اسم مصر

[على محمد محمود]

على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت

على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال

على اسم مصر

[اسيل الفلسطينية]

ـإنتقآآء رآآئع
يعطيك العآآفيه .. ولايحرمنآآ من ـإبدآآعك وتميزك ..
بإنتظآآر جديدك .. مع اطيب تحيآآتي ..

[على محمد محمود]

شكرا لمرورك الرائع
انرتى متصفحى
وشكرا على ذوقك الرفيع

[CAN _ 7LM]

كلمات مميزة جدا

وكلنا بنحب مصر

تسلم على الطرح الرائع

[مِسكُ الشَهادة]

كلمات راقية ومميزة جدا ً
راق لي قلمك الذهبي
تقبل ودي وتقديري

[على محمد محمود]

الاروع مروركم العطر
لا حرمنى الله منها
تقدير واحترامى

[توحد ارواح]

احلى اسم ف الوجود مصر
اختصها المولى عز وجل ف كتابه الكريم
لسانى يردد الدعاء لها دائما
ان يحفظ الله هذ البلد و اهله من كل سوء الى يوم الدين
كلمات جميله معبره عن المصرى الاصيل
و الجد و السما و القله و العصافير
مشكور اخى وجزاك الله خيرا
فى امان الله

[الابتسامه المصريه]

انتقاء جميل
لاجمل بلد
فى الكون
دى مصر عندى بحبها بجنون

الله ينور قلبك بنور حب رسوله

[الأميرة رودي]

كلمات جميله جداا لمست قلوبنا كمصريين نعشق ترابها.
تسلم أخى وفقت فى انتقاءك لحروفك الذهبيه
كل الود وامنياتي بدوام التألق

[على محمد محمود]

شكرا على مروركم الرائع
الذى انار متصفحى
فمصر ام الدنيا
وكنانه الله فى ارضه
حفظ الله مصر وشعبها
احترامى وودادى لكم جميعا