حينمايكون القدر

[العاشق الذى لم يتب]

نحن نحلم بمحد أمة وسوف نبنى هذا المجد هذه كانت بعض من كلمات الزعيم خالد الذكر جمال عبد الناصر. بالرغم من تحفظى على بعض أفعاله وتصرفته وتسرعاته وأخطاء قرارته. إلا أنه كانت له مواقف حكيمة وحاسمة وقرارات قوية ومفيدة. الله يرحمه أذكروا محاسن موتاكم وبمناسبة المحاسن الله يحسن إليكم ويرضيكم قولوا آمين مرة كنت أستمع لأحدى حلقات شيخنا الشعراوى رحمه الله ، كان يتحدث عن جمال عبدالناصر وشدد بعض الشيئ عليه ونقده وفى الحلقة التالية أستمعته أى شيخنا وهو يقول كنت تحدثت عن عبدالناصر فى الحلقة الفائته وأنتقدته بشدة فجاءنى عبدالناصر فى المنام وقال لى (ياصاحب الفضيلة لاتحكم على الناس بالظواهر).وأنا وأمامكم وكما ذكرته أمامكم أقدم عذرى لعبد الناصر وأستغفر الله لذنبى . فقط مجرد تذكير. نروح لمقولته نحن نحلم بمجدأمةوسوف نحقق هذا المجد . أترانا يازعيمنا نحلم بما حلمت به وهل الآن فينا من يستطيع تحقيقه؟ أننى آمل فى الله وحده: من كام ليلة ماجنيش نوم من اللى بشوفه كل يوم وادعى وأنادى يارب مايدوم .حوش ياحى ياقيوم. مصر سماها ملبدة بالغيوم وناسها عايشه فى غم ونكد وهموم وسياسييها عايمين فى الهرج والمرج عوم وقنوات قالواعليها فضائية وهى أصلها فضحية وناشطين سياسين متحدثين ومشدقين وهمَ أصلهم بياعين بصل وتوم وهات ياردح وسب وشتم وتشكيك بالكوم شوفتوا أزاى ماجنيش نوم رحت لجدو عوضين أشكيلومن اللى الجارى واللى حاصل من اللى فيه مصر كل يوم ياجدوتعبت مش عارف أصدق مين ولا مين دا أبو خليل ودا أبو دوم ودا يقول أنااللى صح ودا يقول أنا معاى حق والتانى هو ملوم . قلى ياولدى ماتتعبشى روحك نظف قلبك قبل الهدوم وشوف عيالك ياكلوا الأكل بقى معدوم وقول يارب هات الفرج وخليك معاه هو وحده كريم معصوم ونادى وقال يابهانة غطينى وصوتى خلاص العمر بقى كام يوم. ليك يامصر ربى الكريم أدعوك ياحى ياقيوم أرفع عنها كل كرب وعليك بمن أرادها سوء إنك به عليم وأنت أحكم الحاكمين.

[العاشق الذى لم يتب]

