تعالوا نرغى ونحكى مواقفنا

[Sєяєєη●•ʚɞ]

ماتيجوا نرغى مع بعضينا بما اننا كلنا اسرة واحدة مع بعضينا كدة مش عارفة ايه النشاط اللى هل عليا فجأة دة الموضوع بسيط خالص ان كل واحد يدخل يحكلنا موقف مر بيه سواء كان فى الشارع او فى الدراسة ...الخ سواء كان من زمان او من قريب اى موقف موقف مفرح موقف محزن موقف غريب موقف مرعب ياترى هلاقى تفاعل ولا هجيب درف التوبيك واروح بيتنا شعارنا احكى من غير خوف او تردد احكى وكلنا هنسمعــك

[الرحــاال المٌتَمرد]

لا أنا هَسمع بس ^^
متابع وهشارك فـ الحكاوي أكيد

[سآرهہ]

تسلم إيديكى ي سرينتى بـس لمآ يجى فـ بآلى موقف هقوله :dd

[Sєяєєη●•ʚɞ]

هبدأ انا عشان اشجعكم

هحكلكم موقف حصلى وانا فى ابتدائى

كنت طالعة رحلة مع المدرسة الى الاهرامات وكان معايا صاحبتى واختها
كانوا بيقسموا المدرسين كل مدرس بيكون مشرف على مجموعة من التلاميذ
المهم حبينا نركب الجمل فالمدرس راح اتفق مع الراجل بتاع الجمل وحاسبناه ع الفلوس
ركبت الجمل انا وصاحبتى وسبنا حاجتنا وشنطنا مع اختها عشان نقعد ع الجمل براحتنا هههههههههه
لاقينا الراجل اخدنا بالجمل لمكان بعيد عن المدرس وقالنا
مش هنزلكم من على الجمل غير لما كل واحدة فيكم تتدفعلى 5 جنية كمان ههههههههههه
صاحبتى تعيط وتقولة ياعمو مش معانا فلوس
يقولنا ماعرفش
فجاة لقينا اخت صاحبتى جاية ورانا بالشنطة وراكبة حمار صغنن
وبتقولنا فيه اية ؟
الراجل قالها مش هنزلهم غير لما اخد 10 جنية كمان
دفعتلة وقلنالة نزلنا وخوفنا ومالحقناش اصلا ان الجمل يمشى بينا
ومن ساعتها وانا حرمت اركب جمل تانى
بس كل اما افتكر الموقف دة اضحك وفاكراة كويس جدا

[Sєяєєη●•ʚɞ]

اقتباس المشاركة الأصلية كتبت بواسطة الرحــاال المٌتَمرد لا أنا هَسمع بس ^^ متابع وهشارك فـ الحكاوي أكيد

اسمع واحكى وارغى
ماعندناش مستمعين بس ههههههههههه
منور يا ايمن
وتعالى نط ع طول بقا

[Sєяєєη●•ʚɞ]

اقتباس المشاركة الأصلية كتبت بواسطة سآرهہ تسلم إيديكى ي سرينتى بـس لمآ يجى فـ بآلى موقف هقوله :dd

منورة يا سارة والله
ايوة تعالى احكى ع طول
تابعينا وكل شوية نطى هنا بقا

[الرحــاال المٌتَمرد]

أنا أصل كٌل الحكاوي بتاعتي جرائم ,,
طيب مااشى بس حلو الموقف دا بتاع الجمل هههههههه
هاجى أحكي وربنا يٌستر بأأه , بس محدش يتريق

[Sєяєєη●•ʚɞ]

اقتباس المشاركة الأصلية كتبت بواسطة الرحــاال المٌتَمرد أنا أصل كٌل الحكاوي بتاعتي جرائم ,, طيب مااشى بس حلو الموقف دا بتاع الجمل هههههههه هاجى أحكي وربنا يٌستر بأأه , بس محدش يتريق

الله جرايم
بموت فى الشر ههههههههههههه
يلا احكى احكى
وماتقلقش ماحدش عندنا بيتريق هنا

[حنـــــون]

جميل الموضوع دا ياسيرينو
هفكرلك فى كام موقف واجى احكيهوملك

[اسيل الفلسطينية]

انا عملت موقف بجارتنا كانت بتحب جدا مطعم كنتاكي ومداومة عليه
فحبيت اعمل فيها موقف وكنت حفظت رقم العضوية بتاعتها وطلبت بيوم من الايام
طلبية تكفي لعشرة اشخاص وهي عدد افراد اسرتها اربعة بس
وفضلت مستنية الطلبية علشان اشوف رد الفعل وفعلا وصلت الطلبية
وطبعا هي كانت مستغربة جدا لانها ماطلبتش وخاصة لما شافت الكمية
وحصلت خناقة بينها وبين بتاع الدليفري ولما الوضع تأزم تدخلت افض النزاع طبعا
واعترفت بالحقيقة وتقاسمت معها الطلبية بس كل مااشوف المطعم بفتكر الموقف
مشكورة ياقمر