ألغاء أسم الديانة من البطاقة الشخصية

[ساحر الأحزان]

بسم الله الرحمن الرحيم
اليوم كنت برد على موضوع فى قسم النقاش عن أن الأسلام بقى بالأعتناق من غير فعل ما يثبت أنك مسلم
يعنى أية الفرق بين المسلم وبين اليهودى وبين المسيحى هل هو وضع أسم الديانة فى البطاقة ؟

دة شىء مهم جواز السفر موحد مفيش فية ذكر الديانة بسى الى بيذكر الجنسية أنة مصرى ومفيش ذكر ديانة
دة وأنت طالع برة مصر أنما جوة مصر بيلزم بذكر أسم الديانة,
ذكر الديانة محطوط لية فى البطاقة الشخصية هل على شان معرفة تعداد السكان من مسلمين ومسحيين ولا هو

أجراء روتينى عادى مش يستحق الذكر ولا الخوض فية ..

من المعروف أن أى حد معتنق ديانة من الديانات التلاتة الرئيسية

أسلامية ,,مسيحية ,يهودية ,

جميع الديانات بتدعو ألى التسامح وألى التعايش فى أى مكان على سطح الأرض طالما أنت عايش تحت ملكوت الرحمن
فكل الارض ملك لله عزو وجل وليست ملك لعباد الله هو المالك الحقيقى ونحن مستأجرون عليها كل مستأجر بيجى ميعادة
بيسلم للمستأجر ألى بعدة وهكذا على مر التاريخ فية واحد ترك الدنيا وأخد معاة مالة ولا أرضة مخدشى معاة أى

حاجة غير عملة سوء خير فهو لة ولا شر فهو لة ولكن برغم علم الجميع كدة ألا أن مفيش خير على طول ومفيش شر
على طول تعاكس فى الصفات لو الخير موجود على طول مكنشى أتحط بند العذاب من ربنا عزوجل للى يعصى ربنا
معتنق كل عقيدة فية ألى بيعمل كما أنزلت وفية ألى ما بيطبقها تطبيق كامل هو بيعمل على قدر علمة..

ألى وصل لية وعلى عملة الى عملة فى حياتة حيثاب على جميع ما عمل فية الى بتكون الدنيا سرقاة وفية
ألى قبل فوات الاوان بيلحق يتوب

ربنا حط بند التوبة فى تعاليم دياناتة على شان نرجع ونتوب ألية وأنة مقصرشى معانا زى ما حط العذاب حط العفو
والمغفرة حتى لو كانت ذنوبك مثل زبد البحر

وهنا خطر ببالى عدة تسؤلات محتاجة توضيح ماذا لو حطينا لجان سوء من رجال الدين سوء أسلاميين أو مسيحين
كلجنة عند وضع أسم الديانة كأختبار ودة يوضع ويعلم عند الأطفال من الصغر طالما نجد الملايين من جميع الأعمار
لا تحفظ أسس وتكوين ديانتها بشقيها سوء قرأن أو كتاب مقدس وأحاديث من هنا وهناك ,ويبقى متفقة فى أصول
دبنة وعارف فية كويس بدل ما زى ما بنشوف دلوقتى أن الأسم بس هو لى بيحمل الصفة أنما الفعل غائب

دلوقتى عند دخول الطفل الروضة ودة بقى منتشر بيدرس اللغة سوء أنجليزى أو ألمانى أو فرنساوى الدين مش قلك
متثقفشى ولا تقف عند سقف معين من الدراسة بسى دة ميبقاش زريعة أن الأغلبية وهى داخلة على الجامعة
أو بعد ما تخلص دراسة وحتى بعد الزواج وهو لا يحمل القدر الكافى من الثقافة الدينية مع العلمية ,

حتقلى أزاى أنت لما بتكون عارف أن فية عليك أمتحان أخر السنة وأن نجحت حتكمل وأن رسبت حتفضل واقف مكانك
ويتعملك لجنة أعادة مش بيكون عندك دافع أنك تذاكر على شان تنجح طيب تخيل بقى أن الأمتحان دة حيفيدك فى
الدنيا وفى الأخرة فى الدنيا حيبقى عندك قدرة تثقيف عالية حتنفعك فيها فى التفقية فيها وفى الأخرة ليك ثواب

عظيم على حسن عملك,,

ألى ينجح من هنا أو هنا يتحط لية أسم الديانة فى بطاقتة وألى ما ينجحشى يفضل متعلق مش عارفين نودية فين