أخوانى أولاد مصر الطيبين السلام عليكم ورحمة الله وبركاته وتحياتى ليكم وسلاماتى وكمان من قلبى ليكم دعواتى: ونرطب ألستنا بذكرالله لأنه عارف نيتكم ونياتى ونقول اللهم صلى وسلم وبارك على الحبيب الشفيع وآله وصحبه أصحاب رجولة وشهاماتى وبعـــــــــــــــــــــــــــــــــــــــــد طبعا اللى حاصل فى مصر الأيام دى لا يرضى عدو ولا حبيب مع انه العدوين فرحنين وشمتنين ويزغردواوبيرقصواومستنيين خرابها وكل ماتشعلل يقولوا خلاص هانت باقى كام يوم واتولع. وتعالوا نشوف الحكاية إيه وده طبعا من وجهة نظرى المتواضعة والغير متخصصة وأكيد لا قيمة لها ولكن أدينا بندردش ماهو دلوقتى السياسة هى الدكان اللى بضعته بتتباع من غيرها وكمان كتر الهم بيعلم البكا حتى النساوين ربنا يخليهم لينا بطلوا يروحوا الكوافير وكمان أضربوا على المحشى والفتة وهات يارغى فى السياسة . واطورت الحكاية لما وصلت أنه الأستاذة نفيسة مرات صحبى عبدالمبدى تخانقت وياه بسبب السياسة وراحت شتماه وكانت مسكة الحلة فى أيدها وهبدده بيها جات فى وشه خرشمتله منخيره واتغاظ وحلف بالتلاتة لتروحى بيت أبوكِ وأنت طالق. وعلشان كده أنا كمان أتغظت وجيت أفش قهرى وأقول. مين هم المعارضين ومين هم المؤيدين شوفوا ياجماعة وبكل صراحة لوكل واحد فكر شوية وسأل نفسه هو ليه بيعملواكده المعارضين تعالوا نشوف الحكاية طبعا أحنا فضلنا أربعين سنة تهيمن على مجتمعنا فكرة العالمنية الغربية ودى مدة مش قصيرة يعنى معظم العايشين حاليا اتولدوا وتربوا عليها أقصد تفكير العالمنية الغربية والعالمنية فى المقام الأول فكرتها تقوم على الأنحلال والأنحطاط الأخلاقى بمعنى الراجل من دول مش مهم يشوف المدام ولا بنات حضرته متبرجين وماشيين ع حل شعرهم وهذا ليس عيب فى أعرافهم . وع سبيل المثال : المخرج الفاضل بتاع دكانة ؟ والله نسيت دكانة مين هو أسمه خالد؟ وفى حوار ومسجل وأعتقد كل الناس سمعته وشافته :سألته المذيعة ممكن بنتك تسمح ليها تحب واحد وتمشى معاه زى مابتعمل فى أفلامك؟ قال : هى حرة تعمل اللى عيزاه البنت أبوها مسئول عنها وهى صغيرة ولمّا تبلغ وتصل سن النضج والمعرفة تقرر وتفعل ماتراه مناسب لها. وقس ع ذلك فى باقى مناحى حياتهم. وبناءا عليه حضراتهم لمّا شافوا الدولة بتتجه نحوالإسلام أصابهم الذعر. وتعالوا نشوف الصحافية المشهورة وبدون ذكر أسماء الستات ع شان أنا بعزهم جدا ومش عاوزهم يزعلوا وكان الحوار برضو مذاع وع الهوا وسألت ليه مش عايزين حكم الأخوان قالت وبالحرف الواحد : أنا مش عايزة واحد يقولى ألبسى إيه وماتلبسيش إيه وغطى راسك وماتكليش ده وكلى ده ده كان عينه بس حبيت أفكر حضراتكم بها وهذا النمط هو تقريب حوالى من تسعين فى المية ممن تراهم الآن معرضين وحاملين رايات يسقط يسقط حكم المرشد ونروح للعشرة فى المية اللى باقية واللى أسمهم النخبة ومؤسسين أحزاب وأصحاب قنوات ورجال أعمال ومذيعين وناشطين وكتاب وفنانين وحاجات كتير آوى آوى آوى دول مالهم ياعم : أفكر سيادتكم :لو أنه واحد بينافسك ع رئاسة المنصب أى كان مهنتك بزمتك مش هتطلع فيه ميت قط فاطس وادور فى عيوبه واتنتهز الفرصة وتشوف بس غلطة عليه وتقوم وتألف وتخرج وتنتج وتوزع وتجيب مختصين ع شان المنافس يروح فى ستين داهية ويخلالك الجو وتقول الليلة هناكل الجو والدنيا هاتحلو والله والذى نفسى بيده ولا تحتاج لحلفان وأنتوا عارفين هؤلاء جميعم متغظين ومقهورين ع شان ماخدوش كرسى الرئاسة وفيه واحد ماخدش غير صوت واحد كان بتاع بنت خالته تراه الآن زعيم المتحدثين والمتشدقين واللى كان بيبرطع فى الأموال وصاحب المنصب والجاه مش خايف حد يقوله منين جبت المال ياواد أبوخلخال وفين حق الدولة ياأبو عبد العال ليه مايصرفوش شوية ملايين من المسروقين ويدوهم للشباب والزلنطحية اللى مامعهمش شغلانة وتعالوا نضيفوكم ونأكلوكم ونجيبلكم بطاطين جلد القرد ونغطيكم بس خليكم مرابطين ومبيتين فى الخيم ومغنيين نشيد يسقط يسقط واحنا نمسك وأنا أقول والله شهيد ع قولى مافيهم واحد عاوز غير مصلحته وبس ولا تقول دستور ياأهل البيت ولا حرية ولا حقوق القطط ولا الكلاب ولا الأقليات ولا العشويات أنا الريس ومعاى أهلى وعشيرتى وفصيلتى قاعدين ومبسوطين ومهيصين ليه يجى أبو لحية محمدين ويجيب معاه حسنين ويتحكموفينا خلاصت القول العالمنيين بيغلب علهم الحرية المطلقة وحب المصلحة ونروح لحبايبنا : وأسأل : هل من المعقول واحد كان بينهان وبيتضرب وبيتحبس ويتحلق له شنبه قصدى لحيته ويصادر ماله وممنوع هو المدام المنقبة يدخلوأماكن عامة ومحذورين من الدخول فى المناصب وكمان ممنوع من تاسيس أحزاب بل ممنوع من أظهار أسمه وهويته وكل مايروح يصلى الفجر يخدوه ويربطوه ويجروه فى أنصاص الليالى وهو لابس قميص النوم وع القسم يودوه وهناك يسيبوه ولا يسألوه إلا بعد ماينفخوه ويأدبوه ويعتقلوه و30سنة يضيفوه ومن مراته وعياله يشردوه . هل من المعقول بعد ما ربنا فتح عليه وبقى هو السيد ويصول ويجول وفى حرية يصلى ويقول يارب بجاه وجهك وبجاه الرسول أحمدك ع اللحمة بدل الفول بزمتكم مستكترين عليه يقول ع الحرمية فلول؟ ومش عايزينه يهتف وينادى يأغلى البلاد يابلادى وطبعا مش معقول يبقى فى أيده الحكم ويتنازل ويسلم لشفيق ويقول داأنا كنت بحلم ولازم أفيق وع شان كده ياأحبابى الموضوع خلافات ع الصلطة والسلطة والمناصب والفلوس وع شبع النفوس وفى الآخر أقول: طول مافى معارضة بس تكون ع حق يبقى فيه رئيس ع حق وحكومة ع الخط المستقيم وإن شاء الله لا تنزعجوا ولا تزعلوا مصر بخير وأهلها بخير وفيها الطيبين كتير وولاد الحلال كتير وفيه ربك كريم وهو اللى بأيده مقاليد الحكم وهو عارف مين يحكم ومين يصدر قرارات ولأن الأمر بيده من قبل ومن بعد ماعلينا غير نسلم أمرنا ليه ونهتف وننادى ونقول يااااااااااااااااااااااااااااااااارب حوش عن مصرنا كل ضار وكل منافق وجبار وآتى بالفرج ياعزيز ياغفار وخلى أملك فيه ومن توكل على الله فهو حسبه والسلام عليكم ورحمة الله

[العاشق الذى لم يتب]

