آعـآدهـ ترميم بنـآت مصـر .. ||

[♥..pure]

• 
  

السلآم عليكم ورحمه الله وبركآته ..،
الحقيقة ملقتش آنسب من اليوميات يليق بـ الموضوع دآ ..
ويـآحبذآ ميتنقلش لـقسم الشكـآوي لآنه هيـآخد مسـآر غير مسآرهـ الفعلي .،


في البدآية حآبة أقول يعني آيه " منتدى " .!



يعني بالبلدي كدآ : مكـآن بنتجمع فيه للمنآقشه ، تبآدل افكـآر ، تعبير عن رأي ، ترفيه ، منافسه ، ..!
منـآقشه : يعني مؤكد هيبقى فيه آختلآف فـ الرآي .. بس في النهـآية كل النقآشـآت تندرج تحت مسمى واحد ,,
وهو آختلاف الرأي لآ يفسد للود قضيه , يعني بالنهاية الطرفين بيكونوآ مرضيين !
كل واحد قـآل رأيه وكل واحد احترم الرأي التـآني || وحتى لو موصلوش لنقطه نهاية واحدهـ ..
المهم انه حصل تبـآدل للآفكـآر وتحققت اسمى معاني الديمقرآطيه !
ودآ ممكن نحققه في آكتر من قسم زي " النقـآش / الآقلآم وغيرهم "

ترفيه : يعني بنطلع من زهق الشغل او الدراسه أو الحيـآهـ عمومآ بأننآ نهزر ونضحك ونعمل رفرش !
ودآ ممكن نحققه في " اليوميآت / الالعآب / المقالب / النكت وغيرهم "

منـآفسه : اختبار قدرآت الاعضآء في اكتر من مجآل ..!
ودي بنحققـهـآ في قسم " المسـآبقـآت " ..،

التعبير عن الرآي يندرج تحته : مواهب الاعضآء من كتابه وشعر ونثر ورسم وغنآء وغيرهم .

سؤال :
هـل منتدى بنـآت مصر دلوقتي يشمل كل تلك الجوآنب !!
بمعنى !
المفروض أنه منتدى ديمقرآطي بالدرجه الآولى ! >> زي مـآ بيقولوآ ع مصـر بالظبط !
نمسك أول خيط ! وهو [ الآستبيـآن 4 ] .. وآعلآن نتيجته النهـآئيه !!
ومينفعش أقول الآستبيآن الاخير واقف .. لآزم أكمل واقول آعلان نتيجته النهائيه !
موضوع الاستبيآن نزل والاعضآء تشرفوآ وقـآلوآ رأيهم الكريم في الاعضـآء
والآدارهـ قـآلت احنـآ هناخد بالاستبيآن دآ وهنعمل تقدير اشرافي للعضو وبنـآءاًَ عليه :
هيتم فصل العضو من الطاقم او هيستنى أو هيتم إعفائه حتى تتحسن ظروفه !!
الاستبيـآن خلص والنتيجه نزلت ..، لحد دلوقت تمـآم !
احنـآ بنطبق الديمقرآطيه فعلا !
بس هـل احنـآ متآكدين من مصدآقيه تصويت الاعضآء في الاستبيـآن !!
زمـآن كآن الاستبيآن دآ بيتعمل عشـآن نعمل احصآئيه وبتكون بنسبة معينه وفيه لجنه تحكيم لهآ نسبه مكمله لنسبة الاستبيـآن !!

عنك مثلآ : استبيـآن نعم او لآ اللي بيعملوهـ الآخوآن !!
كـل مرهـ بيمشي زي مآ الآخوآن عآيزين ! والنسبه بتكون في النهآية [ نعم ] !!
بس هو الاصلح لمصر [ نعم ولآ لأ ؟! ] !

