حلقة جديدة من ( اجمد عضو ) معانا ( كوين ميرو )

[كوين ميرو]

اقتباس المشاركة الأصلية كتبت بواسطة الأميرة رودي أجمل حلقه انا شوفتها لبرنامج أجمد عضــو كوين دي حبيبتي وصديقتي الآنتيم شخصيه راااائعه بحق وأخلآقها فوق الوصف متزنه وكل تصرفاتها وارائها عقلآنيه جدااا زى ماقولتى لازم المفروض يتوحدو دايما لان الخساره هتيجي على الكل مش على الاقباط فقط . نورتى حبيبتي عجبتنى اجاباتك الجميله جدااا وعمرنا مافرقنا هنا بين مسلم ومسيحي واذا كان فيه قله قليله عاوزه تدمر العلآقه دي اكيد هيجي اليوم وهيبان فيه كل حاجه وهيرد كيدهم .. اوعى تسيبي مصر ابداااا دى بلدك زى ماهى بلدنا .. حلقه مميزه جدا يااحمد أستمتعت بالحوار وكنت أتمنى يكون أطول من كده موفقين دايما يارب

حبيبه قلبى تسلميلى يااااااااااارب

وتعيشى واتعبك معايا ^_^

سعيده جدا بمرورك ياقلبتى

[lover moon13]

حلقة تجنن والله العظيم
ضيفة عسل عسل يعنى
تسلم الايادى

[كوين ميرو]

اقتباس المشاركة الأصلية كتبت بواسطة a h m e d كلام رائع يا ميرو بس فيه بعض التحفظات او ممكن تكون اختلافات فى وجهات النظر مش اكتر بالتوفيق

اقتباس المشاركة الأصلية كتبت بواسطة a h m e d

تحفظات فى ايه بظبط يا استاذ احمد ؟

الاختلاف فى الرأى لا يفسد للود قضيه

ميرسى لمرور حضرتك واهتمامك

[كوين ميرو]

اقتباس المشاركة الأصلية كتبت بواسطة دمعه حائره حلقه جميله جدا لاخت راقيه باخلاقها وقلمها المبدع عجبتنى جدا اجاباتك وطريقه تفكيرك وهدوئك واكيد الدين لله والوطن للجميع وهاتلاقى فى كل شارع وبيت المسلمين والمسحيين اخوات وجيران واللى بيعمل الفتنه دى قله من الطرفين ليهم اهدافهم الغير شريفه اوعى تسيبى مصر لان زى ماقولتى الشعب كله حاسس بالاضطهاد ومش لاقى حقوقه نورتى كوين واتمنالك التوفيق دايما شكرا موروشو على الحلقه

ميرررررسى جدا لحضرتك

وكلامك الجميل اشكرك

وربنا يبعد عن بلدنا شر الفتن

تمنياتى بالسعاده

[كوين ميرو]

اقتباس المشاركة الأصلية كتبت بواسطة ساحر الأحزان حلقة جميلة مرشد مع كوين الى اسعدتنا بجميل كلامها وتوضيحها كلام عقلانى كوين جدا منك! ولكن؟ بعض التعليقات ؟ قانون دور العبادة محدش يقدر يمنعة والازهر نادى بية أكتر من مرة أن أى أعتداء على معتقدات الغير وخاصة لأخوة الأقباط يجب تغليظ العقوبة وقوة ردع للمحافظة لكل فرد فى حقة فى أن يتعبد من دون خوف وهو أمن وأنتى قلتى بكلامك ان أنتى وجوزك كل ما تنوى تسافرى تلاقى نفسك بتتراجعى ودة لأنك بتحبى وطنك والقبطى الى عاش طول عمرة فى مصر مش حيعطى فرصة لأى قوة خارجية أنة تكرهه فى وطنة أو تبعدة عنة لأنة حب البلد دى من قلبة وصعب أنة يبعد عنها التعصب كوين شىء وحش جدا ولو حسبتيها حتلاقى كام واحد متعصب 100مقابل مليون شخص عايز وحابب التعايش للأسف الفتنة ومدبرها بتصبو فوق السطح والحاجات الحلوة الى جمعتنا بتبقى منسية لان الى بيشعلل النار ويرمى البنزين بيظهر الأحداث الفردية زى النار فى الهشيم لأن الأغلبية مش عاجبها الى بيحصل دة!! وهمومنا وهمومك هى واحد لان أحنا فى مركب واحد ؛؛ نورتى كوين الحقلة وربنا يوفقك أنتى وأسرتك بحياتكم حلقة جميلة مرشو مع كوين الى أمتازت بجميل هدوئها وتعقلها!! تحياتى لكم

استاذ امجد انا من الناس اللى بحترم وبقدر جدا الشيخ احمد الطيب

قد ايه الراجل ده وجهه مشرفه للاسلام انسان خلوق وزاهد ومثقف ومحب

بس للاسف الازهر الشريف كمان دلوقتى بيوجهه انتقاضات وضربات وهجوم من المتأسلمين نفسهم علشان ممشيش على هواهم

وللاسف هما اللى فى ايديهم قرار قانون دور العباده للاسف

وزى ماحضرتك قولت المتعصبين ممكن يكونو 100 قدام مليون بس للاسف

للاسف 100 دول بيتكلمو باسم الدين واكيد المليون فيهم ناس بسيطه علميآ ودينيآ

وسهل يتاثر عليهم علشان كده للمثقفين والوسطين المعتدلين ميسيحن ومسلمين لازم يشتغلو

ويبقو بديل للمتعصبين دول علشان كافه الميزان متملش للتعصب

ميرررررسى جدا لرقى مرورك واهتمامك

تمنياتى بالسعاده

[كوين ميرو]

