ولد ولا ولد....؟

[حلم عمري]

بسم الله الرحمن الرحيم السلام عليكم ورحمة الله وبركاته ولد ولا ولد مشكلة من المشاكل اللي بنعترضها كتير اليومين دول وبرغم الثقافة والتحضر الا ان في ناس لسة مصممة ان الولد احسن من البنت يعني المراة اللي تخلف ولد مية مية انما اللي تخلف بنت شوفلك واحدة غيرها احسن وانك تقول لواحدة حامل مثلا ان شاء الله تجيبي بنوتة زي العسل ترد(او غالبا حماتها اللي ترد)وتقولك بعيد الشر دا الولد احسن واصبح في نظر الناس المراة اللي تخلف بنات بس اقل من اللي تخلف ولاد الا من رحم ربي في حين ان احنا لو اتاملنا الاية دي بسم الله الرحمن الرحيم " لله ملك السموات والارض يخلق ما يشاء يهب لمن يشاء اناثا ويهب لمن يشاء الذكور او يزوجهم ذكرانا واناثا ويجعل من يشاء عقيما انه عليم قدير" صدق الله العظيم هنلاقي ان دي حاجة بيد ربنا سبحانه وتعالي وان انا كامراة مش مسئولة اني اخلف ولد ولا بنت لانه مش بيدي ياتري ليه التفكير دا موجود عندنا؟ وايه الفرق بين الولد والبنت؟ وسؤال للشباب: لو انت مراتك خلفت بنات بس هل ممكن تسيبها او تتجوز عليها عشان تخلف ولد ؟ اتمني اعرف اراء الجميع بصراحة في امان الله حلم عمري

[big bốss]

الولد احسن من البنت ^_^

بصراحه كدا انا عن نفسي بحب الاطفال البنات و مش فارق معايا ولد او بنت

ثانيآ عقول بعض الناس فى مجتمعنا و بسبب الفقر و القحط و الجهل

عايزين صبيان بسبب انه يحمل اسمه من بعده

او عزوه له و سنده

مع ان الولد و البنت بأيد ربنا مش فيه دخل للمرآه بكدا

موضوع مهم و جامد فعلآ

تسلمى عليه يا وفاء

[حلم عمري]

اقتباس المشاركة الأصلية كتبت بواسطة ღ big boss ღ الولد احسن من البنت ^_^ بصراحه كدا انا عن نفسي بحب الاطفال البنات و مش فارق معايا ولد او بنت ثانيآ عقول بعض الناس فى مجتمعنا و بسبب الفقر و القحط و الجهل عايزين صبيان بسبب انه يحمل اسمه من بعده او عزوه له و سنده مع ان الولد و البنت بأيد ربنا مش فيه دخل للمرآه بكدا موضوع مهم و جامد فعلآ تسلمى عليه يا وفاء

مين قال الولد احسن من البنت دا البنات عسل
فعلا عندك حق بيقولو يحمل اسمي من بعدي لكن نسيو انه بيد ربنا سبحانه وتعالي
تسلم نور علي مرورك
نورت التوبيك

[الأميرة رودي]

هى ثقافه ومفاهيم غريبه
غالبا بيكون مرتبط استقرار الزوجه فى بيتها مع جوزها بـ انجابها للولد
مش عارفه ليه العقليات دي
مع ان الاطفال دول رزق من عند ربنا زى اى رزق بيجي للبنى أدم
ربنا اللى باعتهم اذا كانو ولاد ولا بنات
يبقى ليه نزعل ونعترض على ربنا
وبعدين اللى معاه بنات وزعلان يبص على اللى ربنا ماأردش له الانجاب خالص
وقتها هيعرف انه فى نعمه بس مش مقدرها ولا عارف قيمتها.
ومن ناحيه تانيه البنت دول مابقتش زى زمان
يادوب تقعد وتربي العيال

دالوقتى بقت صاحبه مكانه حقيقيه ف المجتمع
وممكن تلآقي بنت فى عقلها وذكائها بـ 100 راجل

يسلمو ريهان عجبتنى مناقشتك

بالتوفيق حبيبتي

[حلم عمري]

