ظاهرة اختفاء أعضاء المنتدى ( موضوع انساني )

[نجم وزهره ومسافات فراق]

ظاهرة اختفاء أعضاء فعالين من المنتدى

ياترى ليه ؟
برغم انهم كانوا ناس اصحاب نشيط كبير جدا
واقلام كلنا نشهد ليها
وافكار لا اختلاف ابدا عليها
وثقافات متنوعه جدا


انما للاسف اختفوا في الظل
غابوا
والمحبط اوي والمحزن
ولا حد اهتم
والغريب
بنقول وفاء

على فكره
احنا بنضحك على روحنا وربنا
وفاء مين وصفاء مين
ده اصلا ولا حد فكر فيهم
ده اصلا ولا حد كلف خاطروا بعمل موضوع عليهم
ياساده ياكرام

الوفاء فعل انساني وطبع مش لموقف ما وظروف ما ومصلحة ما

عايزين نعرف من كبار المنتدى بالصلا ع النبي الناس دي اختفت ليه اصل العدد زاد واصبحت الظاهره غريبه اوي وواضحه بس كالعاده محدش بيفكر يفتح ( موضوعات حساسه بتخوف ) !



ليه الناس دي اختفت |؟
ليه المواهب بتروح من هنا ؟
ليه محدش فكر فيهم ولو بتوبيك واعتقد ده اقل تقدير لناس تعبت كتير ؟


فين قلم بلا حبر ؟
هو مش كان مراقب كبير ومشهود بقوة قلموا ؟
فين بحر ولكن صاحب خواطر حصريه قويه وممتعه ؟
فين نبض النيل قلم راقي وشخصيه ارقى ؟
أعد لكم أكتر ؟
أقول أكتر ؟

احنا ليه كده ؟
فين الوفاء مننا
محدش يقول ظروف وبتنجان ومحدش يقول لي ظروف وجوابات وخزعبلات
لان الناس دي كانت مولعه المنتدى نشاط
ومحدش بردوا يقول مذاكره ومش عارف مين ربنا يكرمكم

احنا بوضوح وعلني كده افتقدنا الوفاء

فين مهندسة بغداد
فين المستبده
فين الفنكوشه

فين وفين وفين

الناس دي بتختفي بقدرة قادر من المنتدى ليه ؟
ايه الطرف التالت وصل هنا ؟
حد يقنعني
حد يفهمني
يارب اكون غلطان

ياساده
شوية وفاء بئا لربنا وللناس

هل افتقدنا حبوب الشجاعة على مواجهة مشاكلنا واقتحامها بجرأة ؟
هل مستمتعين بما نحن فيه وعلى جانب آخر نطلب معاونة وتعاون في تناقض فظيع وغريب جدا ؟
هل انتهى الأمر وعلينا قبول ذلك دونما الخوض فيه بل واقتحامه بل ومحاولة تغييره ؟
كيف لنا أن نقول شيئا ونفعل عكسه ؟
كيف لنا أن نستمر في شيئ فيه جحود واضح ونعمل أننا لا نرى ولا نلقي بالا ولا نهتم ؟


نحن بشر
أكرر
نحن بشر
لسنا نعام ولن نقبل أصلا أن نكون كالنعام
فالنعام فقط هم من يضعون رؤوسهم في الرمال وقت حدوث النكبات
نحن بشر ياكرام ولسنا نعام


الموضوع أمامكم
ومستني ردودكم بس برجاء ردود مقنعه مش ديبلوماسيه

[big bốss]

ادهم يا شرقاوى

اولآ اى حد بيغيب عن المنتدى بيغيب بسبب ظروف فى حياته الواقعيه

ثانيآ فيه ناس بقا احنا الى بنبعدها عن المنتدى بسبب اخطاء ارتكبتها

و للاسف ساعات مجهوده مش بيغفر غلطه و دى حصلت كتير


ثالثا فيه كذا توبيك اتعمل للسؤال عن الناس دى

غير رسايل الخاص عندهم ملايانه سؤال

انا عن نفسي بفتقد وجود ناس كتير منهم كانوا روح المنتدى

و لكن هكذا هى الامور تجرى يا ولدى

و سؤالنا بيعتمد على ما نستطيع فعله بما يتناسب مع المنتدى فقط

و صباحك فل يا درش

[اسيل الفلسطينية]