يعني لو فيه مشرفين بقالهم اكتر من 3 شهـور مدخلوش ومفيش نشـآط !
ولو فيه مشرفين موجودين وبيدخلوآ بس مبيشغلوش القسم ومبيجددوش الافكآر !
هل أنـآ لآزم اعمل استبيـآن عشآن ينزلوآ ,, فـ ينزل معاهم مشرفين ميستحقوش انهم ينزلوآ !!
ومجرد انهم نزلوآ عشـآن همآ مش عآجبين الاعضـآء !

هـل آنـآ لآزم اعجب الاعضـآء كلهم !!
افرض فيه 10 عضو انا عامل معاهم مشكله لآنهم مخالفين لبعض القوانين ..
هما هيصوتوآ ب سئ جدآ مش عشآن انا شغلي سئ جدآ .. لآ عشـآن انا بتخانق معاهم كتير او مش بحققلهم رغباتهم !!
يبقى معنى كدآ اني وجودي بالمنتدى سئ جدآ !!
وفيه اكتر من مثآل في الاستبيـآن بيأكدوآ كلآمي ,,

حتى النآس اللي نزلت محدش فكر من المسئولين انه يعملهم حفل تكريم !
هل همآ لآيستحقوآ !!
دآ الموظف بيعملوله مكآفآهـ نهايه خدمه ع الاقل !!
ولو كلمه شكر .. هي اقل تقدير آعتقد .!

مهمآ كنت عايز تطبق الديمقرآطيه وتبقى قآنوني وتكسب جمآهيريه الاعضآء اني احطهم في الصفوف الاولى !!
يعني ينفع اعمل دستور من لجنه كلهآ اخوآن !!


طيب !
هو مين المسئول عن المنتدى !
الادارهـ آم الاعضـآء !
يعني هو كل مصيبه تحصل أجيبهـآ في الآدارهـ وان سياستها غلط !!
absolutely
الاعضـآء هي بالدرجه الاولى مسئوله عن المنتدى !
الاعضـآء هي اللي بتعمل مواضيع وبتشآرك ,, بالعربي هي اللي بتعمل المنتدى ,,
طب همآ الاعضآء مآلهم !!
المفروض !
ان كـل عضو عآرف انه موجود في منتدى ..،
مش في شركه شغـآل فيهآ وعايز يوصل لأعلى منصب .!
ومش في نآدي نقلبهآ حب وغرميآت ومين بيحب التآني اكتر !
ومش في حلمه مصارعه كل واحد ماسك للتآني شاكوش وعايز يخلص عليه !
ومش ومش ومش ومش !!

احنـآ في منتدى !
نقولهآ بالانجلش طيب يمكن الثقافه مش عربي
we all in forum
just forum !!

قبل مـآ تيجي وتقول انا معترض على اسلوب الادارهـ !
طب شوف نفسك انت الاول !
يعني قبل ما تعترض وتقول المدرس مبيشرحش كويس .. طب هو انت بتعمل اللي عليك وتذاكر ولا مطنش !!
قبل مآ تعترض ع اسلوب الادارهـ .. هل انت بتطبق القوانين واللوايح في المنتدى !!

طب هو مش في نآس بتعمل مواضيع وتقول المنتدى معتش زي زمآن !!
هل انت عمرك سألت زمان دآ كـآن عامل ازاي ؟!
كآن حاجه كدآ جميله بجد ,, بالرغم انه والله كان فيه مشاكل كتير بردو !
بس تدخله تحس بدفآ ! >> محدش يتريق
بس الميزهـ الوحيدهـ اللي كانت فيه هي [ الدفء ] واللي معنتش موجودهـ دلوقتي !
الدفء دا كان بيشجعنآ اننا نولد افكار جديدهـ واننا نكون حرصين على انه يكون الافضل بين غيرهـ من المنتديـآت !
بس تخيل كدآ انت كل يوم بتعدي من شارع وتلاقي فيه خنآقه !
هتفكر انك تعدي من جمبه بعد كدآ !! ولا هتاخد شارع تاني وتقول اهو نريح دماغنا
ما يمكن طوبه تيجي كدأ ولآ كدآ ,, اخليني ف السليم احسن ,,