اقتباس المشاركة الأصلية كتبت بواسطة الأميرة رودي هى ثقافه ومفاهيم غريبه غالبا بيكون مرتبط استقرار الزوجه فى بيتها مع جوزها بـ انجابها للولد مش عارفه ليه العقليات دي مع ان الاطفال دول رزق من عند ربنا زى اى رزق بيجي للبنى أدم ربنا اللى باعتهم اذا كانو ولاد ولا بنات يبقى ليه نزعل ونعترض على ربنا وبعدين اللى معاه بنات وزعلان يبص على اللى ربنا ماأردش له الانجاب خالص وقتها هيعرف انه فى نعمه بس مش مقدرها ولا عارف قيمتها. ومن ناحيه تانيه البنت دول مابقتش زى زمان يادوب تقعد وتربي العيال دالوقتى بقت صاحبه مكانه حقيقيه ف المجتمع وممكن تلآقي بنت فى عقلها وذكائها بـ 100 راجل يسلمو ريهان عجبتنى مناقشتك بالتوفيق حبيبتي

كلامك صحيح اكيد لو كل انسان بص للي مش عنده اولاد خالص هيعرف انه في نعمة
تسلمي حبيبتي علي مرورك الراقي
نورتي التوبيك

[-esraa-]

﴿يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ﴾

التفكير ده مع الاسف متوارث من ايام الجاهلية ,,
يعني انت عايزة ولد وربنا رزقك بنت لانه سبحانه هيكتبلك الخير
سواء كان ولد او بنت الرضى بالقدر لازم يكون عند كل واحد.
وكام من واحد ربنا رزقه بنت خير له من الف ولد ,,
وكمان العكس ,,

موضوع قيم
تسلمـــي,,

[حلم عمري]

اقتباس المشاركة الأصلية كتبت بواسطة -esraa- ﴿يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ﴾ التفكير ده مع الاسف متوارث من ايام الجاهلية ,, يعني انت عايزة ولد وربنا رزقك بنت لانه سبحانه هيكتبلك الخير سواء كان ولد او بنت الرضى بالقدر لازم يكون عند كل واحد. وكام من واحد ربنا رزقه بنت خير له من الف ولد ,, وكمان العكس ,, موضوع قيم تسلمـــي,,

فعلا اي حاجة ربنا بيكتبها خير
لكن زي ما قولتي هو للاسف تفكير متوارث
تسلمي حبيبتي علي مرورك
نورتي التوبيك

[✿ Celiηα]

ان خطورة هذه الثقافة المريضة تتعدى التعاملات اليومية بكثير حيث انها تضخ اجيالا

غير سوية ومشوهة اجتماعيا،

وقيل : " من كانت له أنثي فلم يئدها ولم يهنها ولم يؤثر ولده عليها أدخله الله الجنة ".

وقال أن رسول الله صلى الله عليه وسلم ، قال : " إذا مات الإنسان انقطع عنه عمله إلا من ثلاثة :

إلا من صدقة جارية ، أو علم ينتفع به ، أو ولد صالح يدعو له " *

وده يدل على سواء بنت او ولد فهم نعمة من الله لا يمكن

تمييز احد عن الاخر ولا محبة احد عن الاخر

واشكرك اختي لطرح هذا الموضوع

ودي ووردي ~

[نقاء]

كفي النساء فخرا
أن أول من إعتنق الدين الإسلامي على وجه الأرض
إمرأة - وهي السيدة خديجة رضي الله عنها

نقـــاء،،،،،

[Angel Smile]

هم بيبقوا شايفين ان الراجل رااجل و يقدر يتحمل المسئولية .. و هو ال هيشيل اسم والده .. و هو ال هيرث المجموعة او التركة بتاعت العيلة ايا كانت .. و هو الجدع و الرااااجل .. و الخ من شيم الرجال
بس ال ميعرفهوش ان ممكن يخلفوا ولد و من الدلع يبقى بنوتة ^^
و ممكن البنت هى ال تحمل كل شيم الرجال و هى ال تطلع بيهم السما
دى نقطة

النقطة التانية فكرة ان البنت عااااااار !
يعنى فمجتمعنا لما الولد يحب و يخرج مع البنت ال بيحبها عادى ده ولد
انما لما بنت تعمل كدة جابتلنا العار و لازم تتقتل !!
مفكروش ان العيب عيب عند ولد او بنت .. و دى نقطة بكرها جدااا للاسف ..
لازم الولد برضوا يكون عنده مبدأ ان ده عيب و ميضحش برضوا

و النقطتين دول فتفكير بعض الاباء بيخلوا الولد احسن من البنت
بس عامة كل ال يجيبوا ربنا كوويس ^^
و شايفة ان فى ناس كتيير لسة عندهم النقط دى فالتفكير
حتى مجرد شعور انا نفسى فولد والخ

شاكرة جدًا ليكى .. اثرتى ذهنى ^^