حلقة جديدة من ( اجمد عضو ) معانا ( كوين ميرو )

[ᗩ ᕼ ᗰ ᕮ ᗪ]

كلام رائع يا ميرو

بس فيه بعض التحفظات او ممكن تكون اختلافات فى وجهات النظر مش اكتر

بالتوفيق

[دمعه حائره]

حلقه جميله جدا لاخت راقيه باخلاقها وقلمها المبدع
عجبتنى جدا اجاباتك وطريقه تفكيرك وهدوئك
واكيد الدين لله والوطن للجميع
وهاتلاقى فى كل شارع وبيت المسلمين والمسحيين اخوات وجيران
واللى بيعمل الفتنه دى قله من الطرفين
ليهم اهدافهم الغير شريفه
اوعى تسيبى مصر
لان زى ماقولتى الشعب كله حاسس بالاضطهاد ومش لاقى حقوقه
نورتى كوين واتمنالك التوفيق دايما
شكرا موروشو على الحلقه

[ساحر الأحزان]

حلقة جميلة مرشد
مع كوين
الى اسعدتنا بجميل كلامها وتوضيحها كلام عقلانى كوين جدا منك!
ولكن؟
بعض التعليقات ؟
قانون دور العبادة محدش يقدر يمنعة والازهر نادى بية أكتر من مرة أن أى أعتداء
على معتقدات الغير وخاصة لأخوة الأقباط يجب تغليظ العقوبة وقوة ردع
للمحافظة لكل فرد فى حقة فى أن يتعبد من دون خوف وهو أمن
وأنتى قلتى بكلامك ان أنتى وجوزك كل ما تنوى تسافرى تلاقى نفسك بتتراجعى
ودة لأنك بتحبى وطنك والقبطى الى عاش طول عمرة فى مصر مش حيعطى فرصة
لأى قوة خارجية أنة تكرهه فى وطنة أو تبعدة عنة
لأنة حب البلد دى من قلبة وصعب أنة يبعد عنها
التعصب كوين شىء وحش جدا ولو حسبتيها حتلاقى كام واحد متعصب
100مقابل مليون شخص عايز وحابب التعايش للأسف الفتنة ومدبرها بتصبو
فوق السطح والحاجات الحلوة الى جمعتنا بتبقى منسية لان الى بيشعلل النار
ويرمى البنزين بيظهر الأحداث الفردية زى النار فى الهشيم لأن الأغلبية مش عاجبها الى بيحصل دة!!
وهمومنا وهمومك هى واحد لان أحنا فى مركب واحد ؛؛
نورتى كوين الحقلة وربنا يوفقك أنتى وأسرتك بحياتكم
حلقة جميلة مرشو
مع كوين الى أمتازت بجميل هدوئها وتعقلها!!
تحياتى لكم

[كوين ميرو]

اقتباس المشاركة الأصلية كتبت بواسطة ۩۩ elmagic ۩۩ انا اول مره اعرف ان كوين ميرو مسيحيه كويس اهوو مش عم سامي بس طبعا دينا الاسلام وصى بالاديان الاخرىَ وحرية العقيده واللى بيحصل دا ملهوش اى علاقه بالدين دا شغل همج ونااس لا عندها دين ولا فاهمه اى حاجه ربنا يصلح حال البلد فعلا لان حالها دلوقت مش عاجب اى حد مصـرى سوا كان مسلم أو مسيحي نورتى أختــى ميرو الحلقه تسلم ي ابو حمييد للمجهود مودتــــــى ,,

احم احم ما اخدتش بالك من التوقيع خالص يعنى ^_^

ربنا يحافظ على بلدنا وتقوم بسلامه من اللى هى فيه

ميرسى لمرور حضرتك

[كوين ميرو]

