

شفائها

موضوع جميل يا طارق موفق

[إيلانا]

اولأ اشكرك لان الموضوع جعلني استمتع بقرأته


كلام لاغبار عليه وهذا طبقاً لقول الرسول عليه السلام تفألوا خيرا تجدوه


لان ماقلته من باب التفأل في نظري


والقران فيه شفاء لناس وقوله تعالى (الابذكر الله تطمئن القلوب )


ومن اصدق من الله قولاً


البعد عن الدين وهجر القران والاذكار اول اسباب الامراض النفسية


والجن حقيقة لا يمكن نكرانها لكن التحصين وقاية منهم


بأذن الله


لكن هناك امرا قد غفل عنه الكثير ا من وهي الصدقة فالرسول عليه السلام يقلوا داوا مرضاكم بالصدقة


فلو تصدق احدانا بنية الشفاء من الله كان سبب في الشفاء بأذن الله


والرسول عليه السلام يقول (ماانزل الله من داء الا جعل له دواء فعرفه من عرفه وجهله من جهله الاالسام )


والسام هو الموت


في نظري بل حقيقة القريب من الله المستمر بقرأة القران بتدبر المتمسك بالتحصين بأذن الله


يحفظه الله من الامراض النفسية والجسدية


لانه يكون مقتنعا راضيا بما كٌتب له


طرح في قمة الروعة والفائدة تشكر عليه


راق لي كثيراً


حفظك الله ورعاك وابعد عنك شرا الاسقام


دمت بكل خيراً وسعادة


إيلانا

[Sєяєєη●•ʚɞ]

نعمل ايه فى دماغك دى ؟!
احلى حاجة ان كلامك مقنع وعقلانى ويدخل الدماغ
بس دة مايمنعش ان يخلينى افكر بردوا واشغل دماغى فى الكلام
واسأل نفسى سؤال وامسك الموضوع من زاوية تانية
ايه اللى وصل الناس للمرحلة دى دى وانهم يقتنعوا انهم ممسوسين ؟
ويوصل بيهم الحال انهم يروحوا لناس اللى للاسف كتير منهم بياخد الموضوع تجارة وبيتقلب الموضوع كله لدجل ؟
يبقى اكيد حاجة من القران او السنة بتقول ان فيه مس فعلا من الجن
لما دورت ع السريع كدة
لفت انتباهى اية وحديث
لان الموضوع دة لقيت فيه اختلاف بين الفقهاء والعلماء فى كون مس الجن لجسم الانسان من عدمة
فى منهم اكتفى بإن الشيطان بيقوم بالوسوسة ومنهم من اكد امكانية مس الجن لجسم الانسان والائمة الاربعه اتفقوا ع كدة
وكان من ضمن ادلة الاستناد الاية والحديث اللى لفتوا نظرى
الحديث اهو
وقال النبي صلى الله عليه وسلم : ( إن الشيطان يجري من ابن آدم مجرى الدم ) ( متفق عليه )
بس لما جيت دورت فى التفسير وشوفت الموقف اللى حصل فيه الحديث
لقيتة بإختصار ان صفية بنت حيى زوجة الرسول زارتة فى اعتكافة والوقت اتأخر فالرسول خرج معاها يوصلها فقابله رجلين فلما شافوة مع امرأة بعدوا واتكسفوا فالرسول قالهم تمهلوا انها صفية زوجتى
وهنا المس معناه الوسوسة بمعنى ان الرسول خشى ان يقع فى قلبهم ريبه او شك او سوء ظن بيه لانة عارف طبيعة النفس البشرية والوساوس اللى بتدور فيها
اما الاية
الَّذِينَ يَأْكُلُونَ الرِّبَا لا يَقُومُونَ إِلا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ
هنا شبه اكل الربا بالافعال اللى بيقوم بيها اللى بيمسة الشيطان
فأنا بصراحة ما اقدرش لا انفى ولا اكد مس الشيطان لجسم الانسان من عدمة لان العلماء لما بيختلفوا بيكون كل فريق مستند ع ادله
واكيد اللى بيأكدوا مس الجن لجسم الانسان هيكونوا شايفين ان العلاج الانسب له هو القران
ومن هنا جه العلاج بالقران