قبل ما كل واحد كـآن بيتميز بفكرهـ او بذكآءهـ او بموهبته الكتابيه مثلآ أو أو
كـآن بيتميز بـ أخلآقه !
الاخلآق دايمآ في اي حاجه بتسبق التميز !
يعني يقول التربيه والتعليم !
عمرك ما هتكون مميز بين الناس مهما كان علمك وعبقريتك وانت اخلاقك زيرو ومش بتحترم حد !!

كلامي دآ موجه لكل النـآس ..! وانا قبل منكم !
حتى لو انت لسه عضو اخضر ! المفروض تكون عارف الكلام دآ عشان مسيرك توصل وتكون مشرف !
كـل واحد عارف هو بيعمل ايه كويس ,,
ياريت نصلح من نفسنـآ ... ونغير معتقدآتنآ ونتعامل ببسآطه اكتر ,,
ويآريت الادارهـ لو شايفه انها اتسرعت في اي حاجه , او حتى لو عملت حاجه مش ع اقتناع !
مش عيب اننا نرجع في قرارتنآ لدام هنبقى صح ,,

مضمون التوبيك بيعبر عن رأيي الشخصي فقط دون التحيز لآي عضـو !
ورآيي حتى لو كـآن ضد شخص بعينه .. هيبقى ضد سيآسة أو اسلوب تعامل وليس ضد الشخصيه بعينهـآ ,,

والسلآم عليكم ورحمه الله وبركآته ::

[morshooo]

التوبيك جميل جدا وانا معاكى فيه

الجزء الخاص بالاستبيان انا شايف انه

لو سليم بنسبه 80 % فكل واحد اخد حقه

بغض النظر عن الى ادو سيىء جدا بسبب الخلافات

مش شرط ان عشان مورشو شغال كويس يبقى لازم كله يديله ممتاز

انتى عندك بيكون فى مثلا اعلامى كبير جدا ومشهور جدا ومحبوب جدا

بس فى فصيل من المجتمع مش بيحبه . كدا يبقى الفصيل دا معندوش ضمير اكيد لا .

وهنا بكلم على حريه رئى كل عضو فى المنتدى فى الاستبيان وكلامى بعيد عن

الاعضاء اصحاب النفوس الضعيفه الى اخدت الاستبيان انه تصفيه حسابات .

الادارة .

هرجع واقول انها سبب فى خلافات الاعضاء لان مفيش عدل فى تعيين

المشرفين والمراقبين طالما انا مميز فى قسم ليه مش بتحطنى مشرف عليه

ليه بتسيب مشرف بقاله شهور بيدخل على فترات وتقول عشان ظروفه

طيب ماتشيله طالما بقاله شهور وتعين بديل ليه لحد لما ينتظم معانا

ليه كان عندك ( 9 ) مراقبين شغال منهم تقريبا ( 3 او 4 )

والباقى مش بيدخل او مش فاضى وسايبهم لو هتقول انهم

مش مقصرين على الشغل الرقابى خلاص كنت شيلهم

وتعين غيرهم من الناس الى تستحق والمنتدى مليان بالاعضاء

الكويسين الى يستحقو انهم يكونو مراقبين .

والطبيعى انك لما تعين مراقبين هتعينهم من الــ v.i.p

يعنى ( ماجيك و اسماء وحوراء و رحال ) تقريبا دول من اهم

الاعضاء الى هتطلع على المراقبه .

لكن مش هروح اجيب مشرف اعينه مراقب على حساب الناس دى

والا يبقى السلم الادارى هنكسرة وهنكسر قواعد المنتدى

عشان خاطر عضو معين . واعتقد دا مش هيحصل .

