اسره مصريه مقهوره ( 1 )

[big bốss]

اسره مصريه مقهوره


( الزوج المقهور Big Booss $ الزوجه المفتريه Čίŋđёяёℓℓα )







Big Booss


صباح الخير يا ام على ^_^

صبحنا و صبح الملك لله


وشك ولا وش القمر ( دى خلقه الواحد يتصبح بيها )

جهزتى الفطار يا حبيبتى علشان اروح الشغل ؟


Čίŋđёяёℓℓα


اهو صباح عليك وعلي الوقعة اللي رمتي الرمية دي
منه لله اللي كان السبب
انت كمان ليك نفس تفطر في الحوسة دي
وشغل ايه روح صحي علي وخده المدرسة في طريقك


Big Booss


حاضر يا حبيبتى ( اعوذ بالله لسانها زى العقربه على الصبح )


يا على يا عليوه يا علعل قوم يا حبيبى اصح علشان اوديك معايا المدرسه


يلا يا ستى جهزى الفطار بقى خلينى افطر واروح الشغل


Čίŋđёяёℓℓα



اه ما انت فايق وريق
انت وراك حاجة غير انك تاكل وتروح الشغل
الجارية اللي اشترتها هي اللي تشيل الهم
مفيش انانيت للبوتجاز
شوف اي حاجة وانت الطريق كلها لحد ما تيجي وتتصرف

مهي عيشتك سودة
انا كان مالي ومال الجوزارة المهببة دي
يالا خد الواد واوعي تأخره علي المدرسة زي عوايدك
ومتنسش تجيب العيش
وسبلي فلوس قبل ما تنزل

Big Booss



نعم نعم يا اختى

الانبوبه خلصت و مش ملتيها ليه و انا لسه هستنى الى يعدى علشان املاها

و المستودع فيه طوابير

بقولك ايه الانبوبه ب 45 جنيه مش معايا فلوس روحى خدى الانبوبه و اقفى فيها فى الطابور نملها ب 5 جنيه احسن


عيش ايه الى هجيبه كل يوم عيش عيش اجيب من فين يعنى انا

انا وراجع تعبان ومهلوك اروح اقف فى طوابير واجيب عيش

و مش طبخه ليه يا ست هانم صغيره حضرتك

تعالى يا على يا ابنى يا حبيبى

من البيت الفقر دا نخرج قبل ما نتشل




Čίŋđёяёℓℓα




قصدك تاخدها تمليها براحتك لما ترجع والا هترجع مش هتلاقي اكل
ولا ابقي روح كل برة
وبعدين هو العيش دا انا اللي باكله ولا انت
وبعدين انت بتزعق ليه كدة
هو كل يوم لازم الجيران تشتكي من صوتك
وسيب الواد مالكش دعوة بيه انا هوديه انا
روح انت شوف رايح فين

Big Booss


يارب صبرنى يلا يا على امك دى مجنونه منردش عليها احسن

نسبها مع نفسها هتهدى لوحدها


( روحنا الشغل ورجعنا انا وعلى ومليت الانبوبه )


انتى يا هانم !


كل ما ادخل القيكى متربعه قدم التليفزيون

وبتحضرى التركى و الهندى

او على النت على منتدى بنات مصر الى جبنا الفقر دا ^_^


قومى روقى البيت بدل ما هو يقلب و يعدل كدا

( قومى قامت قيامتك )



Čίŋđёяёℓℓα




اتلم انا مش نقصاك
ولا طولة لسان
خلي يومك دا يعدي
وبعدين انت ايه اللي جابك بدري
عندي صداع وتعبانة ومش هعمل حاجة
لو مش عجبك البيت كدة
انزل اتمشي ولا روح شوفلك بيت تاني
ورحينا
صبرني يارب

Big Booss


ا هو دا الى واخدينه من الجامعات والكليات

دى طريقه تكلمى بيها جوزك

بقلك ايه قومى كدا تمسحى الشقه كلها و تنظفيها و تظبتيها

و بعد كدا تعالى اغسلى رجلى بميه وملح ^_^


يلآلآلآلآلآلآلآلآلآلآلآلآلآلآ



Čίŋđёяёℓℓα


الملح دا هحطه في عينك
ال اغسلك رجيلك ال
ليه الجارية بتاعتك انا
وبعدين ايه رأيك ان محدش هيمسح الشقة غيرك
مش كفاية اني راضية اعيش معاك في الشقة دي
رجاله اخر زمن