اقتباس المشاركة الأصلية كتبت بواسطة Ѕad Єyes في البداية يمكن سر اعجابي الاكبر بالحلقة دي هو ان اجمد عضو مش هو العضو بتاع المشاكل كالمعتاد ! لان مفهوم اجمد عضو الحقيقي مكنش متطبق قبل كدة اجمل من اليوم ,, مسلمين او مسيحين كلنا مصريين وكلنا شعب ووطن واحد اسباب الفتنة كتير جدا ويمكن اهمها بعيدا عن مشاكل دور العبادة والكلام دا هو الاعلام السيئ جدا , من الطرفين اما تلاقي قناه متأسلمة يخرج فيها ناس تتدعي انها شيوخ وبكلامهم يثيرو الفتنة اللي رسولنا الكريم قال عنها اشد من القتل ويقولو علي اي حاجة تخرج ضد الحكم " دول مسييحيين ومش عاوزين حكم اسلامي " بيقولوها فقط لمصلحتهم علشان يجمعو الشعب حوليهم باسم الدين ! ومش عارفين انهم من خلالها بيقتلو بلد وشعب عاش طول عمره واحد وهيبقي اتنين ! اما تلاقي كلام بيثير فتنه ومشاكل وخلافات والدولة بتتفرج وبتسكت ! اما تلاقي قناة مسيحية زي قناه " الحياة " واحد برامجها المسيئة جدا " سؤال جرئ " ومزيع " مستفز " وقس اسمه زكريا بطرس " شغالين دايما وابدا هجوم هجوم بكدب و كلام فارغ غير حقيقي علي الاسلام محاولة كذابه لايجاد اخطاء و متضادات ف القرآن ! غير موجودة بالمرة وبيخرجوها فقط من خلال قراءه خاطئة جدا للقرآن وتلاقي القناه دي موجودة وبتتذاع علي القمر " نايل سات " ! تعرف ان الاعلام والدولة هما السبب !! يمكن عايزين المشاكل والفتنيه تستمر ؟ لمصالح سياسيه ! بس قبل وبعد كل دا مصر لكل المصريين الرسول عليه افضل الصلاه والسلام قال عن اقباط مصر إذا مَلَكتم القِبط فأحسنوا إليهم ، فإن لهم ذمة ورحما . وعن اهل مصر عموما (إنهم في رباط إلى يوم القيامة). فكلام ووصية الرسول واضح جدا جدا ومش محتاج شرح والحديث الثاني بيوضح ان مفيش خوف ان بإذن الله مفيش تفرقه وهيفضل مسيحي ومسلم شعب واحد ووطن واحد ليوم الدين للاسف في اوقات بتم فتنه وبتحصل مشاكل لكننا في الاول والاخير شعب واحد مسيحين ومسلمين مفيش فرق والدليل التعامل في قري و صعيد مصر حيث الجيران والاصدقاء اصبحو اقرب لاسرة وعزوه واهل بيتهنو في اعيادهم وبيهنوا في اعياد المسلمين بيزورا وبيتزاروا وبيتعاملو من غير تفرقه دين ابدا ! فالاخير الدين اكيد لله والوطن اكيد للجميع وان شاء الله مصر قادرة انها تتخطي المرحلة دي علي خير ويرجع يتلم شمل الشعب المصري من جديد ,, اجاباتك رائعه جداا يا ميروو وانا كمان اول مرة اعرف انك مسيحية من خلال البرومو الخاص بالبرنامج ودا عمره ما هيفرق في اي حاجة هنا لان المنتدي هنا هو مثال للشعب الحقيقي , كلنا اخوه وكفايه تشوفي كمية الحب والود بين سامي والراحل محمد وكلامهم عن بعض وتعرفي ان مصر والدنيا بخير وهتفضل بخير نورتي الحلقة بوجودك وبعتذر عن الاطالله حلقة جامدة زي دي محتاجة رغي كتير وانا مش بتوصي :d تسلم يا مورشو للحلقة الجميلة

اولا اشكرك على مرورك واهتمامك

ثانيا صدقنى انا ميسحيه بس ضد قناه الحياه اللى حضرتك بتقول عليها

وضد اسلوبها وكمان ضد القنوات المقابله ليها زى الحافظ او خليجيه مثلا

التجريح فى الاخر عمره ماكان شئ مقبول وملهوش سبب غير خلق توتر وخلفات

وبيساعد لوجود ارض خصبه لزرع الفتن

[كوين ميرو]

اقتباس المشاركة الأصلية كتبت بواسطة arco baleno حلقه وجعتني كثير والله حسيت كوين تتكلم من اعماق قلبها وفي كل كلامها مصدقيهوصراحه وحزن عميق تعرفت على حجات كثير من رودك واتعرفت على عادتكم المسيحيه ووصيامكم _________ الديانات تتعدد لكن الوطن واحد الدين شي روحاني لا علاقه له بالوطنيختلف تماما عن مشاعرنا تجاه اوطاننا والدين يكون متنقل معنا في اي وطن نذهب اليه لكن الوطن احاسيس مختلفه تحمل ذكريات ومشاهد وحب وانتمى لذلك كل من يحاول فصل الدين عن الوطن والتفرقه بين المسيح و المسلمين وهم ابناء وطن واحد باسم الدين هولا هم اعداء الحياه وهم من لايملكون لادين ولا وطنيه لانهم جاهلين فعلا حلقه رائعه حبيتها كثير لامست فيها الصدق والصراحه والادب والذوق والاخلاق الله يوفقك حبيبتي ويصلح احوال مصر يارب

ميرررررسى جداا لزوق حضرتك

وفعلا اى حد بيحاول زرع الفتنه والتفرقه بين ابناء الوطن الوواحد هم اعداء الحياه

سعيده بمرور حضرتك جدا

[كوين ميرو]

