سؤال لولبي

[سهـــر]

جيبالكم موضوع لولبي النهارده
وخنيق اوي بالنسبه ليا وكاتم على مراوحي

دلوقتي لما واحد بيتقدم لوحده
هي مثلا في هندسه وهو مدرس
ليه بئا بلاقي الكل بيتكلم
ازاي توافق عليه مهندسه توافق على مدرس
ازاي ايش جاب لجاب
وده حصل قدامي على فكره
عايزه اعرف ماله المدرس يعني ده هو الي بعلم بناتكم لغايه ما بائو مهندسات
دلوقتي بائو وحشين

النقطه التانيه بئا

ليه الامهات مش عايزين يجوزو بناتهم غير مهندسين ودكاتره
لكن لو واحد خريج تجاره او حقوق يبقى وحش
ﻷ ما ينفعش مع ان بنتها ممكن يكون معاها دبلوم
ليه بئا ليه

.
بجد حاجه تخنق الواحد
خاصه ان الست ام سهر
الي هي ماما يعني
دايمآ تقول كدا
انا مش هجوزك غير دكتور او مهندس
غير كدا مفيش
طيب حضرتك يعني لو مفيش
هقعد اخلل جمب حضرتك يعني ولا ايه

افكار غريبه عجيبه بصراحه
فوتكو بعافيه بئا

[S n i p e R]

دي مشكلة في فكر المجتمع المصري العقيم

التنزيل من قيمة مهنات هامة جدا في حياة الانسان

بس السبب فيها قبل المجتمع هي الظروف الاقتصادية

ونظام التعليم اللي يخلي رفع من مهنات ونزل من مهنات

سواء في العائد المادي او في المكانة الاجتماعية

وبما ان كل واحدة في الدنيا املها ان بنتها تتجوز الراجل

المحترم والغني وصاحب المكانة الاجتماعية

وبدون تفكير اصبحو بيشوفو ان الصفات دي موجودة في الدكاترة

والمهندسين والذي منه ولو شوفنا اوروبا هنلاقي المهنات دي

ليها احترامها وعلى رأسهم المعلم والمحامي وحتى اصحاب

المهنات الحرفية زي النجار والسباك والكهربائي .. الخ

ايه اللي انا بقولو دا ؟؟ انا نفسي مش فاهم

موضوع مميز اكيد وفكرة رائعة للنقاش

تحياتي

[زهره الشتاء]

،
هو بيختلف من تفكير لـ آخر
ف ناس بتتقبل عادى الوضع وناس تقول لا بنتى مش اقل من فلانه
عشان تاخد اقل منها وهيا تستاهل وهكذا
لكن الاهم والاساس ف كل ده
الرآحة والقبول مش المؤهل
يعنى ايه مهندس او دكتور وانا مش طايقاه ولا بتقدري تفهميه
ولا قادره تعيشي معاه
الانسسان بعقله مش بمؤهله
هو لى ركن بس مش اساسى
وانا اعرف ناس بردو
بنتها دكتورة واتجوزت لـ واحد معاه دبلوم
وعايشين احلى عيشة والله
والناس طلما بتفكر بالتفكير ده وحطت الناس قصادها
فـ مش هتعرف تعيش كويس ولا ف راحة
..
تسسلمى ع الموضوع
وان شاء الله مع الوقت التفكير هيتغير
مش هتخليكى تخللى جنبها يعنى
لو هتلاقى حد مناسب هترتاح منك متخفيش <<بهزر
تسسلمى ي قمرى
دمتى بخير

[طِيشْ !]

سنآيبر قآل كل الكلام ..

يعني المشكلة عندنآ إحنإ ,, إحنإ اللي بنقلل من قيمة الشخص اللي قدآمنا برغم إنه ممكن يكون إنسان perfect

من كل النوآحي ...

