هــو ممكن " خــآص بالمســـآبقـه "

[Şα3Đ..♥]

السلام عليكم

الموضوع طبعا خاص بمسابقه افضل خاطره خزعبليه

انا من الاول مش مقتنع بفكره المسابقه
لسبب معين
وهو ان مفيش بيت شعر اتقال قبل كده ملهوش معني
اي بيت او اي رباعيه لازم تكون بيحتويها موضوع
بتتكلم عنه او بتناقشه

طبعا مع احترامي لسما مشرفه الموضوع
وانا مقصدشي ابا اني اجرحاو اعيب ف الفكره
انا بس بقول رايي
وياريت متنفسنييش بئه لاني هكسب


اناحاولت اكتب حاجه كده
يمكن تندرج تحت اسم خزعبلات

واسف علي الرغي




هو ممكن
هو ممكن ابقي نحله
واطير براحتي لفوق وأعلي
واشوف بعيني الدنيا احلي
وياسلام لو كنت نسر
مبقاش اسير محكوم باسر
اصل عايش جو جحر
تحس مثلا كاني نمله
لا حقيقي ماهواش سحر
ومهواش هزار ولا نكته
اصلي عايش في ممر
وروحي جوا منه ساكنه

نفس يبقالي جناحات
واطير واطول السحاب
و متقيدنيش حاجات
مش معمولها حساب

اصلي عايش زي فار
مستخبي ليل نهار
ماشي ديما جمب الحيط
خايف يطلع ع الجدار

هو ممكن ابقي نمنم
ابقي شطه او ابقي فلفل
نفسي اي حاجه تحصل
ومتسالشي بتقول ايه

انا مش عايش في هدومي
انا مش عايش ربع يومي
ده انا بقيت زي كومي
الناس تشيله تؤش بيه

نفسي مبقاش للمصالح
نفسي مبقاش للمطارح
وخد وهات بشكل بايخ
نفسي ياناس اعيش براحتي

اوعوا تزعلوا من كلامي
وقت بوحي وانسجامي
كل ده كان شيئ خيالي
ده انتوا احلي ناس ف عيشتي

[Mahmoud Kamel]

اقتباس نفس يبقالي جناحات واطير واطول السحاب و متقيدنيش حاجات مش معمولها حساب اصلي عايش زي فار مستخبي ليل نهار ماشي ديما جمب الحيط خايف يطلع ع الجدار هو ممكن ابقي نمنم

جـــامده يا سعـــد

حـاجه زي الفــل ^_^

احجزلي تذكرتيــن للسحــاب ,
وصي علينــا واااوو علشـان ليـا تذكره ومحجوزه هناك = ))

[phalsteen]

اقتباس السلام عليكم الموضوع طبعا خاص بمسابقه افضل خاطره خزعبليه انا من الاول مش مقتنع بفكره المسابقه لسبب معين وهو ان مفيش بيت شعر اتقال قبل كده ملهوش معني اي بيت او اي رباعيه لازم تكون بيحتويها موضوع بتتكلم عنه او بتناقشه طبعا مع احترامي لسما مشرفه الموضوع وانا مقصدشي ابا اني اجرحاو اعيب ف الفكره انا بس بقول رايي وياريت متنفسنييش بئه لاني هكسب اناحاولت اكتب حاجه كده يمكن تندرج تحت اسم خزعبلات واسف علي الرغي

اهلا بعبقري العامية
اولا | توضيح بسيط كدة
مين قال ان الخزعبلات مالهاش معني
الخزعبلات هواجس وتهييس بس لازم يكون ليه اساس
والا كان تهييس محمد زي تهييس سما ومفيش فرق
كل فكر يا محمد وليه خصوصياته
حتي في الضحك والهزار تلاقي معاني مختلفه
وتعابير كتيرة اوي عن مضمون لعيشة او واقع
والا ماكنش فيه حاجة اسمها نقد ساخر

ثانيا | انت لو معيبتش متبقاش محمد
وبعدين انا برحب باختلاف وجهات النظر
مش ديكتاتوريه انا

ثالثا | راجعه تاني اشوف الخاطرة

موفق محمد

[Angel Smile]

نفرتيتى عندها حق ^___^

ده حتى البتاعة دى فيها كلام معبر جدًا و فنفس الوقت بيضحك ^^

يسلمواا الايادى بقى ^^

[phalsteen]

اقتباس اصلي عايش في ممر وروحي جوا منه ساكنه

اقتباس انا مش عايش في هدومي انا مش عايش ربع يومي ده انا بقيت زي كومي الناس تشيله تؤش بيه

الصمت في حرم الجمال جمالا
راقتني وحسب

[Şα3Đ..♥]

اقتباس المشاركة الأصلية كتبت بواسطة " 7oda " جـــامده يا سعـــد حـاجه زي الفــل ^_^ احجزلي تذكرتيــن للسحــاب , وصي علينــا واااوو علشـان ليـا تذكره ومحجوزه هناك = ))

ههههههههههههه
واو
ده انت عسل والله
عموما يا حوضه
انت نروتني
وهحجزلك ف اول مركبه فضاء اركبها
منورني

[~♥ Queen sozan♥~]

رائعة يا سعد وجبنى اووووى الجزء دة ,
,
,

اقتباس انا مش عايش في هدومي انا مش عايش ربع يومي ده انا بقيت زي كومي الناس تشيله تؤش بيه نفسي مبقاش للمصالح نفسي مبقاش للمطارح وخد وهات بشكل بايخ نفسي ياناس اعيش براحتي

موافق ان شاء الله ,, يا مبدع العامية

وشكلك هتكون مبدع الخزعبلات كمان

[كريم عاصم]

تسلم حودة
وبالتوفيق ان شاء الله

[Şα3Đ..♥]

اقتباس المشاركة الأصلية كتبت بواسطة nefertiti اهلا بعبقري العامية اولا | توضيح بسيط كدة مين قال ان الخزعبلات مالهاش معني الخزعبلات هواجس وتهييس بس لازم يكون ليه اساس والا كان تهييس محمد زي تهييس سما ومفيش فرق كل فكر يا محمد وليه خصوصياته حتي في الضحك والهزار تلاقي معاني مختلفه وتعابير كتيرة اوي عن مضمون لعيشة او واقع والا ماكنش فيه حاجة اسمها نقد ساخر ثانيا | انت لو معيبتش متبقاش محمد وبعدين انا برحب باختلاف وجهات النظر مش ديكتاتوريه انا ثالثا | راجعه تاني اشوف الخاطرة موفق محمد

اول وجهه نظر وانا مقتنع بيها
ويمكن اكون انا الوحيد اللي مقتنع بيها
مش مشكله

ثانيا بقي انا اعترض

هو انا اعترضت قبل كده
في فرق بين النقد والاعتراض
ماشي

منوره بئه

[Words Whisper]

وكم من حاجات نفسنا فيها
يمكن تكون بسيطة أو حتى يتقال عليها عبيطة
بس بتكون حياتنا محتجاها ..


جميلة ماشاء الله الكلمات ..
بالتوفيق ..