حقيقة اختفاء طنط جملات وراء كبرياء رجل ^_^

[Hearts Whisper]

سلامو عليكوا يا جودعان الى مش هيرد السلام هجبله طنط جملاااات طبعا يا جدعان انتوا مشفتوش طنط جملات بقالها فترة مختفية فانا قلت يا بت يا شوشو عيب عليكى لازم تسألى عليها اه طبعا الاصول اصول واتصلت بيها وعرفت سر الاختفاء دا اقولكوا بقا يا جدعان ركزووا معايا الحكاية وما فيها ان سامى (( كبرياء رجل )) كان واهم طنط جمالات انه بيحبها :d وكانوا على طول بيشيتوا لانه مسافر يعينى وهى اعدة هنا فى مصر وكان يا صبح عليها بالتليفون دايما ويقولها :. ( صباح الخير يا بجرة جلبى يا معشوجة حياتى يا وش الفجر" الفقر " )) وهى زى الهبلة من سحر كلامه عليها ترد عليه ( صباح النور يا سمسومتى فين ياد العباية الى قلتلى هتفصهالى مش قلتلى هتدبح بقرة حياتك الى انتا دوشنى بيها وتفصلها من الجلد بتاعها :d ) وكل دا وهى متعرفش انها بجرة حياته يعنى الرومنسية يا عم سامى يلا نرجع لحكايتنا فهى طلبت منه يتجوزها وهو طبعا لقا نفسه هيتدبس فراح اخد اجازة من الشغل بتاعه وقالها تسافرله ويتجوزوا ويجيبوا عتريس وبيومى ^_^ فالبنية يا عينى صدقته وقامت سافرتله فى نفس ذات المومنت بقا قام سامى نزل مصر على الطيارة الى راجعة (( لعيب يا واد )) رجع بقا هنا ولقى النت مفصول عنهم فحمد ربنا عشان جملات متعرفش توصله وجملات بقا يعينى راحت هناك تسأل عنه بعد ما اتخدعت فى حب حياتها راحت سألت صاحب الشغل عليه قام زعق فى وشها وقالها :. (( انتى بتسألى عليه ليه والله لو شفته لموريه دا واخد منى 3 جنيه مصرى عشان يشحن ويكلم البت فهيمة المزة بتاعته وبقاله سنة مرجعهمش )) وطبعا طنط جملات اتصدمت يعينى الواد طلع بخيل وبيلعب بديله كمان فضلت طنط جملات تدور عليه هناك وهوا اعد هنا فى مصر مروق مزاجه ومن كام يوم شفت سامى دخل المنتدى وعرفت منه انه رجع تانى السفر ويعينى البنية فى نفس البلد وبرضوا مش عارفة توصله فانا بقا ميتبلش فى بؤى فولة جريت عليها واتصلت بيها وسيحت لسامى بقا يلاا بقا يا سامى قابل عشان تحرم تلعب ببنات الناس وبعدين جاى تلعب بطنط جملات طب والله عيب عليك يا راجل دى شردت عيلها عشانك وقتلت الراجل جوزها عجبكوا كدا يا بنات المنتدى هوا دا سامى يا اخوانا الى عامل فيها عاقل مطلعش سهل زى مانتوا فاهمييييييييييين ملاحظة: اى خودعة يا سامى ودا كان تسيييح اه سورى ترحيب صغير كدا بعودتك مرة تانية وحمد لله على السلامة يا ابيه

[morshooo]

احسن حاجا انك كشفتلنا حقيقه هذا العضو اللعووووووووب

وانا بحظر جميع عصافير المنتدى من هذا العضو

الذى لا يعرف معنى كلمه الاخوة مع بنات الناس

اشكرك يا شيماء على التوضيح

والمفروض سامى يكسف على دمه ويرجع الـ 3 جنيه

كفايه بقى نصب على بنات الناس .

توبيك جميل شيماء والواد سامى دا

منور القسم والمنتدى وان شاء الله

تكون اخر الغيبات

[مِسكُ الشَهادة]

سامي يا سامي
كل دا يطلع منك ياعم هههههههه
تروح وترجع وتسافر
وانا الي بقول عنك عاقل
على كل حال اتكشفت اهو يا عم
يلا عاوزين اعتذار لجمالات دي هههههه
والله سامي دا رائع جدا ربنا يحفظه
مشكورة يا اختي موضوع لطيف جدا
دمتم بخير

[دمعه حائره]

هههههه
ياعينى هاتهرب تروح فين ياغلبان دى وراك حيثما كنت تأتيك على غفله
خلى بالك من نفسك جمالات جيالك
توبيك جميل شيمو يليق بمناسبه رجوعه

[ساحر الأحزان]

على فكرة كل ما تجيبى سيرة طنط جمالات

سامى بغير عليها مننا

وحياخدها ويهرب لمكان غير معروف

فى النيجر فى أدغال أفريقيا

ويدعى عليها يا تمساح يكلها

يا حية تقرصها

على شان يرتاح منها

[عاشقة الهدوء]

هههههههههههه عثل ياشوشو والله وطلعت مش سهل ياسامى
وبتعلب بديلك ولعبت بمين بطنط جمالات كوفته ياحسرتاه هههههههه
طنط مش هاتسيبه وهتفضل وراه لحد ما تتجوزه أو تخلص عليه
حوار كوميديانى جميل جدا ياشوشو وحمدالله على سلامة أخونا الغالى سامى
ونتمنا لع عوده نشيطه فى المنتدى ويتحفنا بكل جديد له تسلمى على الدعوه ياقمر وأجمل تقييم

[Ŗăήćy]

هههههههههه ياعينى عليكى ياطنط جمالات^^
ربنا معاك بقى يا أ/سامى واهلا بيك نورت المنتدى مرة تانية

تسلمى يـآشيماء توبيك دمه خفيف وجميل

[حَرفُُ هجآءّ]

ههههههههههههههههه
ياعينى عليك سامى

يلا اهى قدرك بئى

تسلمى ياشوشو

[كبرياء رجل]

برضو في اخت تعمل في اخوها كدهوت
يا للاسف على اﻻخوات
وبعدين طنط جمالات ماتت من 35 سنه
ايوه 35 هههههههههههه
هتخلي بنات النتدى تتجنبني مش حرام كده هلاقي مين اضحك عليه
هههههههههههههههههه

الله يسامحك يا همس هتخليني اهيس والله
وبعدين جايبه الكلام الصعيدي ده منين
انتي اساسا بتدرسي لغة صعايده
وبعدين انا مش بخيل للدرجه يعني
وال3 جنيه مش هترجع

عموما مردوده يا همس ان مكنش في حلقه زي دي
يبقى في نشرة اخبار الخامسه والعشرون
عشان تسيحي كده وسط الناس

منورين جميعا والله ومحدش يصدق همس في حاجه
ربنا يستر من اللي جاي شكرا على الموضوع الراقي همس
شكرا لكل الاعضاء اللي نورونا