ليه حق ولا ملوش؟

[زهرة الياسمين]

هل يحق للأخ ان يتدخل في حياة اخته والأب موجود؟
عن نفسي هجاوب بنعم
بس ماتسألنونيش ليه قلتي نعم دلوقتي لغاية ما اسمع اراءكم

[ساحر الأحزان]

الأخ لو أفرب من أختة وأحتضنها من غير ما بقلها ويتدخل حتقلة ,

ألا لو كانت بتعمل حاجة غلط وخايفة حد يشفها ’’’’’

هل الاخ ما بيحب أختة ؟

بالعكس لازم يخاف عليها وواجبة أنة ينصحها ويرشدها للطريق الصحيح

توبيك جميل منك

[beauty angel]

تدخل الأخ فى حياة أختة شيء طبيعى طبعا
من حرصه وخوفه عليهآ .. فمنقدرش طبعا نقول ملوش حق يتدخل لانه ببساطة أخوها
الغلط بيبقي فى الطريقة فى اخ أسلوبه بيكون تحكم وسيطرة وشك
فـ بالتالى الأخت بتنفر دهـ وبترفضهـ وبتقلق منه حتى لو مش بتعمل شيء غلط تخاف منه !
لازم يكون الأخ أكثر حكمة وذكاء فى تعامله مع اخته
المفروض يصاحبها ويعاملها بحنيه ويكون أقرب شخص لها
يخليها هى الى تبقي مبسوطة انه بتدخل فى حياتها وبيساعدها
مش تحس انه بيتحكم فيها ..
سؤال حلو ياقمرى ,, تسلمى

[۩۩ elMagic ۩۩]

مظنش إن الاخت لما أخوها يتدخل فى شئونها دا شئ يضايقها
بالعكس يعني هى هتتبسط إن فيه حد معاها أمان ليها
ولو حصلت اى مشكله هو واقف جنبها وهيقدر يساعدها
يعني في أمور البنت ممكن تخجل تقولها لوالدها
وإنما ممكن اخوها يعرفهــا ويكون حمايه ليها لأي عقبه تواجهها
أما بقآ لو الاخت دي بتعمل حاجات غلط
فا هى مش هتحب إن اى حد يتدخل فى حياتها مش بس الاخ
وبردوا الاخ هنــا طريقته وأسلوبه مع اخته مهمه جداا
يعني لو هو قدر يكسب ثقة أخته وكان تفكيره مش متعصب وعقلاني
البنت مش هتتردد إنه يكون شايل كل أسرارها
يعني الاخ بردوا له دور كبير فى الموضوع دا
وإنه يولد الثقه المتبادله بينه وبين أخته
والكلام نفسه بردوا مع رب الاسره الوالد ..

[تجملت بالعفآف]

اكيد طبعا

اخي اصغر مني بسنتين

صحيح هو صغير لكن بحب افضفض ليه

وهو زيي كمان كل واحد بكتم اسرار التاني

الاخوات اقرب من الأهل لينا

وبالتالي ليه حق انه يتدخل

تسلمي ع زهره

[-esraa-]

اكيــــــد ليه الحق
من حقه يخاف على اخته ويحميها
بس مش في كل الحاجات يتدخل فيها يعني بردو في حاجات لا

تسلمي عالتوبيك

[اسيل الفلسطينية]

بالطبع له الحق في التوجيه والارشاد
ومن الطبيعي ان يغار الاخ على عرضه وشرفه
وللاخ مكانة كبيرة عندما يتألم الشخص يقول اخ
ولكن بالطبع في حدود بعيدا عن الضرب والاهانة من باب التسلط وفرض القوة برعونة
تسلمي غاليتي يعطيك العافية

[زهرة الياسمين]

نورتوني
بصراحة عجبتني ردودكم جدا
كنت متوقعة عكس كدة

[الاميره سلمى]

انا بحب خوف اخويه عليا جداااا

لدرجه ان بابا بييزعقلوه لما بيمسك عليا فى حجات كتير

بس خوفه ديه بيفرحنى جداا وانا بحب الخوف ده

والحرص بتاعه

[Sєяєєη●•ʚɞ]

الاخ من حقة يقول راية بس اللى بيحكم البيت فى النهاية هو الاب
ورأى الاخ بيكون مهم
انا شخصيا بحب اسمع راى اخويا الكبير جدا واكتر حد فى حياتى فاهم شخصيتى جدا ماشوفتش حد فاهمنى قدة وبيعرف يريحنى وبيدينى القرار العاقل المضبوط فبحب اسمعله جدا واخد راية
فالاخ مهم ..