حينمايكون القدر

[العاشق الذى لم يتب]

وبعد شوية الضحك دول
ارجع تانى
لهمى وحزنى
واطلب منكم المساعدة
ليه اناحظى وحشى
وخاصة فى اللى اسمه حب
الله يخرب بيت الحب وسنينه
اناكنت سمعت من واحدصاحبى
قال فى امريكااخترعو حبوب
اللى ياخد منها حباية
تقفل الشريان اللى فى القلب
الخاص بالعواطف
يعنى تخلى الواحد
يطلع الحب من قلبه
تعرفولو بجد انااولواحد
هاخد الحباية دى علشان يعموافيا التجارب
يسلام
كنت زمانى مستريح
بلا حب بلانيلة

[العاشق الذى لم يتب]

ياعينى عليك يادى المسكين ياعينى
يجرى فى عروقك سموم وتقول عليها دوا يحيينى
وانت مش عارف انها داء بيكوى ويحرق
يقطع المصارينى
قال قبلك لو الصبرليه دوا
لكنت ازرعه غيطانى
وارويه بدمع الندم واحصد ندم اناتانى
آه منك ياكوينى
ياتعبنى
ياهرينى
ياشوينى
يامطلع الدموع من عينى
ياناروالعة فى قلبى وعقلى
ديما انافيها وفيها ترمينى
لحد امتة اناهكون ضحية
ومين يحوش عنى شوية
مين يرحم قلب اتعذب مين
مين يداوى جروحى مين
تعبت انامنك ياحب
تعبت انا منك ياغلب
تعبت انامنك ياحبيبى
ليه تخدعنى وتسيبنى للنارهجرك تكوينى

[العاشق الذى لم يتب]

وتحط الرحال والوجدان فى تجوال

تأخذك هناك حيث ألا حدود

عابرة بك الزمان والمكان

تحلق بك عاليا فسماء الكون لها معبدة

لاتحتاج لمراكب فضاء

لديها القدرة لطى الماضى فسنينه الطويلة تمر بجزيئ من الثانية

بل معها القدرة أن تخترق المستقبل وتشق وعره وكأنها شفرة حلاقة

بل تبنى وتعمر المجهول فتحوله إلى مدينة معمورة

إنها مخازن الوجدان تجرها قاطرتها بقيادة الذاكرة

ملأى مستودعاتها وتئن بشتى أنواع الحمولات

تحط بك رحالها ذات مرة

وأخرى تأخذك متجولة

أقدار مكتوبة.. لا مفر منها

وصنيع من الذات يصبح قدرا..!!

محطات هى سنين العمر ..خطى تسيرها الأقدام مجبرة ومخيرة

وفى معترك هذا كله ربما ترضى وربما تصخب

وأولى محطاتى أستوقفنى عندها القدر المحتوم

مرحا أيتها الباحث عنها طويلا

نعم وأنا كذلك كنت عنك باحثة..إذن ألتقينا!!

نعم ألتقينا وهيا بنا نمتطى زورق الحب والغرام

فككنا شراعه.. حملته الرياح تسوقه أمواج الهيام والوله

نمرح ونرتع دنيا الأشواق والحنين.. تعاهدنا تواعدنا .. اقسمنا

اليمين وأخذنا إصرنا ألا نفترق..

أيتها الحبيبة أحذرى أمامنا أمواج عاتية ربما تمزق الشراع

كلا سوف نواصل المسير.. وهناك .. وداعا.. لقد أنهيت رحلتى

معك .. إنى باحثة عن غيرك.. أريد المزيد من غيرك !!

ومحطة أخرى.. هاهنا ألتقينا .. صحبة .. أخوة.. شراكة.. إقامة

ماأجمل هذا وما أحسنه.. سنعطيك كل المزايا .. ونمنحك كل المناصب

نعم ومعكم وجدت سعادتى وراحتى.. ولكن كلا ,الف كلا.. ها ما الخطب

جاءنا خيرمنك .. أبحث عن غيرنا.. حذ معك حبيبتك ودعنا وشأننا

فلقد جردناكما من مناصبكما .. آهٍ ماهذا الحظ العاثر.. أبكى..وعلى أى

شيئ أبكى .. ياه ظننت أنى حقا لى عندكم مكانة .. أم ابكى على

أيام طوال قضيتها هنا أبذل قصارى جهدى .. أواصل العمل

مخلصا ليلا ونهارا.. أم أبكى على حنانكم وودكم والذى أغرقتمونى

به .. أين هى كلمات التودد.. يا خير أخ لى لم تلده أمى..يا نعم الأخ

الحنون.. ياعيم صديق وفى.. أين هذا كله.. ذهب فى مهب الريح !!

وها أنا يرانى قوم آخرون باكيا.. تعالى عندنا فلسوف نكون لك

خير خلف لشر سلف.. إنى أشعر كذلك.. مرحا حقا أراكم حقا

قوم صالحون .. نعم نحن قوم نقدر ونثمن وجودك ومجهودك !!

سنمنحك مالا يمنحك هؤالاء القوم السابقون.. وها أنا أتنعم فى رغد

مكان وعظيم مناصب.. فجأة.. نعم فجأة يجيئ نفس الفيرس

أنه فيرس ملعون لقد أستطاع خرق المكان الجديد

وها هو يعطب مكينات التودد ويأكل المناصب كما يأكل السوس العظام

آهٍ أيتها الوجدان وآهٍ حينما تتجولين

وإلى أين التجوال وفى أى مكان سيكون حط الرحال؟؟

هكذا تأخذك أقدارك وتحملك أقدامك .. قوم تفارقهم وآخرون تلتقيهم

ولكن الكل يتبدل .. الكل يتغير.. الكل يتلون !!

