بصراحة مع دمعة حائرة

[مِسكُ الشَهادة]

بينما كنت ُ أرقد ُ في ثنايا كتابي وأحلم بذكرياتي الجميلة اليانعة قررت ُ أن أبحر بعيدا ً في منتصف ِ محيط الإخلاص لنمضي لشط ِ الإخوة الصادقة التي نعتز بها ونفتخر لنلتقي بإخوة ٍ تشرفنا بمعرفتهم وعشنا السرور معهم قد تفرقنا الحياة كما هو طبعها ونهايتها ولكن لن تفرقنا الذكريات الراقية التي عشناها معا ً في أحضان منتدى ضمنا جميعا ً ... ضيفتي لهذا اليوم من برنامج بصراحة أنا ضيف ٌ عندها وتلميذ ٌ أمام أخلاقها وأخا ً يعتز بها وبفكرها وتفكيرها ... ضيفتنا إنسانة أجمع الكل على تقديرها وإحترامها لما تبثه من خير وصلاح وفائدة ضيفتنا بوتقة متميزة أيا ً كان لونها وموقعها كعضوة بينا فرضت نفسها بقوة الأخلاق التي عايشناها فيها وما بين سطورها ... رحبوا معنا بالأخت الغالية ( دمعة حائرة ) أهلا ً وسهلا ً بك يا أختي شرفتينا ... ننتقل لمضمون الحوار طبعا ً دا نشيد تركي جميل لسيد الخلق محمد ص الله عليه وسلم نهديه لكم بمناسبة الاسراء والمعراج

