بصراحة مع " 7oda "

[مِسكُ الشَهادة]

حينما تمضي بنا سفينة الإخوة الصادقة في منتصف محيط الوفاء المخلص لله عز وجل سيكون يقيننا وقتها أن ركابها هم من أنبل وأرقى الناس الذين تحلم أن تتشرف بمعرفتهم والتقرب منهم ... ضيفنا لهذة الحلقة من برنامج بصراحة أخ غالي على قلوبنا جميعا ً كان حاضرا ً رغم الغياب ونسأل الله له السعادة والخير والمحبة في كل خطوة وهمسة ولحظة من جوانب حياته الواقعية اللهم آمين رحبوا معنا بالأخ العزيز :_ " 7oda " أهلا ًوسهلا ً بك أخي شرفتنا ننتقل لمضمون الحوار

السلام عليكم ورحمة الله وبركاته ازيك يا محمود يا رب تكون بخير وعليكم السلام ورحمه الله وبركاته بخير الحمدلله يا خـالد ربنا يكرمك القسم الاول المنتدى ... تسجيلك في المنتدى عام 2008 حدّثنا عن حياتك هنا من وقتها لهذا االيوم ب شكل مختصر ؟ لا هو بصراحه مش بشكل مختصر هههههه فـ استحملني لانى هقول حاجه اول مرة تعرفوها ...لان محدش يعرفها غيري انا وهيثم حتي طارق مكنش له علم بيها وقتها لانه مكنش عرف الموقع لسه اساسا .. فـ 2008 كان الموقع Msryat.org ودا النطاق القديم اللي كنا شغالين بيه مكناش مهتمين بيه فِ اوائل سنه 2008 لانه كان مع صديق ليا انا ولهيثم وكان عامل عليه منتدي اسمه منتديات مصريات كان ع الرابط التالي بالظبط http://msryat.org/vb كان له اعضائه بس كان خامل جدا لا اداره متابعه ولا غيره .. وكان موقعنا اللي مهتمين بيه انا وهيثم كان وقتها أسمه موال , منتديات موال ودا فِ النسيان حاليا لان كننا بنتعلم وبنفشل كتير بس كـ دخولنا فِ عالم تطوير المواقع لازم تجارب .. وفِ وقت جه فِ بالنا نعمل موقع اسمه بنات مصر لان وقتها مكنش الاسم حد عامله قبل كدا واسم جذاب لعالم النت عاما .. صديقنا اللي كان عامل المنتدي عليه اهمله استرجعناه وفعلا ابتدينا شغلنا ع الدومين وعملنا مجلد صب دومين باسم forums.msryat.org وابتدينا نشتغل انا وهيثم عليه وكانت العضويه رقم 1 مشتركه بيني وبينه وكانت بأسم admin بعدها ابتدت الناس تدخل وتسجل فـ حبيت اسجل بعضويه وكانت وقتها رقم 9 ابتدأ المنتدي يسجل فيه اعضاء من اعضاء لازلت اتذكرهم (ابو ادهم ) ودا كان نشيط جدا وزي ما تقولو الاب الروحي للمنتدي من نسبه للسن و العقلانيه (عاشق الاحزان) كان اخ فلسطيني بس كان نشيط وكان بمثابه أبن لابو ادهم (ranoma) دي كانت فرفوشه المنتدي وكانت نشيطه جدا والدنيا مشيت وناس جت وناس راحت واكيد طارق بينزل مواضيع بصور قديمه علشان تاخدو لمحه عن المنتدي زمان واكيد المنتدي فِ فتره طارق اتطور كتير عن زمان يا عم خد راحتك في الحديث ولا يهمك والله تاريخ كبير بيتكتب هنا بجد هههه هناك من يقول أن المنتدى قديما ً أفضل من اليوم من حيث العلاقات ما بين االأعضاء والنشاط ما رأيك بذلك ؟ مين قال كده ؟ بص هو عاما علشان العدد كان قليل شويه فـ الكل كان عارف بعضه وكانت فِ روح النشاط انا معاهم فِ نقطه ان زمان مش زي دلوقتى فِ الحوارات اللي بتحصل ان حد يكون متربص للتاني فِ غلطه او موضوع كلها حاجات تافهه صدقوني مفيش حاجه تستاهل اساسا ان الواحد يزعل من شخص او يزعل شخص من ورا شاشه عاميه زي الكمبيوتر هل سجّلت في منتديات غير هذا المنتدى وبماذا يتميز منتديات بنات مصر عن غيره من وجهة نظرك؟ بصراحـه أه زمان جدااا فِ 2006 افتكر كنت مع صديق وجار ليا فِ منتدي اسمه شبيك لبيك بتاع احمد المصري و دخلت عضو وبقيت مشرف فِ فتره قليله مع ان العدد كان كبير لان شبيك لبيك كان فِ مجموعه ايجيبتي المشهوره .. وبعدها زي ما بيحصل كان لينا صديق فِ المنتدي اتظلم من اداره المنتدي لان الاداره هناك كانت مياله بشكل مبالغ فيه فـ قرر صاحب لينا عمل منتدي اسمه صافي الروح ودخلناه بس انا مكملتش كتير معاهم ودخلت عالم تطوير المواقع وقابلت هيثم وانطلقنا سوا فِ مواقع كتير وفشلت ومنها اللي نجح بصراحة دخلت صفحة مواضيعك القديمة فوجدت عناوين كثيرة لمنتديات في بعض المواضيع لك وكان يتم إغلاقها لو تخبرنا عن هذا الأمر ؟ اه هتلاقي المواضيع دي فِ قسم اسمه دليل المواقع ودلوقتى القسم دا اتشال هههههه فـ طبيعي هتلاقي المواضيع فِ ملفي لكن مش هتشوف القسم نفسه لانه اتشال من فتره ودي كانت خدمه دليل المواقع بس كانت فكرتي تكون جوه المنتدي مش يكون ليها فرع خاص بيها لوحده وكانت بتفيد المنتدي من ناحيه فنيه برأيك ما أصعب الفترات التي عاشها المنتدى كخلافات ونزاعات من وجهة نظرك متى كانت ؟ والله أفتكر النزاعات اللي حصلت فِ فتره قليله مش اسمها نزاعات من اللي كان بيحصل زمان لان زمان لدرجـه ان كان شخص فِ الاداره معايا كان بيلم الاعضاء والمشرفين ياخدهم مكان تاني بـ حجه تنشيط منتدي أخر ... وكان فِ مشاكل فعلا انا وهيثم معاهم واكتفينا بـ عزلهم من الاداره وقتها ذكرت أن سبب غيابك عن المنتدى كان لظروف صعبة مريت بيها أنت وعائلتك نسأل الله لكم الخير ...كيف تقبّلت تلك الظروف ؟ وما هي النتائج الآن إن شاء الله تكون أفضل ؟ والله هو الحمدلله ع كل حال , يعني زي ما تقول الوضع استقر شويه وكل اللي علينا نحمد ربنا من نعمته ربنا يسعدك يا غالي دايما ً اللهم آمين يا رب إن الله إن أحب عبدا ً إبتلاه ...هل أنت َ كمحمود تعتبر نفسك إنسان صابر وقوي التحمّل أمام أي صعوبات أم ان الإنسان بطبعه ضعيف لذا قد يتجاوز الصبر أحيانا ً حدّثنا عن نفسك قليلا ً ؟ ونعم بالله , هو كل شخص له طاقه بس الحمدلله مقتنع ان صعب بمر بيه اكيد ربنا بيكفر بيه او شايل لينا الاحسن .. لو هنعـد نعمه علينا مش هنحصيها فـ احنا بنصبر ع فرجه القريب ان شاء الله أجندة بلا عنوان .صراع مع النفس ما الغاية من هذا الإسم لمدونتك؟ هو مفيش غايه بس هو تمثيل صفحتي بـ مثابه كشكول او اجنده شخصيه بكتب فيها اللي بمر بيه من فرح او مر .. لكن صراع مع النفس لاني متاكد ان كل واحد فينا مش عاجبه حاله وبيحاول يكون أحسن فـ بسمي دا صراع لكن صراع من نوع شريف ^ ^ ما رأيك بكل من :_ 1_ حملة الأعمال الخيرية ؟ عجبتني جدا وكل اللي راعيها وشارك فِ اول حمله ليها جزاهم الله كل خير 2_ العلاقات ما بين الأأعضاء يعني فِ الكويس وفي الوحش المنتدي عامل زي الحياه العاديه ناس بكل لون ممكن تشوفه 3_ نشاط وسياسة الطاقم الإداري أكيد اختيار طارق للطاقم بتاعه له نظره فيهم واكيد كفائتهم وصلتهم للدرجه دي ومن وجه نظري ناس كويسه ومتعقله .. وانا بيعجبني بصراحه شغل ساحر و دمعه من ايام ما كانو فِ الاداره المنتخبه اثبتو وجودهم .. ودا اللي اقدر احكم عليه لان فتره رجوعي اللي فاتت حضرتهم برأيك ما سلبيات المنتدى حاليا ً ؟ انا لسه راجع ملحقتش اشوف غير مشاكل عاديه زي اي مكان تاني لو فِ حاجه اكيد كنت هقولها وهنبه عليها رسالة من محمود لكل من :- 1_ SiLver Spectra فوكك من عياده الاسنان اللي انت فاتحها فِ صفحتك وانتبه لدراستك 2_ الحب الصامت يشيل الكومنت اللي كاتبه ع الايميل دا لاني ابتديت اشك فيه ههههههه 3_ دمعة حائرة شـدي حيلك فِ حملتك اللي هتعمليها وابتدي بحاجه جديده زي ما قولتلك 4_ ساحر الأحزان أمجد العسول خليك زي ما انت زي ما بيقول مورشو محدش عارف يمسك عليك غلطه وربنا يكرمك يابني هل وجدت تغيرات في المنتدى حال عودتك أم أنه كما هو دون تغيير كبير ؟ لما رجعت لقيت اقسام جديدة وكانت حمله الاعمال الخيريه جميله جدا وعجبتني .. وشايف فِ ناس جديدة فِ طاقم الاشراف اتمني يكونو عندهم الجداره انهم يثبتو نفسهم فِ فتره قليله ايه رأيك بالإستبيان والطريقة التي ع أساسها تمت الترقيات لبعض الأعضاء وتم عزل البعض الآخر عن الإشراف كيف ترى ذلك ؟ انا قريت الموضوع لكن مقدرتش اشوف صفحه الاستبيان نفسها لان شكلها اتحذفت ولا حاجه بس الوقت اللي اتعمل فِيه الاستبيان ع حسب اختيار الاعضاء فِ الفتره دي شايفه مش منصف لان أكيد الاستبيان كان فِ مجاملات بين الاعضاء ومكنش العدد الكافي انه يكشف مين اللي شغال ومين اللي مكنش شغال , كان ممكن ينفع استبيان لنشاط القسم مش المشرف اللي عليه وكان هيتلاحظ من الطاقم الاداري نفسه القسم التاني السياسة ... 1_ هل تعتقد أن الثورة المصرية والثورات العربية حققت أهدافها أم أن هناك المزيد لتحقيق ذلك ؟ بالنسبه للثورة المصرية ... يلا السلامه لكن ثورة ليبيا نجحت والدوله قامت بعدها .. تونس نجحت والدوله ابتدت تشتغل لكن مصر مش هقول غير ... لنا الله 2_ هناك من يقول أن هذة الثورات هي سياسة من أمريكا لتفتيت الوطن العربي ما رأيك بهذا الرأي ؟ مش متابع الاخبار بسبب الظروف اللي انا فيها بصراحه فـ مش هقدر اوافيك لاني مبقتش متابع كتير للاجواء السياسيه اليومين دول .. . لكن مش كل صغيره وكبيرة نقول أمريكا بتعمل امريكا عيزانا وعيزانا .. منرميش فشلنا ع قفـا ناس وخلاص بنسميهم اعداء للوطن 3_ ما رأيك بسياسة الرئيس محمد مرسي وما الحل للأزمة التي تعيشها البلد سياسيا ً وغيرذلك ؟ معلش بالنسبه رائي لسياسه محمد مرسي الموشن دا يفي بالغرض .. سياسيا .. تغيير جزري للحكومه والرئيس لان اثبتت فشلها من وقت ما البلد بقت بتاعتهم لا غير ذالك دي كتير من ناحيه الامن الواحد مبقاش يأمن ع ابنه ينزل بعد المغرب لـ ميرجعلوش ولو بنت لو راحت درس بتبقي قلقان تيجي ولا تتخطف ولا يحصلها حاجه << متفائل جدا صح بس دي الحياه اللي بنعيشها فعلا ودا اللي وصلنا ليه 4_ هناك من يرى أن التقارب مع إيران نذير خطر لنشر المذهب الشيعي في مصر كيف ترى هذا الرأي ؟ هو لسه هينتشر !! ماهو موجود بس هيبقي الموضوع علني و علي عينك يا تأجر ... التقارب سياسيا مفيش منه مشكله .. لكن زياده الوضع اللي بيحصل من اقامه حسينيات فِ مصر هتحصل فتن ونزيد الطينه بله وهنقعد نقتل فِ بعض زي ما بيحصل فِ البحرين والمناطق اللي موجود فيها شيعه وسنه مع بعض .. 5_ الأقباط في مصر هل هم مضطهدون أم يعيشون كغيرهم من المصريين بحرية في المعتقدات وهنا أقصد الجانب الديني وليس السياسي ؟ أتفرج ع الفيديو دا بس وانت هتفهم رائي ا 6_ من تتمنى أن يحكم مصر ولماذا ؟ مفيش حد فِ الساحه حاليا بأييده لكن يفضل يكون شخص مش تابع لاي جماعه او حزب لان احنا اتلسعنا ع قفانا بصراحه 7_ إسلامي ليبرالي علماني كلها مسميات لا تسمن ولا تغني من جوع هل تعتقد أن الشعب المصري طغت عليه السياسة والواقع مما فرض تلك المسميات أم أن هناك عوامل أخرى لظهورها ؟ والله هي المسميات دي مبتعجبنيش اساسا .. كل شخص له وجه نظره ولازم تحترم ومينفعش نسمي شخص علشان طريقته تفكيره الشخصيه بعيده عن الفكر الديني بـ ليبرالي او علماني كل شخص بيحاول يفكر انا لبلد تكون احسن دا بسميه مصري اصيل لكن التشدد فِ حد ذاته من الجانب الديني او غيره غير مقبول بالمرة لان دا أسمه تفتيت وخلق عداوات بين الناس وبعضها ودا اللي حاصل اليومين دول وانها توصل ان واحد ميرضاش يقعد فِ مكان فيه واحد بيسميه ليبرالي ويقول عليه كـافر .. عـادي انا مرة اتحلل دمي لمـا هاجمت سياسه محمد مرسي القسم التالت الحياة الإجتماعية ... 1_ كيف تنظر للعلاقات ما بين الشباب والفتيات تحت شعار الصداقة هل تؤمن بذلك أم لا ؟ مادام بابليك ومن غير فلينج سو وات ههههههه بص يا انا وانت اخويا او اخوك اختي او اختك .. دلوقتى لو الصداقه بتكون مبنيه ع الاحترام المتبادل وبيكون ليها حدود ومبأدئ مفيش فيها اي مشاكل كلنا لينا اصدقاء بنات اي كانت فِ جامعه او حتي بنات الجيران ما بنعتبرهم اخواتنا وبيشاركونا افراحنا واحزانا .. 2_ قضايا التحرش من هو السبب الرئيسي فيها برأيك؟ 1 - البعد عن الدين مفيش كلام 2 - انفلات الأمن 3 - ميلودي والتت و صهلله حاليا ههههههه صهللة انا عارف بجيبوا الاسماء دي منين ههههه 3_ما رأيك بالفن المصري وبماذا يختلف عن غيره من الفنون ؟ لا بصراحه مليش خلفيه عن النقطه دي مبحبش افتي فِ حاجه معرفهاش 4_ عاوزين منك نكتة لطيفة يا محمود وتكون حصرية ليك ههه ؟ بص انا مليش فِ النكت بس فاكر واحده كده واحد فرفور مراته بتولد فِ وواقف بره وهي عماله تصرخ .. وهو قعد يلطم سألوه بتلطم ليه قالهم انا السبب انا السبب هههههههههههههههه لا حول ولا قوة الا بالله ايه الراجل دا ههه...بجد حلوة والله نعم أم لا مع التعليل إن أحببت :_ 1_ المرأة نصف المجتمع ولكن المجتمع لم يُنصفها ؟ لم ينصفها ؟ ازاي يعني ؟؟ الست دلوقتى دكتور , محاميه , محاسبه , وزيره وليها نفس حقوق الراجل بالظبط .. كفايه ام حقوق المرأة اللي بيبهدلو فيها الرجاله اللي طالع عينهم ياجدع 2_ أكثر ما أكره في حياتي الظُلم ؟ طبعا مين فينا محسش بالظلم , اكيد جه وقت وحسيته احساس وحش جدااا , بتحس انك مشلول وبيبقي صعب اوي انك مش عارف تثبت انك مظلوم . 3_ أنا إنسان سعيد بطبعي ولا أخش إلا الله ؟ ونعم بالله طبعا مع الجمله دي , ومن غير تعليل لان مع الله مفيش كلام يتقال 4_ أحب الإنترنت ولكنه يأخذ نصف وقتي ؟ لا مش مع الجمله دي لانى بباشر شغلي وبزور اهلي واقاربي وبطلع مع اصحابي مش لازم ياخد وقتي كله لان فِ امور تانيه ليها حق عليك .. 5_ المنتدى بيتي الثاني ولا أتركه بإرادتي يوما ً ؟ الواحد لما بيكون موجود فِ المنتدي بيحس انه فِ عالم تانى غير اللي بره بتتعامل مع ناس ممكن تحبك لشخصك مش لغرض , بس برضه فِ ناس من نوعيه تانيه اللي هي المصالح عادي زي الدنيا العاديه بس تقدر تتجنبهم بسهوله.. والنت برضه جزء من الحياه برضه في وقتنا هذا .. 6_ المستقبل كله تفاءل بإذن الله ؟ ان شاء الله اتمني من ربنا يكون أحسن بكتير من اللي فات نصيحة لأخوك خالد ؟ اخويا خالد مش محتاج نصيحه , بس اقوله ربنا معاك ويوفقك وانا سعدت جدا بالاسئلة بتاعتك . . كلمة من محمود للجميع ؟ والله اقول للناس حاولو تاخدو الامور ببساطه ومنحاولش نمسك لبعض ع الواحده لان الدنيا مش مستاهله نخلق لبعض مشاكل . والتمسو العـُـزر لبعض علشان الدنيا تمشي . حبيبي والله ربنا يسعدك ويبارك في عمرك يا غالي شرفتنا والله وكنا الأسعد في الحوار معك كل الخير والحب أتمنى لك دمت بالف خير ورضا من الله