[Lost Pearl]

حلو العنوان "اعادة ترميم"

زي ما قلتي الاخلاق الاول ثم الاخلاق ثم الاخلاق

لما كل واحد يبص لنفسه الاول يشوف هو بيعمل ايه غلط ،، و يفكر بحيادية بس من مطلق >> انا مش بغلط ابدا و دايما علي حق !!

ساعتها ممكن نتقدم ،، مش كمنتدي بس ،، كدولة كمان

موضوع مضمونه جميل يا صافي

تسلم ايديكي

[دمعه حائره]

الاستبيان كان اختبار واخد رائى الاعضاء فى الاداره كلها
كون ان فيه ناس شخصنة الاختيار بناء على خلافات وشكاوى
ده اكيد مرفوض وبيكون معروف للجميع مين يستحق ومين لأ
والمنتدى باعضائه دايما بيتحدد شكله ونوعيه العلاقات فيه
ممكن تبقى كلها خناقات وممكن يبقى كله اخوة وابداع فى كل قسم
فيه حلقه مفقودة وصلتنا للحاله دى
حاله تربص للاخريين واصطياد الاخطاء
رفض للقوانيين واعتبارها تحكم
مع اننا زمان كنا بنفذها وبنلتزم بطيب خاطر وخوف على المكان
اكيد الاخلاق مع التميز والنشاط
اهم حاجه بيكون على اساسها اختيار المشرفين
والمناصب فى النهايه ماهى الا خدمات للمنتدى والاعضاء
محتاجين اعادة ترميم من جوانا هايبان اثرها على المنتدى

[♥..pure]

جدع ي مورشو :d
انت جبت كذآ نقطه حلوين !

اقتباس التوبيك جميل جدا وانا معاكى فيه الجزء الخاص بالاستبيان انا شايف انه لو سليم بنسبه 80 % فكل واحد اخد حقه بغض النظر عن الى ادو سيىء جدا بسبب الخلافات مش شرط ان عشان مورشو شغال كويس يبقى لازم كله يديله ممتاز انتى عندك بيكون فى مثلا اعلامى كبير جدا ومشهور جدا ومحبوب جدا بس فى فصيل من المجتمع مش بيحبه . كدا يبقى الفصيل دا معندوش ضمير اكيد لا . وهنا بكلم على حريه رئى كل عضو فى المنتدى فى الاستبيان وكلامى بعيد عن الاعضاء اصحاب النفوس الضعيفه الى اخدت الاستبيان انه تصفيه حسابات . الادارة .

تصفيه حسآبـآت الآدارهـ ؟!
الادارهـ معروفه بـجرئتهآ وانها مبيهمهآش حد !
ولعلمك كان من حق الادارهـ من غير استبيآن ولآ حاجه انها تشيل المشرفين اللي مالهمش نشآط !
ولو حد كـآن اتكلم ساعتهآ .. كان الرد هو دا عشان مصلحه المنتدى !
اما انت دلوقتي تعمل استبيآن وتخلي مسئوليتك !!
تفتكر دآ الحل !

اقتباس هرجع واقول انها سبب فى خلافات الاعضاء لان مفيش عدل فى تعيين المشرفين والمراقبين طالما انا مميز فى قسم ليه مش بتحطنى مشرف عليه ليه بتسيب مشرف بقاله شهور بيدخل على فترات وتقول عشان ظروفه طيب ماتشيله طالما بقاله شهور وتعين بديل ليه لحد لما ينتظم معانا ليه كان عندك ( 9 ) مراقبين شغال منهم تقريبا ( 3 او 4 ) والباقى مش بيدخل او مش فاضى وسايبهم لو هتقول انهم مش مقصرين على الشغل الرقابى خلاص كنت شيلهم وتعين غيرهم من الناس الى تستحق والمنتدى مليان بالاعضاء الكويسين الى يستحقو انهم يكونو مراقبين .

