هو ده لموظف المصرى ؟؟

[Mo7aMeD Lotfy]

العنوان يبدو تقيل لكن الموضوع يكاد يكون للبعض ابسط بكتير والموضوع عن:-

موظفى الحكومه والمصالح الحكوميه عفوا البعض يحدث فيه الاتى :-

نبتدى بوجبة الافطار يستفتح الموظفين فى المصالح الحكوميه يومهم بها وكانها من اساس عملهم الذى يتقاضون عليه اجرا اخر الشهر احب اعرفكم ولو ان ناس كتير يعرفوا اللى هقولوا كويسلما تروح تخلص ورقه من مصلحه حكوميه تنتظر بالساعات فى حين انها بتخلص فى خمس دقائق او اقل ولكن كل ساعات الانتظار لان الاستاذ او المدام او المهندس او المهندسه او المدرسه او المدرسه او الدكتور والدكتوره بيفطروا ويستغرق فطارهم ساعه ان لم يكن اكتر واليكم سفرة الافطار عفوا المكتب الاطباق الرئيسيه هى:-

طبق الفول- الطعميه السخنه- المش الجبنه البيضه بالزيت والشطه -الفسيخ والرنجه-العيش

اما عن الاطباق الفرعيه فهى:-الخيار والطماطم- والبصل واخيرا الشاى وبالهناوالشفاء

بالله عليكم فى اى مكان بالعالم يحدث هذا؟بس للامانه لما تروح تلاقى الموظفين بيفطروا بيقوللك بابتسامه اتفضل معانا الفطار يعنى كلهم ذوق

نترك وجبة الافطار ونتجه الى المكاتب الخاليه من الموظفين وده بنشوفه فى مصالح حكوميه كتيره بيروحوا يمضوا الصبح ويخرجوا باحثين عن اكل عيشهم لان مرتبات الحكومه لا تكفى لاكل عيش حاف فتلاقى اللى عنده توك توك او عنده اتوبيس او واخد ورديه فى اى مكان وعلشان تلاقيه يا اما تلحقه وقت الحضور او قت الانصراف اذا كان بعض المصالح بتهتم اصلا بالامضاء

يجى دور الرقابه بقى قبل ما يجى التفتيش يكون التليفونات اشتغلت فى التبليغ جاى تفتيش

يروح التفتيش يلاقى الموظفين موجودين والشغل ماشى كويس ويكتبوا التقرير انه كله تمام وينفض الموضوع وترجع ريما لعادتها القديمه نقول كمان والا فى وقت لاحق ده متوقف على اللى هيشوف الموضوع لسه فى الجراب كتير واللى ذكرته قليل جدا

[شهرزاد2]

شكرا يا عندليب على الموضوع الخفيف

[توته]

بجد كلامك كله صح ونسيت الطوابير عشان أخلص ورقه لازم اعدي على كل الطوابير وبعد الطبور الطويل ياريت اللي انت عيزه يخلص لا يقولك راجعنا بعد اسبوع او شهر يعني انت وحظك وغير عدم الاحترام والاسلوب الجميل يعني رضين بالهم والهم مش راضي بينا
تحياتي

[توته]

ثانكس على الموضوع الرائع

[حكايات]

ههههههههههه

بالمناسبه الفطار كنت بدفع المصاريف فى الكليه ورحت لقيتهم بيفطروا يا استاذ يا مدام ولا حياه لمن تنادى

تسلم يا عندليب على التوبيك

[Mo7aMeD Lotfy]

اقتباس:
المشاركة الأصلية كتبت بواسطة شهرزاد2
شكرا يا عندليب على الموضوع الخفيف

الشكر لكى اختى الغاليه على المرور الطيب

تحياتى

[Mo7aMeD Lotfy]

اقتباس:
المشاركة الأصلية كتبت بواسطة توته
بجد كلامك كله صح ونسيت الطوابير عشان أخلص ورقه لازم اعدي على كل الطوابير وبعد الطبور الطويل ياريت اللي انت عيزه يخلص لا يقولك راجعنا بعد اسبوع او شهر يعني انت وحظك وغير عدم الاحترام والاسلوب الجميل يعني رضين بالهم والهم مش راضي بينا
تحياتي

خالص تحياتى وتقديرى لتواجدك اختى توته

خالص تحياتى

[Mo7aMeD Lotfy]

اقتباس:
المشاركة الأصلية كتبت بواسطة حكايات
ههههههههههه

بالمناسبه الفطار كنت بدفع المصاريف فى الكليه ورحت لقيتهم بيفطروا يا استاذ يا مدام ولا حياه لمن تنادى

تسلم يا عندليب على التوبيك

ههههههههههههههههههههه

تسلم يا ابو حميد على المرور الرائع

تحياتى