أموالهم لنا غنيمة

[سيدة القصر]

أموالهم لنا غنيمة

السلام عليكم إخوتى

كلنا سمعنا عن بعض الجماعات الإرهابية لما كانوا بيعتبروا أى شخص مخالف لهم فى الرأى بيقولوا أمولهم لنا غنيمة
أكيد سمعنا الجملة دى
طيب مش هو دا موضوعنا ههه
بالأمس تحدثت مع أحد الصديقات وكنت بسألها ليه الناس أصبحت سيئة بالشكل ده
ليه الشاب على النت لا يعتبر البنت اللى بالنت أخت له أو حتى أم يا سيدى
وعاملها إنها أختك أو بنتك أو أمك
ليه كله بيمثل على كله وعاوز خداعه وبس
لأنى بشوف بنات كتير بتنخدع فى شباب
ردت عليا الصديقة دى وقال " لأنهم بيعتبرونا غنيمة لهم "
طالما على النت نبقى غنيمة لهم !!!

وكلمنى صديق محترم جداً وقالى " أنا رجل وأقسم لكِ أننى ما فعلت شئ يغضب الله على النت ولكن أقسم لكِ أن كل شباب النت مخادعون وهدفهم الأول الضحك على الفتيات "

أممم كده وشهد شاهدٌ من أهلها ولا ايه ؟

يعنى إنسان لا أطلق عليه إسم رجل إطلاقاً يتعرف على أكثر من بنت ويضحك عليهم بإسم الحب شهور أو سنين
دا أكيد بيكون مش بس مريض لكن قلة دين وما فى أخلاق

مش عاوزة حد يرد ويدافع من الشباب ويقول لا مش كلهم
أنا لا قلت كلهم ولا بعض منهم
أنا مش بناقش هل فيه شباب بتعمل كده ولا لأ لأن الجميع يعلم أن الغالبية كده

لكن السؤال ....

سؤالى بقى مش ليه ضحك عليهم لا أنا عارفه ليه ضحك عليهم زى ما قلت قلة خلق ودين

لكن سؤالى الفعلى " يعنى إيه البنت اللى بالنت بيعتبروها غنيمة لهم ؟"

[فرانكو.هدوء ملك]

بسم الله الرحمن الرحيم
الصلاة والسلام علي خير البشر

اختي الغاليه ،،

أولا هذا الشاب لم يدخل الي قلب كلأ منا ليكشفه

وانتم لستم غنيمه

يعني هديكي مثال ***

انا اقسم ب الله عمري مكلمت بنت في حب او شي زي كده علي النت

ممكن بنت تاخد نصيحتي

لاكن عمري ما قلت لبنت بحبكاو كذا او كذا

ومش انا وبس

بالعكس
،،،
انا اعرف شباب كتير جدا محترمين

وبيعتبرو اي بنت علي الانترنت اختهم

مثال تاني ^

كنت بشات وكان في بنت بتكلم شاب علي الميل

وللاسف اعطته صور وفتحتله كام وكانت بتحبه جدا

وانا اعرفها كويس واعرف انها محترمه

وللاسف الشاب استغل حبها وعمل فيديوهات ونشرها عـ اليوتيوب

البنت عرضت عليه امسحهم مقابل 10 الاف ريال

جنسيتها سعوديه

لو عايز استغلها كنت هطلب اكتر من كده

ب الموضوع كان اسهل مما يمكن

فالشاهد يا اختي

ان ليس كل العقول سواء

وانتم حقا اخوتنا ......

تقبلي مروري

[العاشق الذى لم يتب]

الموضوع مش غنيمة ولا حاجة أناشايفه زى ماختمت المقالة قلة دين فى المقام الأول وقلة أخلاق وأدب وليس الرجل وحده مسئول ولكن كمان المرأة أو البنت مسئولة والكل يقع فى نفس الخطيئة والكل يكذب على الكل ولكن لايعنى أن الجميع على النت كاذبون أختى سلمت ودمت توبيك رائع وفكرته رائعة مودتى رفعت

[phalsteen]

فعلا حببتي هي قضية مهمة الي حد كبير
ولكن ما زلت أري
ان لا شئ بعجيب علي جنس أدم
فهم يحللون لأنفسهم عموم الاشياء
للأسف حتي افتراس الابرياء

دا رأيي في تلك القيضة سبق ان كتب فيها باستفاضة اذا احببتي النظر
http://forums.banatmisr.com/msryat405249/
ودي واحترامي

[الأميرة رودي]