أحبائى السلام عليكم ورحمة الله ونرطب ألستنا بذكرالله ونقول سبحانه وحده له الملك والأمر من قبل ومن بعد ونصلى ونسلم ونبارك على خير الأنام وآله الكرام وبعـــــــــــــــــــــــــــــــــد قبل ما نحكى عن اللى حاصل فى مصر ودا طبعا الكلام فيه يطول ويطول وياما تكلموا قبلى كتير وياما يتكلموا بعدى كتير الناظر فى أحوال بلدنا وأحوال الناس كلها يستنتج الآتى أولا: كل الناس بلا إستثناء أصحوا سياسيين ومثقفين ومحليين ماأكثر الصفات الآتية: ناشط سياسى ، محلل سياسى ، خبير أستراتيجى سياسى رئيس قسم الزعبلة فى جريدة والله ماواقف على حد السياسى وعمى الحاج أبو شملول المتحدث الرسمى للفلاحين السياسى والأستاذ والناقد الرياضى شبر ونص المتحدث الرسمى لرابطة المشجعين لفريق أهل الفسق السياسى وزعيم المخربين لحركة ستين فى سبعين والمتحدث الرسمى لرابطة (هافضح مصر) السياسى وفاقد نص لسانه ومشلول كيانه جدنا أبو زلبطة والمتحدث الرسمى لحركة العجزة والمشلولين لشعب مصر السياسى والأستاذة ناكشه شعرها والخالعة ضرسها والمتحدثة الرسمية لرابطة نسوان مصر الثقافية والناشطة السياسية. وكما يسعدنا يكون معانا أصغر ناشط سياسى وله دور بارز فى تعبئة زجاج الملوتوف وتكسير أرصفة الشوارع وعنده قدرة لحشد الأطفال وتهريبهم من الدراسة وفتح أبواب الملاجئ وتجميعهم وحملهم فى اتوبيسات على حسابه ونقلهم إلى مقر وزارة الداخلية وقد صرف على أكلهم وشربهم أكثر من 50 مليون صفروت مصرى وجدير بالذكر وقبل ما أنسى وأبخس هذا العملاق الصغير حقه قد أستورد صواريخ وشماريخ من الصين والهند ودولة ماليش أسم وبنادق وذخيرة آلية حديثة الصنع وسهلة الأستعمال لا تحتاج لأى مجهود فى أستعمالها من (البدارى)وأيضا على حسابه معانا ومعاكم الطفل المشرد اللى أبوه طلق أمه وأمه رمته فى ملجأ الأستاذة مش لاقيه حد يحكمها :أهلا بيك معانا وشرفت قناة الوسخين لتقبلك الدعوة الواد سلنكح وكما لا يفوتنى أن أذكر الناشط السياسى الكبير والمتحدث الرسمى بأسم حزب خرابك يامصر وكان له دور فعّال فى توحد وتجميع كل أحزاب مصر وجمعهم على كلمة سواء وقد أتحدوا وتعاهدوا وأقسموا يمين الولاء وخائن فاسق مجرم من يخون العهد والذى من خلاله أتخذوا قرارات حاسمة ومهمة فى هذه الظروف الصعبة والتى تمر بها مصر مصر التى إذا حام فى سمائها غراب أو أبو قردان أثر ذلك الطيران فى جوها على سماء الوطن العربى الكبير وتأثرت شعوبها كاملة بظروف ومهالك لا يعلم مداها إلأا الله حتى أن شبابهم اللى خاطب فتيات عانسات سابها تعنس فى بيت أبوها وكل راجل مجوز وحده ماطلعا عينه قرر يطلقها ناهيك عن عدم وجود( مندى) فى دول الخليج العربى ودا طبعا هيأثر على مزاج البطون وكما أنه لا يوجد فى الشام (حلو ولا قمردين ) بالإضافة أنه سيكون أنعدام تام لوجود( كسكسى) فى المغرب العربى وسيشرد الشعب السودانى الشقيق وكل زول هناك هيقول ( أنا هاسس إنى وهدانى ) فمن أجل هذا وذاك أستضفنا أكبرناشط سياسى ومفجر بركان لمّو واجمعوا بعض واحتلوالميادين فى انحاء مصر من أجل أسقاط مصر معانا ومعاكم البروفيسير الدكتور حالق حاواجبه.المتحدث الرسمى بإسم الحزب يسلام يأهل مصر مشاء الله عليكم كلكم آصدى كلنا أصبحنا محليين الله يرحم زمان أمى كانت تفضل تحلل دقيق لوحديها لمّا لونها يصبح أبيض من الدقيق وهى تصرخ وتقول آطيعة تاخد الأكل واللى هايكلوه وأنا ياأمى هقول آطيعة تاخد المحليين واللى هيحللوه . يانس حرام عليكم سيبوا الناس تشتغل شوية ياناس صبرنا أعوام من غير عدد وإحنا محرومين من كل شيئ مش بس العيش ولا الحرية ولا الكرامة الإنسانية دا إحنا كنا محرومين من أننا نتكلم فى سيرة ليه الفول مسوس والزيت لونه أسود كزيوت المكينات المحروقة ممنوع تتكلم أنت والمدام وتقولها بحبك يابنت الإيه لحسن يسمعك أمن الدولة ويعتقلك أنت وهى ويحرر لك محضر على أنقلاب الدولة على محكومها كنت زمان أخاف أقول ربنا ينتقم منكم ياظلمة لحسن يفكروا أننى بادعو عليهم وإحنا النهرده ومن أفواه الصبية والمجانيين وبأعلى أصوتنا نصرخ ونقول يسقط يسقط مرسى أحمدوه وأستغفروه ونادوه يحوش عن مصرنا أم دمنا ولحمنا يارب ياأكرم من سأل وياأجود من أعطى ياعالم السر علم اليقين وياكاشف الضر عن البائسين أرحم مصرنا وهيئ لها البطانة الصالحة وولى أمرنا لمن يتقيك فينا اللهم عليك بمن أراد لها سوءا أن تجعل كيده فى نحره وتدميره فى تدبيره اللهم إنك ولى ذلك والقادر عليه وحمدلله وصلاة وسلاما على عبده النبى محمد والسلام علكم ورحمة الله أخوكم رفعت

[العاشق الذى لم يتب]

من فضلك لا تفكرنى بأيام زمان أيام لا أعادها الله حرمان وجوع وعرى محروم حتى من حنان أمى وود أبى أخوتى الذكور مجرد مأسير أمامهم يتملكهم الغيظ يحمرّ جبينهم وتنتفخ عروق رقابهم وأكنها عرف ديك يصيح يلتفتون إلى الجهة المعاكسة عكس مكان سيرى أن سألهم أحد الغرباء عنى قالوا لا نعرفه إن رؤوا عيالى ينهروهم يضربونهم يطردونهم لا يريدون أى شيئ من ريحتى الأهل والجيران تناسوا من هو أنا الذى من جلدتهم ومن صلب أجدادهم لا قريب يواسينى فى مصيبة ألمّت بى مرضت وذاع خبر قرب وفاتى لا عيادة ولا زيارة لا أحد يطرق بابى منبوذ منبوذ منبوذ ياولدى مطرود مطرود مطرود ياكبدى تعيس مهموم من وصل بيتى محزون مكروب من سارفى دربى سيموت الفجأة من يدنو منى يعاقب بالجلد من كلمنى مجنون معتوه يوصف من صاحبنى أبكى أنوح أصرخ أعوى من ذاك الذى يسمعنى أنا لا شيئ لا وجود لا حياة مجرم لص فحّاش لعّان أنا الفقير ؟؟؟؟ لا صفة لى ولا معنى لا شيئ تبقٌََى من أنسانيتى { الدنيا إن أقبلت باض الحمام على الوتد وإن أدبرت بال الحمار على الأسد} { الدنيا إن أعطتك وهبتك محاسن غيرك وإن منعتك سلبتك محاسن نفسك} يمشى الفقير وكل شيئ ضده يرى العداوة ولا يرى أسبابها وتراه ممقوتا والناس قد غلقت من دونه أبوابها حتى الكلاب إن رأته نبحت عليه وكشرت أنيابها ورجل الغنى إن مشى حنت إليه وطأطأت أذنابها رأيت الناس إلى من عنده مال إليه قد مالوا وإلى من ليس له مال عنه قد مالوا ورأيت الناس إلى من عنده ذهب إليه الناس قد ذهبوا وإلى من ليس له ذهب عنه قد ذهبوا هكذا كانت أيام زمان أمــــــــــــــــــــــا الآن أنا الذى أركب الفاخرة وسائق يرتدى ناظرة وثياب من فرنسا وأنجلترا وسهام فى البرصة متنوعة متكررة لا يهمنى إن كسبت أو كانت خاسرة أنا الذى يجلسنى مدير البنك بجوار الخازنة أنا عندى عمال هنود وصنيون وكوريون متخصصون ماهرة أنا عندى مضيفة عامرة فيها خدم للنظافة والطاهية ذاك آتٍ وكثير ذاهبة وتلك الوجوه التى كانت عابسة جاءتنى ضاحكة مستبشرة وفى كل ليلة أنام سعيد بالساهرة وزوجاتى الأربع يخاطبننى بأصوات خافتة حانية ماهرة وأمى تخبر عنى أنى أفضل من أنجبت بين أبناءها العاشرة وأبى يقول لى أنت الذى فى القلب وعلى الخاطرة يسلاااااااااااااام الله لا يعود تلك الأيام