[حنـــــون]

حوار جميل خالد
نورت ياحودا طبعا
ربنا يوفقك دايما فى كل حياتك

[۩۩ elMagic ۩۩]

حلقه مميزه جداا
نورت ي محمود
ربنا معاك ويوفقكـ دايما
تسلم ي خالد للمجهود المميز
,,

[Lamees]

حوار رائع ومثمر استاذ خالد
وردود ممتعة وجميلة يا محمود
ربنا يوفقكم دايما
روني

[الابتسامه المصريه]

اولا نورت يا محمود

او ياحوده

داه انت قديم اووووى
وحوارك رائع وجميل
وردودك تدل على انك مثقف

ربنا يسعد ايامك

اما خالد ماذا اقول

دائما مبدع فى حواراتك
وفى انتظار حلقه مميزة جديده
الله ينور قلبك بنور حب رسوله

[๓αℓάҝ]

حلقة جميلة فعلا ..
أستاذ محمود منور الحلقة
إجابتك عقلانية جداً
بالتوفيق لك في حياتك ^^

أستاذ خالد تسلم علي الحلقة

[beauty angel]

حوار راقى بجــد يآ خالد ومحمود ..
دايمآ محمود تواجدهـ هادى واجاباته ماشاء الله
ينطبق عليهآ مقولة " خير الكلام ما قل ودل "
نورت يامحمود .. آستضافة مميزة أكيد
تسلم ياخالد محاور متميز كالعادة
موفقين يارب

[اسيل الفلسطينية]

الصراحة حوار في منتهى الرقي كيف لا وقطباه قد اجادا في طرح الاسئلة والاجابة
انت اخي خالد شهادتي فيك مجروحة دائما تثبت لي ان محاور من الطراز الاول
وضيفك ماشاءالله شخصية رائعة ومثقفة جدا من خلال اجاباته
بالاضافة اني لمست فيه روح الانسانية والعفوية
بالتوفيق لك ولضيوفك الكرام

[عاشقة ذكر الله]

حلقه جميله جداً منك أخى خالد
منوور ي محمود كالعاده ,,
اجاباته رااائعه جداً
ربنا يوفقكم
يسلمووو

[العاشق الذى لم يتب]

كاعادتك اخى خالد دائما ماتأتينا بجميل حوارك
ولباقة أسألتك وعظيم ضيوفك
وأهلا وسلا بأخى محمود
من عظماء منتدانا الكبير ومن مأسسيه
أجاباته تدل على عقلانية بلا حدود
وفيه قوة إيمان أتمنى من الله أن يدوم عليه رضاه
ويبارك لك فى رزقه وعياله
وكما امنى ان لايبعد كثيرا عن المنتدى
لنسعد بكل مايقدمه من جديد
سعدت بوجودى معكما
مودتى