لغة عربية فصحى عن التهييس والشهيصة

[ساحر الأحزان]

بسم الله الرحمن الرحيم

اليوم حنعرض درس جديد من علوم التعريف عن اللغهـ العرب الفصحى العصرية وهى عن العنصرين ألى متداولين
الأيام دى فى فن الحركشات المهيسة وهما::::::::

عن (التهييس ,,,والشهيصة )
الأول نعرف نخش على مهيسة وأخواتها ألى هما

مهيسين ,مهيسات ,مهيسون ,متهيسات ,متهيسين ,متهيسات على نفس المعجم النحوى ,,,,
مضربون ومضربات قاعدون ,وجلسات ,
نخش على الكلمة التانية عن :::ك
الشهيصة ؛

مشهيص ,مشهيصة , مشهيصون ,مشهيصات :
يتشهيصن ,يتشهيصون يتيهيصان ,يتشهيصن
جابناهم من كام أتجاة مثنى وجمع ومفرد ’
لحد كدة وضحت المقدمة عن الشهيصة والتهييس ’
نخش بقى لمعرفة معنى الكلمتين دول على شان نخش على الموضوع وأحدة وأحدة ومحدش يستعجل ؟

معنى كلمة التهييس فى اللغة المصرية ,,

لها معنيان: الأول شخص مهيس: أي شارب مخدرات مما يجعله في حالة انبساط
المعنى الثاني: تهييس: كلام فارغ غير مترابط لا معنى له ؟

دة معناها وألى عندة معنى تانى يعرفنا بية جوة الموضوع وكلامى دة موجة ألى أصحابنا المهيسين الى كل ما
حد يكلمهم يقولوا مهيسين عرفتو بقى معنى التهييس ؟ولا لسة معرفتوش يالى فى بالى

نخش بقى على معنى كلمة:

الشهيصة ,

يعنى الروشنة يعنى الفرفشة الأندفاع التهور يعمل أى شىء قى سبيل شهيصتة وعلى فكرة فية حزب
تم تأسيسة على الشبكة أسمة ,
حزب المشهيصين ودى صورة زعيم حزب الشيهصة ,,




حزب الشهيصة تم تأسيسه بعد دمج حزب الكنبة و حزب الأنتخة و حزب قرطاس اللب
ودى مقتطفات عن حزب الشيهصة

اقتباس المهمة أهم رسالة يتبناها الحزب : شهيص و على صوتك و إمشى مع الرايجة و حذارى تدبس نفسك...... و من هذا المنطلق صدر البيان رقم 1 بعد نجاح الثورة و هذا نصه :: إلى كل المشهيصين :: الموقف الأن تغير فقد نجحت الثورة و لهذا نناشد كل السادة المشهيصين بالإعلان الفورى أنهم مع الثورة منذ اليوم الأول و الرجا تظبيط كام صورة فى ميدان التحرير بالفوتوشوب ماسك علم مصر و ضارب دقن آل إيه بايت بقالك كام يوم فى الميدان كما نوص السادة المشهيصين فى الفترة المسائية الإنضمام للجان الشعبية... تنزل ماسك عصاية غلية أو مفتاح أنبوبة البوتاجاز و تقوم بالشهيصة فى الشارع.... آل إيه بتحمى المنطقة من البلطجية.... فى حالة ظهور بلطجى ..تقهقر للصفوف الخلفية مع إستمرار الشهيصة و الصوت العالى .. إذا تم السيطرة على البلطجى تطلع فى الصفوف الأمامية فى الحال .. ماتكسفش... إحنا متفقين إنت ماعندكش دم ... و إذا حسيت إن البلطجية هيسيطروا ..خش عمارتك بسرعة ..ماتكسفش ..إحنا متفقين إنت ماعندكش دم.. ومتفقين إن مبدأك فى الحياه ... أنا ثم أنا ثم أنا ثم يلعن أبو الأخرين...... إنتهى البيان.. رئيس حزب الشهيصة الوصف أى عضو فى هذا الحزب لابد أن يتمتع بالصفات الأتية 1- أنتوخ ... يعشق الكسل 2-بوشين .. يعنى يمشى مع الرايجة 3-بلا مبدأ 4-ماعندوش دم ... مابيتكسفش 5-شعاره فى الحياه أنا ثم أنا ثم أنا ثم يلعن أبو الأخرين