بالنسبة لكلامك فى انك ارجعت الراحة النفسية للعلاج بالقران فأنا متفقة معاك فيه
خصوصا ان زى ماقولت الحاله النفسية بتساعد فى الشفاء
زى مثلا واحد بيحس انة مش هيخف ويرتاح الا لما يروح للدكتور الفلانى
ع فكرة انة اللى هى مامة مامتى كانت مابتقتنعش باى دوا يكتبهولها اى دكتور تانى غير الدكتور اللى متعودة تروحلة
وهو كان كل اللى بيعمله انة يقولها انك زى الفل وكويس بترجع من عندة مرتاحة وتقول انا خفيت واى دوا بيكتبة بتقول ريحنى
وفى ناس كدة تقولك انا عارف علاجى الدوا الفلانى اللى هيريحنى
فالعامل النفسى مهم فعلا للعلاج
لو واحد زى الجن ولو راح لدكتور وقاله انت قلبك ضعيف
بتلقيه اتحول 180 درجة ومن اقل مجهود يقولك تعبان وعاش فى الوهم
بالرغم ان ممكن يكون قلبة ضعيف بقاله سنين وعايش طبيعى
بمناسبة الوهم
عندى واحدة صاحبتى اول اما تفتح الشباك ويكون الجو برد تقولك لا انا هتعب وهيجيلى انفلونزا ولو عطست وقتها عطسة تنام فى السرير وتقول تعبانة
رغيت كتيييير
موضوع طبعا حلو وعجبنى
تسلم ياطارق

[SiLver Spectra]

اقتباس المشاركة الأصلية كتبت بواسطة sereen نعمل ايه فى دماغك دى ؟! احلى حاجة ان كلامك مقنع وعقلانى ويدخل الدماغ بس دة مايمنعش ان يخلينى افكر بردوا واشغل دماغى فى الكلام واسأل نفسى سؤال وامسك الموضوع من زاوية تانية ايه اللى وصل الناس للمرحلة دى دى وانهم يقتنعوا انهم ممسوسين ؟ ويوصل بيهم الحال انهم يروحوا لناس اللى للاسف كتير منهم بياخد الموضوع تجارة وبيتقلب الموضوع كله لدجل ؟ يبقى اكيد حاجة من القران او السنة بتقول ان فيه مس فعلا من الجن لما دورت ع السريع كدة لفت انتباهى اية وحديث لان الموضوع دة لقيت فيه اختلاف بين الفقهاء والعلماء فى كون مس الجن لجسم الانسان من عدمة فى منهم اكتفى بإن الشيطان بيقوم بالوسوسة ومنهم من اكد امكانية مس الجن لجسم الانسان والائمة الاربعه اتفقوا ع كدة وكان من ضمن ادلة الاستناد الاية والحديث اللى لفتوا نظرى الحديث اهو وقال النبي صلى الله عليه وسلم : ( إن الشيطان يجري من ابن آدم مجرى الدم ) ( متفق عليه ) بس لما جيت دورت فى التفسير وشوفت الموقف اللى حصل فيه الحديث لقيتة بإختصار ان صفية بنت حيى زوجة الرسول زارتة فى اعتكافة والوقت اتأخر فالرسول خرج معاها يوصلها فقابله رجلين فلما شافوة مع امرأة بعدوا واتكسفوا فالرسول قالهم تمهلوا انها صفية زوجتى وهنا المس معناه الوسوسة بمعنى ان الرسول خشى ان يقع فى قلبهم ريبه او شك او سوء ظن بيه لانة عارف طبيعة النفس البشرية والوساوس اللى بتدور فيها اما الاية الَّذِينَ يَأْكُلُونَ الرِّبَا لا يَقُومُونَ إِلا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ هنا شبه اكل الربا بالافعال اللى بيقوم بيها اللى بيمسة الشيطان فأنا بصراحة ما اقدرش لا انفى ولا اكد مس الشيطان لجسم الانسان من عدمة لان العلماء لما بيختلفوا بيكون كل فريق مستند ع ادله واكيد اللى بيأكدوا مس الجن لجسم الانسان هيكونوا شايفين ان العلاج الانسب له هو القران ومن هنا جه العلاج بالقران بالنسبة لكلامك فى انك ارجعت الراحة النفسية للعلاج بالقران فأنا متفقة معاك فيه خصوصا ان زى ماقولت الحاله النفسية بتساعد فى الشفاء زى مثلا واحد بيحس انة مش هيخف ويرتاح الا لما يروح للدكتور الفلانى ع فكرة انة اللى هى مامة مامتى كانت مابتقتنعش باى دوا يكتبهولها اى دكتور تانى غير الدكتور اللى متعودة تروحلة وهو كان كل اللى بيعمله انة يقولها انك زى الفل وكويس بترجع من عندة مرتاحة وتقول انا خفيت واى دوا بيكتبة بتقول ريحنى وفى ناس كدة تقولك انا عارف علاجى الدوا الفلانى اللى هيريحنى فالعامل النفسى مهم فعلا للعلاج لو واحد زى الجن ولو راح لدكتور وقاله انت قلبك ضعيف بتلقيه اتحول 180 درجة ومن اقل مجهود يقولك تعبان وعاش فى الوهم بالرغم ان ممكن يكون قلبة ضعيف بقاله سنين وعايش طبيعى بمناسبة الوهم عندى واحدة صاحبتى اول اما تفتح الشباك ويكون الجو برد تقولك لا انا هتعب وهيجيلى انفلونزا ولو عطست وقتها عطسة تنام فى السرير وتقول تعبانة رغيت كتيييير موضوع طبعا حلو وعجبنى تسلم ياطارق

