حالة مريض ... وما أضعف الإنسان

[العاشق الذى لم يتب]

بسم الله المرض العافية شفانا الله وإياكم ومتعنا بكل عافية سبحان الله الواحدفينا لما بيكون فى كامل الصحة العافية ينسى أنه معه أعظم النعم { الصحة تاج على رؤوس الأصحاء لايرونه إلا المرضى} وطول ماهو ناسى شغال لسانه بسرعة البرق طالق له العنان متناسى ذكرالله هات يارغى فى الفاضى والمليان ونسى قول ربه { مايلفظ من قول إلا لديه رقيب عتيد} سب & شتم & خوض فى أعراض الناس & وقذف & وتهم نشر فضايح & وكذب & وخيانة & سرقة & بلاوى متلتلة يسلام سلم . ومع شوية مرض يخلوه من أسد إلى نعامة ومن غليظ القلب فج اللسان إلى رقيق المشاعر وسلاسل ذهبية كلامه وعلشان كده عرفت السر فى حديث ربنا القدسى سبحانه وتعالى يوم القيامة يعاتب عبده قائلا له { عبدى طلبتك لزيارتى فلم تزرنى قال يارب كيف أزورك وأنت رب العالمين ، قال أما علمت أن فلان مريض لو زرته لوجدتنى عنده }. وعلشان ربنا عنده وعلشان هو بيكون مسكين ذليل ضعيف قلبل الحيلة قصير التيلة . تعالوا أحكيلكم على اللى جرالى وشوفته وأنا مريض الدنيا عندى ولاتساوى ولا أفتكرت إنى رومنسى ولاعاطفى ولا عاوز أتعشى ولا حتى أشرب ميه ولون الغرفة بقى نفس لون المدام والعيال ولا أرى أى لون غير خيوط متداخلة فى بعض تتراقص فى ناظرى تهز جسدى كأنى مصفاة غلال تدور يمنة ويسرة منخفضة تارة ومرتفعة أخرى فتتساقط الحبيبات الصغيرة والزوائد هكذا كانت رأسى يضربها الصداع القاتل ورأيتنى وأنا على سريرى وكأنى أمتطى زورق تتخطفه الأمواج العالية المتلاحقة مع أى حركة منى تسافر رأسى أعالى السماء ويهوى جسدى إلى سابع أراضين ، لاأستطيع وضع دماغى على المخدة ولا أقدر على الجلوس تمر الدقيقة وكأنها دهر طويل ليلة لا فجرلها كم أنا ذليل حقير ضعيف لاحول لى ولاقوة ومع هذايان لسانى وتمتمتى الغير مسموعة وقولى الغير واضح المعانى لسان حالى أناجى الرب الكريم الشافى ضعيفك يارب انا ذنوبى كثيرة أغفرها لى وأوعدك أنى إليك تائب تتساقط قطراتى وعبراتى وتختلط همساتى بأمنياتى ماأعظمه هذا الشعور وما أثقله وماأمره لاتستطيع له وصف هو فقط أننى ضعيف ذليل وأشعرأنى لاقيمة لى ولاأساوى جناح بعوضة . فهل لى ولكم أن نتذكر الله ونحمده على نعمائه وألائه ونتوب عن المعاصى ونتذكرقدرة الله علينا اللهم أشفنى وأشفى كل مريض مع تحيات أخوكم رفعت

[نجم وزهره ومسافات فراق]

منتظر ايه ياعم رفعت والامور اصبحت بالظبط شكل طبق السلاطه
اختلط كل شيئ مع أي شيئ وفي أي شيئ
مفيش قيم
مفيش ذوق عام
مفيش احترام الصغير للكبير
ومفيش تقدير وخوف من الكبير على الصغير
منتظر ايه ياعم رفعت في مجتمع بيستعرض عضلاتوا في الغلط !
من بعد عن ربنا
من تفكك اسري
من انهيار اخلاقي
من تدهور مستمر في كل شيئ او اغلب الاشياء حوالينا
احوال اصبح لا يعلم مداها الا المولى تبارك وتعالى
وربنا يستر على الجميع
اشكرك لموضوعك المهم

[Words Whisper]

نعم الله علينا هي كرم منه
تستحق أن نشكر عليها ونحمد
لاأن نستخدمها في معصية من وهبنا إياها كرما ..


اللهم وفقنا لاستخدام نعمك فيما يرضيك .. آميــــــــن ..


طرح راقٍ
شاكرة لحضرتك ..
دمت بخير ..

[العاشق الذى لم يتب]

اقتباس المشاركة الأصلية كتبت بواسطة نجم وزهره ومسافات فراق منتظر ايه ياعم رفعت والامور اصبحت بالظبط شكل طبق السلاطه اختلط كل شيئ مع أي شيئ وفي أي شيئ مفيش قيم مفيش ذوق عام مفيش احترام الصغير للكبير ومفيش تقدير وخوف من الكبير على الصغير منتظر ايه ياعم رفعت في مجتمع بيستعرض عضلاتوا في الغلط ! من بعد عن ربنا من تفكك اسري من انهيار اخلاقي من تدهور مستمر في كل شيئ او اغلب الاشياء حوالينا احوال اصبح لا يعلم مداها الا المولى تبارك وتعالى وربنا يستر على الجميع اشكرك لموضوعك المهم

المسئولية تقع على الجميع
وكل واحدفينا لابد له ان يبدأ الإصلاح من نفسه
وبالعمل والامل فى الله سبحانه تسير الامور
شكرا لك اخى ادهم شرفتنى ونورتنى
مودتى

[العاشق الذى لم يتب]

اقتباس المشاركة الأصلية كتبت بواسطة words whisper نعم الله علينا هي كرم منه تستحق أن نشكر عليها ونحمد لاأن نستخدمها في معصية من وهبنا إياها كرما .. اللهم وفقنا لاستخدام نعمك فيما يرضيك .. آميــــــــن .. طرح راقٍ شاكرة لحضرتك .. دمت بخير ..

أشكرك أختى دكتورة اسماء
عظيم دلائل طرحك ينير دربى
وردك المستنير يريح قلبى
لاحرمنا من جميل مشورتك وحلولك
بارك الله فيك
واسعدنى المرور
مودتى