الظاهرة لها اسباب كثيرة اخي ادهم
ممكن ناس اختفت بسبب انشغالها بظروفها الخاصة
ناس ممكن شعرت بالظلم وحاولت تشوف نفسها بمكان اخر
ناس اختفائها كان لحظر مثلا من قبل الادارة
والاسباب كثيرة نتمنى لكل عضو ترك بصمة ان يرجع لبيته الثاني
او من كانت لديه ظروف تمنعه من التواصل ان يفرج الله عنه ويعود الينا
مشكور اخي افتقاد الاعضاء لمسة وفاء بوركت جهودك

[Words Whisper]

هو فعلا فيه أعضاء سبب غيابهم ظروفهم الشخصية
وهما نفسهم قبل غيابهم بيكونوا قايلين دا
وعامة يعني
الشخص اللي بيترك ذكرى طيبة
بردو بتفضل الناس تسأل عليه
وفيه ناس احنا عارفين انهم مش هيدخلوا حاليا خالص
وبالرغم من كدا الناس بتسأل عليهم
عشان لما يدخلوا يعرفوا ان فيه ناس بتهتم لوجودهم
مش شرط يكون السؤال بموضوع
فيه البرايفت و الزوار لأنه الأهم انه الشخص نفسه يعرف
ومن شوية قدرا كنت بشوف بروفايلات
لقيت فيه منها أصحابها غايبين وكانوا قايلين مش هيدخلوا إلا بالاجازة
وبالرغم من كدا عندهم رسائل جديدة بتسأل عنهم ..


شكراً بئا ..
دوام التوفيق ..

[نجم وزهره ومسافات فراق]

اقتباس المشاركة الأصلية كتبت بواسطة ღ big boss ღ ادهم يا شرقاوى اولآ اى حد بيغيب عن المنتدى بيغيب بسبب ظروف فى حياته الواقعيه ثانيآ فيه ناس بقا احنا الى بنبعدها عن المنتدى بسبب اخطاء ارتكبتها و للاسف ساعات مجهوده مش بيغفر غلطه و دى حصلت كتير ثالثا فيه كذا توبيك اتعمل للسؤال عن الناس دى غير رسايل الخاص عندهم ملايانه سؤال انا عن نفسي بفتقد وجود ناس كتير منهم كانوا روح المنتدى و لكن هكذا هى الامور تجرى يا ولدى و سؤالنا بيعتمد على ما نستطيع فعله بما يتناسب مع المنتدى فقط و صباحك فل يا درش

معاك يانور يانهضاوي

يامعلم الفكره مش كده
الفكره بس يتعمل شيئ تقديري
ده هدفي
مساؤوا مانجه ياعم الحاج

[نجم وزهره ومسافات فراق]

اقتباس المشاركة الأصلية كتبت بواسطة اسيل الفلسطينية الظاهرة لها اسباب كثيرة اخي ادهم ممكن ناس اختفت بسبب انشغالها بظروفها الخاصة ناس ممكن شعرت بالظلم وحاولت تشوف نفسها بمكان اخر ناس اختفائها كان لحظر مثلا من قبل الادارة والاسباب كثيرة نتمنى لكل عضو ترك بصمة ان يرجع لبيته الثاني او من كانت لديه ظروف تمنعه من التواصل ان يفرج الله عنه ويعود الينا مشكور اخي افتقاد الاعضاء لمسة وفاء بوركت جهودك

ما هو دي قصدي اسيل
نرجعهم
نهتم بيهم
نورتي كتير اسيل

[نجم وزهره ومسافات فراق]

