ليه يعني

[Sєяєєη●•ʚɞ]

المفروض يكون فيه ثقه بينهم لان الثقة هى اسآس اى علآقه !
لانها هى بس مش بتختلط بعالم نت هى هتختلط بوآقع كمآن فالمفروض يكون وآثق إنهآ هتصونة !
اللي بستغربله أكتر إن الرجل بعد الجوآز بيعمل ايميل وآحد بإسمه وبيخلى مرآتة تتدخل منه تكلم صحبآتها
طب مش المفروض صحبتهآ دى ليهآ خصوصيآت مش من حق جوز صآحبتهآ يعرف حآجة عن حيآتهآ
والكلام بيكون موجود وبيقدر بعد كده يشوفه!
بحس إن الرجآله دول عليهم حآجآت ..~

[زهرة الياسمين]

نورتوني والله
وبشكركم على تفاعلكم
آراءكم كلها بحترمها

[نجم وزهره ومسافات فراق]

اختلف تماما مع اي حد يقول لازم تديه الميل او الكلام ده
يعني ايه يعني
يعني لو مفيش ثقه
يتركها
يعني عشان اطلب منها تثق فيا
لازم اكون انا كمان عندي ثقه فيها

المثل بالمثل
الصح صح والغلط
اي مخلوق يطلب ده مريض نفسي ومع الاحترام
ولو هو شك وعمل كده
اقول لها
بسرعه انتي كمان شكي فيه
ومش بس كده
لا
اطلبي انتي كمان نفس طلبوا
عشان تعرفيه وجع الموقف

اعتقد ده رأي واعتقد ده الصح

متشكر للموضوع المهم
احترامي

[۩۩ elMagic ۩۩]

هو اى علاقه لازم تكون مبنيه ع الثقه المتبادله بين الطرفين
والبنت لو بتحب الطرف التاني دا بجد
مش هتسمح له إنه يتفاجئ بحاجه معينه تحصل
بمعنى إنهاعلطول هتحكيله كل اللى بيحصل معاها من أمور
وهو يسمعها ولو فيه مشكله هيتدخل علشان يساعدها فيها
وإنما لو الولد حس إنها بتخبي عنه حااجه
هيبقى عنده فضول إنه يدخل جوا حياتها
زي إنه ياخد أكونت الفيس والباسورد مثلاً
علشان يشوف بتعمل ايه وايه الجديد فيه وكده
وعمتا الثقه لو مكنتش موجوده بين اى إثنين
هيواجهوا كتير مشاكل فـ حياتهم حتى لو إرتبطوا ببعض بشكل رسمي ...
شكرا ع الطرح المميز
مودتــــى ,,

[SiLver Spectra]

بصراحة يعني ..البنات عبط

انا لو بنت و الله ما اديله الباس ..مش واثق فيه اخبط دماغك في الحيطه )

انا عمري ما بطلب الباس دا
مش فكرة ثقة كمان ..فكرة خصوصية
انا بقدس الخصوصية
و الخصوصية مش يعني انك تعمل حاجات غلط ..الخصوصية يعني امور خاصة بيك انت بس
الحاجه اللي تبقى بتاعتك تلائيك مش بتحب حد يستخدمها او يمسكها كتير مع ان مافيش حاجه فيها بس دي غريزة الخصوصية
بتاع ايه يخش يقرا رسايل صاحبتها !! حتى صاحبتها لما تعرف ان حد غريب بيدخل بعضويتها بتبدأ معاملتها تتغير لانها حاسه ان ممكن اللي بيكلمها يكون مش هي

اما بقى انه اصله بيخاف عليها و الكلام دا ..دا كلام مش مقنع بالنسبالي
بيخاف عليها يقوم لابس هدومها !
هيخاف عليها من ايه مش فاهم ..اصل هي مش حد لسه عنده خمس سنين يعني !!
و لا مايكونش ممكن تتخطف على الفيس او الميل

[Mahmoud Mohie]

على فِكرة الحِكاية مِش حكاية ثِقة ..
أو ما شابه ذلـكـ ..
أنا مثلاً مِش هاخد الباس عشان
أفتح الإيميل او الفيس بتاعها بيه ..
كل الحِكاية أعرف إن مفيش فرق بينى وبينها ..
والخصوصية ثابتة وموجوده مهما حصل ..