[العاشق الذى لم يتب]

السلام عليكم يارب تكونوا كويسين شايف وششكم حمرة وده كويس معناه انكم معاكم فلوس ووكلين لحمة المهم ماأطولش عليكم وهاخش فى الموضوع على طول لأنه فيه قررات مهمة جدا وخبر عاجل لازم تعرفوه وهو أنى أنا العبد الفقير إلى الله بقيت صاحب المنتدى أزاى هقول أهو عاوزكم تصحصحوا وطأطأوا ودانكم معاى بعد الصلاة على النبى الموضوع كاالتالى من كام يوم كده المدام زى عادتها لما بتكون دباها كويس تروح فى سابع نومه وهات ياشخير حمدت أنا ربنا وقلت أهو فرصة قوم ياواد يارفعت أتصل على الموزة وربناكرمنى وكان معاى رصيد وهى فتحت على طول أزيك ياوزنى أهلا ياكلوتى وتبادلنا أطراف الحديث ووسطه وآخره ومنشكحين آخر أنشاح لقيت الموبايل بيرن رقم غريب وشغال رن ورا بعضه قلت أستنى ياوزنى أشوف مين بيرن قالت سييبك منه دا مافيش أحسن منى قلت صحيح ياموزنى عمرى مالقيت أحسن منك لفيت العالم كله روحت كللمبور ماقابلتنيش وحدة فى رزالتك قصدى فى طعامتك المهم فتحت عليه سمعت واحد متغاظ خالص وقال أزيك يارفعت أهلا وسهلا مين حضرتك أسمع وماتكترش معاى فى الرغى مش نافصك أنا جيلك فى السكة وراح قافل الموبايل فى وشى الحمدلله الخبطة جات فى منخيرى خفيفة وقلت إيه ياربى ده هو يعنى مكتوب علىّ العكننة ولسه بفكر فى الموضوع ولقيت الباب هات يارزع فنحت بسرعة لقيت واحد بلحية طويلة ومناخير كبيرة وجلبية قصيرة عريض المنكبين عريض المنخرين مشرأب العنق غدنفر وباين عليه الفضب السلام عليكم وعليكم السلام مين نتشرف بيك قال أنا الحب االصامت لسه مكلمك هو حضرتك لحقت توصل بالسرعة دى وازاى عرفت البيت أنت يارفعت فيك سر كبير وعلشان كده أنا توبت على أيديك آه صحيح إيه حكاية اللحية دى دا أنا عرف عدوك اللدود أنت وطارق اللحية والاخوان لدرجة طارق قال كل واحد لحيته معفنه عامل فيها سبع البرمبة وأنت كمان مسمى روحك الحب الصامت أفهم أنا أزاى يعنى صامت بتحب من سكات ولا بتحبها من تحت لتحت يعنى ميه من تحت تبن فهمنى داأنا لما حبيت كنت ماشى فى أنصاص الليالى واشتغلت مسحراتى وأخبط على البيوت وأقول أصحى يانايم وحد الدايم رفعت بقى فى الحب غارق وعايم وكمان أيه الأسامى الغريبة اللى فى المنتدى قال وحدة مسمية نفسها دمعة حايرة عمرك شوفت الدموع حيرانة وكمان ساحر الأحزان هو الحزن بيتسحر واللى أسمه ملك جبال الأحزان ملك مين وجبل مين ياعم وكمان وحدة مفعوصة لسه فى أولى أعدادى واتقول جرحك علمنى أعيش والخيبة الكبيرة واحد مسمى نفسه حابس أبليس فى الكيس وكمان الأغرب وحدة أسمها عاشقة الهدوء وهى مشطونة المنتدى والله حاجة غريبة بذمتك شوفت وحدة سمت نفسها توحد عمرك شوفت حد متوحد أبدا وجبل عالى وطيش طفشتونا ياناس ياراجل حتى الورد خلتوه كره نفسه الورد المسكين بقى أحلام وبقى ألحان وأيتسامة الورد وزهرة الياسمين وكله كوم ونفرتيتى كوم تانى وكبرياء رجل ومارش وكرشو وقانون ومش قانون قال حضرته بس خلاص ماهو علشان كده أنا قررت أبيع المنتدى وأستريح من الأسامى دى خالص ولسه هسأله تبيع ليه وقدام البيت شجرة ولقيته قام واقف وبسرعة طلع مسدس وطخ أستغربت فيه أيه ياصامت خليك صامت زى ماأنت قال قلة أدب وقدامنا كمان قلة أدب أزاى ياهيثم قال أنت مش شايف العصفورة قليلة الأدب دى بتبوس عشيقها ودى صورتهم وهم متلبسين شوفوا يعنى صورتهم فى آخر قبلة قبل الرحيل المهم قلت وليه هتبيعه وفين طارق قال طارق أختفى علشان راح فى بعثة دولة سرابيون وخلع أسنانهم كلها وسابهم هتم وفلسع ومش عارفين ياكلوا غير الزبادى ولطش 70 مليار وهرب فى أسبانيا وأنا ربنا كرمنى ومعاى كام مليار وجايلك تشوف لى وحدة صعيدية تكون لابسة شقة { وشقة دى لهجة بلدنا يعنى ملاية لف} وخلاص أنا توبت وهاعيش انا وهى لوحدينا بعيد عن البلاوى والبنات الحبيبة وشوية الشباب المفاعيص اللى فى المنتدى الحمد لله الصفقة تمت وأنا أخبركم بالتالى كل عضو يضع صورة البطاقة الشخصية مكان الصورة الرمزية علشان مايكونش عضو من الصومال وكاتب أنه من مصر وكمان يبقى البنت عندها سبعين سنة وكاتبة تاريخ ميلاد مزور ممايترتب عليه خدعة الناس العبيطة اللى زى كده وينخدع ويتجوزها ويكتشف أنها أكبرمن جدته وأى هضو كاتب أسمه أنجليزى يحوله ففورا بالعربى وحكاية أبتسام الورد ولا بكاه تتشال خالص ولاقوة أنثى ولا جبل ولاأخزان ولادمعة كل الحاجات دى لازم تتغير فورا وقدامكم لحد نهاية الاسبوع يلا مع السلامة

[العاشق الذى لم يتب]