اقتباس المشاركة الأصلية كتبت بواسطة words whisper هو فعلا فيه أعضاء سبب غيابهم ظروفهم الشخصية وهما نفسهم قبل غيابهم بيكونوا قايلين دا وعامة يعني الشخص اللي بيترك ذكرى طيبة بردو بتفضل الناس تسأل عليه وفيه ناس احنا عارفين انهم مش هيدخلوا حاليا خالص وبالرغم من كدا الناس بتسأل عليهم عشان لما يدخلوا يعرفوا ان فيه ناس بتهتم لوجودهم مش شرط يكون السؤال بموضوع فيه البرايفت و الزوار لأنه الأهم انه الشخص نفسه يعرف ومن شوية قدرا كنت بشوف بروفايلات لقيت فيه منها أصحابها غايبين وكانوا قايلين مش هيدخلوا إلا بالاجازة وبالرغم من كدا عندهم رسائل جديدة بتسأل عنهم .. شكراً بئا .. دوام التوفيق ..

احترم اضافتك
احترامي

[ساحر الأحزان]

دى طبيعة وسنة المنتديات يا نجم ؟

ناس تروح وناس تيجى ..

يعنى أنا أذكر لما أنتسبت شفت ناس هنا وهما دلوقتى غير موجودين ,,

والسؤل مطلوب بسى مش حقلك أنى سألت على دة ولا دة لأن دى حاجة بينى وبين ربنا وبينة ؟

وقلم بخير لو عايز حاجة منة ممكن أبلغها؟

بشكر ليك جميل روحك

ومنخفشى لما تغيب أنا حسأل عليك ؟

[۩۩ elMagic ۩۩]

ي بني
الاعضاء مش هتقضي طول عمرها هنــا !
كل وااحد وطبيعي ظروفه فـ يوم ماا بتجبره إنه يبعد
والزمن وعداد العمر شغااال مش وااقف
والنااس دى صاحبة أقلام مميزه اكييد
ولكن طبيعي يجيلها وقت وتختفي غصب عنهاا
دورنا دلوقت احنا فى الزمن الحاالي
إننا مش نقعد نقول فين العضو كذا وفين كذاا
ونتكلم كتير فى الحاجات دي !
لا دورنا إننا نشتغل ونعمل كل اللى فـ دماغنا من أفكاار
لو انت شااايف إن اللى ميشيوا دوول نااس مبدعه بجد
يبقى انت فـ ايدكـ وبحماسكـ داا إنكـ تشتغل وتوصل للمكانه اللى وصلولها
وتبقى صااحب قلم مميز وقوى جداا !
لان الكلااام داا مش هيفيد بأى حااجه دلوقت
ولا هيرجع الناس اللي ميشيت
وبكره إحنا هنمشي وتيجي نااس تااانيه تكمل المسيره
عااادي الدنيا مبتقفش ع حد
والوااحد مش هياخد زمنه وزمن غيره ,,

[نجم وزهره ومسافات فراق]

اقتباس المشاركة الأصلية كتبت بواسطة ساحر الأحزان دى طبيعة وسنة المنتديات يا نجم ؟ ناس تروح وناس تيجى .. يعنى أنا أذكر لما أنتسبت شفت ناس هنا وهما دلوقتى غير موجودين ,, والسؤل مطلوب بسى مش حقلك أنى سألت على دة ولا دة لأن دى حاجة بينى وبين ربنا وبينة ؟ وقلم بخير لو عايز حاجة منة ممكن أبلغها؟ بشكر ليك جميل روحك ومنخفشى لما تغيب أنا حسأل عليك ؟

تمام ياعم ساحر
سلم لي على قلم
وبلغوا سلامي واحترامي
لانه انسان صاحب مواقف
ويستحق كل الاحترام
وميرسي ليك مديرنا
ولما تسأل عليا هات 2 كيلوا مشاركات معاك بئا
نورتني ياباشا