وبعدين انا نسيت اقولك تدفع فاتورة المية والكهربا
والتليفون وفلوس دروس علي
ومصروف البيت
انا مش عارفة انتي بتودي مرتبك دا فين


Big Booss



يا حبيبتى كنت بهزر معاكى

عنك انتى انا هعمل كل حاجه ( روحى ربنا ياخدك مفتريه )

مرتبى يا حبيبتى 1700 جنيه مصرى بس

700 جنيه مصاريف الاكل

100 دروس على

50 كهرباء و ميه

200 قسط التلاجه

300 مصاريفى

200 حضرتك بتشترى هدوم انتى وعلى

بيزيد 150 جنيه بس دول بقا بتوع الجمعيه الى دخلها

اعمل تانى ايه يا حبيبتى بس


Čίŋđёяёℓℓα



ايه بدال دخلت في جو الحنية دا يبقي ناوي علي مصيبة منا عارفاك

دايما انت الغلبان وانا اللي الهبلة اللي اجوزتها

انت تاخد 300 جنية لية كتير عليك

وبعدين الفستان بتاعي هيتكلف 500 اعمل ايه انا ب 200 جنية دول

ولا بلاش انا بئا منا مليش لزمة
بص مالكش دعوة بيا خالص
انا هلم هدومي وهروح
انا اللي عملت في نفسي كدة
منا كنت مرتاحة في بيتنا
علي الجواز وسنينه
وكمان مالكش دعوة بالواد




Big Booss


ايوه كدا اظهرى على حقيقتك عماله تنكدى من الصبح

وانا بجر واطى علشان اخلص

وانتى عايزه تروحى عند ابوكى اتارى

علشان حبيب القلب طبعآ

طيب بصى يا وليه انتى ....







يتبع ......







مشترك





Čίŋđёяёℓℓα


Big Booss

[مُنـــــايا]

er] واي قهــر هذا ... يااااااااااااااااااااالله علي دي أسره دي لو كل الاسر بشكل ده مش كان في حد فكر في الزواج نهائي ... بس فعلا في في واقعنا من ده كتير بس بصراحه ابدعتم بالحوار وطريقه السرد جميله جدا دوام التميز والتألق ودي وتقديري وتقييمي [/COLOR]

[تجملت بالعفآف]

الموسيقه حلوه اووي وعجباني جدا

أما الحوار فهو ممتع للغايه

وللأسف الشديد دا حال البلد

المرأءه بتطلب الفلوس ولازم يتنفذ أمرها

ما بتحسش ازاي انجابوا ولا التعب الي بذلوا بشقاء وعناء

وفي الاخر تضيعه في اشياء تافه

يصرخ الزوج من كتر القهر الذي عايشه

والمفروض يكون الزوجين متفاهمين

لازم يكون في بينهم موده ورحمه

رسمتم لنا قصه يحدث في الكثير من العائلات

ياا عيني عليكـ ياا نور دي زوجتكـ شرانيه

هههههههه ديتو راائع

ومتابعه اكييد

ودي وورودي

[פﭠة ﺳگـړُھَہّ]

كويس انكم اخدتوا هدننه شويه لانى انا تعبت ههههههههههههههه

وانا اقول مش عارفه انام لى اتاريه من خناقكم ودوشتكم

مبلاش تعملوا العمايل دى ادام الناس كرهتوا اللى داخل على جواز هههههه

متابعه معاكم

[دمعه حائره]

ههههه
انا قولت من الاول الجوازة دى مش نافعه تفضلوا تقولوا عاوزين نتجوز
وادينا شوفنا ايه اللى بيحصل
فعلا حال مؤسف والخناقات بقت على اتفه سبب
وده لان الحياه بقت صعبه والبلد فى محنه والحكومه ولاحاسه بحد
تسلمو بجد سرد واقعى جدا بس نسيتوا النور والميه اللى بيتقطعوا
وهاتلها الانبوبه والعيش واشترى دماغك يانور

[big bốss]

اقتباس المشاركة الأصلية كتبت بواسطة جراح امه er] واي قهــر هذا ... يااااااااااااااااااااالله علي دي أسره دي لو كل الاسر بشكل ده مش كان في حد فكر في الزواج نهائي ... بس فعلا في في واقعنا من ده كتير بس بصراحه ابدعتم بالحوار وطريقه السرد جميله جدا دوام التميز والتألق ودي وتقديري وتقييمي [/color]