بسم الله أخوانى وأخواتى سيداتى سادتى بتوع بنات مصر الأول أقول السلام عليكم ورحمة الله وبركاته وكمان أسلم عليكم وأخبركم بأنى بعزكم أوى وبحبكم أوى آه والله بحبكم كبيركم وصغيركم وصاحب منصب واللى خاوى على عروشه زيى كده. ووقبل الكلام عاووزكم تصلو على الحبيب وتهدوا أعصابكم علشان الربنامج فيه حاجات تنرفز ياإما من المذيع اللى هو أنا والعياذبالله من قولة أنا ياإما من الضيف وأشرح لكم ليه النرفذة منى ومن الضيف منى علشان أنا واد عاطفى جدا ورومنسى جدا يعنى لو الضيف دمعته نزلت قدامى ع طول أروح أنتحر. والنرفذة من الضيف علشان مقهور أو مقهورة لأنى هستضيف الجنسين مذكر ومأنث والمصيبة إيه هم الأثنين حالتهم وحدة يعنى مروا بنفس التجربة اللى هى أتفسخت خطوبتهم. سامحونى المقدمة طويلة حبتين علشان نعرف المشاهدين نوع البرنامج والقضية اللى بيناقشها. ومع أول ضيفة معاى ومعاكم مفسوخة فسخة مش على حد هى الأخت { منحوسة من يومى } ودى صورتها أهلا سهلا بيك منحوسة شرفتينى ونورت الربنامج مرحب بيك رمنسى رفعت أنا اللى تشرفت بيك نخش فى الموضوع على طول وأسألك بإعتبارك مريتى بالتجربة المريرة دى هى حكاية نسخ الخطوبة { قصدك فسخ الخطوبة } أيوة قصدى كده أصلى بينى وبينك نون النسوة مبهدلانى خالص ومسببالى عقدة فى كل مكان أروحه ليه كف الله الشر والله ياأختى من ساعة مازلطتنى أمى وأنا منحوس خالص منحوس مين إذا كنت أنا منحوسة من يومى وده أسمى تيجى أنت تلهف أسمى على الفاضى خلاص أنا مش هلهف أسمك ولاحاجة ياستى ماعندكيش فكرة دا أنا قريت فى كتاب { أعرف بختك } أن كل ألف شخص فيهم 3 بس مانحوسنش والباقى منحوس أبدا مافيش غيرى فى الدنيا منحوسة زيي يا أستاذة منحوسة إعتقادك خاطئ ومايصحش كده والله مادام قلت كده واتهمتنى بالخطأ من أولها لأنا واخدة نفسى وماشية وسيبالك الربنامج تخبط راسك فيه الأخت المنحوسة من يومها. مشيت طبعا لسه ماسألنهاش أى سؤال فى حكاية فسخ الخطوبة وإن شاء الله هجيبها واتحايل عليها علشان نعرف سر الفسيخ قصدى الفسخ يوه فسخ الخطوبة وألتقيكم بخير فى الحلقة الجاية كان معاكم أخوكم المذيع الرومنسى قصدى الفاشل رفعت والسلام عليكم ورحمة الله

[العاشق الذى لم يتب]

ج

1 بســـــــــــــــــــــــــــم اللـــــــــــــــــــــــــــه أحمدالله رب العالمين وأصلى وأسلم على خير الأنبياء والمرسلين وعلى آلــــــــــــــــــــه وصحبه أجمعــــــــــــــــــــــــــــين أمــــــــــــــا بعــــــــــــــــــد أعزائى الكرام السلام عليكم ورحمة الله وبركاته أستأذن حضراتكم أن أصطحبكم معى فى رحلة أسميتها { لاتقنطوا من رحمة الله } { ولكن } سويا نحيا لحظات نورانية نتعرف فيها كم هى عظيمة رحمة الله وكم هو جواد كريم يسألنى ساءل لماذا لاتكتب فى قسم الاسلاميات أقول والله المستعان ليس هنا أنا بناصح أمين أو شيخ عليم بعلوم الدين مكين وإنما هى مجرد خاطرة تجول فى وجدانى أستوقفتنى عندها عظيم جرمنا فى حق أنفسنا قبل أن نرتكب الجرم فى حق الغير نعم الذى يتأذى الناس من جرمه فهو مجرم فى حق نفسه حيث حقوق الآخرين لابد أن ترجع لأصحابها سواء فى الدنيا أو الآخرة وإنما يتبقى أثر الجرم على من أرتكبه فهو يوم القيامة من المفلسين . قال سيدسيدالبشر صلوات ربى عليه وسلامه { أتدرون من المفلس ؟ قالوا المفلس فينا من ليس لديه مال ولا متاع . قال : بل المفلس من جاء يوم القيامة وقد حج وصام وصلى وزكى ثم شتم هذا وسب هذا وظلم هذا فيأخذ كل منهم من حسناته فإذا فنيت حسناته طرحت عليه من سيئاتهم فدخل النار} أو كما قال عليه الصلاة والسلام. ومن أجل أن لانظلم أنفسنا وغيرنا تعالوا معى لنرى كيف هو كرم الله بنا وعلينا ألا نضر ونأذى النفس والغير ونبدأ بذكر حديث قدسى فيه تجليات رب غفور رحيم على عباده الغافلون والساهون يقول ربك ذوالجلال والإكرام. {{ عبدى من عدم أنشأتك وجعلت لك قرار فى بطن أمك وجعلت لك متكأين عن يمين ويسار أما الذى عن اليمن فهو الكبد وأما الذى عن الشمال فهو الطحال حتى إذا ماأكتملت مدتك أمرت الملك الموكل بالأرحام فأخرجك على أكف الراحة ليس لك أيدٍ بها تبطش وليس لك أرجل بها تمشى وليس لك أسنان بها تقطع وأخرجت لك من ثدى أمك لبنا سائغا شرابه حار فى الشتاء وبارد فى الصيف وألقيت محبتك فى قلب والديك فلا يشبعان حتى تشبع ولا ينامان حتى تنام فإذا أشتد عضتك ونما جسدك بارزتنى بالمعاصى فى خلوياتك ومع ذلك إن استغفرتنا غفرنا لك وإن طلبتنا وجدتنا} أنظر كيف هو كرم ربك الكريم المتعال وأنظر كيف الله حليم بعباده فلقد قال الرسول الكريم عليه الصلاة والسلام { إن الله أحن على عباده من الأم على ولدها} ولكن أخى وأختى هل تذكرت حينما أذنبت الذنب أن الله يراك ويسمعك هل علمت جينما سرقت حق الغير وأخذته وحرمت صاحبه منه كم تأذى وكم تألم وكم حزن وكم كانت حاجته لماله هل علمت أن المال الذى أخذت كان صاحبه ذاهبا لشترى به طعاما لفلذات أكباده وقد رجع إلى البيت وهو لا يحمل من الطعام شيئ وإنما عاد لزوجته وأبنائه ودمعه يجرى على خديه مهموم محزون مكروب باكٍ وقد أسودت الدنيا فى ناظره ورأى نفسه عاجزا لم يستطع أن يسكت صوت أبنائه وهم يبكون ويتألمون من شدة الجوع هل علمت أن الذى سرقت ماله كان ذاهبا لشترى دواءا لزوجته التى توها ولدت وهى تنزف دما وإلا لم تأخذ العلاج حالا فاضت روحها وتركت جنينها يصرخ من شدة الجوع. أيها السارق وأنت تتمتع بماسرقت وتمرح وتفرح وتتضحك هل علمت أن الذى سرقته بات باكٍ يصرخ ألما ووجعا وحرقة ولهفة على ماله الذى فقده وكم سهر الليالى وكم تغرب تاركا أهله وكم تحمل الألام والشدائد وحرم نفسه من أجل أن يعود بعد غربة ومعه طعام وكسوة أهله يامن أذنبت الذنب أما تستحى أن يراك ربك الغفور الرحيم وأنت ترجوه أن ينقذك من النار ويدخلك الجنة لماذا لاتتوب وترجع أخوتى فى الله حتى ألتقيكم فى الجزء الثانى أستودعكم من لاتضيع ودائعه على أمل اللقاء إن قدر الله لنا ذلك مع تحيات أخوكم رفعت