اقتباس المشاركة الأصلية كتبت بواسطة نـــــور القمر حلقة تجنن والله العظيم ضيفة عسل عسل يعنى تسلم الايادى

تسلملى عيووووونك يارب

نورتى ياقمرايه

[big bốss]

حلقه جامده كالعاده يا احمد

و استضافه موفقه لاخت لينا كلنا بنحترمها و بنقدرها

و اسئله و اجابه موزونه

و احنا اخوات فى كل الحالات و عمرنا ما هنفتقرق ابدا

بالتوفيق لميرو

و لمورشو

و للجميع

[كوين ميرو]

اقتباس المشاركة الأصلية كتبت بواسطة big booss حلقه جامده كالعاده يا احمد و استضافه موفقه لاخت لينا كلنا بنحترمها و بنقدرها و اسئله و اجابه موزونه و احنا اخوات فى كل الحالات و عمرنا ما هنفتقرق ابدا بالتوفيق لميرو و لمورشو و للجميع

ميررررررسى يانور

تسلم ياااااااااااارب

نورت يابشمهندس

[Words Whisper]

حلقة جميلة ..


هقول بس كام تعقيب :
- الفتنة الطائفية مستحيل تحصل وفيها طرف واحد
فعشان يكون موجود الاحتقان دا يبئا فيها طرفين ( مسلم ومسيحي )
وزي مافي مسلمين متشددين فيه بردو مسيحيين متشددين
وأكيد دا مش الدين نهاااائي
زي مافيه مواقع مسيحية مخصوص للاساء للمسلمين والإسلام
زي مافيه مواقع مسلمة للاساءة للمسيحية
زي مافيه متحدثين باسم المسيحية بيخرجوا يسيئوا للمسلمين والإسلام
ويغلطوا في محمد عليه الصلاة والسلام ويحشوا عقول المسيحيين ان المسلمين أشرار
زي مافيه متحدثين باسم الاسلام بيسيئوا للمسيحية وأفرادها
ويحشوا عقول المسلمين انه المسيحيين كارهينهم
دخلت كتير مواقع مسيحية بتتكلم بشكل سيء وغير مقبول عن محمد عليه الصلاة والسلام
اللي كان بيضايقني أكتر رد حد مسلم بشتيمة ,, أيوه طبعا شيء يُغضِب
بس مادام اللي قدامك واخد فكرة غلط عنك المفروض تصححها مش تضربه
يعني من الاخر مادام فيه احتقان بالشكل دا يبئا الطرفين مسؤولين عنه ..
- معظم المشاكل اللي بتوضع تحت مسمى ( طائفية ) بتبدأ من حاجات تافهة وعادية فعلا
بس عشان النفوس مش صافية بجد
ولو واحد مسلم و مسيحي اتخانقوا كانوا مجرد أفراد فجأة تقلب لأزمة طائفية
وتلاقي ناس دخلت من هنا ومن هنا زي ماتكون مش كانت مجرد خناقة عادية
ممكن تحصل بين مسلم ومسلم وممكن بين مسيحي ومسيحي
بس لو حصلت بين مسلم ومسيحي لاااااازم تكبر لحد ماتقلب بكارثة طائفية !!
يبئا رجعنا تاني لأنه الغلط من النفوس ومن الطرفين
والإعلام بئا لاااااازم يحط التاتش بتاعته ولااااااازم يكبر الأمور طبعا ويقول حاجات مش حصلت
لو واحد مسيحي سرق واحد مسلم يطلع يقول شفتم المسيحيين بيعملوا ايه
كأن مش كان ممكن يحصل نفس الموقف بين نفس الديانة
ولو واحد مسلم عاكس بنت مسيحية يبئا يطلعوا يقولوا والمسيحيات مضطهدات في مصر
وكأن يعني مش نفس الموقف بيحصل مع المسلمات
يعني من الاخر كدا غالبا الموضوع بيبدأ مش له علاقة أصلا بدين الآخر
بس لازم نحط فيه التاتش بتاع مسلم ومسيحي والاعلام يكمل بئا بالتاتش بتاعته
أو يبدأ واحنا نكمل !!
محتاجين كلنا نعقل عن كدا ..
- المسيحيين مظلومين
مش أقدر أحكم بصراحة بس فيه حاجة
بناء دور العبادة نسبة وتناسب
يعني لو فيه بيت من 3 غرف
وفيه أسرتين واحدة مكونة من 6 أفراد وواحدة من 12 فرد
هي نفس الغرفة بس هتكون مناسبة لأسرة وضيقة لأسرة
+ ان احنا عندنا مرض عجيب لو مسيحي بنى كنيسة يبئا المسلمين اللي في المنطقة نفسها
عايزين يبنوا مسجد هما كمان والعكس !! دي دور عبادة مش للعند ولا التصرفات دي
ومش ننسى انه بنائها بناء ع النسبة والتناسب أصل بيوت ربنا للعبادة مش للبناء وخلاص
بالنسبة بئا للحقوق عامة زي ماانتِ قلتِ كدا كلنا مش واخدين حقنا فدا ع الكل ..


مش فيه كتاب سماوي أبدا هيكون بيحث ع الكراهية
وسواء مسلم أو مسيحي متشدد أو حاقد ع الاخر فدي تصرفات فردية
بس محتاجين نفهم كلمة (فردية) عشان مش يكون بيننا الاحتقان دا
عشان مش لما تحصل خناقة بين مسلم ومسيحي يتلموا المسلمين والمسيحيين ..


حلقة جميلة
شكراً ميرو
شكرا أ.مرشدي ..
دوام التوفيق ..

[Sea Pearl]

حلقة جميلة جدا
واجابات عقلانية جدامن كوين ميرو
تسلم على المجهود مورشو