بعد طبعا سيران نهج التكتلات والدمج من أجل بناء حزب قوى حيتم قريب دمج حزب المهيسين مع المشهيصين
محنا برضة فى صراعات عالمية والبقاء للأقوى,,
ويبقى كلة يعمل أحلى تهييس وأحلى شهيصة شهيص تعيش ,

هيس تنتعش وحترتوش ودلوقتى أية رئيكم مين حابب ينضم لحزب

المهيسين,
ولا
المشهيصين ؟

ألى حاب ينضم يطلب منة طلب أستمارة يعبيها وحدية كارنية الحزب ألى يختارة ولعلمكم الأشتراك أول سنة مجانى
ولو عجبك الوضع وحابب تجدد حيكون الأشتراك بسعر رمزى فى متناول الجميع,

ودلوقتى لية سؤال بسيط من هم أكتر ناس مهيسين

الشباب ولا البنات ؟

تحياتى للجميع

[Angel Smile]

هههههههههههه الكلام ده حقيقى

زودت معلموماانى شااكرة لييك ^__^

انما مين اكتر البنات و لا الاولاد .. هى مش بالاكترية هى بنوع روحهم بس ^^ :d

تسلم كتيير لموضوعك ..

[اسيل الفلسطينية]

ياسلام على التهييس اكيد طبعا الشباب اكثر
احنا الحمدلله البنات ربنا يكملنا بعقلنا
بيقولك واحد اخرس بلع ربع جنيه اتكلم دقيقة
بس برده احنا البنات عاقلين
على فكرة الكلمة لها معنى ثاني عندنا يعني مبسوط لاقصى درجة ومهيس من الانبساط
تسلم ايدك اخي امجد

[sokara]

ههههههههههه شكرا على الافاده

اكتفى بالمتابعه ورؤيه لاخوة المشتركين

دمت بخير وتقبل تحياتى

[حَرفُُ هجآءّ]

متهيسات ,متهيسين ,متهيسات

والله من كتر حروفهم اللى شبه بعض بئيت مش عارفه اقراهم

ههههه

اكيد طبعا الشباب اكتر تهيساَ من البنات

ميرسى للموضوع الجميل الخفيف

[ساحر الأحزان]

اقتباس المشاركة الأصلية كتبت بواسطة angel smile هههههههههههه الكلام ده حقيقى زودت معلموماانى شااكرة لييك ^__^ انما مين اكتر البنات و لا الاولاد .. هى مش بالاكترية هى بنوع روحهم بس ^^ :d تسلم كتيير لموضوعك ..

هو يعنى أحنا بنهزر ؟

اهم حاجة الروح تكون مرفوعة ,

حتى لو بالتهييس

نورتى الموضوع بوجودك

تحياتى

[العاشق الذى لم يتب]

انا كنت من شوية متنرفذ نرفذات متنرفذة
ومتبهدل متبهدلات متبهدلة
ودلوقتى بقيت متشكشك متشكشكات متشككة فى الملومات المتشخبطة المتلزقة المتفعصة زى هريسة الصلصلات
ولما أفوق وأهيس أبقى
أتمهيص تمهيصات متمهمصة
ومودتى

[الابتسامه المصريه]

يا عم امجد
ماهو محمود عبدالعزيز
فى الكيف ظبط لينا اللغه
وادينى فى الهايف وانا احبك يا ناننس
وهيس وشهيص
وقال الراس ال من غير كيف تضرب بالسف
شفت رحنا لحد ايه
توبيك جميل يا امجد
الله ينور قلبك بنور حب رسوله

[صافي]

اولا ده مش منظر زعيم مهيسين خالص ههه
ليا وجهه نظر في الموضوع ده يعني البنت المفروض تكون هاديه مينفعش تقول كلام مهيس ع رائيك وخصوصا كلمه قشطه دي بضايقني جدا
وبلنسبه للاولاد بحس انهم تافهين وتقريبا الشعب المصري بق كله مهيس ربنا يهدي
جميل
تحياتي

[شاعر واسير الحب]

تسلم يا ساحر موضوع قيم
اللغة العربية تاهت الان والان نعيش عالم التهييس ههههههههه
ابدعت
ولكن لن ولم اشترك معك في هذا الحزب ههههههههههههههه
اشكرك