[العاشق الذى لم يتب]

بسم الله أزيكم ياحبايب مصر ماأتلش أدتنا أيه مصر أول هاندى أيه لمصر دى كانت أغنية للمرحومة مش عارف أيه التنوسية الله يرحمهابئا واحنا كمان وربنا يقدرنا وندى مصر ع العموم ده مش أصدى أتكلم فيه مع أنه أهم الكلام وخاصة اليومين دول كل واحد عاوز ينهب فى مصر ويسرق ويحرق ويكسر ويسب فيها وفى اللى خلفوها وهى ياعينى صابرة ومستحملة وبتبكى بدل الدموع دم بس من أصلها مش راضية تبين دمعتها يسلام عليك يامصر أد إيه أنت عظيمة وقلبك كبير ويشيل من الحبايب ملايين وملايين هى دى مصر طول عمرها خيرها ماينقص ابدا زى نيلها عمره ماخلى من ماءه العذب ربنايحميك ياأم الدنيا ويجعلك نبراس ونبع احساس وتاج على كل راس يفتخربيك كل الناس قولوا آمين نروح لموضوعنا معلهش سامحونى لحسن والله من كتر حزنى على أمى مصر بحس ساعات إنى جانى الزهيمر وبدل ماأتكلم فى موضوع ألاقى روحى شطحت ورحت لموضوع تانى حتى أم العيال لاحظت الحالة دى وقالت سلمتك يارفعت ياجوزى من يوم ثورة سناير وأنت حالك مش عجبنى أقولك هات ملخوية خضرة تجيبلى توم هندى . قلتلها يا مراتى ماأسمهاش ثورة سناير أسمها يناير قالت سناير ولافطاير أهو كله بيتاكل المهم أنت ياأبو العيال شيفاك اليومين دول لونك مصفر وجفنك محمر وبتنام لما تخمر ونفسك بقى مشخر وبتهلوس فى نومك وتقول أين المفر واسمعتك مرة بتغنى بموال حرامى قتل عسكر وتقوم من عز النوم متعكر وتقسم يمين لازم وبراس ابويا لأهد المقر مايكونش يارفعت حد حسدك وعليك أر ساعتها رجعتلى الذاكرة ومخى فى نفوخى استقر وقلت خلاص عقلى افتكر إنى جاى أقولكم أنه فيه عصابات بتدخل المنتديات وقبل ماأقولكم بيعملوا أيه خلينى أحكيلكم على اللى حصلى قبل مايشتغل الزهيمر من كام يون اتصل علىّ واحد صوته خشن أخشن من صوت المرحومة جموستنا وقال أسمع يارفعت إحنابنحذرك قريب جدا هنعمل فيك عمايل سودة زى الخروب وهنبهدلك آخر بهدلة كمافعل أمن الدولة مع أخوك أيوب قلت أنتوا مين وعرفتوا رقمى منين قالوا إحناعارفين كل حاجة عنك وهنسرقك يعنى هنسرقك قلت ياعم أنت غلطان داأناأنظف من الصينى بعدغسيله قال إحناعافرين هنسرق إيه المهم مااطولش على حضراتكم تانى يوم لقيتهم أولاد الهرمة دول دخلوا منتدى بنات مصر وعرفواأزاى الباسورد بتاعى وسرقو الأوسمة بتعتى بس طلع عندهم ذمة ورحمة شوية وخلوا 4 منهم بلغت الأخت حوراء بعدماتقدمت ببلاغ للسيد بانك كمون ولحد دلوقتى لا حوراء قدرت ترجعهم ولابنكمون قدر سألت ليه قالوا الحرامية طلبين 10مليار جوز حمام وإحنا الموسم ده أصاب الحمام حمى الإضراب ومارضيوش يبيضوا فأناياحبايب مصر بحذركم تخلوا بالكم من العصابة دى والسلام عليكم ورحمة الله مع تحيات أخوكم رفعت

[العاشق الذى لم يتب]