يعني أيه دكتورة و مهندسة ولا صيدلانية ..~

دآ كله كلام فاضي

طب ما أنا أعرف دكتوررة أسنان ومتجوزة مدرس و حياتهم ما شاء الله تمآم

نغر احنا بس مقايسنا المتخلفة دي و نشوف البني آدم بشخصه و بروحه وبأسلوبه وبكلامه

أوك التكافؤ في المستوى التعليمي و الحوارات دي مطلوبة

بس لما بيكون الشخص كويس وكمآن مهنته كويسة يبقى لازم ننسى الحاجات دي

بلاش بئا شغل الماديات دي

موضوع فعلاً مثير للكل حاجة فيها قرف و استفزاز .. ^^

يسلموووووووو يا قمري

بتمنى الناس تتغير وو تتطور في تفكيرها شوية

ودي ووردي

[جبل عالي]

الاول منورة ياقمر والله القسم والدنيا كلها

وحلو اوى لما يقابلنا موقف بحياتنا نحاول نحلله

ونسمع ونتجاذب أطراف المناقشة فيه ونحاول نوصل

مش شرط لإجابة محددة لكن لمجرد تحليل يفك رموز المواقف عموما


طيب نيجي لسؤالك


بصي هقولك بجد .... وبكره انتى بنفسك هتعرفي كده

ان اى ام او اب بيتمنى لولاده احسن حاجة حتى احسن من نفسه

موضوع بئا الدكتور والمهندس والمناصب دى ... ماهى الا وسيلة فقط

بنلجأ لها واحنا مش مدركين ولا قاصدين احنا بيكون حلمنا تكونوا احسن مننا بكتير


دى الفكرة الأساسية اللى حبيت اوضحهالك ياجميل

وبجد ان شاء الله بكره هتعرفي احساسك ازاى ناحية بنوتك المستقبلية


لكن لما تيجي للواقع وزي الرائعين اللى ردوا ماشاء الله عليهم بجد

هتلاقي ان ماعادت تفرق خالص بل بالعكس فعلا أصبح موضوع

الشهادات والألقاب غير مستساغ وغير مقبول اهم شىء الإنسانية

والرجل المحترم والمتدين الذي يتقي الله فيها ..... اهم شىء


شكرا لطرحك القيم جدا

وتمني بحياة سعيدة ورزق من ربك

[ماتركس]

موضووع جميل

موضوع الجواز ده انو الاهل مجوزوش بنتهم غير لواحد معاه كليه ده كان زمان

في الوقت الحالي مفيش بنات لاقيه جواز عارفه مشكله الاهل انهم مش بيفوقو من الغيبوبه

غير بعد فوات الاوان يكون بنتهم عنزت جنبهم اي بنت في الوقت الحالي بترضي بي اي شي

انا عندي اولاد عمي مش معاهم شهادات ومتجوزين بنات في كليات عاليا

اي اب والا اي اهلي بيتشرط علي العريس يبقي هوه الخسران اولا علشان الشباب معهاش في الوقت ده

وغير كده البنات علي قفا من يشيل مشكله شبابنا في مصر مشفوش شكل البنات برا مصر عامل ايه

في بنات في قمه الجمال وفي قمه الاحترام والاخلاق وعايزين يعيشو بدون عنطظه وطلبات

انا عن نفسي مش حابب اتجوز من مصر ميلزمنيش اتجوز من مصر

طبعا في ناس تقوال بدور علي الجمال

فيها ايه لما ادور علي انسانه جميله وبرضوه اخلاقها عليا برضوه

انا عندي اصحابي كتير اوي متجوزين هناء مغربيات ولبنانيات وسوريات وفلسطينيات وخلجيات

وعايشين احلي عيشه وكمان ازواجهم محترمه جدا

يعني رساله لكل البنات المصريه يعوض عليكم ربنا ههههههههههه

[RoSita]

هههههههه حبيبة قلبي ياسهر
والله يا قلبي كل الامهـــات كدا
كل أم عاوزه تشوف بنتها عايشه سعديه ومبسوطه
وبما ان الدكاتره والمهندسين هما اللي ليهم مستقبل
فعايزه تضمن مستقبل بنتها
مع اني شايفه اني خريجي التجاره احسن بكتير

ربنا يوفقك يا حبيبتي

[سهـــر]

