يوميات مواطن قرفان

[نجم وزهره ومسافات فراق]

ظلموك يامبارك ولا زوجتك ظلمت
وقيامة الدنيا قامت والثوره جت واتعملت
شعب الفراعنه للاسف متغير
وكل يوم بحال يا احوال كده اتغشت


ظلموك وبضحك انا من سوء حياتنا اكيد
قبل كده هنوك والكل كان بيزيد
وياما كرمومك والكل راضي سعيد
دلوقتي حكموا عليك والمحكمه اهي تمت


ياشعب مصر لله بقولها فين بئا المبدء
مره تحب وتكره وترجع تعود تعشق
ياشعبنا الغلبان مع هموموا
حياتنا بالشكل دا والله اهه تعبت


عايزين يعيدوا العسكر يحكمنا من تاني
الله عليك ياشعب مبدع صحيح جاني
فنان في كل البدع ياشعب ياتايه
والله حالتي معاك والله اتخنقت


ياشعبنا المسكين في تفكيروا
تمشوا على السكاكين كده تسيروا
مره تظاهر واعتصام شغال
والحفله منصوبه وجماعه اهه حكمت


معنى كلامي مش عطف على المخلوع
او بطلب العفو منوا او يكون له رجوع
انا بس ببكي على حالنا واحوالنا
بقت الحياه مضحكه مبكيه وملت


جات الجماعه تقول : نحكم بشرع الله
جات الجماعه تقول : الحق راح نلقاه
جات الجماعه تقول : مرسي لوجه الله
والجيش مع الاخوان والصفقه اهه ( تمت )


ياشعبنا الموجوع في توهانوا
مش لاقي غير الجوع وغليانوا
هانت علينا الحياه الحق تاه منا
بقت الامور مضحكه جدا واهي ختمت


شهداء ورا شهداء طرف تالت
احوال ومتلخبطه وامور اهه عادت
الشر لاح بالجراح على شعبنا المسكين
عصبة فساد الشر متجمعه انتشرت


طنطاوي باع البلد علشان ما يتحاكم
نصبوا محاكم هزيله وعليله يا محاكم
بقى شعبنا في الالم ضايع كده وهايم
بقى شعبنا وكلنا في التوهه اهه غمرت


ياشعب مش عارف مصير وقرار
الكل بقوا في الكفاح والكل بقوا ثوار
الكل متفلسفين في سياسه مغلوطه
وكلمة الحق ماتت مننا وهربت


ياشعب عايز ايه ما تتكلم
ياشعب صوتك فين / متلجم
ياشعب عاش مخدوع ومتندم
حرام عليكم مصر مننا تعبت


اكتب وكتاباتي بوجع الهموم صرخات
وحزينه يا كلمة الحق ضايعه مع الاموات
وحزينه يا ثوره راحت لهفوها الملاعين
تورته ومتقسمه لجماعه اتفقت

بكتب ويمكن ف يوم حد يسمعني
حال البلاد اتكسر والحزن يوجعني
دي مصر ما تستحق الاسى منا
دي مصر متكرمه ومن ربنا اتحفظت





يوميات مواطن قرفان

[ابتسامة الزهر]

صح الكلام مواطن قرفان
عبر عن كل ما بداخله وداخل شعبنا
من الم وقرف لكن لا زلت اقول
ان الأمل موجود وضوء الشمس سيعود
قلم مميز تعودنا منه البداع
نجومى

[Mo chahin]

فى فعلا فئه كده ( معاك معاك عليك عليك ) !!

ربنا يهدينا يابنى ويصلح حالنا وحال البلد اللى مش عايز ينصلح دا

جميل يا ادهم كالعاده

[الرحــاال المٌتَمرد]

لا أجد ما أقوله أمام هَذه المَلحمه الشِعريه .
رَصد واقعي لـ الأحداث ,,
وكأنك مٌصور ,, تٌراقب المشهد جيداً
وتلتقت أهم وأخطر المشاهد على الأطلاق
أدهم ,,
أصبحت عنواناً للإبداع ,,
عِندما تَحدثت بــ لسان حالنا
وعَبر عَن نبض الشارع الموجوع
شٌكراً لك سيدي لهذا العَزف المٌتفرد
ولــ مَزيد مِن الإبداع والرٌقي ,,
تحياتى وتقديري لَك دائماً

[ابراهيم دياب]

دائما ادهم تاتى كل يوم

بجديد ممتع وراقى

طرح غاية فى القمة اخى كما تعوت ان ارى موضوعات الشيقة

لاتحرمنا ابداعك المتواصل

[الابتسامه المصريه]

ياشعب مش عارف مصير وقرار
الكل بقوا في الكفاح والكل بقوا ثوار
الكل متفلسفين في سياسه مغلوطه
وكلمة الحق ماتت مننا وهربت

انت بهذه الكلمات اوجزت
وخلصت
كل الكلام
دائما تتحفنا بماهو جديد ورائع دائماً تلقي بنا بين أحرفك الرائعه
أبدعت سيدي .. ولا غرابة في ذلك ... فأنت المبدع

[جبل عالي]

وسلسلة جديدة من يوميات لمواطن قهرته الاحداث والظروف

تحيتي وتقديري لقلمك القيم

[كوين ميرو]

أفه حارتنا النسيان

اكتر حاجه مبدع فيها الشعب النسيان

بننسى تاريخنا وننسى اللى خان وننسى اللى صان

كعادتك ادهم عنوان للابداع

دمت بكل تميز وابدع

تحياتى

[نجم وزهره ومسافات فراق]

شاكر جدا
كرمكم معي اخوتي الافاضل
لي عوده للرد عليكم


اخوكم

[gold rose]

فعلاً إنت كدا عبرت عن الحال .,
وكشفت حالنا بقا عامل إزاي .,
يا رب نتحسن يا رب .,
جميل أوي .,
ودي .,