احاسيس حالمة ..متجدد لأقلامكم الحصرية ديوان خاص ببنات مصر

[ابتسامة الزهر]

جعلتك فى القلب ملكا
وكتبتك فى الشعر حبا
ورتلت اغنياتى باسمك
ورسمتك حرفا على الجبين
يضىء دربى
ينمو بداخلى
يشعل اشواقى
يجدد ذكرياتى
وكان العشق قدرا على قلبى
ولكنه الفراق القاسى
فهل للفراق من دواء ؟

[ابتسامة الزهر]

جُرح القلب واصبح حزينا
وسال الدمع من عينا تبكى
على حبً ينساب من الفؤاد
وظننته سيمتد حتى شاطىء الامل
اردت ان اعزف لحن الحب
لكن تاهت من ذاكرتى نوتات العشق
واحتلت جوارحى سيمفونيات الشوق
حطام نبضى ينتشى الامل
ارتشفت الحزن
والتحفتُ ستائر الوجع
حتى بت ُ فى مداد عتمة لا تنتهى

[ابتسامة الزهر]

اه يابلد ياللى الوزن فيكى اتقلب
حتت مغنى بصوت غريب
لكن عليه الطلب
ولاعب عبيط ياخد فلوس ويتغلب
واللى اتغلب هو الفقير اللى اتغلب
راضى وساكت باللى انكتب
اه يابلد انتى السبب
فيكى العجب !!

[ابتسامة الزهر]

نفسي أقعد جنب منك
نفسي أقولك كلمتين
متطاطيش للريح تعدى
وأوعي تهرب من السنين
قوم وحارب الحية
أوعى تستسلم حزين
هى يابني عيشه واحده
مش حنعيش مرتين
يبقى لازم تبنى اسمك فى الحياة
تبقى سابق خطوتين
ولو قابلت الحب تاني
أوعى تهرب من العنين
أه صحيح الحب جارح
بس اجمل منه مين

[ابتسامة الزهر]

أما احب معرفش أكتب أى حاجة
وأما أنجرح أبقى بحب الكتابة
وأبقى حاسة أن جرحي
هو فرحي هو ألهامي للكتابة
والاجابة اللى جوايا
أن حزني بيكون زى السحابة
لما تيجى بيتمطر جوا قلبي
وتكبر زى الزرع الكتابة

[ابتسامة الزهر]

عمرك فى يوم ما ها تعرف
انى أنكسرت
او حتي أني ف يوم خسرت
وعشان بحبك بعترف أنى انسحبت
ومتسألنيش أزاى قدرت
ومتسألنيش أزاى بعدت
أنا .. اعيش لحبك
لكن بجرحك مقدرش اعيش

[ابتسامة الزهر]

وحشني صوتك
ومن بعيد بسأل عليك
فاكرني ولا خلاص نسيت
أيدى بتحلم تلمس أيديك
تجرى عليك تحضن عنيك
خسرتك زى ما خسرت قلبى
قلبي اللي هيموت عليك
خليك فاكر بأنى كنت حلمك
اللى ضاع من بين ايديك
خليني ذكري حلوة ف حياتك
راح تفتكرها لما تجيك

[فتحى عيسى]

لا والف لا حزينة للشموع اللي بتضوي عمر الطريق
للدموع اللي بتدي من غلاها للبعيد وللقريب وللصديق
لا حزينة مش لأن العطف جهل أو جريمة
لا حزينة مش لأن العاطي أرتكب الرذيلة
لا عشان القلوب الطيبة وجعها بيبقي زيادة
وحسرتها بتبقي أقوي وسكرها تمللي سادة
وفي عز محنتها راضية مش ندمانة

[فتحى عيسى]

رغم الثقة بالله وفي جموع شعبنا العظيم
يظل الخوف قائم من إهدار نقطة دم
علي أرضها الطاهرة
أحميها يارب العباد
سدد خطاها
وأنصرها علي القوم الظالمين

[ابتسامة الزهر]

مصر هى الام الحنون
افديها بروحى ودمى
مذكورة فى القرأن
حافظها الرحمن من شر
الحاقدين الظالمين الجاحدين
ترابك هو كحل للعين
ونيلك تبر يسرى
ليروى قلوبا تعشقك