عشاق عبد الرحمن الابنودي وبسسس

[همتاروا]

السلام عليكم ورحمة الله وبركاته
النهردة جايبة ليكم قصيدة مختلفة يمكن عن الي بيقدم ليكم بس الموضوع دة لعشاق كاتب وبس وهو عبد الرحمن الابنودي
حبيبي انا بحب الراجل دة خالص بس حب برئ
انا مش هقدر اوصفلكم الراجل دة اد اية بيعبر عني انا بالذات في كتاباتة
تحسوا في كلامة انوا مش بيخاف مفيش حاجة تهزة زي الشموخ عمرة ما يطاطي
في في كلماتة معهاني مش كتير الي يفهموها
حتى في طريقة القائة طريقة حولت اقلدها معرفتش
لانها خارجة من جواااااااااااااااااااااااااااااااااااااااه مش كلام مصطنع
وكلام عهن ال واقع مش عن اي حاجة تانية
والله والله
انا مبعرفش ازاي بيركب الكلمات والمعاني دية
سبحان الله
انا طولت عليكم
بس دة راجل انا اشهدلة انواااااااااااااااااااااااااااااااا
مفيش حد زية
مش عارفة اوصف اكتر من كدة بس القصيدة دية الي يقراها يقلى حش باية بامانة
علشان اتعرف بيكم اكتر من كدة
واعرف بيمثلكم اية الراجل العظيم دة وادوا معايا ربنا يخلية ودايما يخلي صوتة عااااااااااااااااااااااااااالي
على الظلم والغلط
اتمنى تشرحولي مشاعركم بالتفصيل الممل
اخليكم مع القصيدة



يا أمة قومي بقي.. ده انتي فضحتينا...
الأمريكان سكنوا مش وسطينا.. لأفينا
والاّ اليهود اللي سرقوا حتي أغانينا
حرتوا الأراضي وقتلوا هناك أعز الولد
الشهدا أكوام علي الأكتاف.. إوعي تعد
أبدان جميلة.. بتاكلها النسور والحِدّ
إحنا انتهينا... تعالوا ياللي بعدينا!!
يا أمة قومي بقي لأحسن فضحتينا....
الأمريكان سكنوا مش وسطينا.. لأفينا!!
ياللي في عُسري وضيق اليد نسيتونا
أهي الفلوس نفسها.. حاتروح لأعادينا
بترول أراضي العدو ده اللي في أراضينا.!!
شفتوش كده؟ والبلاد ممنوع نحميها
نحميها من مين؟ دي مش أراضينا.. أراضيها
هوه بسلاحه المميت.. جاي ينزرع فيها
وانتو.. بدخان صمتكم يا أهلي عميتونا
ياللي في عسري وضيق اليد نسيتونا
أهو جه ياكلكوا اللي علي حربه انتو لُمْتونا!!
يا أمة ترمي ضميرها للكلاب.. ببلاش
يا أمة قبلت مصيرها (خدمة الأوباش)
كله كلام.. لا انتماء.. ولا وطن.. ولا دين
قاعدين سنين تحلموا بظهور (صلاح الدين)
ماكان ما بينكم قتلتوه انتو يا فالحين
كل اللي صدوا العدو.. راحوا ومش راجعين
ولا »صلاح دين« يا ناس ولا حتي زفت الطين
الحي ميت يا ناس أما اللي ميت عاش
يا أمة ترمي ضميرها للكلاب ببلاش
يا أمة قبلت بفرحة.. خدمة الأوباش
ما اعادش إلا انتظار الموت.. يا إما نقوم
نسجد في ساحة النضال وعن البلاهة نصوم
لو الدما تبقي بحر.. في دمنا.. حنعوم
إزاي يعيش الوطن.. من غير رجال تحميه؟
تموت وتحيا معاه.. تموت وتحيا ليه..
كإن ابن العرب مولود يا ناس.. مهزوم
ماعادش إلا انتظار الموت يا إما نقوم
نحمي الوطن بالصدور.. ونفجر المكتوم
كل الشوارع بتصرخ في المدن بجنون
توقّف الحرب.. تفضح فكرة المجنون
في أوروبا حتي ف أميركا.. لأ في كل الكون..
إلا احنا إرتحنا قدام أي تليفزيون
آدي العراق في طريقها للغرق يابا
واحنا حواليه خُطبنا فجة... كدابة
نتخانقوا من غير سبب.. لأ فيه سبب طبعاً
وحنغرقوا في الزمن.. يا أمتي.... جمعاً
متملعنين... إنما... عدونا..... ألعن
قدَّامُه حملان.. لكين.. علي بعضنا ديابة!!
الكل عايز ساعات المؤتمر تمضي..
علشان ما يجري علي دار العدو.. يمضي
كإن بعضي ينازعني.. علي بعضي..
معظمنا هوه العدو.. يعني العراق يا هوه
مش أمريكان وانجليز.. إحنا اللي حنهدوه
واحنا اللي بتروله رايحين للعدو نِهْدوه
وبعده بترول جديد.. وبعده بترول جديد
وأنا منتظر مقتلي وإيدي علي خدي!!
الكل عاوز ساعات المؤتمر تمضي..
علشان ما يجري علي دار العد (يمضي)!!
أنا باهيب بالشباب.. إنسوا اللي قضُّوا العمر
يتكلموا ويخطبوا وسابوا سنينكو... تمُر...
ده انتو القلوب الفتية والوجوه السمر
ترضوا تبيعوا الوطن بتفاهة الغايات؟
وتبقوا إنتو وأعداء الوطن إخوات؟
متربصة بيكو أم العولمة والجات
تتمِسْحوا م الكون كما مسحوا الهنود الحمر
أنا باهيب بالشباب انسوا اللي قضّوا العمر
يتكلموا ويخطبوا وسابوا سنينكو تمر
يا أمة قومي.. وانتي يا مصر.. ماتونِّيش
وإلا عشرين سنة.. حاتمر زي مافيش
تعلا اليفط أعلا ميادين أمة الإسلام
شركة إسرائيلية اهه لصناعة الأقلام
واستديو صهيون هنا لصناعة الأفلام
والمصنع الإسرائيلي لعلبة الورنيش
يا أمة قومي وإنتي يا مصر ماتونيش
بغداد.. يا أم التاريخ والحكمة والأشعار
بغداد يا أم القصور والنخل والأنهار
ماعادش إلا الصمود الليل في آخره نهار
دافعي بشرف واتركي للأمة طعم العار
ملو التاريخ.. الفصول صادقة وكدابة
سنتين تقدَّم.. وألف.. نعودوا للغابة
الأمة فيها فرح لأزمله ندابه
الدنيا كلتها تهتف باسمِك المظلوم
بكره الجراح تندمل.. عُمر الظلام مايدوم
أطفالك اللي التاريخ حيحكي قصتهم
ونساكي في صبرهم. الدنيا نسيتهم
يا دي العراق العريق صحّي العرب م النوم
يا طاعم المحرومين.. إزاي تبات محروم.؟
ومهما كانوا الطغاة.. الدار لأهل الدار
الدار لأهل الدار ، الدار لأهل الدار
سلامي للكل
اتمنى انى افيدكم
عيون الندى:080402gudl_prv::080402gudl_prv::080402gudl_p rv::080402gudl_prv:

[عاشق الاوطان]

مشكوووووور والله يعطيك الف عافيه

[همتاروا]

يااااااااااااااااااااااااااااااااالهوي مفيش حد بيحب عبد الرحمن الابنودي والله دة ثروة قومية والله هتندمواا طاب حتى كلمة شكر ولا مفيش غير عاشق الاوطان الي بيقدر على العموم شكرا

[Mo7aMeD Lotfy]

الف الف الف شكر يا غاليه على الكلام الجميل الرائع


فى انتظار جديدك الرائع دائما

خالص تحياتى وتقديرى

العندليب

[DRAMA QUEEN]

سلمت الايادي على هذه الاسطر العطره

دمت بخير


drama queen

[البرنس رامى]

طبعا انا بحبه جداااا وبيعجبنى فيه تلقائيته فى الكلمه

وشكرا لكى جزيلا على التوبيك الرائع

ارق تحياتى وننتظر الجديد منك دائما

[الجـوكر]

فعلا
دى من روائع الأبنودى
فهو شاعر عامية عظيم
شكراً لكِ

[فتى المدينة المنورة]

الله يعطيك العافيه

كلمات جميله ورائعه

وهذا دليل على ذوقك الجميل

اشكرك عليها ولاتحرمنا من مثل هالكلمات

دمت بكل الووووووود

فتى المدينة المنورة

[همتاروا]

ياااه شكرا ليكم انا كنت فقدت الامل ان حد بيحبة فعلا دة راجل يتحب وانا بوعد كل الي بيحبوة لو عوزين يعني اني هجبلكوا كل قصيدة ومش هقول الحلوة علشان كلها حلوة تسلموا يا احلى اعضاء

[رايقه وأكشر ليه]

يسلمو ايديكى ياقمر ونعم الاختيار لأحسن مخلوق على الارض لافضل شاعر مر بالتاريخ العربى
ياااااااااااه انا بعشق الراجل ده
ملامح وشه بتحكى عن الشارع المصرى القديم
بجد يسلمو ايدك ومزيد من التقدم والابداع فى ما يختص بالا بنودى
وياريت تتحفينا اكتر بكل قصائده