اقتباس المشاركة الأصلية كتبت بواسطة حنـــــون حلقه مميزه جدا بصراحه ماعنديش اى تعقيب عليها لانى متفقه معاكى جدا فيها المشكله مش فى الفتنه ولا اننا كارهين بعض المشكله فى اهداف الناس الى بتحكمنا والى من مصلحتهم انهم يلهوا الناس فى فتنه ولا اى كارثه من كوارثهم ربنا يصلح حال البلد وان شاء الله مصر دايما هتفضل بلد الجميع بكل اديانهم ومعتقادتهم نورتى ياميرو حقا ^^ شكرا ع الحلقه الجميله يااحمد

بس لكل ظالم وزراع فتنه نهايه

ومصر مذكوره فى الانجيل وفى القرأن

ربنا يحافظ على بلدنا

ميررررسى جدا لمرور حضرتك واهتمامك

تمنياتى بالسعاده

[كوين ميرو]

اقتباس المشاركة الأصلية كتبت بواسطة silver spectra حلقة حلوة يا مرشد و كوين ميرو شخصية عاقلة و هادية و مثال راقي للأخلاق عندي سؤال ليكي : مين الفصيل اللي بتشوفي انه متشدد و بيكرهك في دينه بسبب الاساءات و التطاول اللي بيخرج منه على دينك ؟ و ايه شعورك كمسيحية لما تسمعي الاساءات دي ؟ و السؤال دا سببه في ان بعض الاشخاص اللي بينسبوا انفسهم للاسلام بيفكروا انهم بيعملوا كدا نصرة للاسلام ! مع اني بشوفه تدمير للاسلام لان نصرته بتكون في بث المحبة و جذب الناس مش العكس في انتظار اجابتك عن السؤال عشان نعرف من خلاله مين هما اشد الناس عداوة للاسلام من المسلمين انفسهم !

الفصيل ده اللى عامل زى الحربايه بيتلون بميه لون

يحرم المعايده على الاقباط فى عيدهم على موقعه الرسمى العربى

ويروح هو يعايد على الميسحين فى العالم كله بس على موقعه بالانجليزى !!!!!!

الفصيل اللى لسه بيعاملنا اننا سذج وعمرنا ماهننضج طبعا كلامى واضح بتكلم على مين الاخوان المسلمين

واللى بشوفه على قناه المفروض انها دينيه وظيفتها انها تعلم الناس دينها وتبسطه وتشرحه وتقربه لربنا

بس كل البرامج اللى عليها سياسيه علشان تعمل من الرئيس نبى او اله معصوم من الغلط

او بقى تشتم فى الاقباط وبابا الاقباط وتقول كلام عارى تماما من الصحه زى ان الاديره كلها اسلحه

واحد زى ابو اسلام المفروض انه حاسب نفسه على الاسلام عمرى ماشوفت له حلقه غير لما يقول

ابشع الشتايم والكلام

المتأسلمين بوجه عام اللى عينو نفسهم صوت للاسلام وهما فى كل كلمه بينطقوها بيخالفو فيها تعاليم الاسلام

شعورى بقى لما بسمعهم مش هنكر الاول كنت بتعصب وبكون هتجنن من غضبى

لكن واحده واحده ابتديت ابقى اهدى لانى زى ماقولت فى اجابتى فوق المسيح قالنا

فى الكتاب المقدس( فى العالم سيكون لكم ضيق لكن ثقو انا قد غلبت العالم) ثقتى فى وعده خلتنى ابقى اهدى

شكرا لمرورك واهتمامك استاذ طارق

تمنياتى بالسعاده

[كوين ميرو]