الدين جوهر وعمل عايزين نعمل بيهم صعب أنة يحصل دة ؟

حسمع أن فية نسبة جهل كبير منتشرة بسى فى المقابل فية نسبة تعليم مرتفعة فين فصول محو الأمية فين الكتاب
بتاع زمان يا ترى أنقرضو حنسمع غلاء معيشة هو غلاء المعيشة بيمنع التثقيف لو كل يوم ساعة ولا أتنين أعتبر أنك
أخدت أجازة من التلفزيون ودى يومية ساعة ولا أتنين فى الأول ممكن تمل أو يجيلك حالة زهق لأنك متعودتش على كدة؟

أنما بعد كدة حتلاقى نفسك ماشية وهو الواحد يحاول على قد ما يقدر أنة يستوعب ,

بناء جيل مثقف وواعى متحتاج مجهود منذ الصغر عند تعليم الصغار وهماا فى أول حياتهم ميبقاش البلاستيشن
والنادى كل حياتهم مش نقول لسة أطفال وصغيرين ودة مجهود عليهم هو أنت لما تبنيهم من صغرهم يبقى غلط؟

هل دة حيكون عائق قدامهم من الأستمتاع بطفولتهم العملية محتاجة شوية تنظيم للوقت لأن الوقت علية عامل مهم
فى تنظيم الكثير من أسس حياتنا

فية جزء أو جزئين جوة الموضوع حتقول خيالك سرح فيهم طيب وأية المانع أن الخيال دة يسرح وهل فية مانع


أنة يتحقق ويبقى حيقيقة ملموسة بدل الخيال ,

لو تم الأهتمام بيهم ,,,,,,,,

تحياتى للجميع

[Words Whisper]

راجعة هنا على رواقة ان شاء الله ..

[الابتسامه المصريه]

فخرا لى ان اكون مسلمه

وليس فيها اى شئ كتابة الديانه
وكل انسان يحب عقيدته
ويحافظ عليها
والدين هو اساس الحياة
لان الله سبحانه وتعالى
نظم لنا كل شئ فى حياتنا
فكيف نبتعد عن ديننا

توبيك جميل امجد وانت كتبت كلام
روعه وانا معك فيه

[عاشقة ذكر الله]

أقولك على تعليم الدين فى بلدنا على سبيل المثال
بما إن احنا تعليم عام مش أزهر يعنى
فإن الماده الوحيده اللى ليها علاقه بالدين هى التربيه الإسلاميه
طيب هل بناخدها ؟!! طبعا لا أنا عن نفسى مبفتحهاش ليه ؟!! علشان مبتنضافش للمجموع
زائد انى اه ممكن أقرأها و أفهم لكن مش بحفظها بنيجى ندخل الامتحان مفيش بنى آدم فى اللجنه بيبقى عارف أى حاجه
فى الامتحان غير إنى بسمع السوره اللى فى المقرر لأنى ببقى حفظاها و باقى الأسئله و الله العظيم يااما بنقل السؤال
و أبدأ بيه كأنه اجابه يعنى ماهو علشان مسيبش حاجه فاضيه و أحاديث بسيبها و مبرضاش أكمل لأن دى مفيهاش هزار و أقعد أشرح على أى شخصيه أى كلام ماهو لأنى مش عارفه حاجه و فى الآخر جبت ايه ؟!! 24 من 25 تقريباً نقصت درجه واحده يعنى تقولى على ايه خدتها والله ماأعرف بجد لما شفت الدرجه اتصدمت منها بس لقيت ان كل صحابى كدا بردو ,,,, فدا هو تعليم الدين فى بلدى ... أعتقد انه لو كان اجبارى كنا اهتمينا بيه أكتر .

عمر ماكان ديانه المسلم كلمه تتقال و خلاص أو زى مابتقول يتكتب فى البطاقه الديانه : مسلم

يسلمووو على الموضوع الشامل

[طِيشْ !]

جميع آلديآنآت منزلة من عند الله عز وجل ,,

و كلهآ بتدعو إلى شيء وآحد وهو توحيد الله

بغض النظر عن التحريف أو الإعتقادات و التوجهات اللي بقت موجودة و بكثرة الفترة الأخيرة

فطرة الإنسآن اللي ربنا خلقنا بيها بتوجهه و بشكل كبير لربنا و بتعرفه الصح من الخطأ

أما كل الموجود حاليا دآ إحنآ اللي عملنآه بإيدينآ ,,

وبمآ إنّي نسيت أعلّق على حتّة آلبطآقة آلشخصية ^^

تهت آلحقيقة ,, سوري يعني

ومش هنقعد نقول ساعة شيطان لإننآ بنعمل آلحآجة و إحنآ عآرفين إنهآ غلط

يعني آلخلل جوّآنآ آلبطآقة آلشخصية مجرد إثبآت للهوية و تعريف لشخصك فقط لآ غير

و آلديآنة أكيد مهمة لكن فـ آلبطآقة درجة آلأهمية مش آللي هيّآ لإنك بتعرف بيهآ عن نفسك