اقتباس والطبيعى انك لما تعين مراقبين هتعينهم من الــ v.i.p يعنى ( ماجيك و اسماء وحوراء و رحال ) تقريبا دول من اهم الاعضاء الى هتطلع على المراقبه . لكن مش هروح اجيب مشرف اعينه مراقب على حساب الناس دى والا يبقى السلم الادارى هنكسرة وهنكسر قواعد المنتدى عشان خاطر عضو معين . واعتقد دا مش هيحصل .

هي ايه مقآومـآت المرآقب يـ مرشدي من وجهه نظرك !!
او من وجهه نظر الآعضـآء ! او من وجهه نظر الادارهـ طيب !!
هو المرآقب دآ مواصفآته ايه !!
ع آيـآمي :d
كنآ عارفين ان المراقب دآ شخص ذو رؤيةصائبه و بصيرهـ واسعه ورأي حكيم !!
ايـآ كـآن هو نشيط ولآ مش نشيط بئه !!
انت محتآج النشآط والتفاعل دآ في مرحلة التميز والاشراف !
المراقبه فيهآ ركن اضافي يمكن الاعضاء مش بتشوفه !
زي الادارهـ ماليهآ لوحه التحكم وشغلهآ الاداري الفني اللي بيظهر للاعضـآء !
يعني هو انا ينفع اكون عضو نشيط جدآ واخدت كمان اشراف بس ردودي سطحيه او ماليش كفائه او خبرهـ اني احل بين الاعضاء او افض مشكله !
واجي اطالب اني اكون مراقب !!
متهيألي مش هيبقى ليآ عين صح !!
الادارهـ بردو قبل ما تحط فلان مراقب بتشوف مقومآته كـ مراقب !
النشآط والتميز مش مقياس بالمرهـ اني احطهم في معايير المراقبه !
انت داخل ع مرحله تانيه وفيه قسم شكاوي مطالب انك تكون مسئول عنه مع الادارهـ
اللي من اهم شروطه ! قدرتك ع الموازنه بين الامور وعدم التحيز لطرف وعدم السلبيه !
يعني مينفعش اعين مراقب يستنى ميردش ع المشكله الا لما الادارهـ تدخل وتشوف رأيها ايه وبعدين ابقى اعوم ع عومهآ !!
الموضوع له حذافير ومطالب كتير بردو ي مورشو
مش انت ولا انا ولا الاعضاء اللي يقولوا المفروض مين يتعين والمفروض مين ميتعينش
اللي في الحدث هو ادري واحد بالاصلح !!
وهو اللي هيشيل مسئوليه قرارهـ واختيارهـ ..،

[morshooo]

طيب انتى لو هتكلمى عن مقومات المراقب

انتى شايفا ان المراقبين الى اتعينو قبل كدا

كانو قادرين على حل المشكلات او بعض المراقبين الحاليين

قادرين على حل المشكلات .

[♥..pure]

اقتباس المشاركة الأصلية كتبت بواسطة lost pearl حلو العنوان "اعادة ترميم" زي ما قلتي الاخلاق الاول ثم الاخلاق ثم الاخلاق لما كل واحد يبص لنفسه الاول يشوف هو بيعمل ايه غلط ،، و يفكر بحيادية بس من مطلق >> انا مش بغلط ابدا و دايما علي حق !! ساعتها ممكن نتقدم ،، مش كمنتدي بس ،، كدولة كمان موضوع مضمونه جميل يا صافي تسلم ايديكي

الغلط دلوقتي مش كونه بيعترف بخطأهـ او لآ !
متهيآلي ان محدش شآيف نفسه بيغلط !
وبالتالي ممكن يتجاهل اي كلآم ممكن يتقال !
وتحسي انك بتنفخي ف آربه مخرومه
منورهـ ي لوجي

[morshooo]

نقطه كمان

طيب ما انتى معرضه ان الى ينجح فى الادارى المنتخب

عضو مايكنش بيعرف يحل المشكلات وقتها هتعمل ايه .