اقتباس المشاركة الأصلية كتبت بواسطة s n i p e r دي مشكلة في فكر المجتمع المصري العقيم التنزيل من قيمة مهنات هامة جدا في حياة الانسان بس السبب فيها قبل المجتمع هي الظروف الاقتصادية ونظام التعليم اللي يخلي رفع من مهنات ونزل من مهنات سواء في العائد المادي او في المكانة الاجتماعية وبما ان كل واحدة في الدنيا املها ان بنتها تتجوز الراجل المحترم والغني وصاحب المكانة الاجتماعية وبدون تفكير اصبحو بيشوفو ان الصفات دي موجودة في الدكاترة والمهندسين والذي منه ولو شوفنا اوروبا هنلاقي المهنات دي ليها احترامها وعلى رأسهم المعلم والمحامي وحتى اصحاب المهنات الحرفية زي النجار والسباك والكهربائي .. الخ ايه اللي انا بقولو دا ؟؟ انا نفسي مش فاهم موضوع مميز اكيد وفكرة رائعة للنقاش تحياتي

ههههههه
معرفش ايه الي انت بتقوله ده
بس كلامك منطقي جدا
احنا الي بنقلل من نفسنا
ممكن جدا يكون النجار ده اخلاقآ احسن من 100 دكتور

منور استاذ احمد:d

[ساحر الأحزان]

سؤال لولبى

ولا سؤال محتاج تفكير فية ؟

بصى يا سهر الحكاية دى حكاية نظرة كل واحد لة وجهة نظر فية منها الصح ومنها الخطأ!

يمكن أهم حاجة فى الارتباط هى التفاهم والاحترام يعنى الشخص الى حيقدرها ويعرف يصونها كويس

الاب والام بيخاف على بنتهم بسى متوصلشى مرحلة الخوف دى انهم يحطوا شرط لازم يكون نفس المؤهل

ولا يكون غنى ولا يكون معرفشى اية؟

هى المهن الحرة وحشة ؟

الشهادات دى وسيلة تعليم يعنى من الاهل اتجاة اولادهم على شان ميحسوش بالذنب نحيتهم انهم قصرو

معاهم فى تعليمهم

فى اهل بتقدر المتقدم لبنتهم يعنى انة شاب كويس ويقدر يتحمل المسئولية ويوفر لبنتهم الامان الى هى محتاجاة

وففية اهل بتبص للمركز المرموق

يعنى حتقبلى دة وحتقبلى دة

بسى اهم حاجة فى الاختيار انة يعرف ازاى يصونها ويحافظ عليها

وبعدين البنت المصرية فيها ميزة حلو اقوى

انها بتتحمل المعيشة فى اصعب الظروف وبتقف مع جوزها لحد لما يقف على رجلية يعنى بنت بلد بصحيح

بتواجة الحياة بحلوها ومرها

وياريت الاهل تراعى اختيار بنتهم وما يضغطوا عليها فى أختيارها طالما اختيارها مناسب ليها

لانها هى لالى حتعيش فى حياتها

موضوع جميل سهر

وسؤلك لولبى جميل

تحياتى

[fankosha]

ضحكتينى والله
عملنا ايه بالمهندس !!
مش انتى لوحدك الى بتضايقى من الموضوع ده تقريبا كل البنات
المشكلة دى عندكل الامهات والباباهات كمان كلهم كدا
فاكرين ان سعاده بنتهم هتكون مع الدكتور ولا المهندس
والمفروض ان هما الى فاهمين اكتر مننا
ممكن الواحدة تتجوز الدكتور ومتكونش سعيدة
يعيشها تعاسة وممكن تتجوز
المدرس وهى مهندسة على سبيل المثال زى ماقلتى
ويعيشها فى سعادة وتكون مرتاحة
وبرضو مش هنجمع مش كل دكتور هيبقى وحش
ومش كل واحد اقل منها فى مستوى التعليم هيكون كويس
زى مافى الحلو فى الوحش
من راى دى وجهه نظر مش صح خالص خالص
اهم شىء فى الجواز القبول والراحة النفسية
وبرضو يكون فى توافق فى الفكر والعقل
تسلمى على التوبيك يا كوتوموتو