مش عن ديآنتك كونك مسيحي ولّآ مسلم

في توجهآت كتير فـ موضوع آلديآنة دي لآزم تتغير ولآزم نتعود إن آلبني آدم بخصه و بفكره مش بديآنته

يعني في نآس بتتعآمل مع نآس تآنية كويس أوي ولمّآ تكتشف بآلصدفة إنهم على ديآنة تآنية بيختلفوآ 720 درجة

ربنآ يهدي آلجميع أخي ..~

بعتذر مرة تآنية :d

ربي يسلمك على آلطرح آلرآآٌقي

ودّي ووردي

[DR.SMA]

فتحت مجال لـ كذا موضوع يا امجد
أولا الديانه والالتزام الديني
ثانيا مجال العمل وتأثير الديانه عليه
ثالثا التقصير وكيفيه التوبه
وكمان تأثير الديانه على العمل
الثقافه والتعليم والجهل
حقيقي موضوع راقي يا امجد
خصوصا التداخل الي طلعت بيه من موضوع لآخر
وربطهم ببعض بصوره متسلسله
تقديري ليك
في انتظار جديدك ..

[ساحر الأحزان]

اقتباس المشاركة الأصلية كتبت بواسطة words whisper راجعة هنا على رواقة ان شاء الله ..

شكرا اسماء

منتظرين جميل ردك

بالتوفيق

[ساحر الأحزان]

اقتباس المشاركة الأصلية كتبت بواسطة الابتسامه المصريه فخرا لى ان اكون مسلمه وليس فيها اى شئ كتابة الديانه وكل انسان يحب عقيدته ويحافظ عليها والدين هو اساس الحياة لان الله سبحانه وتعالى نظم لنا كل شئ فى حياتنا فكيف نبتعد عن ديننا توبيك جميل امجد وانت كتبت كلام روعه وانا معك فيه

أهم حاجة أبتسامة نزويد الثقافة وبنائها بناية صحيحة من الصغر

لان طالما وضعت اسس صحيحة منذ الصغر حتنفع على الكبر

وبعدين الثواب بينول الابوين

وبرضة الحساب لو قصرو

اسعدنى جميل تواجدك

بالتوفيق

[Words Whisper]

من الطبيعي أن يتأثر الطفل بديانة والديه
ولكن حين تصير الديانة مجرد مسمى في التعريف الشخصي
لاعلاقة لها باقتناع ولا أفعال و لافِكر فهذا لايجعل الشخص ضمن نطاق دينه
وعوضاً عن استمرارية تحميل الأبناء اسم ديانة لاعلاقة لهم بثقافتها
فعلى الأهل الحرص على جعل أبنائهم (مدركين) دينهم
لابأن يحفظوا نصوصا دينة ويرددوها وإنما أن يفهموها ويقتنعوا بالدين الذي ينتمون إليه
ثقافة بلا ثقافة دينية هي نصف الجهل أو أكثر
فالجهل بالدين يحجب العقول عن صحة اختيار مايُصلِحها ..


أما إلغاء اسم الدين من تعريف الهوية فلاأراه جيداً
أيا كانت ثقافة الشخص بدينه أو جهله به
الدين لايُسبب فارقاً في التعاملات الاجتماعية
لكنه يشكِّل فارقا في بعض الارتباطات الاجتماعية كالزواج ..


موضوع قيم
شكراً ..
دوام التوفيق ..


تقييمي ..

[SiLver Spectra]

أنا ضد وضع الديانة في البطاقة
لأن دا امر مايخصش الدولة في حاجه ..الدين حاجه بينك و بين ربنا
ناقص مثلا يحطلك كمان اسم الطائفة بتاعتك : اخواني سلفي ..او سني و لا شيعي
و دا مش بيحصل في اي بلد

و بالتالي ذكر الديانه في البطاقة مش بيضيف غير عنصرية و بيأجج الطائفية
و الدول لمحترمه مش بتحط ديانات على البطاقة لان كل اللي يلزمها في المواطن هو معلوماته المدنية (اسمه و صورته و عنوانه و عمله ) ..حتى لو عشان تحصي اعدادهم فدي المفروض بتسجل في بياناته السرية الخاصة بيه

عمرك شوفت مثلا مواطن امريكي او بريطاني اسلم و عامل مشاكل في السجل المدني عشان عايز يغير ديانته في البطاقة هههههه
ما بتحصلش عندهم لان مافيش اجراء اسمه تحديد الديانه عندهم ..فانت حر بايمانك

موضوع قيم يا أمجد..