[ساحر الأحزان]

موضوعك جميل وعلى شان كدة حيروح قسم المشرفين ومنة لقسم الشكاوى دراجات كدة ؛؛ولا فيه عندك مانع؟

أنتى ذكرتى الأخلاق مثل الأخلاق لأنها أهم حاجة حنركز عليها أية فايدة التمييز من غير أخلاق أية فايدة النجاح من غير أخلاق

أخلاقكك وسلوكك بتبنى عليهم أفعالك مع نفسك ومع غيرة ما ينفع أن صفية تكون هنا بوش وبرة بوش تانى يبقى كدة هى بتضحك

على نفسها لأن سلوك الأنسان ما بيتغير سوء هنا فى المنتدى ولا برة المنتدى لأما بقى يبقى أحنا بنضحك على بعض !

أو لنقل بنمثل على بعض حنا حلوين وبرة طعميبن تيجى أزاى دى .

سلوكك وأخلاقك بتضيع مجهودك!

الأخلاق يتجيب الدفىء المفقود بتولد عندك جو الألفة والمحبة وأحترام الغير ,,

مفيش مكان مفيش فية مشاكل أو خالى من المشاكل أنما المشاكل دى لو لقيت ألى بيموتها وهى فى أولها بتموت ’’

أنما لو أتدلق عليها بنزين زى النار دى كدة حتشعلل لأنها لقيت ألى بيقويها وبيساعد أنها تكتبر ؛؛؛

أصلاح النفوس هو العامل المهم فى أول الأصلاح وبعدها الأصلاح حيجيب نتيجتة ألى أحنا محتاجينها ؛؛

وياريت البعد عن الشخصنة والنفسنة وحسن الظن فى الغير وعدم أسائة الظن بية وتفتح صفحة جديدة مع نفسك الأول !

وبعد كدة مع غيرك ,,

موضوع جميل

فوفا

وأن شاء الله يجيب نتيجتة المرجوة فى التقارب

تحياتى

[♥..pure]

اقتباس المشاركة الأصلية كتبت بواسطة دمعه حائره الاستبيان كان اختبار واخد رائى الاعضاء فى الاداره كلها كون ان فيه ناس شخصنة الاختيار بناء على خلافات وشكاوى ده اكيد مرفوض وبيكون معروف للجميع مين يستحق ومين لأ والمنتدى باعضائه دايما بيتحدد شكله ونوعيه العلاقات فيه ممكن تبقى كلها خناقات وممكن يبقى كله اخوة وابداع فى كل قسم فيه حلقه مفقودة وصلتنا للحاله دى حاله تربص للاخريين واصطياد الاخطاء رفض للقوانيين واعتبارها تحكم مع اننا زمان كنا بنفذها وبنلتزم بطيب خاطر وخوف على المكان اكيد الاخلاق مع التميز والنشاط اهم حاجه بيكون على اساسها اختيار المشرفين والمناصب فى النهايه ماهى الا خدمات للمنتدى والاعضاء محتاجين اعادة ترميم من جوانا هايبان اثرها على المنتدى

حلقه مفقودهـ !
الادارهـ زي ما هي .. والاعضاء هما اللي بيتغيروآ !
بس انا شايفه ان الادارهـ بقت بتحآول ترضي نـآس ع حسآب نـآس !
زمآن مكنش بيهمهآ حد ,, المهم انها تعمل اللي شايفاهـ صح وخلاص .!
عارفه كنـآ راضين ليه !
عشان كانت المساواهـ فـ الظلم عدل !
احنا كنا بنسكت عشان شايفين فعلا ان اللي عملته هو الصح !
دلوقتي مهما تعملي الاعضاء شايفه انك جايه عليها !
اي حد يقول للتاني كلمه يجري ع الشكاوي والحقي ي ادارهـ
مينفعش .. مش اسلوب تعامل !