عارفه لما اتنين يتخانقوا مع بعض
بيتقالهم ايه ؟
بتلاقي الناس بتقولهم اخزوا الشيطان يا جماعة
هل وقتها بنسيب القضية و نمسك على ان الشيطان هو السبب و نروح ناخد الاتنين عشان يتعالجوا من الشيطان ؟
و لا بيعد كل طرف يحاول يحل المشكلة و سبب الخناقة اللي بينهم لان في النهاية السبب كان الطرفين دول و هما اللي اتخاقنوا و افتعلوا المشكلة

نفس الفكرة للوسوسة ,,او للجن او لاي حاجه
انت اللي بتسيب نفسك عشان تقنع نفسك بالامور دي
و هتلاحظ دائما ان الناس اللي بتجيلهم وسوسة بشكل مبالغ فيه او جن راكبهم بانهم ناس قلوبها ضعيفة و بتتاثر بسهولة جدا
و مش شرط يكون ايمانهم ضعيف ,,انا اخويا الوسطاني كان اكثر واحد متدين فينا و جت عليه فترة كان الوسواس واكله و يعد يتوضى عشر مرات و يستحمى قبل كل صلاة ,,بس دا كان زمان و دلوقتي بقى تمام :d
ففي النهاية الحاجات دي انت اللي بتعملها بنفسك و بتقنع نفسك بيه

فاحنا هنا في الدنيا واجبنا دايما اننا نحاول نحلل و نحل المشاكل بشكل علمي لأن العلم هيقوي ايمانك و هيبعدك عن الحاجات دي على خلاف لو فكرت بشكل غير منطقي هتلاقي فرصتك في انك تبقى ضعيف أكثر
كلنا بنؤمن بالغيب , بس المفروض ما نفكرش فيه و نحوله لشيء مادي
هو طبعا عشان عقل الانسان محدود فبيحب دائما يحول اي شيء لمادة عشان يفسرها بشكل ابسط , لكن في الحقيقة الامر مش كدا
و شايف اننا المفروض نتعامل بشكل علمي و نسيب الغيب لربنا , و الا ماكنش هيبقى الكلام عنه محرم

نورتي ,,

[Sєяєєη●•ʚɞ]

اقتباس المشاركة الأصلية كتبت بواسطة silver spectra عارفه لما اتنين يتخانقوا مع بعض بيتقالهم ايه ؟ بتلاقي الناس بتقولهم اخزوا الشيطان يا جماعة هل وقتها بنسيب القضية و نمسك على ان الشيطان هو السبب و نروح ناخد الاتنين عشان يتعالجوا من الشيطان ؟ و لا بيعد كل طرف يحاول يحل المشكلة و سبب الخناقة اللي بينهم لان في النهاية السبب كان الطرفين دول و هما اللي اتخاقنوا و افتعلوا المشكلة نفس الفكرة للوسوسة ,,او للجن او لاي حاجه انت اللي بتسيب نفسك عشان تقنع نفسك بالامور دي و هتلاحظ دائما ان الناس اللي بتجيلهم وسوسة بشكل مبالغ فيه او جن راكبهم بانهم ناس قلوبها ضعيفة و بتتاثر بسهولة جدا و مش شرط يكون ايمانهم ضعيف ,,انا اخويا الوسطاني كان اكثر واحد متدين فينا و جت عليه فترة كان الوسواس واكله و يعد يتوضى عشر مرات و يستحمى قبل كل صلاة ,,بس دا كان زمان و دلوقتي بقى تمام :d ففي النهاية الحاجات دي انت اللي بتعملها بنفسك و بتقنع نفسك بيه فاحنا هنا في الدنيا واجبنا دايما اننا نحاول نحلل و نحل المشاكل بشكل علمي لأن العلم هيقوي ايمانك و هيبعدك عن الحاجات دي على خلاف لو فكرت بشكل غير منطقي هتلاقي فرصتك في انك تبقى ضعيف أكثر كلنا بنؤمن بالغيب , بس المفروض ما نفكرش فيه و نحوله لشيء مادي هو طبعا عشان عقل الانسان محدود فبيحب دائما يحول اي شيء لمادة عشان يفسرها بشكل ابسط , لكن في الحقيقة الامر مش كدا و شايف اننا المفروض نتعامل بشكل علمي و نسيب الغيب لربنا , و الا ماكنش هيبقى الكلام عنه محرم نورتي ,,