لا شيئ فى الدنيا باقٍ وإنما الله وحده الذى لا ينكر صنيع خلقه

أحبتى ربما يكون مابين السطور كثيرا وغائبا أو ربما لا يعرفه

الكثير من مر من هنا وقرأ كلماتى هذه وإنما أردت أن أخبركم

بأن الذى سيبقى هو الله فعاشر ربك خير عشرة وتوكل عليه وحده

حبه وحده أعشقه وحده .. تأمل فيه وحده.. فهو الذى يهبك جليل منصب

ولايريد منك مقابل غير الإخلاص له.. !!

[العاشق الذى لم يتب]

ماسء صباح الخيرات والبركات على عيونك
أحبابى
ولفت عليكم وبحس وانامعاكم
كانى مع اغلى احباب عندى
صحيح كلنا نادرلوواحدفيناشاف التانى
بس والله كأنى شوفتكم جميعا
مافيش أجمل من انك تحب حدلله وفى الله
تفرح بقربه وتحزن لبعده

[العاشق الذى لم يتب]

بس اللى محيرنى وكمان هيجننى
انك تكون مع صحبك وصديقك
ولسة كان معاك على الفون ولاالماسنجر
وهو بيقولك انت حبيبى الغالى
ومافيش اغلى منك عندك
جميل وروعة كده
اوك مع السلامة ياغالى
ماتغبش كتيرعنى
ماشى
وبعد ساعة ولايوم
تبص تلاقى
حد بيقولك فلان بيشتكى منك
وبيقولك بلاش تعمل كذا وكذا
علشان ده زعله منك اوى
سبحان الله
ياغريبة ويياعجيبة ياتلك الاحوال والافعال
طيب ياعم ماانت لسة كنت معايا
طيب ليه ماعرفتنيش انك
زعلان منى
ليه ماقولتش انى عملتلك حاجة ولاقولتلك حاجة زعلتك
ازاى تعمل كده
ولاعاوز تعرف الناس انى وحش وخلاص
وعجبى

[العاشق الذى لم يتب]

انابقول كدهليه يااحبابى
واحدهناصحبى اوى وبجد انابعزه واحترمه
وسعيد بصحبته اوى
ونتكلم مع بعض
بالساعة والاتنين على الفون
والياهو والاسكاى
ونتبادل اطراف الحديث
والمودة ويقولى اخبارعياله واسرته
وشغله واصحابه
واناكمان نفس الشيئ
المهم ومن غيرمقدمات لقيت
منه شكوى منى
وبيشتكى لحدتانى
وبيقول انه زعلان منى
والله بجداتهيئلى انى بحلم
ومش مصدق نفسى
طيب ياصحبى ياغالى
ليه مااتصلتش وقولت انازعلتك
انانفسى حد يحللى الفزورة دى

[العاشق الذى لم يتب]

طيب ده حصل معايا انهرده
وده من راجل عاقل وكبيرمقام وكبيرسن
وله مكانته فى شغله وهناكمان
تفتكروا التصرف اللى عمله ده اناافسره ازاى
حدياناس يفهمنى
ولابس انامكتوب عليا احزن وبس
والله العظيم تصرفه ده احزنى بمعنى الكلمة
اصلا يعنى لمايروح يشتكيك
تبقى معناها ايه
فين الوداد والفحنية
وداد مين ياعم رفعت
وحنية مين وهباب مين
هموت ياناس من القهر
انامين واناليه
وهو انافين
ولاالايام أختلفت
ولاالبشر اتغيروا
ولاايه ولاايه ولاايه
ياربى الهمنى الصبر

[العاشق الذى لم يتب]

أنت عارف يارفعت اناعاوز اقولك على حاجة
قول يمكن تريحنى
طيب هتسمع كلامى
مش عارف هسمع ولااعمل ايه
بس قول
أقولك وانت حرتسمع ولاعنك ماسمعت
هعمل اللى عليا وماليش دعوةبيك تانى
طيب قول :
شوف انت تنسى حاجة اسمها اصحاب
وكمان تنسى حاجة اسمها احباب
ينهارابوك مش معدى
عاوزنى اسمع كلامك المهبب ده
عاوزنى انسى اصحابى
وانسى اصحبابى
آه مش قولتلك انت مش هتسمع كلامى
اناخلصت ضميرى وانت حر

[العاشق الذى لم يتب]

ايه رأيكم يااحبابى
ده كان حوارى وانا وانا
تفتكروا أسمع أنا ولاأعمل ايه أنا

[العاشق الذى لم يتب]

أناشايف كلام أنا ده معقول
ومتهيئلى لو عملت بيه هستريح
بس ازاى اقدراعمل كده
والله نفسى اعمل كده
وياليتنى اقدرراعمل كده
ماهو اللى مخلينى عاوز اعمل كده
برضو عمايل اللى حبيتها وسنتين وبضعة أشهر
وبعدين بمنتهى البساطة قالت
أسمحلى حب غيرى لحسن أناجانى عريس
جالك عريس
يسلام
طيب مبروك
أموت أنا
أبكى أنا
أتحرق أنا
ياااااااه
أصرخ
أضيع
أروح أنا غرفة العناية المركزة
إيه البساطة دى
أيه الحلاوة دى
يسلام على كلامك ياحبيبتى
بلسم شافى
طيب يمين بالله
لأكون مقطعه حتت حتت
هعمله كفتة
لا هعمله فى المكرونة الباشميل
اصلا أنابحبها
وكمان هعلمه كوبتشيونو
تعالى ياغبى تعالى
أعمل فيك كده
وافش قهرى
عارفين مين هو يااحبابى
قلبى