اقتباس المشاركة الأصلية كتبت بواسطة الرجل المتواضع أولاأشكرك أخى أحمد شكرخاص وكبير لأان برنامجك يجعلنى نتعرف على مكون الضيف وبنغوص فى أعماقه من خلال أسئلتك وإجاباته فحقابرنامج ناجح بكل المقاييس وللأخت كوين كل التحية والتقدير والمودةوالمحبة كامستوى شخصى حيث تابعت لهاالكثير والكثير من كتاباتها ومقالاتها سواء كانت أدبية أو ثقافية وأناأعلم أنها مسيحية وبماأن شعادر المسيحية المحبة وهذا أعلمه جيدا ولقد أطلعت على الكثير من الكتاب المقدس والعهدالقديم والعهدالجديد وقدلاحظت الكم الهائل من خلال آيات الأنجيل والقصص التى وردت به والأسفار مملوءة بالمحبة والتسامح وكما أستدلت هى بقول ربنا(لكم دينكم ولى دين) أقول لها حرية العقيدة لاإرغام فيها لأحد على وجه الأرض فكل يعتنق الدين الذى يراه الأصوب والأنسب له وفى النهاية كل الدين من عندالله ولله وكلها أديان سماوية نزلت من السماء لايحق لأى كان أن ينكرها وفى النهاية الكل ذاهب إلى ربه وهو وحده يعلم من كان يعبده ومن كان يكفره ومن كان مؤمنا ومن كان لايؤمن لاحرج فى ذلك المهم كل الرسالات التى نزلت من السماء أمرت أن بنى البشر جميعهم لهم حقوق وعليهم واجبات ومن نقص حق أحد فهوكافر ويستحق أشد العقاب ولى تحفظ بعض الشيئ على بعض مماجاء فى كلام أختى الفاضلة حيث أشارت أن الأقباط لايمارسون عقائدهم بحرية وأناأقول وهى تعلم وكل يعلم منذ أن أدركت الحياة لم أر أو أسمع أن أى مسيحى فى أى مكان فى مصر منع أن يدخل الكنيسة أو أن قرية قامت بإصدار أوامر للمسحيين بمنعهم من العبادة هذا أولا كماأشارت أن دور العبادة المسيحية قليلة أى عددالكنائس صحيح لاأنكر أن فى العهدالسابق كانت لاتبنى كنائس إلا بتصريح وماأدراك ماالتصريح ومع ذلك مارأيت أن المسحيين لايجدوا كنايس للصلاة وأنا أسكن بقرية أسمها البياضية مركز البدارى أسيوط وأنا هنا ذكرت الأسم والعنوان بالضبط ولك الحق أن تسألى وتتأكدى من كلامى بمعرفتك أن عددسكان القرية ثلاثة أرباعها مسلمين والربع مسيحى ومع ذلك يوجدفى تلك القرية أرع كنائس ومسجدواحدفقط نيجى للأهم مارأيت أحدا من سكان قريتى مسلم أضر بمسيحى والعكس صحيح بل والله أن من المسلمين مخاصم أخوه المسلم ولم يتخذ غير جاره المسيحى أخ له يتعامل معه فى كافة أمور الحياة وأنا شخصيا لم أرى وأعلم غير أخ لى هو كان لى أعزصديق وفى وصديق حبيب فعل معى مالم يفعله أشقائى وكل أقاربى ولم أفرق يوما معه فى المعاملة ومامرعيد من أعيادكم إلا وكنت أنا وزوجتى نكون أول المهنئين له وزوجته وهوكذلك يفعل والكل عندى متساوى ولم تكن هناك أبدا نظرة دونية لأى واحد مسيحى الكل يحترم الكل وحكاية فتنة طائفية أنالاأعترف بها أبدا إلا بعض المشاكل والتى يصنعونها هم أصلا لادين لهم ولاإيمان وكم أنا أعز وأحترم أخى الفاضل سامى ودائما أبحث عنه أختى الفاضلة أنت وزوجك وأبناؤك لك كل الحق فى مصر ليس منة ولا كرم وإنما تلك بلدك ووطنك تمرحين فيها وتعيشين ودعك من حكاية الهجرة دى ربنايخليك أختى ويبارك فيك ويفرحك بزوجك واولادك معلش أناآسف طولت عليكم مودتى

اهلا بلدياتى اهلا باهل اسيوط

استاذ رفعت منع الاقباط من ممارسه عقائدهم بحريه مش معناها ضبطيه قضائيه للاقباط مثلا

بس قضيه بناء الكنائس مشكله كلنا لمسنها حضرتك ضرب مثل بقريه حضرتك

وانا هضرب مثل بردو اكيد كلنا سمعنا عن كنيسه عين شمس اللى اتفتحت فى 2009 الكنيسه دى جانب بيت ولدى

اتبنت فى المكان ده لان اقرب كنيسه على بعد نص ساعه من المنطقه دى وعايزه حضرتك تيجى تشوفها يوم حد او يوم جمعه بتكون عامله ازاى الناس احيانا مش بتكون لاقيه مكان تقف فيه

يعنى الكنيسه اللى اتبنت دى مش كانت ديكور او منظر او كتر فلوس مثلا كانو اهالى المنطقه محتاجينها فعلا واتقفلت من ساعتها بشكل يحزن لان شويه متأسلمين هجموها واكنهم بيحاربو اعداء الاسلام
كنا فى قلب الحدث وشوفت بنفسى حاجات توجع القلب وهتافات تحزن توضح قد ايه الناس عيونها متغميه وقلوبها كمان

فى العموم صدقنى انا اتمنى ان بلدنا تكون بخير ويبعد عننا شر الفتنه

سعيده بمرور حضرتك واهتمامك

[كوين ميرو]

اقتباس المشاركة الأصلية كتبت بواسطة نجم وزهره ومسافات فراق حلقه موفقه في وقتها تماما وطبعا اختنا كوين ميرو غنيه عن التعريف ربنا يهدي الاحوال دمتم بكل خير

ميررررررسى لمرورك ادهم

تمنياتى وبالسعاده