سؤال ذكاء

[&& برنسيسة المنصورة &&]

للبنات

لو جاء يتقدم ليكي شاب والشب دا معروف انه صايع وبشرب بنجو ، لكنه جاي ونيته صافيه

عاوز يكون انسان طاهر نظيف علي أيدكـ !

ما هي ردده فعلكـ موافقه ولا لا ولماذا ؟


هو اكيد سوال صعب
بس لو فكرت بالمنطق

بما انه نيته صافية وعايز يتوب
هحاول اساعده لغاية ما يعدي المرحلة دي ويكون انسان كويس جدا ويهيْ مستقبل لنفسه
وبعد كده هحاول ارفض بطريقة لطيفة حتي لا جرح مشاعره ويعود الي الطريق الفاسد

[Ćяч ƒ0Я ℓ0√З]

للشباب

لو جاءت ليك بنت واعترفت انها بتحبكـ وهيا معروفه انها بنت مش كويسه

وعاوزه تتطهر علي ايدكـ

هل ستوافق ولا لا ولماذا ؟

لا ربنا يهديها بعيد عنى انا عن نفسى رافض

ولماذا ؟

سورى فى المثال اللى هقوله ده

علشان ديل الكلبه عمره ما يتعدل

تسلمى على الموضوع

[هاني ,,,]

اقتباس المشاركة الأصلية كتبت بواسطة && برنسيسة المنصورة && هو اكيد سوال صعب بس لو فكرت بالمنطق بما انه نيته صافية وعايز يتوب هحاول اساعده لغاية ما يعدي المرحلة دي ويكون انسان كويس جدا ويهيْ مستقبل لنفسه وبعد كده هحاول ارفض بطريقة لطيفة حتي لا جرح مشاعره ويعود الي الطريق الفاسد

ههههههههههههههههههههههههههههههه

يعني عملتي الصعب ... وسبتي السهل !!!

بعد إيه بس ... كملي معاه وخلاص

بس برافو برنسيسه

الفكره وصلت

[&& برنسيسة المنصورة &&]

اقتباس المشاركة الأصلية كتبت بواسطة هاني ,,, ههههههههههههههههههههههههههههههه يعني عملتي الصعب ... وسبتي السهل !!! بعد إيه بس ... كملي معاه وخلاص بس برافو برنسيسه الفكره وصلت

لو كنت بحبه كنت هكمل معاه
بس انا من الاصل عمري ما حب حد ماشي غلط
وبس يا سيدي وعلي فكرة المفروض كلنا نساعد اللي ماشي غلط ونرشدهم علي الصح
لان ساعات بيكونوا كدا بسبب الصروف اللي عاشوا فيها

وشكرا

[على محمد محمود]

اختيار صعب وعاوز عقل حكيم
انا ممكن اقبل لو تاكدت فعلا انها
عاوزه تتوب فعلا
وبعدين خلال فتره الخطوبه هتاكد
هل هى فعلا صادقه ولا لا
ولاكن فى ايه من كتاب الله تقول
الخبيثين للخبيثات
والطيبين للطيبات
اسال الله ان يرزقنى بالزوجه الصالحه
وان يرزق بنات المسلمين الستر والعفه
بس بصراحه سوال صعب واختيار اصعب

[♡Sad story]

لا طبعا مش عاوزاه
يخليه للى بيعملوا

[βỊиŢ ξŁMĄŊŞΘЦЯĄ]

طب افرضي فعلا بطل يكون مش كويس وبقى تمام وبعد كدا رجع لعادته تاني وساعتها هنكون دخلنا في الجد ..
اهم حاجه في حكاية الجواز دي التربيه الكويسه .. لو البني آدم تربيته كويسه من الاول بس مشي في طريق مش كويس وشرب كذا وكذا وكذا اكيد في يوم من الايام هيتعدل حاله لان كانت تربيته من الاصل كويسه .. انما الـ ميكنش تربيته كويسه .. او بمعنى اصح مش متربي اصلا .. حتى لو كان اتعدل هيرجع تاني لاصله .. واكيد طبعا انا ارفض ..
تسلمي ^^

[زهرة الياسمين]

منورين بردودكم والله
والموضوع شكله كدة نااااار

[استـثـنـائـيـة]

أى شىء يخص حيـاته من قبـل وجودى فيهـا ما يهمنيش.

تسلمى ع الطرح : )

[طمطم]

لو جاء يتقدم ليكي شاب والشب دا معروف انه صايع وبشرب بنجو ، لكنه جاي ونيته صافيه

عاوز يكون انسان طاهر نظيف علي أيدكـ !

ما هي ردده فعلكـ موافقه ولا لا ولماذا ؟

لا صعب اوى ان اوافق ,, اصل الموضوع مش حكاية انى هساعده وبس المفروض انى ببص لقدام..
حد زى ده صعب الوثوق فيه ,, ربنا يوفقه بس بعيد عنى = ))

ثانكس ع التوبيك ,,