بيان هام رئاسة الجمهورية إنه فى يوم رياح الخماسين الموافق 43من شهر كان زمان لسنة كان نفسى تعلن رئاسة الجمهورية نتيجة الإنتخابات الرئيسية على حسب ماأعلنتها لجنة حبايبى ياغاليين المتخصة بإجراء الإنتخابات الرئيسية والتى أجريت فى الأسبوع المنشرم من شهر ماتسيبنيش أنا وحدى لسنة كان نفسى وبعد عملية الفرز المكارونية المصلصلة الحديثة وبرعاية اللجنة الكرونبية للأم المنشرخة وأيضا تحت رعاية جبهة السهرات المسطبية وبكل حيادية تامة وشفافة نظيفة أشتمتها جميع الأنوف العالمية وتذوقتها كثير من الأبواق الدولية وذلك على شاشات الطاسات السلستين والألمنيوم المطلية ولم يشوبها أى شائب سواء أثناء الحملة الدعائية المسعورة الشريفة أو أثناء إدلاء الناخبين بأصواتهم الخنجرية المبحوحة . وإيضا بعد الإنتهاء من نظر الطعون المطبوخة بالزيت الحار والقرنفلى والمقدمة من أقرب المرشحين المنافسين وهو السيد جوزرية وسكينة والذى حصل على نسبة 2.8اثنين وثمانية من عشرة من نسبة الأصوات الصحيحة للناخبين والناخبات والمصوتين والمصوتات . وبذلك يكون رئيسنا الحاصل على نسبة 97.2هو الرئيس الفائز والمنصب لرئاسة الجمهورية لمدة إنتهاء العالم القادمة هو السيد صاحب المقام العالى الدكتور / طارق صاحب أكبر منتديات فى الشرق الصعيدى والبحراوى وزعيم مخترعى سوس الضروس . والآن فيتفضل السيد الرئيس لإداء القسم الجمهورى : بسم اللــــــــــه الأخوة المتخاصمون أزيكم طبعا لسة مااتوحشتش حد لأنى كنت معاكم أمبارح من 700سنة بس أقسم بالله الذى جعل السوس يأكل الأسنان الضروس كماتأكل البرسيم الأبقار والجاموس أننى لم ولن أحب الإخوان سواء أبتسموا أو جاءوا بوجه عبوس . وأننى لن أكشر فى وجه من جاءنى يسعى لعضوية للمنتدى أياً كانت جبته سواء عوم أو غطوس أو صافحى باليد أو رمانى بالبوس وسأظل أدعم كل مواطن طالما يوجد فى فمه أسنان لأنه حتما مهما نظفها بمعجون سيأتى إلىّ مستغيوس طالبا خلعها وذاك يجر نفعا وهو الفلوس وأننى سأضرب بيد من حديد على كل من تسول له نفسه أن يشعل الفتنة فى المنتدى سواء عن تنظيم مسابقة بوسام أو حتى ضعف نفوس والله على ماأقول شهيد. والآن مع المتحدث الرسمى لرئاسة الجمهورية وهو { رفعت} يلقى عليكم تفاصيل خطتى والتى قد تعهدت بها أثناء حملتى الإنتخابية وأستأذنكم علشان أنا طالع دلوأتى حالا الطيارة مسافر إلى دولة {أولاد الفرطوس} أتصل علىّ جلالة الملك ساحر الأحزان وأخبرنى أن الدولة نزلت هاجمها السوس الموسمى الآتى من جنوب دولة الطاووس وتقريبا قضى على معظم أسنان الشعب فأنا ذاهب ألحق أخلع كام مليون ضرس وأعود لأكمل مشروع مش هسيبهم التنموى والسلام عليكم ورحمة الله. رفعــــــــــــــــــــــــت: سعيدة عليكم شوفوا أستأذنكم ماحدش يسقف أبدا ولايقاطعنى السيد الرئيس الدكتور طارق حفظه وطول عمره وعدنى بعد مايرجع من رحلته القومية من خليع الضروس أنه هيعطى كل عضو منكم نجمة بديل طويل علشان لماتكون مراته ضرباه بشلوت يقدر يخنق نفسه بيها وبكده يكون أستريح من قرفها هى واللى خلفوها. والحاجة التانية اللى عاوز أبلغكم بيها أن السيد الرئيس قرر مايكونش فيه أى حد من الوزراء راجل أبدا يعنى كل الوزراء نسوان وكلف الأخت الكبيرة والقديرة { دمعة حائرة} برئاسة مجلس الوزراء وأوصاها بتشكيل الوزراء وأشترط عليها مايكونش ولاوزيرة من قبلى يعنى جميع الوزات الأميرات الأمورات يكن كلهن من بحرى وده سببه أن نسبة المصوتات والاتى بلغت نسبة تصويتهم أعلى نسبة حصل عليها كانت من بحرى وهو عارف أن أهل قبلى كانوا واقفين مع المرشح المنافس له علشان كده قال لازم أوريهم العين الحمرة ولم يختار فى الحكومة أى حد من قبلى غير الرجل المتواضع اللى هو أنا وقال أنت تكون متحدث الرسمى لى وبكده نكون ضحكنا على الصعايدة ونقلهم فيه واحد منكم فى الرئاسة . وطبعا حفل التنصيب طول عليكم ودلوأتى تقدروا ترحوا تفشروا على نسوانكم شوية واتناموا بدرى علشان لازم عجلة الإنتاج تمشى وأشوفكم قريب لما أفوز بأول مليون ملطوش مع تحيات أخوكم رفعت

[العاشق الذى لم يتب]