السلام عليكم ورحمة الله وبركاته إزيك يا منة يا رب تكوني بخير وعليكم السلام ورحمة الله وبركاته الحمد لله بخير شكرا على الدعوة للبرنامج الجميل عاوزين نتشرف بحوار معاك ِ قبل ما نسافر كدا تروح وترجع بالسلامه ان شاء الله الله يسلمك ويبارك في عمرك وبحب ابلغك انك شرفيتنا جدا جدا والله الشرف ليا انا يابركه القسم الأول :_ دمعة حائرة ... ســــ 1 :_ أجيبي بنعم أو لا مع التعليل :_ 1_ سعادة أبناءي هي سعادتي الحقيقية في الدنيا ؟ نعم سعادتى انى اشوف اولادى فرحانين ومش ناقصهم حاجه سواء ماديه او معنويه وامنيه حياتى وهدفى انى اوصلهم لبر الامان ويحققوا كل طموحهم اللى هوا اصبح طموحى وهدفى 2_ أمي تمثل لي جزء كبير من حياتي إن لم تكن حياتي كلها؟ نعم اكيد هى اغلى حد فى حياتى بتألم لألمها وبفرح لراحتها وفرحها وحياتى كلها فداها لو تحتاج حاجه 3_ أتعصب قليلا ً ولكن ما يميزني أن قلبي طيب جدا ً ؟ نعم عصبيه اوقات وده نتيجة انى بصبر كتير لكن بيحجم غصبى الهدوء وممكن الطيبه ونصايح من ماما وبابا وبنسي بسرعه 4_ الحزن ليس في قاموسي وأتخلص منه بسرعة ؟ لا الحزن موجود فى قاموسي وجدولى اليومى ههههه بس بحاول اتصرف معاه واحجمه واخليه يلزم حدوده وماينكدش عليا كتير ورانا مصالح كتير بنقضيها مش فاضيين 5_ الفراق مرحلة وسرعان ما يتم نسيانها ؟ لاالفراق ممكن مرحله لكن مابتتنسي وده على حسب غلاوة الشخص ومدى تأثيره فى حياتنا وده بيخلينا استحاله ننسي 6_ أحلامي تحققت وطموحي ما زال واسعا ً ؟ لا مش كل احلامى تحققت بيفضل دايما حلم فى حكم الامل وبنستنى يوم تحقيقه والطموح مالوش حدود عندى دايما متجدد من مرحله للتانيه 7_ الليل سكوني ومنبع أفكاري وراحتي ؟ نعم احلى فتره فى اليوم الهدوء والوحده اكيد بتكون مناخ كويس للابتكار وتجديد الافكار 8_ منة هي جزء لا يتجزء من دمعة حائرة في كل شيء؟ نعم اكيد وخصوصا ارتبطت بالمنتدى واصبحت دمعه حائره هى مرآتى ومتنفس كبير لكل حاجه جوايا 9_ هناك إمور أندم عليها في حياتي وأتمنى لو أعود لتغييرها؟ نعم فيه حاجات ندمت عليها انا ماخدتش بالى كويس وسيبتها تحصل لكن برجع اقول قدر الله وماشاء فعل واى تجربه او خساير فى حياتنا لازم نتعلم منها عشان مش تتكرر تانى 10_ المستقبل هو السعي الجاد للخروج من يأس الن مش تككر تحاضر والماضي؟ نعم المستقبل غالبا بيحمل شيء جديد معاه وربنا كرمه كبير بيقدر يحول حياتنا للافضل ويوهبنا السعادة اللى ممكن فقدناها فى الماضي 11_ الصداقة عنوانها الإخلاص ومنبرها الوفاء ؟ نعم ده اكيد عامل مهم جدا لنجاح الصداقه بمفهومها الحقيقى 12_ الكره ثقافة الجاهل دوما ً ؟ نعم جاهل القلب والعقل الذى لايحمل ذرة ايمان فى قلبه وتدبر فى عقله يكفى لتفهم ان الكره نار بتحرق صاحبها 13_ مصر حياتي والسفر أمنيتي ؟ هههه نعم نعم بحب مصر جدا لكن فكره السفر بقالها فتره شغلانى واصبح امنيه ان شاء الله تتحقق قريب 14_ الفن هابط والرقابة ضعيفة ؟ نعم للاسف وده نتيجة مرحله عاشتها البلد اتاحت فرصه للاسفاف والبلطجه تكون هى السمة الواضحه لشريحه كبيره فى المجتمع والفن بيساعد فى انتشارها 15_ السياسة مصالح والوطن قضية ؟ نعم السياسه اصبحت مصالح مطامع بتبدأ بشعارات وتنتهى بخساره للوطن اللى اصبح قضيه الشعب كله بيسعى لكسبها 16_ الناجح يفشل والفاشل لن ينجح؟ لا الناجح غالبا بيقدر يكمل طريق نجاحه ويحافظ عليه اما الفاشل ممكن لو استسلم مايشوف نجاح ابدا 17_ قلمي مشاعري وما أكتبه هو أنا دوما ً ؟ نعم بكتب دايما اللى بحسه وان كان فيه كتير خواطر من مذكراتى لكن جالهم يوم واتفك اسرهم ههههه 18_ الإبتسامة علاج اليأس والإيمان علاج الهموم ؟ نعم حقيقه الابتسامه قادره على فتح ابواب السعاده والامل 19_ الواقع أغرب من الخيال في قسوته أحيانا ً ؟ نعم هناك امور عندما تحدث تشبه كابوس لانستفيق منه وده سببه قسوة البشر وحدة تعاملهم مع الاخرين دون مراعاه سابق عهدهم بيهم 20_ الموت نهاية كل إنسان ولا أخشاه ؟ نعم لااخشي الموت ابدا لكنى اخاف على من اتركهم فى حاجه لى القسم التاني :_ وجهة نظرك ... 1_ هناك من يقول أن المجتمع أصبح يميل للإنحلال في عاداته وتقاليده ويربط ذلك بالإنفتاح على الغرب سواء كان ثقافيا ً أو فنيا ً ما رأيك بهذا الأمر؟ دى حقيقه لكنها مش مرتبطه بالانفتاح على الغرب كل مجتمع فيه شريحه من الناس مابتقدرش تحافظ على تقاليدها وتعاليم دينها وبتنحرف داخل وطنها والعكس تلاقى اسر عربيه عايشه فى الخارج ومازالت محتفظه بتقاليدها وقيمها برغم كل الانحراف حواليها 2_ ما هي الحدود التي لا بد من عدم تجاوزها في الإنسان العربي من وجهة نظرك ؟ الحدود مرتبطه بالقيم اللى اتربى عليها ودينه بيدعوة ليها ده من خلال تعاملاته بين الناس ويحافظ على كرامته وعروبته ومايفرط ابدا فى ارضه مهما كلفه الامر من ألم وكفاح 3_ الحرية مصطلح درج فعليا ً على أرض الواقع العربي بالتحديد فيما بعد الربيع العربي ...فما هي الحرية من وجهة نظرك وكيف يمكن التعبير عنها بشكل عام ؟ للاسف الحريه انطلقت بمفهومها النظرى لكن محتاجه وقت كبير عشان تطبق على ارض الواقع الحريه انك تكفل حريه التعبير والحصول على الحقوق للجميع دون المساس بحرية الاخريين اللى بنشوفه حاليا حجر للرأى الاخر وكل جهه بتحاول تبان الافضل على حساب تشويه الاخر والتقليل منه دون الاجتهاد لتوضيح مزاياها قيمه الحريه ان تتيح المساحه للجميع بنفس المقدار دون تحيز وعامل النجاح فيها هو العدل والمساواه 4_ هناك من يقول أن المرأة نالت الكثير من حقوقها في مجتمعنا العربي وهناك من يطالب بمنحها حرية تتساوى مع غيرها ...فما رأيك بقضية حقوق المرأة العربية وبماذا تختلف عن غيرها من النساء في العالم ؟ المرأه حصلت على حقوقها نظريا ومازال المجتمع يمارس طقوس القمع عليها ويحجمها فى مكان لاتتعداه مع الترقب الدائم لفشلها وتحمليها نتيجة اى خساره اسريه بتحصل واكيد مكانتها بتختلف بين مكانه اى امرأة فى الدول الغربيه يكفى انهم بيعتبروها لسه مواطن من الدرجه التانيه 5_ الاسرة هي تكوين الفرد ... والمدرسة هي نشأته والحياة مدرسته هل توافقين هذة المقولة أم لا ؟ الاسرة عامل مهم جدا فى تكوين الفرد بجانبه دورالمدرسه بيشكل مساحه كبيره فى تكوين شخصيته وافكاره وخصوصا مرحله الابتدائى فيها الطالب بيستوعب اكتر وبيصدق المدرسه اكتر من البيت تقولى مدرسته ايه اعرف منها شخصيته هاتكون ايه 6_ فكر كل إنسان مرتبط بتربيته والتربية مستمدة من الدين فبرأيك النزاعات والحروب والخلافات السائدة في مجتمعنا العربي إلى ماذا تعود أسبابها وجذورها؟ فيه كتير اسر بتعتمد على الدين فى تربيه اولادها وده شيءجميل بجانب العادات المتعارف عليها لكن انا بشوف ان الاعتدال وخصوصا لحد مايوصل لمرحله المراهقه افضل طريقه لانتاج افراد بشخصيات معتدله غير متطرفه تقود جيل كامل لاى نزاع او تطرف زى مابنشوف فى بعض الدول وتعصبها اين كانت ديانتها التعصب موجود فى كل ديانه الحروف والخلافات اكيد سببها الطمع فى السلطه وعدم السماح للديموقراطيه ان تجد مكانتها بين الشعوب خوفا على مراكزهم القسم الثالث المنتدى ... 1_ حدثينا عن مسيرتك الطويلة في هذا المنتدى منذ عام 2010 لهذا اليوم بشكل مختصر ؟ هههه حلوة مسيره دى حاسه انى رئيسه جمهوريه كانت مراحل جميله واستفدت منها كتير اتعلمت حاجات سواءمهنيه او ليها علاقه بتعاملاتى مع الناس حتى مابقتش عصبيه زى الاول ده غير الثقافه اللى اكتبستها بدايه من قسم النقاش والشعر بدايه تسجيلى هنا مرورا بباقى اقسام المنتدى متهيألى التفاصيل الكل عارفها إضحكي على مسيرة دي إضحكي هههه هوا كام منة عندنا يعني ... ربنا يسعدك يا رب ويوفقك 2_ ما هي أهم سلبيات المنتدى من وجهة نظرك ؟ سلبياته اغلبها فى وجود سوءتفاهم بين بعض الاعضاء سواء تفاعل فى مواضيع اوالهجوم وسوء الظن والتسرع اللى احيانا بيوصلنا لمشاكل كتير مع رفض البعض الالتزام بالقوانين والمحاوله الدائما لتكسيرها 3_ هل تواجه منة صعوبات معينة او ضغوط بعد توليها الإدارة أم أن الأمور على ما يرام ؟ الصعوبات اغلبها فى ضيق الوقت اللى قلل تواجدى فى المواضيع والرد عليها وده نتيجة مهام اداريه والردود على استفسارات الاعضاء ممكن ياخد كل الوقت لكن الامور مازالت تحت السيطره وربنا يعين الجميع 4_ ماذا تمثل الأقسام الأدبية لمنة وكيف تنظر للشعر والشعراء؟ الاقسام الادبيه بعتبرها غرفتى الخاصه داخل المنتدى اللى بجد فيها نفسي وقلمى وهوايتى اللى بحبها سواء قراءة او كتابه الشعر سلاح ذو حدين فيك تستخدمه للضرر او الافادة وهناك اقلام تستحق التقدير والوقوف احتراما ليها لما تقدمه من قيمه عاليه ومادة ادبيه الكل بيفتخر بيها 5_ ساحر الأحزان أخ مميز وراقي وشريك أساسي في الجهد الإداري بالإضافة للآخوة الأداريين فما رسالتك له ؟ اكيد امجد اخ بعتز بيه جدا وصح الجمله فعلا شريك اساسي من زمان وكل الاخوة الاداريين مش بيبخلوا علينا ابدا بالمعلومات وعلمونا حاجات كتير رسالتى ليه وليهم ربنا يوفقكم ويصلح حالكم ويعينكم على المهام المكلفين بيها 6_ رسالة من منة لكل من :_ 1_ عاشقة الهدوء ربنا يسعدك ويحفظك ياهبه واشوفك مبسوطه دايما ويديم عليكى الطيبه مع الجميع والتصالح النفسي واوعى تنسي تدعيلى كل يوم اتبهدل انا 2_ الأميرة رودي بتمنالها التوفيق دايما فى حياتها وتكمل فى طريقها ونشاطها اللى بدأته واكيد لكل مجتهد نصيب 3_ روكة روكه ربنا يكرمك ويديكى على قد طيبتك وحبك الخير للجميع واشوفك سعيدة فى حياتك دايما 4_ حنون حضور راقى فعلا ماحسيت انك سيبتى الاداره ومازال وجودك مصدر تفاؤل بالنسبه ليا مانتحرمش منك ابدا حنون 5_ للأعضاء الجدد انتم المستقبل دايما واتمنى ماتحسوا ابدا بتفرقه او غربه وتنشتروا فى الاقسام وعبروا عن كل اللى جواكم وبتتمنوه دون اى تردد واى مشكله تواجهم لازم تقولوها وان شاء الله نتجاوب معاكم 7_ برأيك كيف نعمق العلاقات ما بيننا كأعضاء ؟ فيه حاجات كتير اولها نحسن النوايا ونبدأ بالخير دايما مع التسامح اللى بيأتى بثمار طيبه وبيزرع الحب والالفه بين الجميع واكيد فيه انشطه كتير بتمنى روح الاخوة دى محتاجين نرجعها 8_ إنت ِ بلغتيني إنك بإذن الله حتسافري تركيا يوما ً ما يعني أعتقد إننا حننقل المنتدى لتركيا ولا ايه يا منة ههه؟ ههههه ايوة ان شاء الله واصلاانا غيرانه منك ياخالد وشبطت ولازم الكل يسافر تركيا اشمعنى انت بئا وعندى امل الحلم يتحقق وطبيعى المنتدى هانعمله فرع هناك يعنى اسيب شغلى يتعطل تروح وترجع بالسلامه ان شاء الله انا بهزر يعنى الحمد لله الغيرة غير الحسد يا بنتي هههههههههه إشمعنا أنا هيا تركيا ليا حد مانعك تزوريها ...دا إنت تشرفي تركيا واليونان وكل العالم وانا حتولى رئاسة الفرع الي هناك ويا رب تتحقق أمنيتك يا رب وتزوري الي عاوزة تزوريهم هههههههههه ربنا يسلمك يا رب ويسعدك 9_ رسالة للأعضاء الغائبين عن المنتدى من منة ؟ مفتقدين وجودكم جدا وفى انتظار عودتكم الجميله اللى هاتعيد معاها الزكريات وتجدد الروح فى المنتدى 10_ ايه رأيك بالمنتدى من حيث :_ 1_ النشاط حاليا النشاط معقول بالنسبه لفتره الامتحانات وانا شاء الله الفتره الجايه يزيد بالانشطله والفاعليات الجديدة 2_ الحرية الحرية مكسب الى ان تصبح فوضي تأتى الخساره على الجميع فيجب ان تكون الحرية لاتتعدى حرية الاخريين والاداب العامه 3_ الإقبال من حيث العدد والتسجيل بدأ يتحسن والمنتدى اتقدم كتير عن الاول 4_ المواضيع التي يتم طرحها مع انتشار فكره الحصري اختلفت جدا نوعيه المواضيع والاعضاء بدأ يجتهدوا وشوفنا اقلام جديدة ومبسوطه جدا بوجودها بجانب تألق الاعضاء المبدعين اكتر 11_ كيف تتقبل الإدارة النقد وما رأيك بالقوانين الجديدة التي تم طرحها ؟ بتتقبله بصدر رحب جدا حتى بمتابعتنا اوقات كتير لما بنشوف عضو مش مرتاح سواء فى ردود فى مواضيع بنراسله ونعرف ايه مشكلته ونحاول نحلها القوانين مش زادت اوى عن الاول بس كان لازم توضيح الصيغه اكتر وتحديثها لان كان فيه كتير مايعرفوهاش ويزعلوا بعد لفت نظرهم ليها 12_ متى يُحظر عضو ما وكيف تتعاملون مع الخلافات الحادة ما بين عضو واخر لا قدر الله ؟ الحظر بيكون نتيجة مخالفات متكرره برغم التنبيه ولفت النظر ليها وتعمد واضح لمخالفه قوانين المنتدى والاقسام وبتختلف المدة على حسب المخالفه والخلافات بنحاول نكون هاديين ونفهم المشكله من كل جانب ونوصل لحل يحقق العدل ويرضى الطرفين 13 _ نصيحة لأخوك خالد بقى ؟ مش هاقولك ابعد عن الاخوان هههه خليك براحتك لكن اعقلها وتوكل وخليك دايما هدفك ارضاء الله والمحافظه على قيمك ودينك وهدفك فى الحياة دائما زى ماتعودنا منك الرقى والتوعيه بالكلمة الطيبه والموعظه الحسنه ربنا يكرمك ويحفظك يارب ودا أملي من ربنا ودا هدفي فعلا ً يا منة وربنا اعلى واعلم وربنا ييسر إمورك يا رب ويبارك في عمرك ويسعدك في كل خطوة ولحظة ودعوة ويجعل الرضا رداءك والجنة داراك والسرور مقامك اللهم آمين يا رب العالمين 14_ كلمة أخيرة من دمعة حائرة ؟ انا سعيدة جدا بالدعوة دى وبرغم ان الاسئله كتير لكن كانت متنفس كبير ليا قدرت اتكلم بصراحه وبمنتهى الراحه بدون اى ضيق واتمنى من كل الاعضاء يحافظوا على المنتدى وعلى روح الاخوة بينهم ويبعدوا عن اى صراع وخلاف بيحول المكان من مكان راحه واستفادة لصراع وابادة لكل حاجه حلوة جوانا وكانت بتجمعنا شرفتيني جدا جدا جدا ربنا يسعدك يا رب ويبارك في عمرك يا اختي يا رب شكرا خالد على الدعوة واتمنالك التوفيق دايما

