حلقه جديده من شوية صراحه ومعانا " ساحر الاحزان "

[سآرهہ]

السلام عليكم ورحمه الله وبركاته ..

النهارده معانا مراقب مبدع ف توبيكاته وافكاره حتى ف ردوده .. وهو " سآحر الاحزان " أمجد )



ومعاكم اسئله والاجابات )

يلا نشوف الحوار ..


عرفنا ع نفسك بقى .. قولنآ آسمك .. وسنك .. و مكآن الاقامه .. ؟ :d


البطاقة الشخصية يعنى هو لازم التقليب كدة فى كل استضافة اوكية

-
ما علينا

الاسم

امجد محمود

السن 77

مكان الاقامة مغترب خارج مصر ولسة اسم البلد ذاكرة مرشدى بعد ما لم علية الناس بتوبيكة الى صورنى فية


قولى بقآ بالنسبة لمنتدى بنات مصر ازاى عرفتوآ و آزاى قدرت تبقى مراقب .. ؟


بالنسبة يا ست لمنتدى بنات مصر كنت ببحث على منتدى مصرى وظهر لية

منتدى بنات مصر داخلتة كزئر بيتابع فترة بسيطة وسجلت فية ولحد اليوم متواجد فية ويمكن هو المنتدى الوحيد الى فية على طول


وازاى بقيت مراقب يمكن دى وجهة نظر ادارية لان موصفات اختيار المراقب هنا

ليها اكتر من عامل فى الاختيار ومش بسهولة انك توصل للمراقبة
-


و قولى اكتر عضو او عضوه بتابع بروفايلها و توبيكاتهم ديمآ ؟؟ [ والكدب ممنوع :d




حكاية متابعة البروفيلات دى انا مش من النوع الى بيحب يزور الملفات كتير

الا ان كان بسبب سؤل على ملفى الشخصى او استفسار من احد الاخوة

الاعضاء او ارسال رابط لية فية توبيك عايز رد او بلاغ بموضوع مخالف او تعديل

موضوع او نقلة او ضيف جاى زاير بسى زيارتة مش على شان الانضمام للمنتدى

لا داخل يعمل دعاية فبروح ازورة على شان انبة علية بالالتزام بقوانين المنتدى

ان التزم خير وبركة ان ملتزمشى بعمل الى علية بعد كدة

وبخصوص المواضيع انا من النوع الى بحب اتابع مواضيع الجميع ما بخصص حد

بعينة على شان ارد علية

وطبعا الكدب ممنوع والزعل مرفوع


قولى بقى من تجآربك فى الحياه كده ايه رايك فى الحب .. !؟


الحب دة نعمة من عند ربنا عايز الى يعرف قيمتة وأن جالة يحافظ علية

احساس مشترك تبادل محبة عطاء تضحية تتكون كل العوامل دة
وتتحط تحت مظلة الحب

-

وقولى اكتر فتره سيئه مرت عليك ؟؟

اكتر فترة سيئة مبلاش على شان منرجعشى الى فات ياسارة
خلينا نبص للحاجة الحلوة فى حياتنا والسىء ننساة ونقفل بابة



-


قولى اكتر موقف احرجك فى حياتك كلها ومش هتقدر تنساه ؟

يادى الاحراج مصرة برضة ان مكنشى سىء يبقى محرج

بصى ياستى ومن غير ضحك بقى علية ؟
كنت لابس بدلة ومروشن نفسى على الاخر كنت معزوم عند واحد صاحبى فى خطوبتة

بعد ما نزلت من التاكسى لقيت واحدة بتاعكس فية وبتقلى انت يا جميل متعبرنا بتتقل علينا لية ؟رحت مكسوف لانى بطبعى مبحبش المعاكسة
وطالع جرى منها معرفشى بقى خجل ولا احراج ولا اية بالظبط
روحت البيت بصيت فى المراية قلت البت دى عبيطة ولا اية
هو فين دة يمكن كانت بتكلم حد تانى ولا اية ياربى ولا كانت تهيأت



ودى كانت الحلقه الاولى من البرنامج
وكنت منور ي امجد ..
الاسئله خفيفه وسهله اهى ))
و انتظرونآ ف حلقه جديده )

[ķąyąŋ..♡]

استضافه جميله ياساره

لانسان معروف بحسن اخلاقه

وعن نفسي بعتبره اخويا الكبير

يالهوي ياامجد 77 سنه هههههه

مجهود رائع يا ساره

[big bốss]

77 سنه يا امجد وليه قاعد عايش لدلوقتى


شخصيه جميله امجد و راجل عشره على عشره

مكسوف يا خويا طيب هاتهالى انا و انا فى خمس دقايق اكون مظبتهالك


اسئله جامده و اجابات حلوه

برافو عليك ساره

بس كنتم كترتوا الاسئله

[morshooo]

ابو السواحر الغالى
منور يا نجم التوبيك
وساحر من الشخصيات الجميله فى المنتدى
وكل الاعضاء بتحترمه جدا
ومنورة اساره القسم
بس عايزين اسئله
ضرب نار شويه ^_^
عشان الضيف يطلع من هنا
يجيلى فى اجمد عضو هههههههه

[حَرفُُ هجآءّ]

77 سنه !!!!!!!!
نعتبره انك مش عايز تقول عندك كام سنه ؟
امممم
ايه اللى حصل للبنات هى اللى بتعاكس ياماشاء الله
عرونا اوى والله

حلقه جميله ياسارة
وضيف قمه فى الرقى والاحترام
منور ياامجد

[حنـــــون]

اقتباس وطالع جرى منها معرفشى بقى خجل ولا احراج ولا اية بالظبط روحت البيت بصيت فى المراية قلت البت دى عبيطة ولا اية هو فين دة يمكن كانت بتكلم حد تانى ولا اية ياربى ولا كانت تهيأت

ماتقولش كدا على نفسك انت جمييييييييل ههههههههه
حلقه هاديه كدا ورايقه كالعاده
نورت ياامجود
شكرا ليكى ياساره

[دمعه حائره]

حلقه جميله وبطل بئا امجد بقالك سنتين على 77
ايه مش بتكبر ولاايه
نورت الحلقه وشكرا ساره على الاستضافه

[كوين ميرو]

حلقه جميله لضيف راقى

تسلم ايدك ياقمرايه بس كنتى

خليتى الاسئله اكتر شويه

[Sea Pearl]

امجد اكيد غنى عن التعريف
لأنه معروف باحترامه وتقديره للجميع
حلقة جميلة يا سارة

[Arco Baleno]

امجد والله منور واجاباتك جميله كثيييييييرامجد شخصيه رائعه حقيقي احترمها كثير ومتعاونه جداااااا
حبيت اجاباتك تسلمي ساره على البرنامج