بسم الله الإخوة المواطنون أحبتى أولاد مصر الطيبين السلام عليكم ورحمة الله (وماتشاءون إلا أن يشاء الله رب العالمين ) وماتوفيقى إلا بالله عليه توكلت وهو رب العرش العظيم) أقسم بالله أن أكون مخلصا لوطنى وأن أرعى مصالح الشعب ذكورهم ونسائهم كبيرهم وصغيرهم غنيهم وفقيرهم ، وأن لا أسمح أبدا لأى دولة مهما يكن شأنها ورفعتها أن تقيم على أرض الوطن قواعد عسكرية أو مصانع خمور ، أو جمعيات أهلية تنشر الفتنة والرذيلة فى المجتمع المصرى . أحبتى جميعا أشكركم جميعا من أعطانى صوته ومن صوت حزينا على نجاحى فالكل عندى سواء . أحبتى : لم أكن أنتوى أن أرشح نفسى على تلك المهمة الصعبة والمسئولية الثقيلة والتى تنوء بحملها أولى العزم من الرجال والجمال والجبال ، وإنما بناءا على رغبة المدام والعيال وكثير من الأهل والأحبة أللحوا وأصروا . وكذلك أرتأيت مايدعوا لذلك . فأقول أشهد الله وأشهدكم أنى سوف أكون مخلصا ووفيا فى أداء واجبى على أكمل وجه بالذى يرضى الله أولا ثم يرضيكم . وقبل أن أحدثكم عن برنامجى المستقبلى والذى أسميته مشروع التعلية . أعرونى قلوبكم وآذانكم لأذكركم ما آل إليه حال مصرنا الغالية والتى كانت على مر العصور والأزمنة تاجا على رؤوس العالمين ونبراسا وقدوة يحتزى بها أولى الألباب من البشر ، فلقد كانت مصر والتى كرمها الله فى قرآنه وأوصى بها سيد الخلق صلوات ربى عليه وسلامه كانت مقصدا للقاصى والدانِ يتجه إليها كل سكان البسيطة ، فكل ذو فاقة كان يأتى لمصرنا يحمل على دابته ما يقتاد به وعياله وللأسف الآن رأينا من أهل مصر مايحمل خيراتها ويهربها خارج الحدود بجرة قلم أو يدرولها فى حقيبة فى حسابات بنكية وكما تعلمون نحن الآن نستلف شوال دقيق . وكانت مصر بلد الأمن والآمان فمامن خائف إلا حط رحاله فى ديارنا فنام قرير العين شبعان . وفى هذا الظرف العصيب على مصرنا كان حتما علىّ أن أبدأ بأمور أراها بالأهمية بمكان أولها ومقدمة تلك الأهمية هو علاج الفقر وبحكم أننى أعيش على أرض مصر ورأيت بأم عينى المصاب بداء الفقر كيف يتألم ويتوجع حينما تأكل أمعائه الغليظة معدته الرقيقة ويأكل البرد جسده النحيف فكان واجبا وعلى وجه السرعة أن أعطى لكل مصاب منهم حقنة شرجية حتى تصل إلى أمعائه لتغسلها من درن الفقر الأبدى حقنة مليونية أى تحمل العديد من المليونيات أول مليون فهو مليون ملطوش يلطش بيه نفسه ومن ثم العيال وثانيها مليون بسمة وترحيب تحسسه أنه مصرى ولسه على قيد الحياة أما باقى المليونيات سوف أذيعها تباعا إن شاء الله . وثانى الأهميات هو أننى قررت إنشاء العديد من الوزارات والتى تخدم كافة المواطنين : الأولى وزارة الحبّيبة وهى معنية بحل جميع مشاكل الشباب والفتيات وهم لبنة المجتمع وعليهم تبنى الأمم وقد قال أبن خالتى الحكيم إذا الشباب نام قرير العين من الحبِ أستيقظ مبكرا للعمل يسعى كما الدبِ وسوف أختار لها وزيرا متخصص فى الرومنسيات والعاطفة يستطيع هو ومستشاريه المتخصصون فى القضاء على مشاكل هؤلاء الأعزاء . وكذلك أستحدثت وزارة الأرامل والمعوزات وهى متخصصة فى رعاية كل أرملة مصرية وتعول أطفال معوزين للكثير من النفقة البدنية كالأكل والملبس والمسكن وأيضا النفقة الحسية فكل طفل يتيم سوف أخصص له شهريا طن من الحنان بدلا من حنان أبيه الميت . ولا يفوتنى أنى جعلت وزارة مستقلة أسميتها وزارة المطلقين والمطلقات وهى وزارة لا تقل أهميتها عن السابقة فنحن كامجتمع مصرى أصبحنا نعانى من مشاكل الطلاق وخاصة فى الآونة الأخيرة جراء الإنفضاح العالمى والفضائيات العريانة والتى تعرض البذخ المادى وألا أخلاقيات وذلك تسبب فى المشاكل الأسرية وعلى إثرها كثرت حالات الطلاق والتطليق ، إذن لابد من الحل الناجع والتصدى لتلك الظاهرة . ولا يفوتنى المشاكل الأقل درجة فلقد أعددت لها أيضا وزارة أطلقت عليها وزارة المضروبين والمضروبات وستكون لها مهام متعددة تنبسق منها أفرع تغطى أنحاء الجمهورية فكل مضروب من زوجته فليتقدم على أسرع وجه إلى تلك الوزارة ومعه مايثبت ذلك من آثار كدمات ولطشات ودم يغطى وجهه وباقى أنحاء جسده وستقوم الوزارة بعمل اللازم فى منتهى السرعة وكذلك الزوجة . وأيضا من الوزارات المهمة ضمن مشروع التعلية أنشأت وزارة جديدة أسمها وزارة المعاكسين والمتحرشين وأخترت لها وزيرا كفؤ متخصص فى حركات أولاد الإيه وسأجعل له فى كل شارع وحارة وزقاق واحد موظف مكلف بتسجيل أى تحريشة أو ترميشة سواء مباشرة أو غير مباشرة مذكرة كانت أو مؤنثة وبالتالى سنقضى تماما على تلك الظاهرة والتى أصبحت تعانى منها جميع الأسر المصرية . وأيضا أستحدثت وزارة أسمها وزارة الردح بدل من وزارة الإعلام الحالية ومن كرم الله أن مصر ولادّة وتزخر بالملايين ممن يجيدوا الردح ولدى وزير معه دكتوراة فى الردح العالمى وعنده خبرة كبيرة فى هذا المجال فلقد كان يعمل وزيرا فى الصين وكما تعلمون أن الصينيون لا يعرفون غير العمل والإنتاج والشعب هناك يفتقر لمثل هكذا نوعية وطبعا العالم أصبح يموج بالردح الحديث فاختارت الصين هذا الرجل البارع فى إجادة الردح وفى خلال شهر واحد أصبحوا الصينين فى طليعة الشعوب الرداحة بفضل مجهوداته وأنه بمجرد علمه بإنشائى للوزارة لن يتوانا لحظة عن تحمل تلك المسئولية الوطنية . وأخيرا وكما تعلمون مشكلة الأمن والأنفلات التموينى التى نعيشها الآن فهى كبرى مشاكل مصر وهى التى تؤدى إلى العديد من المشاكل الجانبية ومن ثم ترتب على ذلك أننى وبأم عينى شاهدت أن الرجل الذى يسكن بالقرب منى وهو يعمل فى جمعية حقوقى لوحدى ومن كتر شغله فى القنوات الفضوحية كان يعود إلى منزله منهك جدا ويلقى بجدته على فراشه ولا يدرى اللى حوليه بيهببوا إيه نام وفى عز النوم والدنيا برد جم البلطجية وأخذوا البطنية من عليه وسابوه نايم فى العراء هو والمزغودة مراته. فعلشان كده أنشأت وزارة أسميتها الشعب المسلخ تقوم هذه الوزارة على سلخ جلد أى بلطجى تسول له نفسه بسرقة حقوق ليست حقوقه . أخوانى أهل مصر الطيبين : أعلنكم أننى قررت التنحى وذلك للأسباب الآتية : كل وزير لم يقوم بالواجب المنوط بيه مدعى أنه الدفاتر التى كانت فى الوزارة تحتاج لمراجعتها لمدة عشر سنين وبالتالى لم يستطع الوفاء بالعهود والوعود . وزير المضروبين والمضروبات أشتكى أن نوعية الضرب تغيرت بدل الكف والشلوت أصبحت بالرصاص الحى مماأدى إلى موت الكثير من الشعب . وزير التحرش أعلن منذ توليه المهمة أن نسبة التحرش زادت بنسبة 70% مماكانت عليه . وزير الردح أجرى إحصائية على حارة وحدة تبين أن نسبة الردح أصبحت فى مصر تمثل المرتبة الأولى العالمية . وأنه أصبح 999محطة فضاحية متخصصة فى الردح الموجه لقصر الإتحادية .وسب الرئيس بصفة خاصة ووزير المطلقين والمطلقات أخبر لوكالة ( والنبى تفضحنى ) أن 75% من المتزوجون المصريون قد طلقوا فى مسافة زمنية وضعت فى موسوعة الخراب العالمية . وكنت أتمنى أن أخدمكم ولكن من كتر الرغى بتاعكو جالى الضغط العالى والمنخفض والسكرو الملح فاعذرونى أنا طلعت مش أد المسئولية فلازم أتنحى وقد كلفت العوانس لإدارة شئون البلاد لحين إشعار آخر والسلام عليكم ورحمة الله مع تحيات رئيسكم المتنحى رفعت

[/ALIGN]

[/CELL][/TABLETEXT][/ALIGN]

[/COLOR][/SIZE][/FONT]