بصى هو غلط نعمم السيئه فى أى حاجه >>
مش كل الشباب ع النت بالشكل المخادع ده
فيه ناس محترمين جداا تحسى انهم اخواتك فعــلا
بينصحوكى ويعتبروكى اخت ليهم
يمكن يكون قليلين جداا النوعيه اللى بوصفها دي
لكن بالفعل موجودين بعكس الشر وروح الشيطان اللى بتكون ساكنه أغلب الشباب ع النت
وفاكرين انها شطاره وفهلوه لما يكلم خمستاشر بنت مع بعض بيفكر نفسه روميووووو

بس الاهم من كده هو حرص البنت مهما كانت ثقتها فى الشاب اللى بتكلمه ومهما كان هو محترم ..
لانه نفوس الناس بتتغير بين لحظه والتانيه .
واما عن موضوع ان البنات غنيمه ,, >>
فانا من رأيي أن البنت فى ايدها تعمل من نفسها غنيمه للشاب أو تعمل من نفسها تاج فى الرؤؤس تجبره على احترامها لما تحط خط أحمر فى التعامل معاه ..

عجبتنى جدا المناقشه سندريلا
تسلمي ياقمررى دايما مميزه

[شاعرة الرومانسيه]

موضوع يستحق المناقشه بجد ومهم وجميعنا صادفنا منه

اولا ليس الجميع من الشباب كاذبون كل واحد

حسب تربيته واخلاقه وخوفه من الله

كتير صادفت ناس منهم الصادقون المحترمون

واتعلمت منهم كتير وكانو ومازالو نعم الأخوه

وايضا صادفت السيىء الى ما يخاف ربنا

والحمد لله ربنا نجانى من مكرهم وكيدهم

وعايزه اقولك حاجه

كل ما يكون ايمانك بالله كويس

وبتعاملى ربنا فى كل شىء

اكيد ربنا هايحميكى من هؤلاء

ان الله يدافع عن الذين آمنو

وربنا يهدينا ويهدى الجميع

[ساحر الأحزان]

يمكن كلامك غنيمة فكرنى بالنمط الأرهابى المتطرف فى ان كل شىء غنيمة لينا نغمة شاذة لتعليل فعل قبيح فى أستحلال شىء

غير محلل ليك على الشبكة العنكبوتية وخلف اجهزة حاسوب وشاشات مخفية ,,تظهر العلاقات فى التعارف بين الطرفين

فمواقع التعارف كثير ولا تحصى !!

الى بيبحث عن الحب الى عايز يحس انة مرغوب فية من الجنس الاخر تأتى تصرفات شاذة من أصحاب القلوب الضعيفة

حتى ولو وصلت لانتهاك محرمات خلق الله فالشيطان يغرى ويوسوس والفتاة تبحث عن الحب ولكن أختى ليس من قال لكى كلمة حلوة

او ارسل لكى معسول الكلام بانك فتاة احلامة التى كان يبحث عنها ووجد ضالتة فيكى!!

فلا تتسرعى وتخرجى نفسك من ضيقتك نتيجة سماعك حلو الكلام اجعلى لنفسك ضوء وخطوط لا تتعديها

فنحن مجهولون والنوايا لا يعلمها الا الله

وانت اخى الشاب اتقى الله فى حرمات الغير حتى لا تنتهك حرمتك وأعلم أن ربك شاهد ومطلع على ما تخفى وتعلن نفسك

موضوع جميل سندريلا

تحياتى

[كبرياء رجل]

للاسف انعدام اﻻخلاق
واكيد لو مش بيراعي ضميره في كل حد بيعامله
هيلاقي كده برضو يحصله في اهل بيته
الضمير مش ابان قدام الناس اني شخصيه ملتزمه وعلى خلق ومفيش حد زيي
وللاسف يبقى جوايا شخص تاني ده شئ مؤسف

ربنا يهدي الجميع
موضوع جميل منك سندريلا
شكرا لكي
تحياتي

[سيدة القصر]

طبعاً أنا مش هتناقش فى الموضوع
ولكن عرضت السؤال علشان أشوف ردودكم
والحمد لله كلها جميلة وبتصب فى نفس المعنى
وما زلت متابعة لجميع الردود ووجهات النظر
أجمل باقات الزهور البنفسجية لكم
"هدوء ملك .. الرجل المتواضع .. رودى .. سندريلا .. شاعرة الرومانسية .. ساحر الأحزان .. كبرياء رجل "

[نجم الحبيب]

موضوع جميل منك يا اختي الغاليه
انا مش هتكلم كتير في الموضوع ده
بس البنت هيه اللي في يدها كل شي لومحترمه الشاب هيحترامها غصب عنه
مفيش شاب بيقول حاجه للبنت غصب عنها
وكلنا لنا اخوات ولزم نخاف عليهم