إنَّ الصَّلاَةَ تَنْهَى عَنِ الفَحْشَاءِ وَالمُنْكَرِ ( مسابقة افضل توبيك اسلامى )

[حَرفُُ هجآءّ]

إنَّ الصَّلاَةَ تَنْهَى عَنِ الفَحْشَاءِ وَالمُنْكَرِ

السلام عليكم ورحمه الله وبركاته

قبل ما ابدء الكلام

كل اللى يدخل يصلى على الرسول الكريم

اللهم صلى وسلم على اشرف الخلق سيدنا محمد

نبدء بسم الله

الصلاة صعب اننا نتكلم فى حاجه زى الصلاة

لان الصلاة ركن من اركان الاسلام واول شىء نعرفه عن ديننا

وطبعا كلنا عارفين إن الصلاة عماد الدين

وعارفين انها الصلة اللى بين العبد وربه

وعارفين اننا لازم نصلى واكيد كلنا بنصلى

طيب بالنسبة للى مش بيصلى ( تارك الصلاة )

طبعا تارك الصلاة ده كافر

لان الصلاة هى الفارق الوحيد بين الايمان والكفر

مش انا اللى بقول كده

ده القرآن والرسول عليه الصلاة والسلام وعلماء الدين

ازاى بقى نقطع الصلاة اللى هى علاقتنا بربنا

فى كل آذان ربنا بينادى علينا وكتير مننا مش بيرحله لانه مشغول بحاجه

مش فاضى او كسلان

مهما اختلقنا اعذار او فعلا عندنا اعذار مينفعش أاجل استجابتى انداء ربنا

لان طبعا مفيش حاجه عندنا اهم من ربنا ولا ايه ؟

طيب سؤال هو احنا شايفين الصلاة ازاى ؟

فى ناس شيفاها مجرد حركات بتعملها وخلاص

وناس شيفاها مجرد واجب عليه

وناس بتعملها بدل ما ربنا يغضب عليها

طيب انت بقى بتشوفها بالطرق دى ؟

ولا بتشوفها شفاء لقلبك وروحك وسكينه ؟

طيب ربنا عايزنا نشوفها ازاى ؟

قالنا رسولنا الكريم إن الصلاة عماد الدين

مثال بسيط سمعته فى برنامج دينى بيقول

لو شخص دخل بيتك وشخبط على الحيطان اكيد هتزعل منه لكن شويه وهتسامحه

هتفضل العلاقة مستمرة

طيب لو حد كسر شباك بيتك بردوا هتزعل وهتغير الازاز وبردوا هتسامح

وبردوا هتستمر العلاقة

طيب لو واحد دخل بيتك وقعد يهد فى عمود البيت والبيت وقع

عمرك ما هتسامحه ولا هتبقى فى علاقه بينكم تانى

ده ممكن تروح تهدله بيته ولا ايه ؟

قال رسول الله يا معاذ ألا أخبرك برأس الأمر و عموده و ذِروة سنانه فقلت بلى يا رسول


الله فقال : " رأس الأمر الإسلام و عموده الصلاة و ذروة سنانه الجهاد "

الصلاة عماد الدين من أقامها أقام الدين و من هدمها هدم الدين

يعنى هتصلى ربنا هيعينك على اداء باقى العبادات

مش هتصلى هتتكاسل عن باقى العبادات

حس الصلاة بقلبك وروحك

حس بها وهى بتطهر نفسك من الذنوب والمعاطى

حس بها انها بتقربك من ربنا

طيب لو مش بتحس الصلاة صح يبقى اكيد مش بتأديها صح

بتأديها على انها فرض وواجب وروتين وتبقى بتصلى وفكرك سارح فى حاجات تانيه

ده بيخلى الصلاة ناقصه وبالتالى احساسك بها معدوم

وعمرك ما هتحس بتأثيرها فى حياتك طول مانت مش بتأديها صح

طيب ايه آثر الصلاة علينا

(إنَّ الصَّلاَةَ تَنْهَى عَنِ الفَحْشَاءِ وَالمُنْكَرِ) [العنكبوت:45]

عن أَبي هريرة رضي الله عنه، قَالَ: سَمِعْتُ رسولَ الله صلى الله عليهوسلم، يقول:
(أرَأيْتُمْ لَوْ أنَّنَهْرَاً بِبَابِ أَحَدِكُمْ يَغْتَسِلُمِنْهُكُلَّ يَوْمٍ خَمْسَمَرَّاتٍ، هَلْ يَبْقَى مِنْ دَرنهِ شَيْءٌ؟)
قالوا: لا يَبْقَى مِنْدَرنهِ شَيْءٌ، قَالَ: (فَذلِكَ مَثَلُالصَّلَوَاتِ الخَمْسِ يَمْحُواللهُ بِهِنَّ الخَطَايَا) متفقٌ عَلَيْهِ.

شوفوا اد ايه ربنا بيحبنا خلى الصلاة والوضوء 5 مرات فى اليوم عشان يزيل عننا الذنوب

والخطايا

خلى احساسك بالصلاة فرحه

استنى ميعاد الاذان

روح لربنا وانت مبسوط

ان شاء الله لو اديتها صح هتلاقى آثرها فى حياتك واضح


فى امان الله

[gold rose]

معلومات جميلة جداُ .,
أكيد الصلاة هيا عماد الدين .,
تسلم إيدك على الموضوع .,
يا رب يرفع بيه درجاتك ^^

[اسيل الفلسطينية]

مشكورة غااليتي على الطرح النوراني
بارك الله فيك ورزقك الجنان

[حَرفُُ هجآءّ]

اشكركم لمروركم الرائع

سلمتم