اسره مصريه مقهوره (3 )

[big bốss]

Big Booss

يا ساتر ايه الريحه دى

يا ام على تعالى ورينى كدا رحتك

يا ساتر رحتك بصل يا وليه انتى مش بعد ما تطبخى تغيرى هدومك

ايه دا ايه دا اعمل فيكى ايه على الصبح

Čίŋđёяёℓℓα

طب حقك عليا
ومتزعلش بئا
اصل اساسا حرقت الفراخ
وبعدين ما انا قولتلك انا مبعرفش اطبخ
وانت قولت هتستحمل


Big Booss


هستحمل ايه ولا ايه ؟

هستحمل قرفك ورحتك دى ولا هستحمل اكلك الى مش بيتبلع ولا هستحمل الغسيل

الى مش عارفه تغسليه ولا هستحمل الكهرباء الى بتتقطع ولا المرتب الى بينقص

ولا الاسعار الى زايده

سبينى انا هنتحر واريح نفسي بجد تعبت تعبت اوى



Čίŋđёяёℓℓα

طب استني لما الكهربا تيجي علشان الشقة ضلمة وانا هخاف اقعد لوحدي
وبعدين منا كمان مستحملة شخيرك ومبعرفش انام لا انا ولا الواد
والشقة بتاعتك اللي مبقناش عارفين نتحرك فيها


Big Booss

يا سلام يعنى الشقه بتنكمش لوحدها يعنى اول ما اتجوزتك كانت تلت اوض وصاله

و دلوقتى بقيت اوضه وصاله

ما تتكلمى عدل بدل ما اعدلك بقلم على خدك دا

( ايه دا مالك يا حبيبتى سلمتك الف سلامه اغمى عليكى ليه

و بعدها جبت الدكتور وطلعت ام على حامل )

وانا بكلم نفسي ياربي هجيب من فين دلوقتى مصاريف الولاده

و على هجيب من فين مصاريف اللبن

و مصاريف البيت ياربي

هو وقت خلفه دلوقتى

انتى فوقتى يا حبيبتى الف سلامه عليك مبروك طلعتى حامل


Čίŋđёяёℓℓα

دا انا كنت بحلم
عارف ايه اللي حصل
الأمير محروس طلق الأمير فوزية يا حرام
وبعدين انت صحتني بئا قبل ما أكمل

يا خسارة يعني انت مش هتنتحر وتوسع الشقة


Big Booss

ا عينى الصدمه اثرت عليكى ولا ايه ؟

خليكى جامده يا حبيبتى امال انا اعمل ايه ؟

انتى حامل فى التالت و جى ولد هنسميه ( هريدى عصر نوف ^_^ )

انا هزغرط لوووووووووووووووووولى

يلآ هيجى برزقه الامر لله


Čίŋđёяёℓℓα


لا ان شاء الله بنت واسميها نفرتيتي او كليوباترا
ولا اقولك اوزيس احلي
يالا بئا قوم اتوكل وامسح الشقة اصلها بايظة خالص
وانزل اشنتري طلبات للبيت
وخدني ازور سهر علشان وحشتني


Big Booss

وزيس كيلو باترا ولا يهمك كله موز

اخدك فين خدك ربنا بلا سهر بلا نيله لما انتى فيكى حيل تخرجى

قومى امسحى الشقه يا اختى وو ظبتى حالك

و قومى غيرى هدومك من البصل دا

و تعالى علشان عيزك فى موضوع

Čίŋđёяёℓℓα

مسح الشقة اه
لا انا راحة عندنا
هتيجي توصلني ولا اروح لوحدي


Big Booss

حاضر هوصلك طلباتك اوامر علشان الى جاى فى السكه

( وركبنا تاكسي ب 30 جنيه وروحنا بيت الاسره الكريمه

و قلنالهم الخبر و فرحوا معانا و تمام بس )


يلا بينا روح يا ام على كفايا كدا علشان اروح الشغل


Čίŋđёяёℓℓα


لا بلاش شغل النهاردة
ويالا عاوزة اكل كنتاكي
وهتالي هدوم جديدة بئا

Big Booss

عم و هجيب من فين انا بس ؟

هو انتى هتتوحمى من دلوقتى ياربي

دا احنا اخر الشهر ومش معايا فلوس طيب اطبخلك الفراخ الى فى التلاجه فى البيت و اتبلهالك