على فكره حضرتك دا بيحاكى واقع الاسر المصريه فعلآ

و ليست من خيالنا او من سرابنا

مش هنعقد حد ولا حاجه


منوره

و شكرا لتقييمك

[big bốss]

اقتباس المشاركة الأصلية كتبت بواسطة ورده الأحلام الموسيقه حلوه اووي وعجباني جدا أما الحوار فهو ممتع للغايه وللأسف الشديد دا حال البلد المرأءه بتطلب الفلوس ولازم يتنفذ أمرها ما بتحسش ازاي انجابوا ولا التعب الي بذلوا بشقاء وعناء وفي الاخر تضيعه في اشياء تافه يصرخ الزوج من كتر القهر الذي عايشه والمفروض يكون الزوجين متفاهمين لازم يكون في بينهم موده ورحمه رسمتم لنا قصه يحدث في الكثير من العائلات ياا عيني عليكـ ياا نور دي زوجتكـ شرانيه هههههههه ديتو راائع ومتابعه اكييد ودي وورودي

حاضر هبعتلك مقطع الميوزك اى خدمه


اه شوفتى افتراء الزوجه و قيسى على كدا كتير


و منتشر فى البيوت و فعلا فيه بعض الزوجات الى مش بتقدر الزوج


ربنا يصلح حلهم

و خليكى متابعه معانا :d


شكرا ورده الاحلام

[big bốss]

اقتباس المشاركة الأصلية كتبت بواسطة حتة سكره كويس انكم اخدتوا هدننه شويه لانى انا تعبت ههههههههههههههه وانا اقول مش عارفه انام لى اتاريه من خناقكم ودوشتكم مبلاش تعملوا العمايل دى ادام الناس كرهتوا اللى داخل على جواز هههههه متابعه معاكم

هههههههههههههه

مش بنكره حد احنا بنديهم دروس علشان يعرفوا يتصرفوا بقا


وبعدين البنت سما صوتها عالى اكيد عملت ازعاج لحضرتك :d


منوره يارا

و خليكى متابعه معانا

[big bốss]

اقتباس المشاركة الأصلية كتبت بواسطة دمعه حائره ههههه انا قولت من الاول الجوازة دى مش نافعه تفضلوا تقولوا عاوزين نتجوز وادينا شوفنا ايه اللى بيحصل فعلا حال مؤسف والخناقات بقت على اتفه سبب وده لان الحياه بقت صعبه والبلد فى محنه والحكومه ولاحاسه بحد تسلمو بجد سرد واقعى جدا بس نسيتوا النور والميه اللى بيتقطعوا وهاتلها الانبوبه والعيش واشترى دماغك يانور

ههههههههههههه

يوم اسود مكنتش طالعه شمس

مش عندك انبوبه تسلفهانى :d


هو دا حال بعض الاسر يا منه من ضغوط الحياه


ممكن يتخنقوا على اتفه الاسباب


منوره منه


وشكرا لتقييمك

وتبعينا

[big bốss]

اقتباس المشاركة الأصلية كتبت بواسطة arco baleno الخناقات سببها عدم وجود الحب والتفاهم لو وجد التفاهم تلاشت كل الخناقات لان دوما الخناقات تكون امور صغيره وتافهه ولازم البنت الي تحب زوجها لما تشوفه مخنوق ماتكلمه ولما تشوفه عصبي ماتعصب تحاول ترخي وبكذا تتلاشا الخناقات وهو يعمل نفس الشي معاها والحب قادر يصنع مليون تفاهم لان دوما الي يحب يخاف يخسر فيضحي كثير ويتعامل بفن كبير بجد فكره الحوار بينكم راقيه جدا وحبيتها بجد مبدعين بس الانشوده ما حبيتها لانها تقبض القلب اوي نور و سندرلا مبدعين دوما استمرو في ابداعكم الله يوفقكم يارب على تميزكم الجميل

ما لازم الميوزك يقبض القلب يا حوراء


فعلآ الحب والتفاهم بيعدى طريق للتفاهم و التوافق بين الزوجين

شكرا ليكى

ونورتينا

وتبعينا