[العاشق الذى لم يتب]

اأخويا الغالى والحبيب خالد
كم يحزننى ويألمنى كلمة مسافر منك

لكن لك الله يحفظك فى حلك وترحالك

وتعود لنا مجبور الخاطرفرح سعيد
ونلتقيك على خير
أختى منة والذى نفسى بيده ماعززت أحدا هنا بقدر معزتى لها وأحترامى بها
كم أستشعر غصة وحزن مستتر أراها خلف السطور حينما أجدلهادرة من دررها التى تنثرها وماأكثرها
رفع الله عنك أختى كل هم ومكدر صفو
تابعت الحوار بدقة وعناية

وكم وجدت العقلانية والصراحة فى أقوالك
وفقك الله دوما
سعدت بتواجدى فى معيتكما

مودتى

[فرانكو.هدوء ملك]

معقول هكون اول واحد يرد

طيب مش هطول فالكلام عشان محدش يسبقني

مش جديد علي منه صراحاتها ده الي متعودينه منها

ومش جديد عليك يا خالد انك تعمل حوار شيق وومتع

بجد امتعتوني بارك الله فيكم

تقبلو مروري

[M@HMOUD]

حلقه جميله ومميز
ومنه منورهـ الحلقه
الاسئله والاجابات رائعه
حوار اكتر من رائع
تسلم
بالتوفيق للجميع

[Angel Smile]

اجاباتك متميززة اووى و عجبانى ..
اتمنالك كل خيير يااارب

و عجبنى حسن انتقائك للاسئلة ^^
سلمت يدااك

بالتووفيق بقى ~

[دمعه حائره]

شكرا خالد على الدعوة واظهارها بالشكل الجميل والتنسيق الرائع
ربنا يكرمك ويدوم التواجد الراقى

[حلم عمري]

حوار رائع جدااا
منة منورة الحلقة واجاباتها مميزة جداا وعجبتني كتير
ربنا يوفقها في حياتها وتحقق كل احلامها ياااارب
استاذ خالد كالعادة اسئلة رائعة
تسلم وبالتوفييييق في حياتك يارب وتسافر وترجع بالسلامة ان شاء الله

[Mahmoud Kamel]

استـضـافه جميـله ..
والاجمـل منهـا فعـلا اطـراف الاستضافه
اشخـاص تجبـر اي شخـص علي احترامهـا
اخ خـالد ابدعت والله فِ اسئلتك وتروح وتيجي بالسلامه ان شاء الله
والاخت دمعه شهادتي فيها مجروحـه انسـانه بمعني الكلمه وقمه الاحترام
ومن الموضوع عرفت عنها اكتر ..
دائمـا متميز اخي خـالد
أحترامى

[ابراهيم دياب]

حوار كالعادة خالد ممتاز

والمرة دى مع واحدة من المع نجوم المنتدى الاخت الفاضلة منه

حوار شيق استمتعت به والله

محاور شاطر جدا وضيفة لبق جدا ومثقفة وردود واعية بحساب طبعا

بجد محاورة راقية من جميع النواحى

وكلمة لك اخيرا اخى خالد

ربنا يوفقك فى سفرك طالما فى صالح شغلك وبيتك

وتقبلى تحياتى

ابراهيم دياب

[عاشقة الهدوء]

أيه الجمال ده بس حوار راااقى لآبعد الحدود
مع ضيفه ومذيع قمه نفتخر ونعتز ونتشرف بهم
أستمتعت جدا معاكم اسئله متمكنه ياخالد وراقيه ومميزه
وأجابات منك يامنه أنيقه وصائبه فى الصميم وأسلوب متألق
نورتى ياقلبى ومتشكره على كلامك فى حقى ودايما بدعيلك ياحبيبة قلبى
ربنا يحفظك ويسعدك ومايحرمنا منك أبدا ولك المثل ياخالد أيضاًُ
مووفق داائما ومتألق بضيوفك فلا تحرمنا من جديدك أحترامى لكما وأجمل تقييم