قــــاعدة مـــســـطـــبـــة,,,,,

[ماتركس]

اقتباس المشاركة الأصلية كتبت بواسطة طِيشْ ! المآتركس المآتركس المآتركس ^^ طب احمد ربنا يآ كآبتن إنك شفت ناس بتقعد سنتين و تلاته بس الحوآر مش على متجوز وسايب عيلته و أهله أو عازب بس .. دآ أكبر من كدآ بكتير يعني في نآس متجوزة ومعاها مرآته وولاده هنآ في uae بس بئاله 10 سنين منزلش مصر هل لقمة العيش دي مبرر ,, هل بقية أهلك هيكونو فرحآنين بيك لما تكون راجع لهم متشآل بعد سنين الغربة دي كلها بدأل ما تكون مىاشي على رجليك عشان تلم شوية فلوس !! هيا دي القاعدة اللي احنا كلنا بنمشي وراها ؟؟! احنا مش نتكلم عن سبب الغربة أو ليه أنا سبت بلدي .. احنا هنا ينقول إن بالبلدي كدا إنت يا عم لعبت معاك و جبت فيزا و سافرت بئا و الفلوس جريت في إيدك و يابن المحطوطة ومش عارفه أيه وبتآع .. إنت مش كنت عاوز كدا على الأقل روح أقعد شهر اتنين بالكتير مش أكتر شوف أهلك شوف ناسك ,, خلي عندك انتماء لبلدك شوية ملكش غيرها مهما عملت فيك هيتقال دآ مصري و بردو مش هيآ السبب .. يعني أنا بموت لما اسمع واحد بيقعد يشتم ويقول ويعيد ويزيد هيا ماعملتش فيك حاجة اللي ماسكنها هما اللي ممرمطينك و مطلعين عينك هناك و مخلينك مكسور هنى و أهلك لسا في الذل و الفقر اللي هما فيه ... الناس بتنسى كل حاجة قدام الفلوس .. أهلها و بلدها و أخلاقيتها و مبادئها وبردو الست لما تلاقي جوزها بره إن شالله يقعد 20 سنه بس المهم إنه يبعت فلوس و هدوم تتفشخر بيهم قدام الناس و مش بتهتم أبداً إن ولادها هيكبروا من غير أبوهم لما هيشوفوه هيحسوا إنه شخص غريب مش أبوهم مش واخدين عليه ومش حاسين بيه آه الحمد لله مستواهم المادي هيرتفع و هيبقوا مش محتاجين حاجة بس فين الكونيكشن الأسري لما تبقى ماما شغاله مع الجيران بتفرجهم على الحاجات و بابا صحيح مسافر عشاني وعشان إخواتي و بيشتغل عشان ميخليناش محتاجين حاجة بس أحنا محتاجينكو أكتر من أي حاجة .. الموضوع دآ هيكتر فيه الكلام و أنا خلاص سفيت ^^ هذآآ مآي أوبينيون ثانكس بئا يا ماتركس وبتمنى الناس تتغير بئا شوية و يكون فيه انتماء للبلد ومشاعرنا ترجع زي الأول ودي ووردي

طيش

نورتي الموضوع وتسلمي علي وجودك ورايك الجميل ده

ومنتحرمش منك يارب يا طيش

[ماتركس]

اقتباس المشاركة الأصلية كتبت بواسطة big booss هو اغلب الشباب و المتجوزيين بيسافروا دلوقتى و بص يا احمد حتى لو كان فيه اضرار من السفر الناس مش معاها حل غير دا امال هتبنى نفسها و تتجوز ازاى و تربي اولادها ازاى احنا اتخلقنا كدا فى بلد كلها خير و الى مسكنها حرميه يلا لنا الله موضوع قيم احمد و ترجع بالسلامه

نور الامور

تسلم علي رايك يا غالي

انتا كلامك صح يا نور بس الشباب عادي لكن المتجوزين اللي بيطولو هناك

نورت المووضووع يا غالي

[ماتركس]

اقتباس المشاركة الأصلية كتبت بواسطة طائر الشرق السلام عليكم ورحمة الله الغالى والعزيز على قلبى احمد الشريف ماتركس المميت هع هع هع والله زمان يا احمد شوف يا احمد الاحلام درجات وظروف الحياة كمان درجات وكمان كل انسان بيملك عزيمه تختلف عن الغير كل شئ يا صاحبى له ضريبة عايز تعيش احسن من الناس لازم تتعب اكتر من الناس ده شعار الحياة فى الوقت الحالى ونسينا يا صاحبى ان الارزاق بيد الله ورزقك هنا زى هناك ومش ممكن تمشى من الدنيا ناقصك من رزقك شئ لكن فيه شئ صاب النفوس وكان الحياة اصبحت حرب والبقاء فيها للمتكالب والطماع حتى وان كان ده على حساب بيت وزوجه وأولاد دعواتى

وحشني والله يا استاذنا ووحشتني ردودك يا غالي

وانتا كلامك صح كل شي وليه تمن يا غالي

ومنتحرمش منك يارب

[ملكة القلوووب]

الواحد يضطر انه يسافر ويتبهذل ببلاد الناس عشان يأمن لعيلته كل احتياجتهم
بس الابناء متضررين لانه من اسباب الانحراف هو غربة الاب فهم بكذا مايكون لهم حد يوجههم غير امهم لكن الاب هو القوي واللي له كلمته والكل بيخاف منه

ثانكس عالموضوع الجميل