هى لو خدت الباس بتاعى
مِش هتكلم حد منه ولا هتفتح رسايل
أو حتى تفتحه م البداية
نَفس الحكاية لو انا خدت الباس بتاعها ..

شُكراً

[زهرة الياسمين]

اقتباس المشاركة الأصلية كتبت بواسطة silver spectra بصراحة يعني ..البنات عبط انا لو بنت و الله ما اديله الباس ..مش واثق فيه اخبط دماغك في الحيطه ) انا عمري ما بطلب الباس دا مش فكرة ثقة كمان ..فكرة خصوصية انا بقدس الخصوصية و الخصوصية مش يعني انك تعمل حاجات غلط ..الخصوصية يعني امور خاصة بيك انت بس الحاجه اللي تبقى بتاعتك تلائيك مش بتحب حد يستخدمها او يمسكها كتير مع ان مافيش حاجه فيها بس دي غريزة الخصوصية بتاع ايه يخش يقرا رسايل صاحبتها !! حتى صاحبتها لما تعرف ان حد غريب بيدخل بعضويتها بتبدأ معاملتها تتغير لانها حاسه ان ممكن اللي بيكلمها يكون مش هي اما بقى انه اصله بيخاف عليها و الكلام دا ..دا كلام مش مقنع بالنسبالي بيخاف عليها يقوم لابس هدومها ! هيخاف عليها من ايه مش فاهم ..اصل هي مش حد لسه عنده خمس سنين يعني !! و لا مايكونش ممكن تتخطف على الفيس او الميل

ههههههههههههههههههه
بصراحة اكتر رد عجبني والله كأنك بتقرا اللي جوايا
الجملة اللي وقفت عندها لما قلت يمكن البنت بعد كدة تخاف لاتكون صاحبتها مش هيا
دي بقى نفس الجملة اللي قولتها لصاحبتي انا خايفة تكوني مش انتي
راحت قالتلي لا ياختي ما تخافيش هوا بيقرا بس ومابيكلمش حد
طب الطم ههههههههه
مضبوط كلامك كلو صح
نورتني
وبقية الاعضاء طبعا كمان نوروني بمشاركتهم

[big bốss]

اقتباس المشاركة الأصلية كتبت بواسطة sєяєєη●•ʚɞ المفروض يكون فيه ثقه بينهم لان الثقة هى اسآس اى علآقه ! لانها هى بس مش بتختلط بعالم نت هى هتختلط بوآقع كمآن فالمفروض يكون وآثق إنهآ هتصونة ! اللي بستغربله أكتر إن الرجل بعد الجوآز بيعمل ايميل وآحد بإسمه وبيخلى مرآتة تتدخل منه تكلم صحبآتها طب مش المفروض صحبتهآ دى ليهآ خصوصيآت مش من حق جوز صآحبتهآ يعرف حآجة عن حيآتهآ والكلام بيكون موجود وبيقدر بعد كده يشوفه! بحس إن الرجآله دول عليهم حآجآت ..~

يعنى ايه الرجاله عليهم حاجات

ما كله من افعال البنات

قربنا نولع فى نفسنا منكم

منوره القسم سيرين

[M.B]

الموضوع مش موضوع ثقه

هو موضوع ان يمكن في ناس بتحب تعرف اكتر فضول تحب تعرف كل حاجه عن الي مرتبطه بيه نت او واقع بقي كل حاجه

ولو موضوع ثقه مكنش هيبقي في ارتباط اصلا


وعادي علي فكره الباس مع البنت او الولد عادي ومتوقعش ان يومين هيبقي يخش هو اول تاني مره بس ومش هيخش تاني

وبيعمل كده يطمن بس علي الي بيحبه من حد يضايقه او كده


تحياتي

[زهرة الياسمين]

نورت بمشاركتك
بس الحالة اللي انا عايشة معاها كل يوم بيدخل وهيا كمان
لدرجة بعلتها رسالة مرة فهوا قراها وماعجبتوش فراح اتخانق معاها وقالها ليه تكتب كدة ومش عارفة ايه
ساعتها كنت هطق من الغيظ وخلاص مبقيتش اكلمها تاني ابدا غير face to face او عالواتس اب