ماشي

و الهدوم لما اقبض المرتب يا ام على

لو فضلت عايش ومش اتشليت منك


Čίŋđёяёℓℓα

طب الكهربا بتقطع كتير وانا بخاف من الضلمة ومينفعش كدة
وبعدين شالوا الحرارة من التليفون علشان الفاتورة ومش هعرف ارغي مع صحابي
وانت قولتلي متدخليش علي بنات مصر
اعمل ايه بئا
دا كدة ظلم
انا مش هفضل قاعدة كتير


Big Booss

خلاص ادخلى المنتدى و امرى لله

بس متكلميش حد خالص اقفلى الرسايل الخاص والزوار هههههههههه

و انا هبقى متابعك على المنتدى هنرد على بعض احنا الاتنين

اما التليفون فانا خلاص مش هدفع فواتيره تانى و هلغيه

انا مش فاضى ادفع ب 500 جنيه علشان حضرتك ترغى كل شويه مع دى ودى

و هروح اجيبلك شمع علشان تنورى الشقه

و خلى ليلتك تعدى على خير


Čίŋđёяёℓℓα

طب استني ما اكملك حكاية الامير محروس والاميرة فوزية ؟








الى اللقاء ....

فى حلقه جديده مع نور و سما

[الابتسامه المصريه]

حوار جميل
عندما قرأته
احسست انكم زوج وزوجه
بحق وحقيقى
بس الزوجه لبخه اوى
مافى كده ريحه وبصل
هههههههه
حتى لو مبتعرفيش تتبخى
فى حاجه اسمها نظافه الست
لنفسها ههههه
برفن وحركات
فى انتظار الباقى

[phalsteen]

اقتباس المشاركة الأصلية كتبت بواسطة تراتتا المصريه حوار جميل عندما قرأته احسست انكم زوج وزوجه بحق وحقيقى بس الزوجه لبخه اوى مافى كده ريحه وبصل هههههههه حتى لو مبتعرفيش تتبخى فى حاجه اسمها نظافه الست لنفسها ههههه برفن وحركات فى انتظار الباقى

منك لله يا نور

غاليتي

للأسف كانت مجرد لفته من نور
لتوضيح مدي اهمال الانثي المصرية بعد الزواج
فدائما ما نجد هذا السبب في مقدمات اسباب الانفصال او الهروب الي زوجه اخري
اشكرك علي مرورك

[صافي]

[/SIZE].






ههههههههههه بزمتك دي اشكال الناس الي بتتخانق هههههههههه

حلو اوي انتوا الاتنين

بلتوفيق






[/CENTER][/QUOTE]

[دمعه حائره]

من سلبيات قطع النور الناس بتفضى لبعض والخناق يشتغل
وريحة البصل تظهر اكتر
ده انت هاتشوف ايام فل لحد ماهريدى يشرف
جميله اليوميات النهاردة وعرضتوا كذا مشكله واقعيه بجد
تسلمو وربنا يهديكواوالخناقات تهدى شويه

[سهـــر]

هههههههههه
انا مش عارفه انت مش طايقني ليه
ما تسيب البنيه تجيلي
اما انت رخم رخامه
بس ابقى خدني كنتاكي معاكم
وانتي ي سمسمه اكثري من طلباتك
عيزاكي تخربي بيته

[ساحر الأحزان]

ايوة كدة يا نور

وريها العين الحمرة

ومش عارف قلبى حاسس لية انها هى الى مورياك العين الحمرة

وخفى من ريحة البصل

فية بصل بيجى جاهز ملوش ريحة

ومبروك على تحتمس التالت

يومية جميلة منك

تحياتى

[ارهابية وامى عرفة]

ههههههههههههه
اية الخناقة دى انا عنيا وجعتنى ودماغى كمان
صدعتونى انا وعلى وعيلكو
نور انا بنصحك متنفزلهاش حاجة وخليها كدة عقاب ليها
وانتى يا سما بنصحك تطلبى اكتر واكتر ولو مرضيش سبيلو البيت وروحى اقعدى عند
مامتك شوية بحجة ماما وحشتنى
يا جماعة محدش يفهمنى غلط انا بهدى النفوس

[سارة بنت مصر]

مشكوووووور والله يعطيك الف عافيه

حلقه جميله اوى

[taitav]

مشكورة على المرورة تسلمي