طب ولو القران قالنا ان الحاجة دى موجودة فعلا وان فيه مس ؟
مش يمكن عقلنا احنا اللى رافض الفكرة لانة مش قادر يحولها لحاجة ملموسة ومادية ؟
خصوصا ان فيه امور غيبية كتير مهما اما فكرنا فيها مش هنقدر نوصلها او نعرف ماهيتها والا ماكنش ربنا احتفظ بعلم الغيب لنفسة صح ولا لأ ؟
لما نفكر بشكل علمى دى حاجة كويسة بس اساسنا هو القران والسنة مش هقولك راى عالم بيجتهد وبيصيب او يخطأ
متفقه معاك ان منطقيا هيكون المس ازاى بس دة بيخلينى اقول لنفسى دة غيبيات والاختلاف اللى لاحظتة فى الاراء والتفسيرات بين اة ولا خلانى اقرب لـ لا
بس دة ماخلنيش انفى ان ممكن يكون فيه ؟
فاهم قصدى
موضوعك وكلامك دة خلانى افكر وادور بس بحب اشوف اساسها اية فى القران او ايه الايات اللى خلت العلماء والفقهاء او حتى الناس يقتنعوا بكدة

[SiLver Spectra]

اقتباس المشاركة الأصلية كتبت بواسطة sereen طب ولو القران قالنا ان الحاجة دى موجودة فعلا وان فيه مس ؟ مش يمكن عقلنا احنا اللى رافض الفكرة لانة مش قادر يحولها لحاجة ملموسة ومادية ؟ خصوصا ان فيه امور غيبية كتير مهما اما فكرنا فيها مش هنقدر نوصلها او نعرف ماهيتها والا ماكنش ربنا احتفظ بعلم الغيب لنفسة صح ولا لأ ؟ لما نفكر بشكل علمى دى حاجة كويسة بس اساسنا هو القران والسنة مش هقولك راى عالم بيجتهد وبيصيب او يخطأ متفقه معاك ان منطقيا هيكون المس ازاى بس دة بيخلينى اقول لنفسى دة غيبيات والاختلاف اللى لاحظتة فى الاراء والتفسيرات بين اة ولا خلانى اقرب لـ لا بس دة ماخلنيش انفى ان ممكن يكون فيه ؟ فاهم قصدى موضوعك وكلامك دة خلانى افكر وادور بس بحب اشوف اساسها اية فى القران او ايه الايات اللى خلت العلماء والفقهاء او حتى الناس يقتنعوا بكدة

هو الجنين بيتولد باعجاز ؟
و لا له مسببات و مراحل تطور العلم اثبتها ؟
هقولك الاجابة الاتنين ,,اعجاز ربنا لا يناقض العلم في شيء
بس انت كانسان شغلتك هو انك تدور على العلم و هتدرس الجنين بشكل علمي لان دا اللي هيفيدك

المرض النفسي قد يكون في الغيب زي ماذكرتي جن عفريت و خلافه من الامور و الله اعلم
بس انا كإنسان واجبي اني اتعامل مع المسببات و بناء عليه أدور على علاج بشكل علمي صحيح , مش اني اسب المجال للدجل و الشعوذة و القوى الخارقة لان الحاجات دي بدمر المجتمع و بتخلي الظواهر دي تنتشر أكثر
و خير دلييل ذكرته هو الخناقة ,,انت بتحاول بعدها انك تشوف كل طرف غلط في ايه مش انك تروح لشيخ عشان يشيلك الشيطان اللي عليك مع انك لو بحثتي زي ما بحثتي هتلاقي في مواقف بتقولك انه شيطان
بس دي مش شغلتنا احنا كبشر
ربنا خلق عقولنا و خلقلنا الكون بنظام عشان نوظف عقولنا في معرفة مسببات النظام ,,و دا هيترتب عليه تطور الانسان
نورتي تاني يا سيرين