كلنا مصريبن ( تابع لمسابقه كلنا مصريين )

[كوين ميرو]

كلنا مصريين ليه بقينا كده ناسين

ليه نغمه الفرقا سادت بينا وبقينا نسئل انت مين ولا انت مين

ميسحين و مسلمين مع بعض متربين

كل الفرق بينا انا بصلى فين وانت فين

وفى الاخر الاتنين بيوت ربنا متسمين

كنا زمان فى الحروب دم المسيحى والمسلم على الارض مع بعض بيدوب

دلوقتى بقينا نسئل نقول كل سنه وانتو طيبين لبعض ولا كفايه السلام يدوب

معانى جميله تاهت وسط التعصب والبغضه ماتت

ياريت نقدر نرجع روح المحبه اللى فى السنين اللى فاتت

منساش ابدا طنط سميه وهى فى عيدنا نازله تعيد عليا

ولا فى عيد القيامه لما عم الحج سيد يستنى يوم الجمعه العظيمه شوربه الفول النابت وطبق الطعميه

ولا هنسى ابدا رمضان وانوارو ورحو الجميله ديه

وانا قاعده مستنيه المدفع يضرب وصحبتى بعد مانفطر ترن عليا

اكلتى خلاص يالى مكنتيش اصلا صايمه ونضحك عليها وعليا

ولا جارتنا اسماء كانت فى سنى لما كنا نقعد سوا نذاكر ومامتها تاخد بالها منها ومنى

ايام كانت جميله لما بتفكرها دلوقتى دموع عيونى تنزل غصب عنى

مصر مش هتكون ابدا زى السودان وكل فئه فينا تعيش فى مكان

ولا هنكون تانى عراق مسحينها سبوها وقبلو بالغربه والطغيان

مصر كانت وهتكون بلد الامن والامان للغنى وللغلبان

للمسلم وللمسيحى كمان علشان مذكوره فى الانجيل ومذكوره فى والقرآن

كلمه اخيره هقولها لو فضلنا كده بعض مش طايقين مصر هتضيع منناا ونبقى كلنا خسرانين .


يمكن الخاطره مش مترتبه بس مهمه جدا عندى علشان

فيها ذكريات مش هنكر انى نسيتها احيانا بس بعد الاحداث اللى مرينا بيها

افتكرتها وحسيت حقيقى انى مفقتده مصر اللى كبرت فيها

اللى المحبه كانت لغه ناسها

ربنا يحافظ على بلدنا

ربنا يحافظ على مصرنا

[الابتسامه المصريه]

جميله جدااااااااااااااا

احساسك فيها وصل ليا
لاننا مصريين جدعان بنحب البلد ديا
طول عمرنا مع بعضنا مصريين
ايه ال حصل منهم لله عاوزين
يفرقونا عن بعضنا داه بوعدهم
لن ينالوه
بارك الله فيكى ميرو

[دمعه حائره]

ايوة كلنا مصريين على ارضها عايشين
لاعمرنا قولنا انت مين وانا مين
احمد ولامينا وحتى حسين
مش فارقه المهم مصريين
فى كل شارع وفى كل بيت سوا ساكنين
تاريخ وحضارة اتبنت فى سنين
كلمات معبره ونابعه من قلب صادق فى احساسه
وده اجمل مافيها
تسلمى وموفقه يارب
تقييمى لاحساسك الجميل

[كوين ميرو]

اقتباس المشاركة الأصلية كتبت بواسطة الابتسامه المصريه جميله جدااااااااااااااا احساسك فيها وصل ليا لاننا مصريين جدعان بنحب البلد ديا طول عمرنا مع بعضنا مصريين ايه ال حصل منهم لله عاوزين يفرقونا عن بعضنا داه بوعدهم لن ينالوه بارك الله فيكى ميرو

ربنا يحافظ على مصر ويبعد عنها شر الفتن

سعيده جدا بمرور حضرتك الرقيق

تسلميلى يارب

[كوين ميرو]

اقتباس المشاركة الأصلية كتبت بواسطة دمعه حائره ايوة كلنا مصريين على ارضها عايشين لاعمرنا قولنا انت مين وانا مين احمد ولامينا وحتى حسين مش فارقه المهم مصريين فى كل شارع وفى كل بيت سوا ساكنين تاريخ وحضارة اتبنت فى سنين كلمات معبره ونابعه من قلب صادق فى احساسه وده اجمل مافيها تسلمى وموفقه يارب تقييمى لاحساسك الجميل

تسلميلى ويسلملى شذى مرورك الراقى

مصر كانت وهتكون دايما عظيمه

علشان معدن ناسها الطيبين

شكرى وودى

[نجم وزهره ومسافات فراق]

كلنا مصريين
ع الخير متفقين
وانتي عارفه كويس
غلاوتك يا كوين

اخت وكلها ود
اخت حقيقي بجد
اخت اتشرف بيها
وف كل السنين



كلنا واحد مهما يكون
مهما العدو يغدر ويخون
ضد الفرقه وضد الشر
وعلى الخير متجمعين


اغفري لي كلماتي الموجزه اختي كوين
راقيه وليس جديد منك الابداع
تحيتي وتقييمي


اخوكي

[كوين ميرو]

اقتباس المشاركة الأصلية كتبت بواسطة نجم وزهره ومسافات فراق كلنا مصريين ع الخير متفقين وانتي عارفه كويس غلاوتك يا كوين اخت وكلها ود اخت حقيقي بجد اخت اتشرف بيها وف كل السنين كلنا واحد مهما يكون مهما العدو يغدر ويخون ضد الفرقه وضد الشر وعلى الخير متجمعين اغفري لي كلماتي الموجزه اختي كوين راقيه وليس جديد منك الابداع تحيتي وتقييمي اخوكي

اخى ادهم دائما لكلمات عبيرها الخاص الذى يملئنى سعاده

دمت بكل خير وسعاده

سلمت وسلمت اناملك

ويسلم نبض قلبك

[ساحر الأحزان]

كلمات نابعة من القلب من مواقف مريتى بيها جت عذبة ومنسابة بسلاسة فى جمال التعبير
تصل الى القلب الى القلب}
وكلنا أخوة على وطن واحد

وان شاء الله مفيش حاجة حتفرق بينا

جميلة كوين
دمتى بكل خير

[كوين ميرو]

اقتباس المشاركة الأصلية كتبت بواسطة ساحر الأحزان كلمات نابعة من القلب من مواقف مريتى بيها جت عذبة ومنسابة بسلاسة فى جمال التعبير تصل الى القلب الى القلب} وكلنا أخوة على وطن واحد وان شاء الله مفيش حاجة حتفرق بينا جميلة كوين دمتى بكل خير

ساحر الاحزان الله لا يحرمنى من شذى مرورك

ورقى كلماتك

حفظا الله مصر بشعبها الطيب

ودى وشكرى

[العاشق الذى لم يتب]

حبك وخوفك على مصر هواللى ظاهرهنا
ليس مهم ترتيب الكلمات
ولا تحسين اللفظات
المهم انك تحملين هم مصر والمصريين
سلمت اختى قمة فى روعة احاسيسك
دمت متألقة
مودتى